المساعد الشخصي الرقمي

مشاهدة النسخة كاملة : رفعت كفي .. ماقدرت ارفـع الصـوت


ابو شلاخ
01-10-2012, 04:43 PM
رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما.. بنيت بيـوت وبيـوت وبيـوت
اليوم.. كـم بيـت ٍ بنيتـه .. هدمتـه

أبو رنيم
01-10-2012, 06:40 PM
يسلم حسك ابو شلاخ
كم انت ر ائع
وفقك الله
ودي

جدار الصمت
01-10-2012, 07:10 PM
يسلم ذوقك

اخي ابو شلاخ

حازت على رضاي بشده

تقبل مروري وتقديري

جدار الصمت

شِيخةّ الغِيد |❥
01-10-2012, 07:20 PM
ابو شلـآآخ
رائع كما عهدناك دائماً
رسمت لنا بأناملك الرقيقة
لوحة من فيض المشاعر
خالص الود مع عبير الورد
أرق المنى ...||~

ابو سديم
01-10-2012, 07:53 PM
روعه
كل الشكر لك
تحيتي