الصفعه لسالم السيار

[بحور الشوق]

http://www.youtube.com/watch?v=jq-wITtExxw







اتعبيني


أتعبيني.. وخلي بالك


على الشعور اللي تركته بين يديك .. وأتبعيني


ركضيني وسط بالك ..


لين يتعب منك عاذل فيني يتعب فيك منك


يعتقد إني أبشرب كل ضحاك ..


وأركنك في زوايا الليل عتمة ..


ماحيابك شي حي ومابقى بك حي شي .. منك وحيابك


يعتقد .. يعتقد إنها المحاجر


تمرجح الظلمة بأماني وتنطفي


كل ماهب الصباح ..


يعني شبهك بزقارهـ تشتعل من كف فكره


وتطفي بفم القصيدهـ


يعتقد .. رغم إني ساكن وسط إعتقاده بالأكيد ..


إني آخر من يخون .. وإني ماخنت العيون بسيل برد


حتى تزلق منك دمعة دافية .. وتسقط بقاع الهدب ..


لين يلفظها الذهول بآخر أنفاس الرئة وتسقطين


وتكسرين منك فيني


منك فيني تكسرين حوبتن ....


وتشظا في حياتي وتكرر هذي اللعبة معاي


اتبعيني .. خلي أمحي نقطتين ساكنة ..




داكنة ماكنة بكف التردد إني أخونك أو ...


إني أخونك .. والله إني ما أخون ..


لو تدور الأشياء حولي أو حواليها أدور ..


صدقيني لو أخون وجيه خانت ..


أقسم وربي وفيت .. رغم هذا عاجز والله أخون


لو تداهمني الخيانة .. والله افرك كف ذهني ..


بكف أيام المدينة .. واتشمشم فوحة ادلال الوعود ..


أخون ! والله إني ما أخون


اتبعيني .. وأتركينا نوشوش بإذن المسا ..


حتى سن الشمس يظهر من ورى فم الفجر ..


ونتمرغ ع النوافذ خلي يغسلنا الصباح ..


قولي يغسلنا الصباح


واتبعيني ..


وخلي بالك ع الشعور اللي ..


تركته بين يديك وأتعبيني ..


وين وعودك .. أمنياتي أمنياتك ..


وين شباك الاغاني .. كل مافيني فتحته ..


ألقى فيني إتبعيني وخلي بالك ع الشعور


اللي تركته بين يدينك ..


ليه ! ليه ماحكيت ذهنك .. ليه كبيت الأماني ..


ليه تبني من جفافي غيمتين لشخص ثاني ..


وإنكسر ..!


وإنكسر وتنكسر نسمة حياتي ..


حتى جنب ألف واحد .. كان يتمنى عيوني


وده بفيي وفيا .. للأسف ..


للأسف صار يعكسني هجيري للهجير ..


وينبت بعمري سراب .. بعد مامنك سمعت


ياحبيبي كل شيء بقضاء ..


مابأيدينا خلقنا تعساء ..


وانتي .. وانتي مازلتي جميلة .. وظل فارع ..


مشكلتنا بالتعارف ..


للأسف إنّا التقينا بوسط شارع


كيف أنا أبني بك طموحي ..


وإنتي تذكرك الشوارع !؟


وإنتي تذكرك الشوارع !؟


وإنتي تذكرك الشوارع !؟

اتمني ان تروق لكم

[جدار الصمت]

جدا راقتني
سلمت الذائقه
بحور الشكر
تقبل مروري وشكري
جدار الصمت

[صاحبة الفخامه]

يحور الشوق
كلك ذوق
راقت لي لاعدمناك
اختك
صاحبة الفخامه

[رفيقة الغيمه]

صح بن سيار
وسلمت ذائقتك
بحور الشوق
قراءتها ماتعه وسماعها
كان امتع
دمت بحفظ المولى

[شِيخةّ الغِيد |❥]

ابيااتْ أكثر من رائعهْ
لـآيُجيدها سوآ هذا السسَيار
بحور الششوُق
أختيارْ رآئعْ وَ خآلقيِ
سَلمت اناملكك المٌبدعهْ
ودامْ لناَ نبعْ أبدآعك الرااقيِ
لـروحك العذبه ..وَرد الـجوري ...

[عاشق شفق]

بحور الشوق
اختيار رائع يدل على ذائقتك الا روع
تحيتي لك

[ابو دماس]

راقت لي كثيرا صح الله قولك ومنقولك اخوي بحور الشوق
ذائقة رائعة وفقك الله

[ثامن السبع العجائب]

قصيدةة متع ِ بةة بحق

صح لسان سالم سيااار

وشكرا بحور الشوق على نقلها

[لحن الحياه]

قلمك بستان لا حدود له
واحساسك ينبوع ماء يتدفق
اسجل اعجابي بما سطرت هنا
واعذر تقصير قلمي امام عملاق قلمك
صح لسانك.
راق لي ما سطرته أنامـلك
ننتظر جديدك بشوق