وشـ كنا نقول ؟!

[حسن آل مشرف]

جا يسولف ماسمعته قلت عيد اللي تقول
قال وينك ماانت يمي وين سارح يالحبيب ؟!

قلت سارح في زوايا نظرة الطرف الخجول
نظرة عيونك خذتني لآخر حدود المغيب

لارفعت الرمش غصبا . كن به ثقل وخمول
قلت انا وشلون ماارحل* واهجر الواقع واغيب

ولانزل بشويش كنه ورد* يغشاه الذبول*
قلت شكرا يازماني والف شكرا للنصيب*

في حورها سر غامض صعب تلقى له حلول*
والاكيد اني فهمته بس احس انه غريب*

قال ياعمري تمنى .. قلت هاللحظه تطول
قال واجمل شي فيها ؟قلت يوم انك قريب**

واجمل جروحي جروحك واطلب الله ماتزول
مع مرور الوقت طابت او عساها ماتطيب

بعد هالكلمه سكتنا .. قلت وش كنا نقول ؟
قال مدري .. كنت سارح في* كلامك يالحبيب

حسن آل مشرف

[عشيري]

الله الله الله
نص شاعري مليء بالصورة الرائعة
راق لي كثيرا هذا النص

شكرا بحجم السماء

[الشفق]

ونحن سرحنا مع هذه الاهزوجه
صح لسانك حسن ال مشرف
مبدع بلا حدود لا فض فوك

تقييمي و*****
ومودتي
،
الشفق

[الاعصار]

صح لسانك حسن نص جميل يعطيك العافيه

[سهم المحبه]

نص جميل ورائع شاعرنا الكبير حسن ال مشرف
صح لسانك وفكرك الراقي الجميل
تسلم بارك الله فيك

[اوركيد]

في حورها سر غامض صعب تلقى له حلول*
والاكيد اني فهمته بس احس انه غريب*


الأختلآف وَ الصور الشعريه وَ موسيقى الحرف ..

تجعلك تغرّد مختلفاً وَ مُبدعاً ..

لـ ذلك متميّز دوماً فـ صح اللسآن وَ طاب هذا الحسّ وَ البنآن ..

[صاحبة الفخامه]

صح لسانك حسن ال مشرف
قصيده جميله يجمال حضورك

[ملائكيه]

صح لسانك حسن ال مشرف
ابيات رائعه
طابت اوقاتكك