خسف الجن بالانسان ..| حقيقه أم خيال |....؟!!

[لهفة الخاطر]

السلام عليكم ورحمة الله وبركاته

حبيت اطرح عليكم اليوم موضوع اشغل تفكيري وماقدرت اتقبله
مع انه واقع .."

موضوعي اليوم يمكن يكون غريب ع البعض
وانا ماطرحته الا لأني لقيت صعوبه في اخذ ولو معلومه عنه
وراح يكون مصدري هو انتم وماابي تبحثون ولكن ابي ارائكم وهذا اللي يهمني اكثر

موضوعي هو "خسف الجن بالانسان"
هل هو حقيقه ام خيال

فالبدايه لمن خبروني انها صارت في احدى المدن ماقدرت اصدق
وصار فيه جدل عندنا بالجامعه عن هالسالفه وانصدمت لمن عرفت انها حقيقه..!!


اصداء الحادثه من اهل البنت المخسوفه.."
يقولون ان هالشي صار عن طريق السحر بحيث يتلبسها جان اسمه "الجن العرشي"
ومهمته انه يطير بالبنت من مكان لمكان واحياناً يسمعون صراخ البنت واهي تحت الارض
انا متأكده انكم مو مصدقين ومصدومين وانا كنت مثلكم
لكن تفاجأت ان وحده من ربعي تقول لا صدقي والحادثه صارت مع ولد عمتي
انا هنا تمنيتها تسكت وقالت لي القصه واهي مشابهه للحادثه الاولى عن طريق سحر

البنت عمرها 18 سنه للحين مفقوده يمكن لها ثلاث شهور يسمعون الصراخ بس مايدرون وين ارضها من سماها والاطفال هم اللي يشوفونها
اما الرجل الثاني فعمره لمن اختفى 25 ومتزوج نفس الشي وله الى الان اكثر من 6 سنوات مختفي
تخيلوا وضع اهله امه في حاله مايعلم فيها الا الله اخر مره لمحوه فيه قبل 6 اشهر وشافه عامل يشتغل عندهم

طبعا يقولون صارت حادثه قبل مده في جده وصديقة اختي اللي تقولها
معسوله شهدت وسمعت معي هالقصص

لذلك انا بفتح الحوار معكم وابي رايكم .."
-هل خسف الجن بالانسان او الطيران به من مكان الى مكان حقيقه ام خيال..؟
-سمعت قصه عن هالشي ياليت تذكرها ..؟

-اخر شي وهو الاهم بالنسبه لي وش يستفيدون هالناس في انهم يؤذون انسان ويتسببون في ادخال الهم والضيق والفزع لقلوب اهاليهم
كله علشان دنيا بكره بيخلونها ..؟
والله لما نزل المطر عندنا بالحامعه اغلب الموجودات بالحرم الجامعي يدعون على اللي سحروهم..؟
مانعرفهم وندعي عليهم فمابالك باهلها المظلومين..!!

تكلمت بالعامي لاني طرحتها ع السريع ولاني ابيه يوصل اكثر..!!
اترك لكم حرية الرأي .."
كل الود.."

[ابو دماس]

أتوقع والله سبحانه اعلم بانها حقيقة
عن تلبس الجان بالمريض نسال الله الحماية

نسال الله ان يشافي مل مبتلى
شكرًا لك فاضلتي ضحية صمت بحجم السماء ولا تكفيك

[حكايه صمت]

اتوقع حقيقه
نسأل الله الحمايه
يعطيك العافيه


دمتي بسلامهـ...

[رفيقة الغيمه]

ضحية صمت

طبعا شي ماساوي ماحصل
اما عن الجن وهل خسفهم حقيقه ام خيال
اما لا اعلم قصه مثبته ما اعلمه ماذكره ربنا عنهم بالقران الكريم

اما من يستخدم السحر فهؤلاء سلخوا من كل شي ونسوا ربهم
فانساهم انفسهم^

شكرا لك موضوع يستحق تمعنه بدقه
دمتِ بحفظ الرحمن

[الشفق]

اؤمن انها حقيقه اثبتها القران الكريم
لم اعش اي تجربه بهذا الخصوص..

بالنسبه لمن يمتهنون السحر والشعوذه لايذاء الانسان لاغراضهم الدنيويه
فحسابهم عند ربهم يوم يلقوه وفي الحياه نسال الله ان يمكن يد العداله منهم

ضحية صمت

موضوع جميل لا يشبهه جمال الا جمال حضورك يا نقيه
شكري وتقدي لك
،
الهزاع