اشتقت اضمك

[شلمار]

النص الاول بعنوان : أشتقت اضمك
اللى وداعك فيه للحزن مضمون

ما قلت لى وشلون بنسى عذابك
عطرك وبسماتك بطيفي يمرون

وأعيش جو الذكريات برحابك
كني عقب فرقاك للطيف مسجون

وإن جيت أبنسى الطيف عيا صوابك
سببت لى بالبعد قرحه وقولون

ومشاكلٍ بأسباب حضرت جنابك
خليتنى من دون مذهب وقانون

ياليت شيٍ قد سطابي سطابك
حتى تعيش العمر بإحساس مطعون

بإحساسي اللى قبل مده هنابك
يا كيف تنساني وأنا فيك مفتون

وتنسى فوادٍ بالغرام أشتقابك
لاعاد تنشد ضاقت الارض والكون

بالهاجس اللى فى دروبه سرابك
الناس تعشق بس ماهوب هاللون

سرقت قلبي ما حسبت لحسابك
من دون تنشدنى عن الشوق من دون

ناظر لحالي وأنت تعرف جوابك
أشتقت أضمك لاجل أعلمك وشلون

جرح المشاعر نازفه فى غيابك
وكيف الزمن من دون غيبتك مجنون

وكيف الفواد يجيبنى عند بابك
هذا الفراق المر ملعون ملعون

لانه خذاك وعن عيونى غدابك

النص الثانى بعنوان: لبيه

المترف اللى كل ما زان جوه

يتلنى بين الرجا والمشاريه
يقول أنا طفلٍ على الحب توه

وأقول أنا قلبٍ يبي طفل يحييه
يا ناهبٍ قلبي فدلك لهوه

ضمه على قلبٍ يحبه ويغليه
وإلعب وخرب ما تريده بقوه

ما دمت نبض القلب وشلون تذيه
قلبي فداك اللى تبي فيه سوه

وأنا بموت بكل شيٍ تسويه
وأنته تصرف خل عندك جروه

وخدرنى بقولك ليا قلت لبيه
فكرى معك لاجيت يعلن خلوه

وقلبي معك ليا مكانٍ توديه
شاعرك لاجاء الضيق يعلن دنوه

يتذكرك حتى السعاده تباريه
إترك شعّرك يعلمه عن هدوه

وإطعن بعينك كان ودك تصحيه
بيني وبينك بالمشاعر عنوة

وإحساسك الشاعر وحرفي قوافيه
والشاعر اللى فيك ماهو مفوه

يترك مجال الشعر لايشتقي فيه
فى طلتك غيث الغمام وعلوه

والسحر والتأثير والورد والتيه
الذوق فى هرجتك يأخذ سموه

والزين كنك من وصوفك تغذيه
والعطر ماهو عطر يحسب مشوه

لانك بعطرك لاتعطرت تعميه
هذا القمر وألا أنت تعطيه ضوه

ولو تشتهى تطلع مكانه وتلغيه
ما ألوم قلبٍ فيك معلن غلوه

صحيت فيه الشوق وأعذب معانيه
واليوم أنا طالبك لاأجل الاخوه

ولاأجل فوادٍ منحرم من محانيه
أعلم ترا بعدك فوادى عدوه

وأكره كره الزرق وأمل طاريه
وأحرص دخيلك خل عندك مروه

منهو يحبك كيف قلي تخليه

خالد حميد الذيابي العتيبي
منقوووووووووول
شكرا للشاعر خالد

[غازي الفكر]

الله الله الله
ذوق ..ماتع
وشعر ..جزل
صح لسان الشاعر وعافيه للناقل
فالروائع لها اهلها ..بالقول او المنقول
تسلمي ايتها الانيقه على هذا الحضور
فالمتعه اينما تكون متواجده
تقديري واحترامي

[شِيخةّ الغِيد |❥]

مَدائِنْ من الشٌكِرْ ..وَجَنآئنْ الجَوٌري
لهـذآالطرحْ الـأَكّثرَ مِن رَآآئعْ
ذآئِقهّ مٌترَفهْ وَ عذَبهْ
شِلمارْ
صآحِبْة الُحضوٌر المتُميزْ
والع ـَطآء الرَآقي
دآآمتْ إِطلـالتكـِ في سسَمآآءنآآ
ودي..و..وردي
لكـِ ....

[صاحبة الفخامه]

يسلم ذوقك
قلبي شلمار
روعه بروعة حضورك
اختك
صاحبة الفخامه

[حكايه صمت]

ابيات جميله .. احسنتي الاختيار
يعطيك العافيه


دمتي بسلامهـ...