( أبي الكل يشآرك بموقف محرج ) ...

[وجه السعد]

السلام عليكم ورحمة الله وبركاته

بسم الله الرحمن الرحيم

المـــوضوع بالاختصار : ابي كل واحد يقوول موقف محرج صار له في الحياه

يالله انا ببدأ : مررره انا راايح عزه والناس حزينين وحالتهم حاله وجينا نبي نعزي
بعدين وصلنا لولد المتوفي الكبير واحد من اخوياي قدامي واخونا في الله جاء يقوله ( عظم الله اجرك ) قله ( كل عام وانت بخير )

صار وجهي 650 لوووووووووووووووووون ابي افكها ضحك علية
بس انا خرجت وين تمسكني من قوة الضحك



يالله عاد ابي تفاعل ...................

[عفناكـ]

هههههههههههههههه

الله يسعدك وجه السعد

حجز ولي عوده ان شاء الله

وكل عام وانت بخير
خخخخخخخخخخخخخخ

[رﯣضہۧ بۇظبيλδㄨ]

السلام عليكم ورحمة الله وبركاته


بسم الله الرحمن الرحيم

المـــوضوع بالاختصار : ابي كل واحد يقوول موقف محرج صار له في الحياه

يالله انا ببدأ : مررره انا راايح عزه والناس حزينين وحالتهم حاله وجينا نبي نعزي
بعدين وصلنا لولد المتوفي الكبير واحد من اخوياي قدامي واخونا في الله جاء يقوله ( عظم الله اجرك ) قله ( كل عام وانت بخير )

صار وجهي 650 لوووووووووووووووووون ابي افكها ضحك علية
بس انا خرجت وين تمسكني من قوة الضحك




يالله عاد ابي تفاعل ...................



ههههههههههههههههههههه اسمحولي ابصراحه برجع اكتب موقفي بوقت ثاني مت من الضحك على الموقف حرام عليك
هههههههههههههههههههههه وين كنت سرحان الله يهديك ههههههههههههههههههه

[شِيخةّ الغِيد |❥]

هههههههههههههههههههههههههههههههههه
قويه مرهْ
كل عام وَ أنت بخيير :gif_159:
يالله تعيششش وتآكل غييرهااا
وَجه السسعَدْ
يعطيكك آلف عآفييه
علىآ الطَرح المٌمتِعْ وَ الرائِعْ
دمتْ بألف خيير
وأكيد لِي عَودهْ
ودي ....~

[ابو دماس]

اسعدك الله يابو سعد
عيني في عينك يابو سعد
صاحبك وإلا انت

هههههههههههههههههههههههههه
لي عوده يالغالي

[وجه السعد]

ماعاد شفنا فضايحكم ...

[لحن الحياه]

يعطيك العافيه على هيك طرح
لي باك

[شلمار]

هههههههه
ولا يهمك ابو السعد انا ابلش بالفضايح

عندي زميله بالعمل مبرقعه وما شفت وجهها من توظفت

شي يوم دخلنا المكتب وكان في بنت عسل مو مغطيه وجهها

دق الباب يساله عنها
حكيتلهم مو موجوده

دخلت ثاني لقيتا مبرقعه مت ضحك ............... طلعت نفس البت

احكيلها بسألوا عليكي بحكيلهم انتي مو هون


كل البنات في المكتب ماتوا ضحك

هههههههههههه

[سهم المحبه]

اهلا بك وجه السعد والسعد فالك

جميل هذا الموضوع

ولي مشاركه .

...................

