وجه الغياب عاااااااااااااااااااااجل

[الشفق]

تعال قرب ياطويل العمر ياوجه الغياب= بكتب عبارات الثنا سارع عليك إكمالها
لا مانبيها لاخصام ولاعناد ولاعتاب= ابي قصايد من قراها لا قرى غنى لها

[لحن الحياه]

الله الله عليك هزاع
صح لسانك
بنتظار وجه الغياب

[رفيقة الغيمه]

صباح الشعر
الهزاع
ووجه الغياب
يعني اصحاب الامتياز
اكيد بتكون مميزه
متابعه
دمتما بحفظ الرحمن

[شِيخةّ الغِيد |❥]

وَ اخيييييييييييرآ
وجهْ الغيااابْ هوٌنْ <من زمآن ماشفناه بِ محاورهْ
صحح لسانكك
هزآآع
وأكييد بانتظار وجه الغياابْ
وَ منْ ألـحين انا بصفهْ فيِ الحلوهـ وَ المٌرهْ
:36_1_33:

[الشفق]

مراقبتنا الانيقه
لحن الحياه
حيااااااااااااااااااااااااااااااااااك
يسعد اوقاتك بالسعاده

[الشفق]

لصيقة السماء
كما يحلو لمبدعنا جابر ان ينعتك
هلابك
وتسعدنا متابعتك

[وجه الغياب]

يا مرحبا بالشعر والداعي عزيزين الجناب=الكم معزه يا رفيق الدرب محدٍ طالها
من عاند المقصود يا هزاع جعله للذهاب= لكنها ما تستقيم الا على موالها

[جابر السلمي]

وجه الغياب اقرب طويل العمر واسمع ويش جاب
الله الله ياهزاع
معكم لين تغفي العين:)
صباحكم شعر

[الشفق]

الاميره
اهلييييييييييييييييييييييييييييييين
اهليييييييييييييييييييييييييييييييين
حياك
من غيرك مانقدر نسوي شي
دامت اطلالتك

[جابر السلمي]

ما تستقيم الا على موالها
،
كفو يا وجه الحضور

[وجه الغياب]

الله الله عليك هزاع
صح لسانك
بنتظار وجه الغياب


هلا وغلا لحن الحياه

منوره الميدان

[وجه الغياب]

صباح الشعر
الهزاع
ووجه الغياب
يعني اصحاب الامتياز
اكيد بتكون مميزه
متابعه
دمتما بحفظ الرحمن



هلا وغلا رفيقة الغيمه

والامتياز لا يكون الا بحضوركم

منوره

[شِيخةّ الغِيد |❥]

يا مرحبا بالشعر والداعي عزيزين الجناب=الكم معزه يا رفيق الدرب محدٍ طالها
من عاند المقصود يا هزاع جعله للذهاب= لكنها ما تستقيم الا على موالها


يامرحباَ
بِ وجهْ الشعرْ والـأبدآعْ
صح لسانكك وَ قلبكك يالغلـآ

[وجه الغياب]

وَ اخيييييييييييرآ
وجهْ الغيااابْ هوٌنْ <من زمآن ماشفناه بِ محاورهْ
صحح لسانكك
هزآآع
وأكييد بانتظار وجه الغياابْ
وَ منْ ألـحين انا بصفهْ فيِ الحلوهـ وَ المٌرهْ
:36_1_33:


هلا وغلا معسوله

وش نسوي بالهزاع مصمم الا محاوره

تسلمين وبارك الله فيك

تحياتي لك

[وجه الغياب]

وجه الغياب اقرب طويل العمر واسمع ويش جاب
الله الله ياهزاع
معكم لين تغفي العين:)
صباحكم شعر


هلا بك

منور الله يحييك

تدري ما ودك تكمل مع بن هزاع

<<... يدور على الفركه

حياك المولى

[الشفق]

الله يجنبنا من الويلات واصناف العذاب= ياويل حالي من جهنمها وقيد اغلالها
مير انت قلي تلبس الغتره او تبدلها بكاب= اعرفك ياراع الحيل محتال يا محتالها

[الشفق]

هلا وغلا
بجابر الشعر
حياك تو ما انورت
لا هنت

[وجه الغياب]

