مديت قلبي يوم مديت يمناك

[المهاجر]

ابشر بقلب مايبي غير طرياك
وابشر بعين ماتبي غير شوفك

وابشر بحب لوقسى الوقت يرعاك
وابشر بروح من غلاها تحوفك

ابشر وكل اللي تبي يالغلاء جاك
أمر عسى درب المنايا يعوفك

ياصاحبي يشين وقتي بليك
لاصار ماينطق لساني حروفك

ان غبت عني يذبح القلب فرقاك
وان جيت يمي عانقتني طيوفك

امشي على كيفك على شان دنياك
واساير أيامك واقدر ظروفك

من كثر ماخوفي على قلب ينساك
سلمت لك قلب الغلا في كفوفك

مديت قلبي يوم مديت يمناك
ولعبت لك عرضة ورقصت سيوفك

لأجلك ازعل باقي الناس لرضاك
وان مت تكفى يدفنوني بجوفك

لوتجرح قليبي وتكثر خطاياك
أرقد وآمن أمن الله خوفك

اليا قسى وقتك وشانت نواياك
قلي واموت برغبتك ومعروفك

قد قلت لك ياصاحبي ماقدر أنساك
حلف على روحي أبد ماتعوفك

[ابو شلاخ]

رائعه لابعد الحدود

جميل جدا مانثرته لنا

تحيتي لك

[وجه الغياب]

رائعــــــــــــــــه

صح لسان شاعرها وسلم ذوق ناقلها

دمت على الود

تحياتي لك

[شِيخةّ الغِيد |❥]

المُهآجِر
أبيات تزخر بالمعاني والـأحاسيس الجميله
وتنثر شذى الروعه والانجسام
كلمات لاتفيها حروف الشكر
دمت بكل خيير يـا غالي
ودام ذوقك ينزف اعذب ما لديه
بين طيات هذه الواحة
في شوق مستمر لحروفك ونزفك ...*