كان عندي ضيفين جاري لي وأخر أتى من حي اخر بعيد عني

المهم صار لي حاجة خارج البيت فخرجت لحاجتي

فاذا بي أشاهد رجل في الشارع ورأيته واقف امام احد الابواب

فسلمت عليه وقلت له تفضل وأشرت الى بيتي ليعلم أني احد الساكنين

في ذلك الشارع .. فقال بعد أن رد السلام شكرا لك . فقلت أبدا فنجان قوة جاهز

قال شكرا لك مستعجل والله .. فقلت كأنك تريد صاحب هذا البيت قال نعم

فقلت له أنه خالي .. فقال انعم واكرم .. قلت طيب تفضل الحال واحد قال مستعجل ما أقدر أتاخر

قلت طيب صاحب هذا البيت خالي وهو عندي فقال أزهمه لي قلت تفضل وعلى راحتك

البيت بيتك يا أخي .. وأصر وانه مستعجل .. فمسكت بيده وقلت له تفضل من تريده امامك

فدخل معي وكنت واضع الفرشه في حديقة لدي في الحوش السفلي .

عندما دخل فاذا هو معروف للأثنين اللذان هما عندي

الاول خالي ولا تعرفونه

والثاني ابو نايف .. الهزاع

وطلع يعرف ابو نايف أيضا وابو نايف يعرفه

وطلعت انا راعي البيت لا أعرفه الوحيد

جلسنا وطالت الجلسه ولم ينصرف إلا متأخر وسعدنا جميعا في ذلك المجلس

شكرا لك وجه السعد وهذا ما عندي

اجمل التحايا .

[ثامن السبع العجائب]

امس وانا ارقى الدرج

عند اخر درجة مانتبهت لها عبالي وصلت

وطاااخ التحية العسكرية

بنت اختي تضحك تقول خالة ماتعرف تمشي

مسكتها بزاويه ان تكلمتي ياويلك

يعطيك العافيه وجة السععد

[وجه السعد]

كثير قالو لنا عودة وماشفنا شي ...

[!!ريفـvـان!!]

ههههههههههههههههه
مواقفكم غريبه ومضحكه
سلمت يداك اخي لجميل الطرح
لقلبك الياسمين

وهذا موقف لبنت خالتي
هي فيها خصله اسمها لقافه
اخوها جاه ضيوف من اصحآبه
وكانوا جالسين في المجلس طبعاً
المهم عملت لهم القهوه والشاهي
واعطتها لخوها
بعدها وقفت عند الباب من زود اللقآفه
تتسمع
المهم فجأه طلع اخوها
احتارت وش تسوي يوم شافته
قامت رفعت يدينها وقالت الله اكبر
ع اساس انها كانت تصلي
جاء اخوها عندها وقالها
اول شي القبله غلط
وتصلين بدون شرشف
روحي ادخلي داخل لا اتفاهم معك:36_1_43:
وبس

دمت بسعاده لا تنتهي
ودي لك
ريفو..~*

[الحنين]

ههههههههههههههههههههه
أنا موقفي علئ كثر مايضحك الا اني احزن ..
قبل ثلاث سنوات بتحديد 1430/12/8هــ
يوم سيول جدة الاولئ ..
الكل طبعا في البيت كان الساعة 8 الصباح صاحين
وكان المطر كثير غزير وأنا شخصية مااقاوم هذي الاجواء
لازم اطلع الحوش والعب. ..
المهم امي وابوي قالوا خلاص ارجعوا ناموا ولا احد يطلع ..
وأنا متحمسة ابي اطلع استغفلت امي وابوي ..
ورحت اجري جهة باب الحوش مامداني افتح الباب
واحط رجلي علئ الدرج طحت طيحة غريبه
حسيت حالي طرت هههههههههههههههههه
والكل سمع صوت الطيحة شافني اخوي جلس يضحك
وراح عند ابوي يقوله التريله انقلبت وابوي جاء مستعجل
يوم شافني علئ الارض وميته ضحك جلس ماسك نفسه ويقول لاخوي
روح ساعد اختك بدال الضحك ..