انا على خبرك عقيد القوم فكاك النشاب=ما ابدل الدسمال لا يمكن نهين اعقالها
خابرك تبغاها مدايح قمت ترمي بالحراب=تبغى توقعني وانا محظور في جوالها

[حسن مدهش السهيمي]

السلام عليكم ورحمة الله وبركاته
خلصتوا
وإلا باقي
آخر رد قصف
أظن وجه الغياب
ما قام بعدها
هيا دوروه
ههههههههههههه
أسعدكم الله جميعا

[حسن مدهش السهيمي]

انا على خبرك عقيد القوم فكاك النشاب=ما ابدل الدسمال لا يمكن نهين اعقالها
خابرك تبغاها مدايح قمت ترمي بالحراب=تبغى توقعني وانا محظور في جوالها


ول
ول
ول
وبدأ التنقيب
والله يستر لا يكون انفجاااار
وجه الغياااب
صدقت
وصح لساااانك مليون
بصفك \
بن هزاع ما أحبه من زماااان
هههههه

[حسن مدهش السهيمي]

ويييييييين الناس

نتموااااااا

الشعاااار تضاربوا

من يفك بينهم

هههههههه

[وجه الغياب]

هلا وغلا ابو مدهش منور

الله يحييك حتى ترضى

والله يعين على بن هزاع

سرى علينا ما وده ننام بدري

[شلمار]

السلام عليكم

وجه الغياب الاستاذ القدير

والاستاذ الهزاع

منابع الحروف وابداع نزف الاقلام

متابعه لاروي ضمأي من مطر سحايبكم

متااااااااااااااااااااااابعه

[حسن مدهش السهيمي]

جاااااااااااااااابر السلمي

ويييييييييينك ولّعتها ومشيت

هههههه

[الشفق]

نعمين وشهودك كثر بعيدها والا قراب= الكلمه اللي قلتها لك من سبقني قالها؟
دربك خطر في به مطبات وتحاويل وعقاب= خلك بحالك والعرب من حالها في حالها

[سهم المحبه]

أمتاع ولا أروع .. تسلم ابو نايف بارك الله فيك وصح لسانك

تسلم أبو زياد بارك الله فيك منور وصح لسانك ويا هلا بك

ليله سعيده ان شاء الله وأمتاع كبير جدا .


أهلا بالغالين جميعا الحضور وحياكم ويسعد مساكم

[الشفق]

المدهش
حياك يالغالي
واكتملت السعاده
باطلالتك
حياك حتى ترضى

[حسن مدهش السهيمي]

هلا وغلا ابو مدهش منور

الله يحييك حتى ترضى

والله يعين على بن هزاع

سرى علينا ما وده ننام بدري
حيا وتدوم يا الغالي

الله لا يهينك

اعجبتني في

أبو نااايف
هههههههه

[الشفق]

شلمار
مرحبا مليارررات
حياك
اقول المتصفح منووور
اثاري شاعرتنا فيه
حياكلحد الرضا

[الشفق]

سهم المحبه هلا وغلا
تم اسفرت وانورت
حياااااااااااااااااااااااااااااااااك
يالغالي

[سهم المحبه]

تسلم ابو نايف بارك الله فيك
دام وجودك .. وليله سعيده ان شاء الله

[حسن مدهش السهيمي]

نعمين وشهودك كثر بعيدها والا قراب= الكلمه اللي قلتها لك من سبقني قالها؟
دربك خطر في به مطبات وتحاويل وعقاب= خلك بحالك والعرب من حالها في حالها

أبو ناااااااايف
اللي قدامك وجه الغيااااب
هيا بلاك من اللف والدوران
دربك خطر في به مطبات وتحاويل وعقاب
خلك بحالك والعرب من حالها في حاااالها

مااااااااااااا أجملك

[الثلج الساخن]

يسرني الشعر اللي كنه وبلن من سحاب
أقولها أنا هنا بشفق والكل قبلي قالها

[حسن مدهش السهيمي]

المدهش
حياك يالغالي
واكتملت السعاده
باطلالتك
حياك حتى ترضى
لا حرمنا الله جمال روحك
أبقاااك الله وأسعدك
ابعد عني ما احبك
هههههههه

[شلمار]

وينك وجه الغياب وين غبت

الناس نامت

[الشفق]

الثلج الساخن
حياك يالغالي
منوووووووووووووووووووور

[وجه الغياب]

