المهاجر
10-16-2011, 12:37 AM
غابت ثمان سنين حلن وترحال
راحت ثمانٍ كلها مدلهمـــــــه
قضيتها بالحب والشوق رحال
شوقٍ تحدى كل ياسه وهمــه
وعقب الثمان اللي تعبها برى الحال
جاب الزمان الكارثة والمطمـــــــة
جاني ولدها يبتسم بين الاطفال
ومن بسمته ذكرت أنا بسمة امه
وركضت له دمعي على الخد همال
ومن كثر شوقي قمت بلحيل اظمه
ساعة حضنته والطفل في يدي مال
شميت ريحتها على اطراف كمه
واستلهمت نفسي مقاديم الأهوال
وتم الضياع واكدت لي متمه
ليت الغياب اللي شغل غربتي طال
ولا دور العاشق على حرق دمه
واليوم بنت الناس في بيت رجال
وحب على غير الشرف لي مذمه
مجبور اعود واشتكي كل الأميال
بنفسٍ حزينه كائبه مستهمـــــــه
يرجع غريبٍ سكته بر ورمـــــال
يموت .. يحيا .. يندفن .. ما يهمه
مختارة
راحت ثمانٍ كلها مدلهمـــــــه
قضيتها بالحب والشوق رحال
شوقٍ تحدى كل ياسه وهمــه
وعقب الثمان اللي تعبها برى الحال
جاب الزمان الكارثة والمطمـــــــة
جاني ولدها يبتسم بين الاطفال
ومن بسمته ذكرت أنا بسمة امه
وركضت له دمعي على الخد همال
ومن كثر شوقي قمت بلحيل اظمه
ساعة حضنته والطفل في يدي مال
شميت ريحتها على اطراف كمه
واستلهمت نفسي مقاديم الأهوال
وتم الضياع واكدت لي متمه
ليت الغياب اللي شغل غربتي طال
ولا دور العاشق على حرق دمه
واليوم بنت الناس في بيت رجال
وحب على غير الشرف لي مذمه
مجبور اعود واشتكي كل الأميال
بنفسٍ حزينه كائبه مستهمـــــــه
يرجع غريبٍ سكته بر ورمـــــال
يموت .. يحيا .. يندفن .. ما يهمه
مختارة