ما بعد الرافعة

[عبدالله العطافي]

ما بعد الرافعة

شتان بين 11 سبتمبر وبين
اطهر مكان اللي بقولك عنيته

من فين جبت مقارناتك ومن فين
وين الأساس اللي بزعمك بنيته

ودك تقول السن والعين بالعين
لكن خبت ومطمعك ما لقيته

هذا هدفك وذاك تفكيرك الشين
وهذا قلمك اللي بيدّك لويته

أخطيت ثم أخطيت مرة وثنتين
وحتى تواصلنا بحقدك مليته

ما به علاقة بين موت المصلين
وأهل الكتاب وقصدك اللي نويته

وحنا بشر والله خلقنا من الطين
وآجالنا بأمره وحكمه (رضيّته )

ناسٍ قضوا في أبراجهم بعد الألفين
لو كنت أعرف اللي قتلهم نهيته

والله لطف واللي حصل قبل يومين
مكتوب والمسلم حزنت وبكيته

والفرق شاسع جِد بين المكانين
واليوم ما أعجبني كلامٍ قريته

مكان في أمريكا سقط فيه برجين
وهذا حرم ربي وحجاج بيته

من مات منهم في بلاد الحرمين
ما اكرمك يا ربٍ بفضلك عطيته

أعطيته المطلوب في الماقف الزيين
نحمدك يا من للشهادة هديته

وموتٍ مثل هذا لجمع الملبين
لو ينُشرى بعت الحلال وشريته

[الشفق]

رحم الله اولئك وجعلهم في جنات النعيم

صح لسانك عبدالله العطافي

نص اكثر من رائع واوفى فكرته
فشكرا لسمو حرفك ..

ودام لنا حضورك البهي

تقييمي و*****
ومودتي
،
الشفق

[هلاليه]

صح لسانك العطافي قصيده رائعه
دمت بود

[الاسطـوره]

صح لسانك ابدعت شاعرنا

[اوركيد]

شآعر بني سليم ,,

صحّ لسآنك وَ طاب فكركْ وَ خاب دجلهم وَ افكهم ..

كفيّت وَ وفيّت بـ وصفك وَ حرفك ..


لآنضبت يآ عطاء ..