الدرب سمحه يالخوي واحنا على قد الصعاب=والزاد واجد والبيارق في النهايه فالها
ذكرتني يوم المقفي قام يعثى في الزهاب=عود علينا مل يا هزاع من ترحالها

[الشفق]

ابو مدهش
اقول اهجد
بس خل المحارش عنك
ههههههههههههههههههههه

[الشفق]

شلمااااااااااااااااااار
خفي ع الرجال
شفيك
ههههههههه

[شلمار]

شلمااااااااااااااااااار
خفي ع الرجال
شفيك
ههههههههه


دورك يا استاذ هزاااااااااااااااااااااااع ما تبيت

[وجه الغياب]

سهم المحبه

هلا وغلا بك منور الله يحييك

[وجه الغياب]

هلا بك شلمار

منوره المحاوره

[الثلج الساخن]

وجه الغياب يا هزاع اشوف الليل معكم طاب طاب
والنفوس متشوقة للقصايد في حضور اسيادها

[حسن مدهش السهيمي]

الدرب سمحه يالخوي واحنا على قد الصعاب=والزاد واجد والبيارق في النهايه فالها
ذكرتني يوم المقفي قام يعثى في الزهاب=عود علينا مل يا هزاع من ترحالها

بطني يعورني
وبن هزاع ما حس ههههههه
ذكرتني يوم المقفي قام يعثى في الزهاب
عوّد علينا مل يا هزاع من ترحالها
إإإإإإإإيه
ما اصعب الترحااااال
ألحق يا بو نااااايف
المسالة فيها هجرة وعودة
والحنين بقلبي
وجه الغياب
صح كلك يا جزل

[سهم المحبه]

مل يالهزاع من ترحالها .. تسلم ابو زياد ..
وعلى مثل هذا المنوال كيل وسيلك ما ينكال . صح لسانك

[عبد الرحمن الحازمي]

بن هزاع وجه الغياب صحيتم ووفيتم صبحاتكم شعر ودمتم سالمين

[الشفق]

في ناس ودك من غباها لو تلبسها نقاب=ياشينها لا من تذاكت والغبى حمالها
عاشت على شط الغدر وامست على باب الكذاب= وش ترتجي منها عساها القوم واعزا لها

[حسن مدهش السهيمي]

سهم المحبة
سلم لي على روحك
ورح لبيت أبو نااايف
أظنه سرى حافي
يوم سمع بالترحال
هههههه

[شلمار]

ان كنت انا ووجه الغياب اصحاب.... ترى نور جبين الهزاع فالها

وان مات الصدق عن الصدق ما تاب .... تغني الرجال موال حالها

ههههههههههههه
هذا اللي طلع معي وانا انتظركم هههههههه

[الشفق]

سهم المحبة
سلم لي على روحك
ورح لبيت أبو نااايف
أظنه سرى حافي
يوم سمع بالترحال
هههههه
ههههههههههههههههههه
لالا
ماهو صحيح
لا رحت حافي ولاشي
ههههههههههههههههههه

[شلمار]

في ناس ودك من غباها لو تلبسها نقاب=ياشينها لا من تذاكت والغبى حمالها
عاشت على شط الغدر وامست على باب الكذاب= وش ترتجي منها عساها القوم واعزا لها



جميل جدا متابعه

[الشفق]

ان كنت انا ووجه الغياب اصحاب.... ترى نور جبين الهزاع فالها

وان مات الصدق عن الصدق ما تاب .... تغني الرجال موال حالها

ههههههههههههه
هذا اللي طلع معي وانا انتظركم هههههههه
صحيتي شلمااار
سلم راسك
اجل خليك مع وجه الغياب
كملمو
<<<<<<< بينسحب جت له فزعه
ههههههههههههههههههههههههههههههه

[حسن مدهش السهيمي]

في ناس ودك من غباها لو تلبسها نقاب=ياشينها لا من تذاكت والغبى حمالها
عاشت على شط الغدر وامست على باب الكذاب= وش ترتجي منها عساها القوم واعزا لها

ليه .. ليه .. ليه ..
يا بو نااايف
كذا
غباء وغدر وكذب
بقي تقول زور
هههههههه
صح كلك ولا هنت
ويجيك العلم واافي من
وجه الغياااب
صح كلك ولا هنت

[شلمار]

