شعيب الهم

[صاحبة الفخامه]

(شعيب الهم)

هذا المدى طال وسنين الوصل ممحلـه
يبست مواعيد واخّضرت فروع النـوى..

طلح الشقايا شعيب الهـم ليـه اسئلـه
دام الشقا في غصونه مـورقٍ مـاذوى..

صحيح دمعي ونزف الجرح قـد سيلـه
البارحه سال قلت: اشوى غديه ارتوى..

وشلون يروى؟وسيل العـام مـابلله!!
وش عاد لو سال باكر دام سيله سوى..

تعبت اشوف(النهار)...الليل يتسربلـه
والنوم غادي وذيبٍ بالمحانـي عـوى..

وايدينـي اللـي بقـل الحيلـه مكبلـه
ان قلت:هانت يرد الجرح:مالك لـوى..

حزن الفرح باد ثوب الهـم مـا بدلـه
مليت جمر ٍ طويل الصبر منه اكتـوى..

كيف؟؟ اجمع الشوق بغيابه وألم الولـه
تعبت اجّمع شتات الجرح وين الدواء؟؟

نخيت حظي بغيت الطيـب والمرجلـه
ثره:ردي ٍ بخطواتـه تعثر..ثـوى..

الله لا يرحـم فـراقـه ولا يــحلله
لامن طرالي يشق العين ملـح الجـوى..

واللي عطاه الدلال وصـار قبلـة هلـه
انه نبت في خفوقي من عروقـي روى..

حدثت قلبي وقلـت: العلـم قال:ازهلـه
عز الله انه بحبه يـوم شافـه نـوى..

والله لـاحبه واضم الجرح واستقبلـه
مدام روحي تشمه فـي حياتـي هـوى..
راقت لاختكم
صاحبة الفخامه

[أبو رنيم]

رائعه جدا سلمت يمينك
مبدعه وفقك الله

[ابو شلاخ]

وراقت لنا ايضا

سلمت يمناك على جمال ماطرحتيه


ارق التحااايا

[صاحبة الفخامه]

ابو رنيم
شكرا على المرور
اختك
صاحبة الفخامه

[صاحبة الفخامه]

ابو شلاخ
شكرا على المرور
اختك
صاحبة الفخامه

[حكايه صمت]

ابيات رائعه وجميله..
يعطيك العافيه وسلمت يمينك



دمتي بسلامهـ...

[شِيخةّ الغِيد |❥]

صاحِبةْ الفخآآمهْ
هنا
كانت اَلَحرٌوفْ كـَ اللؤلؤ الَمنثٌور اِزَدان الَمكَان ِبجمالَها
هكَذآ أنتي ياغآليه
تًحلِقين فٌوقْ سمآء الجمآل
شُكراِ لِ قلمكْ وَشذرْات ِعطركْ اَلفواحْ
سِلمتِي َي طٌهر ...

[شلمار]

راقت لي هذه المعزوفه

كما راقت لك

صح لسان شاعرنا

ويسلموا يمين ناقلها


شكرا صاحبة الفخامه

[صاحبة الفخامه]

حكايه صمت
شكرا لمرورك
اختك
صاحبة الفخامه

[صاحبة الفخامه]

معسولة الريق
يسلمو قلبو على المرور الاكثر من رائع
اختك
صاحبة الفخامه

[صاحبة الفخامه]

غالييتي شلمار
يسلمو على المرور
ولا خلا ولا عدم
اختك
صاحبة الفخامه