شكلين مابحكي !!

[حسن آل مشرف]

كل عام ورواد وزوار واعضاء شفق بالف صحه وخير


ــــــــــــــــــــــــــــــــــــــــــــــــــ ـــــــــــ


ياغزال الشام ياالموت الحمر
ياالخدود اللي مع الورد ارتوو

لب قلب الشام بدوان وحضر
يافديت الشام حضران وبدو

يابداية نجم للقمه ظهر
يانهاية من على القمه بدو

ارحم اللي بعد ماتحضر حضر
واعذر اللي يوم طبيت اختفو

اترك اللي كل ما جيت انقهر
واشكر اللي صفقولك واهتفو

ياقهرهم ،، احترق دم البشر
ياضماهم ،، انقطع حبل الدلو

انت فوق الكل ياكل النظر
يشبهوك الغيد ؟!لاوالله يهبو

يعني زينك بالمفيد المختصر
من علوٍ . في علوٍ . في علو

الكواكب ,, والثريا ,, والقمر
ناظروا في نور وجهك واستحو

التميز ،، والفخامه ،، والسحر
غادرو لارحت وان جيت اقبلو

والقصايد،، والمشاعر،، والشعر
باتصالك يوم دقيت احتفو

مانبي عشق الرسايل والصور
يكفي اذني بس لوكلمة آلو

وين الاقي عن مطاليبك عذر
وكيف اقصّر وانت خابرني كفو

لوطلبت العمر يفداك العمر
وش تبي اكثر ؟! تدلل ياحلو

انت بس اطلب وامرني امر
قال قلّد لهجتي قلت ابشرو

ماحزرت بنوووب ياعمري فشر
قلت هيك؟؟وقال من مثلك منو

قلت لجلك بس تئبرني ابئبر
والا انا شكلين مابحكي .. ولوو

حسن آل مشرف

[الشفق]

صح لسانك حسن ال مشرف
وعيدك مبارك
ارى النص يستحق اعادة القراءه
لي عوده

[اوركيد]

حسن آل مُشرف ..

كلّ عآم وَ قصيدك يضيء عتمة الشعر ..
وَ يتفرّد نحو التميّز لـ يصبح اللغه المُخلدّه بين نبضْ القوافي ..

فـ صحّ اللسآن وَ طآب البيان ..

[سهم المحبه]

وين الاقي عن مطاليبك عذر
وكيف اقصّر وانت خابرني كفو

هههههههههههههههههه

كفو وكفو وكفو وراسك مرفوع ابو أحمد
صح لسانك وفكرك الراقي والمميز
قصيده ولا اجمل ولا أروع تستحق كتابتها بماء الذهب

وأعلى تقييم وتوشم بختم التميز
مع اجمل الامنيات .

[الشفق]

عدنا
نص من الجمال بمكان
راقتني الفلسفه الشعريه وترابط فكرته

صح لسانك حسن بلاعدد
وعاد عيدك

تقييمي ومودتي
،
الشفق

[اماااني]

صح لسانك ال مشرف
دمت بخير

[صاحبة الفخامه]

حسن ال مشرف صح لسانك رائع واكثر
تقبل مروري

[عبد الرحمن الحازمي]

صح لسانك آل مشرف مبدع كالعادة