صحيتي شلمااار
سلم راسك
اجل خليك مع وجه الغياب
كملمو
<<<<<<< بينسحب جت له فزعه
ههههههههههههههههههههههههههههههه


ههههههههه

يسعدك ربي خيوووو الهزاع

هيهات بين الثريا وا الثريا

انا فين وانت فين

والعين ما تعلى على الحاجب

[سهم المحبه]

سهم المحبة
سلم لي على روحك
ورح لبيت أبو نااايف
أظنه سرى حافي
يوم سمع بالترحال
هههههه

يسلم راسك ابو مدهش وسلامك وصل سلمك الله ورعاك
بيت ابو نايف عامر ان شاء الله بكل خير .
ومجرب شديد حيل وتشوف ..
لا أدافع وانت أخبر به مني .
عينان في رأس انت وابو نايف راعكما الله

يسعد صباحك اخي الكريم بأجمل ورود الجوري والفل والكادي

[وجه الغياب]

من بين كلمات التذاكي صدتها وسط الخطاب=حللتها في وسط موضوعه وخدمه جا لها
لكن قلي لو غلط وش تصدر بحقه عقاب =اشوف تقطع دابر الفتنه تقص احبالها

[الشفق]

بن هزاع وجه الغياب صحيتم ووفيتم صبحاتكم شعر ودمتم سالمين
هلا وغلا
بالغالي
عبدالرحمن
الحازمي
حيااااااااااااااااااااااااااك

[وجه الغياب]

الحازمي

الله يحييك .. منور

[شلمار]

للهزاع


ان طاب لك تنسحب انسحابك لي ما طاب....... وحنا للكرم كرم وجمالنا تشيل حمالها
والهزاع حصن الوطن ما اعتقد ظني خاب..... والرجال للوطن سلاحها وراس مالها

[سهم المحبه]

تسلم بن هزاع .. تسلم وجه الغياب .. متابع بسعاده بالغه

جميل جدا جدا صحت ألسنكما وبارك الله فيكما .

[عبد الرحمن الحازمي]

من بين كلمات التذاكي صدتها وسط الخطاب=حللتها في وسط موضوعه وخدمه جا لها
لكن قلي لو غلط وش تصدر بحقه عقاب =اشوف تقطع دابر الفتنه تقص احبالها



يحيكم ربي بن هزاع وجه الغياب صح لسانك متابعين

[الشفق]

له عندنا سيفٍ بريعٍ مايوفر له رقاب= كم من رقابٍ قبل هالمذنب بحكمي طالها
ماهو بصاحب ردةٍ لالا ترى ما يُستتاب= ناسٍ تجازى يالخوي كله بسب اعمالها

[حسن مدهش السهيمي]

بن هزاع
جدتي جنبي
وسمعت المحاورة كلها
وقالت حشى با بن هزاع ما هو صاحي
وحملتني أمانة
رد
تسمحوا لي انزله
بس لا تقول ضف وجهك أنت وجدتك
وتعرف وش تسوي فيك
هههههههه

[السيد]

يا الله طلبتك ياجليل الملك يامنشي السحاب
0000 تحفظ لنا آل سعود شجره نستظل اظلالها

تجنبوا زيف الكلام منتم من اصحاب الكذاب
0000 تعبنا في هرج البشر وكذابها واخطالها

[سهم المحبه]

أستئذان رائع وجميل ابو مدهش .. وأعتقد ما أحد يمانع
بن هزاع الموافقه من عندك أنت وابو زياد .. وش رأيكم

[سهم المحبه]

مرحبا هيل ابو فايز منور ويسعد صباحك ..
أرحب وحياك الله .

[الشفق]

للهزاع


ان طاب لك تنسحب انسحابك لي ما طاب....... وحنا للكرم كرم وجمالنا تشيل حمالها
والهزاع حصن الوطن ما اعتقد ظني خاب..... والرجال للوطن سلاحها وراس مالها

هزاع ياشلمار ضنه فيك ما والله خاب=يالشاعره يالكاتبه يا الحره اخت ارجالها
انتي حقيقه واقعه منتى خيالات وسراب= يمناك تكتب مادرت باللي اكتبته شمالها

[وجه الغياب]

