لبيه بسمة

[خالدالبار]

للحب بسمة في السما عيت تغيب=مدري نجـوم اللليـل ولا قمرهـا
لوكنت هاوي ياالغلا بس تعذيـب=هذي عيوني تنكوي مـن سهرهـا
ياذيب ياللي عاوي الليـل ياذيـب=قالو الغوالي سحرها فـي نظرهـا
من مثل خلي يملك الحسن والطيب=سبحان خالقها وصـور حورهـا
وإن شفت مبسمها تضيع العذاريب=لبيـه يابسمـة تعانـق ثغـرهـا
بسمة خجولة تسحر القلب وتصيب=والنور شعشع من ثنـاى دررهـا
ياعزوتي والزين ينخا به الطيـب=والنار عيت تنطفي مـن جمرهـا
بأقضي الليالي بالهلا والتراحيـب=حتى شروق الشمس يجلي شعرها
الذيب راحت صطوته من تصاويب=يبكي من الايـام يـروي خبرهـا
الذيب عمره ما يهاب المصاعيـب=والغيم لابد يرتجـى فـي مطرهـا
الحب في شرع الهوى حظ ونصيب=مثل السحاب اللي تخبي مطرها
لسني من اللي يفتخر بالاكاذيب=أشرب من الصافي وأشنى كدرها
يا عزوتي للحب نشوة وتغريب=نار الغضى بالقلب شبت سعرها
يا نسمة الكادي كفى القلب تصويب=يا بسمة الاصباح غنّتْ فجرها
ليلي طويل وزاد بالروح تعذيب=أنشد نجوم الليل وينه أثرها
يا سيد الافلاك مهنا عذاريب=مثلك غيوم المزن تسقي مدرها
يا حظ عيني وأنت بالقلب ما تغيب=وشلون بانسى من لعيني بصرها
يا سيد الافلاك بالقلب تطريب=تلتاع نفسي تنتخي من أسرها
يا عين خالد يا هلابك تراحيب=معزتك زادتْ وباروي خبرها
يا وردتي باعوي عوى الذيب للذيب=يا سعد روحي يوم طيبك عطرها
المسك في وسط الجمر ينتح الطيب=مثلي ومثلك ينتشي في جمرها

[أبو ريان اللحماني]

شاعرنا الرائع

وجدانية وارفة تعلن لنا عن غيث شعري قادم

قصيدة تحمل بين ثنايها الإبداع والخيال الواسع

لله درك ياخالد ودام نبضك

[ابو دماس]

فريدة من الفرائد هذه الابيات
صح الله نبضك على هذه الجزالة
وكما يقال اول الغيث قطرة
شكرا لك اخوي خالد بحجم السماء ولا تكفيك

[الشفق]

الله الله
ياخالد البار
صح اللسان وسلم البنان
ما اروع حضورك وما ارقى سطورك
يــا عـيـن خـالـد يـــا هـلابــك تـراحـيـب
مــعــزتـــك زادتْ وبــــــــاروي خــبـــرهـــا
يا وردتي باعوي عوى الذيب للذيـب
يـا سعـد روحــي يــوم طيـبـك عطـرهـا
المسك في وسط الجمر ينتح الطيب
مـثـلـي ومـثـلـك ينـتـشـي فـــي جـمـرهـا

[لهفة الخاطر]

صح لسانك
كلمات رائعه كعادتك..ابدعت فيما طرحت

آحترآمي.."

[رفيقة الغيمه]

نص جدا مميز
تجلت في ثناياه احترافية شاعر

خالد البار

حضرت فأنرت ارجاء شفق

كتب فأبدعت وامتعت
رائعه وخالقك^

دمت برضاً من الرحمن

[فقير حظ]

صح لسانك خالد
رائعه من روائعك
دام تواجدك
وتقديري لك

[المغروره]

صح لسانك
مبدع ورائع انت
ودي

[صاحبة الفخامه]

يسلم الفكر والمنطوق
خالد البار
قصيده روووعه لاهنت
اختك
صاحبة الفخامه

[جدار الصمت]

خالد البار
صح الله لسانك
على هذا النص الاكثر من رائع
وتقديري واحترامي
جدار الصمت

[ابو سديم]

صح لسانك ياخالد
وتسلم يالغالي


شكراً
لاهنت

[شِيخةّ الغِيد |❥]

خآلد الباارْ
غزَلْ جَمييلْ ..مٌنسسابْ
تَباركَ مَن أَلهمْ أنآملكْ الزٌمرديه
ذَلِكك الـجمآل وَ الـأبدآع ..
نَص رآئع أتَقنتْ صِياغته يَ جَزلْ
فَ شُكرآ بِحجم أبداعككْ وَ سسخاء حَرفكْ
لـِ روٌحك كل الود ....~