بس تعرفوا لليوم ماافتكر كيف طحت بس ماوجعتني يعني عادي ..
اااه يمه اكتب وانا ميته ضحك

[احمد الكثيري]

ذهبت مره وانا وابن اختي عمره ما يقارب 6سنوات لنشتري عشاء واذا بي انادي على صاحب
المقلقل فلتول اختي مني يدي يشتري من عند حجه جالسه بجوار راعي المقلقل وانا مشغول
في الزحمه اتت ابنة الحجه وقفت بدله ومسكتها من يدها وهي عمرها 5سنوات تقريبا وقلت امش
نشتري خبز ونعود للمقلقل وهي ساكته مشيت وحطيت يدي على راسها الا وهي مفلفله راسها
واطالع الا وهي بنت الحجه فيتها قلت انقلعي وادور للولد الا وهو جالس وفكوها ضحك من حولي

[وجه السعد]

شاركونا بموقفكم ،،،

[الملتاع]

والله موضوع رااائع
وموقف احمد الكثيري مجنووون
ضحكني وانا حزين
الله يرضى على الجميع

لي عوده اكيد

[صدى الملاعب]

كيفكم اخباركم عندى موقفين مضحكه واتمنى منكم ما احد يضحك ههههههههههههههههههه

كثير وكثير ومنها كنت يوم من الايام جيت من مدرسه كنت بالصف الثالث الابتدائي قابلت ابويه في البيت الله يحفظه لنا
المهم قال يا فلان خذ الغنم ارعها قلت طيب
المهم اخذة الغنم ذهبت بها الى المرعى وكان معي اخي الصغير
المهم كنا نلعب انا واخي وكنا تعمل بئر وطرق على الرامل ونسينا حلالنا في زرع ناس والمهم صاحب الزرع اخذ حلالنا وصلها لبيته
وبعد فتره وانا واخي الصغير فقدنا حلالنا وكنا نبحث عنه هنا وهناك
ولم نجد غنمنا ورحنا للبيت وقبلنا الوالده الله يحفظها لنا قولوا امين
وقالت وين غنمنا قلت مدري يا اما وقالت
الخبر وصل عن ابوكم وذهب انا واخي للغرفه لنخبي انفسنا عن الوالد ليضربنا والمهم دخل علينا الشيبه واخذني انا الكبير وعلقني بمروحه الغرفه وجلست حوالي خمسه دقايق وانا معلق
والقصه الثانيه
وكنت بالصف الرابع الابتدائي
كنت اكره اسم الدراسه وكان اخواني الكبير وثنين من الصغار كانو شطار
المهم اخر السنه جات اختبار واختبرنا وانتهت الاختبار
وذهبنا استلم شهادات وكان اخي الكبير ينتظرنا في البيت انا واخواني
ليفرح بنا ما شاء الله اخواني نجحوا اللى جابوا تقدير جيد جدا واللى اقل من جيد جدا وزعلاني من انفسهم يبغون ممتاز المهم انا استلمت شهادتي وفيها سته مواد راسب فيها وكذا انا من اسعد انسان في الكون اني راسب لاني ما احب الدراسه
وطلعت من مدرسه انا فرحان في قمه السعاده وقابلت اخويه الكبير قالي مبروك نجحت قلت لا ابشرك رسبت في ست مواد قال انت صادق قلت وربي اني صادق وقال فرحان قلت ايوه الله اني مبسوط
قال اخوانك زعلانين انهم ما جابوا ممتاز قلت هم ع كيفهم بنسبه انا مبسوط والمهم ضربني واخدني للمروحه وعلقني يا ويلي ويلاه
هههههههههههههههههههههههه

[اوركيد]

صباح الخير .. :)


مدري كيف ابدأ موقف كل ما ذكرتوا ابتسم من قلب ..