مخدوم احطم منزله وآخلي ادياره خراب=سويتها من قبل والظاهر باعيد افعالها
ابانشدك عن سالفة مرسال من بعض الصحاب=يقلون بيخونك واقص ايدي قبل ما اسعى لها

[أبو ريان اللحماني]

السلام عليكم طاب مساؤكم وصحت ألسنتكم

[الشفق]

بن هزاع
جدتي جنبي
وسمعت المحاورة كلها
وقالت حشى با بن هزاع ما هو صاحي
وحملتني أمانة
رد
تسمحوا لي انزله
بس لا تقول ضف وجهك أنت وجدتك
وتعرف وش تسوي فيك
هههههههه

ما تستاذن انت
تامر امر ابو مدهش
والله يحفظها جدك يارب
ابركت الساعات يالغالي
تفضل

[عبد الرحمن الحازمي]

له عندنا سيفٍ بريعٍ مايوفر له رقاب= كم من رقابٍ قبل هالمذنب بحكمي طالها
ماهو بصاحب ردةٍ لالا ترى ما يُستتاب= ناسٍ تجازى يالخوي كله بسب اعمالها


والي يمس الدين ماله عندنا كلمة عتاب
يستاهله ما جاه لو يبغى الطهاره زالها

[سهم المحبه]

ابو زياد تسلم سألت وجاوبت صح لسانك ..

[حسن مدهش السهيمي]

مخدوم احطم منزله وآخلي ادياره خراب=سويتها من قبل والظاهر باعيد افعالها
ابانشدك عن سالفة مرسال من بعض الصحاب=يقلون بيخونك واقص ايدي قبل ما اسعى لها

وبدأ حك الخشوووم
صح كلك ثم صح كلك
أغرقتونا جزالة
بعد غرقي في قصيدة أحمد المنتشري هناااك
وما أجملك يا شعر ّ!!!!!

[الشفق]

السلام عليكم طاب مساؤكم وصحت ألسنتكم
ياهلا ومسهلا
لالالالالالالا
ماني مصدق ابد
ابو رياااااااااااااااااااااااااااااااااااااااااااااان
يالله ان تحيي الغالي
وحيا من دلك علينا
للامانه مفاجئه واحسن مفاجئه
حياك ثم حياك ثم حياك
لين ترضى

[وجه الغياب]

وعليكم السلام ورحمة الله وبركاته

الله يحييك ابو ريان

منور الميدان

[أبو ريان اللحماني]

لا غرابة هذا الترحيب شاعرنا الرائع هزاع فأنتم أهل والوفاء والكرم

[حسن مدهش السهيمي]

ما تستاذن انت
تامر امر ابو مدهش
والله يحفظها جدك يارب
ابركت الساعات يالغالي
تفضل
شكلك خفت منها
ههههههههههه
جدتي تقول :

يا ويل حالك يا زمان ن ضاع بي وانـا شبـاب=يا مرعيت وكم سقيت وطحت فـي مرقـى لهـا
واليوم فاتت خطوتي وسمعت هرج ن في النشاب=والله يـا هـزاع لونـي بنـت لأتوكـى لـهـا

[أبو ريان اللحماني]

الله يخلي الفيس بوك اللي دلني عليكم هههه عتاب لأنه لم يدعوني أحد

[السيد]

مرحبا هيل ابو فايز منور ويسعد صباحك ..
أرحب وحياك الله .


البقا ابو احمد تسلم لي
يالغالي وسلم على الجميع
بوجودك يكتمل النور ياسهم المحبه

[حسن مدهش السهيمي]

ابو رياااان اللحماني
الله يحيييك
انار شفق تواجدك

[سهم المحبه]

اهلا ابو ريان ومرحبا ألوف .. أبرك الساعات وأمتع الاوقات إطلالتك
حياك وأهلا بك وعلى الرحب والسعة .

[سهم المحبه]

سلمك الله ابو فايز وأسعدنا تواجدك .

