وجه الغياب
10-17-2011, 08:53 PM
الشمس لا ودعت يكتب عزاها الشفق=بحروف تقرا خيوط الليل مضمونها
عادة الاشجار تهدي للخريف الورق=وتبقى حزينه تصيح الريح بغصونها
هي المحبه كذا من قال بلوى صدق=مرات ياصعبها مرات ياهونها
يموج قلبي ليا بان القمر وادرق=بالغيمه اللي فضح لون القمر لونها
ياخد يا مصطبح بالنور يا مغتبق=سولف لمفرق نحرها وجد مضمونها
ياهيه سولف لشلال الشعر لاندلق=اليا استجن الهبوب وداعب متونها
الله خلق لكن الله بين خلقه فرق=عينتني يوم باحت لي بمكنونها
قام الخفوق يتفلت بالضلوع وخفق=من يوم ذاب السكات وسال بعيونها
تنعس بليا نعاس وجفنها مانطبق=تهز ليل الرموش وتنثر فنونها
وانشّد الليل والسارق عن اللي سرق=والوم ليلى على تعذيب مجنونها
أخمر حديهم وسدد بندقه وانفهق=وفزت من الذعر واقفت قبل يرمونها
هذا هو الريم لامن فز ما يلحق=وبعد الخريعه حشا ما عاد يلقونها
للشاعر متعب المطلق الركابي
عادة الاشجار تهدي للخريف الورق=وتبقى حزينه تصيح الريح بغصونها
هي المحبه كذا من قال بلوى صدق=مرات ياصعبها مرات ياهونها
يموج قلبي ليا بان القمر وادرق=بالغيمه اللي فضح لون القمر لونها
ياخد يا مصطبح بالنور يا مغتبق=سولف لمفرق نحرها وجد مضمونها
ياهيه سولف لشلال الشعر لاندلق=اليا استجن الهبوب وداعب متونها
الله خلق لكن الله بين خلقه فرق=عينتني يوم باحت لي بمكنونها
قام الخفوق يتفلت بالضلوع وخفق=من يوم ذاب السكات وسال بعيونها
تنعس بليا نعاس وجفنها مانطبق=تهز ليل الرموش وتنثر فنونها
وانشّد الليل والسارق عن اللي سرق=والوم ليلى على تعذيب مجنونها
أخمر حديهم وسدد بندقه وانفهق=وفزت من الذعر واقفت قبل يرمونها
هذا هو الريم لامن فز ما يلحق=وبعد الخريعه حشا ما عاد يلقونها
للشاعر متعب المطلق الركابي