عاد وانا صغيره كان الوالد الله يرحمه ضروري بعد صلاة العصر

يجيب لنا انا و تؤامي شوكلاتات وهيك كانت عاده ؛$

وكان رحمة الله عليه ما يفرق بيننا بسبب الشبهه

الموهم دخل حطها عند باب الغرفه وانا جالسا

طالعت فيها ما عجبتني

قلتلوا مو حلوه وما احبها :( قفى وطلع ولا رد عليا

حسيت بالذنب واروح ادق باب الغرفه دخلت :)

قلت ابوي خلاص انا حاكلها و طعمه قال كليها بس ذيك الـ ..... لا تاخذ معاك http://shafaq-e.com/vb/images/icons/icon8.gif


انا وجهي صار زي ذا .. http://shafaq-e.com/vb/images/icons/icon7.gif

قلت طيب وطلعت وصكيت الباب ورايا وكلت سبتي ف وجهي :)

ولا صححت له المعلومه ابداً .. :)

[دعاني الشوق]

حلو هالموضوع
الله يعطيك العافيه اخوي
وجه السعد
عندي موقف خفييف ان شاءلله يعجبكم
السنه قبل حوالى 4 سنين جانا امطار وخير
خاصه ع المناطق اللي برا الرياض وحول القصيم
المهم سمعت بعض اخوياي يسولفو عن القنص والصيد
قالو هالسنه الصيد طيب والخير واجد
قالو بنطلع نقنص شاوروني يعرفون اني اطلع اقنص
لكن بالعاده لحالي او معي اثنين من الشباب النشاما اللي ارتاح لهم
قلت لهم تم لكن وين نوجه قلو يم الصمان
قلت الصمان ماحولها صيد هالايام لكن بنطلع يم حايل قالو لا نعرف اماكن
بوه صيد قلت تم اتفقنا على يوم الاربعاء واستغربت انهم مختصرينها يومين بس
انا اذا طلعت اسبوع مايكفيني اسج وارتاح من الزحمه والاقي هل الحلال بالبر
اسولف معهم المهم طلعنا ولله الحمد قالو جبت سلاح قلت اللي تبون موجود
لاتاكلو هم جبت عدتي وسلاح الصيد ووصلنا للمكان بنينا الخيمه وزهبنا الاغراض
طبعآ الشباب متحمسين ريحنا الليل وبنطلع الصبح صحيت قبل الفجر ازهب اغراض القنص
والدرابيل واختبر الكنود (جهاز الاتصال اللا سلكي) جيت اصحيهم للصلاة وصلينا
قلت الهمام بنطلع اقهوتنا بالمكان الفلاني قالو لا اصبر شوي الصيد مايطلع الحين
استغربت قلت الصيد يطلع الصبح تبي عيشه نلحقها قبل لاتهج قالو لا
قلت ابد براحتكم تقهوينا واكلنا قرص الجمر اللي احلى شي بذيك الطلعه
ويوم طلعت الشمس ركبنا اللا وهم يدورو جحور الجرابيع والضبان واللي معهم وبالشكمان
قلت عرب وش بلاكم قالو هذا صيدنا قلت يانعن بوكم تاركين الطيور والارانب وتطردون ورى ضبان
يالضبان حسبي الله عليكم زعلت انا لاني ماكلها ولا اداني شوفتها
شفتهم شادين الحيل قلت الله يعيني عليكم عقب تركتهم ورحت يم محميه قريب من المكانا
لاحد طوال الاعمار وفنصت لي ارنبين على الكيف ورجعت المغرب
وكبسنا ع الارنبين وهم كبسو ع الضبان ولله الحمد اكلنا الارانب وانبسطنا
رغم الصدمه اللي جتني لكن الحمدلله مرت على خير

واسف على الاطاله
ربي يحفظكم

[ترف]

مره كنا بالبحر

كنت العب كوره مع اخوي ..


جيت ابي اشوت الكوره وشتها

والا تطير جزمتي وانتم بكرامه معها


عاد دوروا وجهي وقتها

خصوصا انه كا في ناس كثير

وبكل هداوه لبستها ورحت جلست ولا عاد قمت :)