[أبو ريان اللحماني]

الله يبقيكم جميع

[الشفق]

مخدوم احطم منزله وآخلي ادياره خراب=سويتها من قبل والظاهر باعيد افعالها
ابانشدك عن سالفة مرسال من بعض الصحاب=يقلون بيخونك واقص ايدي قبل ما اسعى لها


لا والله انه مايجي من صوبكم يمي ارتياب= ماخوفي الا من صغير العقل من نشالها
بعض العرب ماتستره اعيوبه ولو لبس الثياب= اقصارها والا بعد لو لبسوه اطوالها

[سهم المحبه]

جميل ابو نايف الله يستر على الجميع
تسلم ويسلم راسك .. دام سعدك

[الشفق]

شكلك خفت منها
ههههههههههه
جدتي تقول :

يا ويل حالك يا زمان ن ضاع بي وانـا شبـاب=يا مرعيت وكم سقيت وطحت فـي مرقـى لهـا
واليوم فاتت خطوتي وسمعت هرج ن في النشاب=والله يـا هـزاع لونـي بنـت لأتوكـى لـهـا


يفداك بن هزاع فدوه ياعساه يجبر مصاب= يانور وجدان القلوب اللي تعيش الا لها
جناتنا تحت اقدمك يومه ندور للثواب = ياعارفه كل الحياه ادقاقها واجلالها

[أبو ريان اللحماني]

المكتوب يبان من عنوانه صرح جزل وأسماء جزلة
حفاظ على الموروث لله در القائمين على هذا الصرح
الذي أبارك لهم من كل قلبي

[الشفق]

يا الله طلبتك ياجليل الملك يامنشي السحاب
0000 تحفظ لنا آل سعود شجره نستظل اظلالها

تجنبوا زيف الكلام منتم من اصحاب الكذاب
0000 تعبنا في هرج البشر وكذابها واخطالها

يامرحبا يالشاعر اللي مايواريه الضباب=ياشيخ عاشت تحت ظله نايفات اشبالها
حنا لطلة مثل ابوفايز بشوقٍ وارتقاب= من طلتك هيبه تساق اسهولها واجبالها

[وجه الغياب]

هنا هنا ونودعك واهدافنا فوق السحاب =وادري يابو نايف صغار العقل ما تسمعلها
وانا معك حتى النهايه ما يفرقنا الضباب=والله يقدرنا ونرقى فوق هام اجبالها





اسعدتني هذه الدعوه ابو نايف

وسعيد جدا ان اكون برفقة شاعر مخضرم بقامتك وحضورك

اشكر جميع المتواجدين ومن شاركنا الامسيه

سبحانك اللهم وبحمدك اشهد الا اله الا انت استغفرك واتوب اليك


تصبحون على خير

[الشفق]

هنا هنا ونودعك واهدافنا فوق السحاب =وادري يابو نايف صغار العقل ما تسمعلها
وانا معك حتى النهايه ما يفرقنا الضباب=والله يقدرنا ونرقى فوق هام اجبالها





اسعدتني هذه الدعوه ابو نايف

وسعيد جدا ان اكون برفقة شاعر مخضرم بقامتك وحضورك

اشكر جميع المتواجدين ومن شاركنا الامسيه

سبحانك اللهم وبحمدك اشهد الا اله الا انت استغفرك واتوب اليك


تصبحون على خير
بيض الله وجهك
ابو زياد
وصح لسانك بلا عدد
وسلم راسك
وبيض الله وجيه كل من شرفنا من الاحبه
وسعادتنا بالغه بهالجمعه
دام الجميع بحب وتقدير ومن قبل ومن بعد
برعاية المولى وحفظه

[سهم المحبه]

صح لسانك ابو زياد وصح بدنك .. وتسلم بارك الله فيك
ما فيك معروف والنعم بك .. وفاء من أهل الوفاء .

اسعدنا حضورك هذه الليل وتسلم بارك الله فيك
وصباحك أسعد أن شاء الله ونوم العوافي .

[سهم المحبه]

شكرا لهذه الدعوة المميزة وهذه الامسية الجميل ابو نايف
تسلم بارك الله فيك ونسأل الله للجميع التوفيق .

ونحيي جميع الحضور ونشكرهم على التواجد
ويصبح الجميع على خير وسعاده .

[حسن مدهش السهيمي]

المعذرة

انشغلت عنكم احبيتي

صح كلك

أبا نايف

صح كلك

وجه الغياب

حفظكم الله جميعا

سبحانك اللهم وبحمدك لا إله إلا أنت استغفرك واتوب إليك

وفي امان الله

[ابو دماس]

صحت ألسنتكم شعارنا لاهنتم
ليلة رائعة اعتذر لعدم تواجدي ومتابعتها بوقتها