وتسألني ملامحهم

[غدا يوم أخر]

http://i33.tinypic.com/711tg7.jpg

ووتسألني مَلامِحْهم

وذِكْرَاهُم

وتخْفضْ لِي جَنَاحْ الهَمّ

يْعَزْف الضِّيْقْ فِيْ صَدْرِي

ويمْلاَنِيْ

صدَى غِيَّابْ

تَرَا [ كِذْبَة ] إِذَا قَالَوْا :

ـــــــ [ إِذَا ضَاقْ الفضَا بِكْ غَنْ ]

خَذَتْ صُوْتِيْ أَغَانِي الرِّيْحْ

وهَذَا الضِّيْق مِنْ يُوْمَه

تُوَحَّدْ بِيْ

وْغَنّانِيْ

وأَلْقَانِيْ ..

عَلَى ذِمَّة جفَافْ وْلِيْل ..

أَنَادِيْ مِنْ وِرَا صُوْتِيْ

عَلَى أحْبَابِيْ

ومِيْلادْ السَّهَر يرسِم

حَكَايَاهُم

عَلَى بَابِي

وَأَنَا مَـ اعْرِفْ

طرِيْق الصُّبْح فِيْ عِيْنِيْ

وَلا شَكْل السِّمَا وشْلُوْن

وهُمْ يدْرُوْن

- والعُهْدَة عَلَى ظَنِّيْ -

بِأنِّيْ – وإنْ كتَبْنِي الصَّمْتْ -

/

أَدَوّرْ فِيْ هَجِيْرِيْ ظِلْـ

ـــــــ يصُبّ العشْبْ مِنْ مزْنِيْ


وَأَأشِّرْ بَآخِرَ أطْرَافْ الْـ

ـــــــ جِيَاعْ اللِّيْ مَلَوْا حزْنِيْ :

عَلَى صَدْرِيْ

هِنَا بَعْض الكَلام يشِيْخ

هِنَا كِلَّ البلادْ الغَايْبَة

تِقْرَا مَلامِحْهَا

عَلَى وَجْهِيْ

وتِهْجِرْنِيْ الأمَانِيْ والقصَايِدْ لِيْنْ

ــــــ أَحِسّ إنّ السِّمَا بالضِّيْقْ مزْدَحْمَة

وفِيْ كَفِّيْ : [ رَغِيْفْ وْ مَوْعِدْ وْ إِسْمِيْنْ ]

ــــــ أَقَاسِمْهُمْ جِفَافِيْ وَأنْتِظِرْ ( رَحْمَةْ سَحَابْ ) يْمَرِّرْ بصَدري مطَرْ تشْرِيْنْ

ــــــ يهِزّ اليَاسْ مِنْ جِذْعَهْ وْيِقْتَحْمَهْ

ويَاخِذْنِيْ المسَا مِنِّي

ينَادِيْ كِذْبَة الأحْلاَمْ

وأنَا مِنْ عَامْ

أَجُوْب الحلْمْ

ويتْكَسَّرْ طرِيْقَهْ تَحْتْ أًقْدَامِيْ

ولا أَعْرفْ

أَدَارِيْنِيْ



منقوله ..

اهداء لشخص مازال يقرأ ملامحي بصمت ..... له طوق من الياسمين

http://www.ym3a.com/vb/images/smilies/c05.gifhttp://www.ym3a.com/vb/images/smilies/c05.gif

[ملائكيه]

انتقاء رائع لاهنت
يعطيك العافيه
طابت اوقاتكك

[وردة الجوري]

https://encrypted-tbn3.gstatic.com/images?q=tbn:ANd9GcTbnvVD9LCwilKBZMjkgR-k1NrOg4O3te8_6KH0Rt3OtlWjn7Id

[صدى الملاعب]

انتقاء جميل جدا


اشكرك اخوي غدا يوم اخر