السيد
05-19-2012, 01:22 AM
خشم العان قصيدة للامير الشاعر بدر بن عبدالمحسن في الملك عبدالله بن عبدالعزيز يحفظه الله
يا سيدي هبّت وثوّر لها غبار
لاشك خشم العان باقي محلّه
وسودة تهامة طلّها فوق الازهار
وعلى الشمال أمطار وسم تعلّه
كان العجاج ينقّص الشمس مقدار
مقدار دارك ما نقص يوم والله
واللي جمعهم مسلمين وكفار
في حربنا صفٍ وذي حكمةٍ له
ما غيروا فقلوبنا خمسة اعشار
من الوفا و الحب و الصدق كله
لي ملةٍ ما تعرف ظروف و اعذار
و ترى العذر عن ملة الحق مله
العار من يجلب على ارضه العار
كشاف عوراته على الناس خله
يا سيدي حنا هل الحق و كثار
والا هل الباطل ابشرك قله
نعرف فضل من وحدونا و الاخيار
من اهلنا اللي ذبحوا فدوتن له
اقطار كنا و يا ترى وش هالاقطار
كل نخلتينٍ دولتن مستقله
فقرٍ و جوع و خوف ما يامن الجار
جاره .. ولا يعطف على الخل خله
ثلاثة قرونٍ مضت ولا مرت قصار
يطوي الوطن سيفٍ و سيفٍ يفله
لين انتهت يا سيدي خير و اعمار
و المملكه في امنها مسفهله
من اليمن للشام لو كوكبٍ سار
فيها وحيدٍ دور اللي يدله
مانيب الوم اللي على داره يغار
الله يثيبه و الوطن غايةٍ له
فينا عيوب و من بلا عيوب ما صار
من فيهم الكامل؟ ترا الكامل الله
و فينا مزايا شعشعت مثل الانوار
مشاعلٍ في الليل شهب و اهِله
ما تنجحد لا شك بالخلق فتيار
ما يقبلون الحق دقه و جله
و مجادل الحاقد مثل لعبة قمار
ماهي حرام و بس خسر و مذله
يا سيدي يا سيد العرب الاحرار
يا شامخٍ يرمي على السحب ظله
في حلمك امطارٍ وغضباتك اعصار
ما صِعب من امرٍ علينا تحله
لا قيل عبدالله خضع كل جبار
و كل ظالم صابه ثمانين عله
ياللي ذخرت الشر كله للاشرار
اشرف حسام اللي كفوفك تسله
و ان قاله الله تاخذ لدارنا الثار
و تشفي الصدور اللي عليهم مغله
و ان عجعجت يا سيدي كلها غبار
تمضي و خشم العان باقي محله
يا سيدي هبّت وثوّر لها غبار
لاشك خشم العان باقي محلّه
وسودة تهامة طلّها فوق الازهار
وعلى الشمال أمطار وسم تعلّه
كان العجاج ينقّص الشمس مقدار
مقدار دارك ما نقص يوم والله
واللي جمعهم مسلمين وكفار
في حربنا صفٍ وذي حكمةٍ له
ما غيروا فقلوبنا خمسة اعشار
من الوفا و الحب و الصدق كله
لي ملةٍ ما تعرف ظروف و اعذار
و ترى العذر عن ملة الحق مله
العار من يجلب على ارضه العار
كشاف عوراته على الناس خله
يا سيدي حنا هل الحق و كثار
والا هل الباطل ابشرك قله
نعرف فضل من وحدونا و الاخيار
من اهلنا اللي ذبحوا فدوتن له
اقطار كنا و يا ترى وش هالاقطار
كل نخلتينٍ دولتن مستقله
فقرٍ و جوع و خوف ما يامن الجار
جاره .. ولا يعطف على الخل خله
ثلاثة قرونٍ مضت ولا مرت قصار
يطوي الوطن سيفٍ و سيفٍ يفله
لين انتهت يا سيدي خير و اعمار
و المملكه في امنها مسفهله
من اليمن للشام لو كوكبٍ سار
فيها وحيدٍ دور اللي يدله
مانيب الوم اللي على داره يغار
الله يثيبه و الوطن غايةٍ له
فينا عيوب و من بلا عيوب ما صار
من فيهم الكامل؟ ترا الكامل الله
و فينا مزايا شعشعت مثل الانوار
مشاعلٍ في الليل شهب و اهِله
ما تنجحد لا شك بالخلق فتيار
ما يقبلون الحق دقه و جله
و مجادل الحاقد مثل لعبة قمار
ماهي حرام و بس خسر و مذله
يا سيدي يا سيد العرب الاحرار
يا شامخٍ يرمي على السحب ظله
في حلمك امطارٍ وغضباتك اعصار
ما صِعب من امرٍ علينا تحله
لا قيل عبدالله خضع كل جبار
و كل ظالم صابه ثمانين عله
ياللي ذخرت الشر كله للاشرار
اشرف حسام اللي كفوفك تسله
و ان قاله الله تاخذ لدارنا الثار
و تشفي الصدور اللي عليهم مغله
و ان عجعجت يا سيدي كلها غبار
تمضي و خشم العان باقي محله