المساعد الشخصي الرقمي

مشاهدة النسخة كاملة : المعجزات الثلاث


مسفرجمعان الصفا
06-07-2012, 05:57 PM
هذي القصيدة للشاعر / عمير بن حزام بن مانع الغامدي
وهو مرسلها للشاعر / خليوي بن عايض بن نصيب الغامدي
وقد رد خليوي على القصيدة عمير
كما اني انا جاريته ايضا لانه تطرق لي في القصيدة
ولما سمع القصائد احد كبار السن طلب مني ان اسميها
(المعجزات الثلاث )


يالله يالي رضـا وجهـه سجدنـا لـه=ياجاعلٍ هالحيـاه ومـا احتـوت زينـه
تجيرني مـن عـذاب القبـر واهوالـه=ياربنـا اللـي بعفـو ولطـف راجينـه
لا يانديبـي علـى اللـي كـن هوذالـه=هـوذال ذيـبٍ هـل الادبـاش حادينـه
ابـوه مـن سلطنـة عمـان وصلالـه=لـو عـرض للسـوم غاليـةٍ مثامينـه
من السلطنه له نسب ووصول وسلالـه=من بلاد قابـوس حـرّ ومـن بعارينـه
ما يعتني بطيـب قـدره غيـر جمّالـه=من الغلا ازود مـن المليـون شارينـه
مْضوْمر الخصر والا عضـوده اجلالـه=لا اوما كما الصقر يوم يبسط جناحينـه
من زين دربته ما اسهـل مـن تعدّالـه=مدربينـه الـى ان قــرّت غياطيـنـه
من مسلماً في عقيـق النخـل منزالـه=والحـرّ لامثـال هـذا اليـوم حاسينـه
مكلفـاً حضـرة المنجـوب برسـالـه=الى سرح يوم شعّ النـور مـن حينـه
ياخالد اسرح وممشـى الحـرّ فاقبالـه=لا جـيـت واديٍ معـمّـرةٍ بساتيـنـه
وادي كرا لا زمت لـك غربـي جبالـه=ملفاك من يفـرح الـى جـوه ملفينـه
ريف اللي مـن الخـلا ياتـون هشالـه=ومنصى الشغاميم واللى جـوه ناصينـه
معربـاً سـاس ابـوه ومسنـدٍ خـالـه=مـن بيـت جـودٍ هلـه بالعـز بانينـه
عسـاك للعـزّ يامبنـاً علـى القـالـه=يازين بيـتٍ علـى التقـوى مشيدينـه
لا جيت كفواٍ لاجـاه الظيـف هـلا لـه=وابـوه واخوانـه وربـعـه موفيـنـه
وان قيل من هو قل خْليـوي وسمّالـه=ابـوه والطيّـب يْنـومـس مسمّيـنـه
ابشـر بكيـفٍ يفـوح البـن بـدلالـه=يقعد خوى الـراس ويجمّـل مسوينـه
وابشـر بعـد شاذلـيـاً دار فنجـالـه=بالدسمـه اللـي تقلّطهـا لـك إيمينـه
وعرفاً يطيب إلك يوم إنـك توحـى لـه=من مـا تظمـن بنـات الفكـر تكوينـه
والعـود الازرق مـع الكمبـود يبرالـه=في مجلسٍ من هله ما تسمـع الشينـه
بلّـغ سلامـي عـدد مــزنٍ تعـزالـه=قوس القزح ما انحنـى قبلـه تلاوينـه
يرعـد ويبـرق ولثعـولـه تشهـلالـه=ويسقي شعيـبٍ هـل الذيـدان هاوينـه
وبعـد التحيـه خـوي الخيـر باسالـه=ودي بوجهـة نظـره وعلمـاً يبيـنـه
ادري ان إجابته لـي ماضيّقـت بالـه=حسـب الثقـه والاخـوه بينـي وبينـه
موروثنا وش بعد يرجـي مـن امالـه=في خطّه اللي توضـح مـن عناوينـه
الشعـر يابـو فهـد هالوقـت عزالـه=ما هو سبب هالزمـن سبـة معاوينـه
شعر النظـم ياخليـوي حالتـه حالـه=اهـل الحداثـه علـى حالـه معنيـنـه
ناسٍ على اللابتوب في الشعـر شغالـه=تغيّـرت فـي حداثتـهـم مضاميـنـه
كـلاً يشغّـل مـع لانتـرنـت جـوالـه=وعلى حسب ما يبـي يطبـع دواوينـه
الشعر في عهدهـم بـه حـال يرثالـه=متكسّـره فـي مواقعـهـم موازيـنـه
مسترزقـه بساحتـه رجلـي وخيـالـه=كيف ارخصوا قيمته في سـوق مغلينـه
كـلٍ يلحّـن عـلـى لـيـلاه مـوالـه=سمحـان لا طـاح يامكثـر سكاكيـنـه
ناسٍ علـى ساحتـه ظهورهـم عالـه=تبحث عن الشهره لو موروثنـا تهينـه
احـزاب فالشعـر مختلسـه ومحتالـه=كـلٍ معـه موقـعٍ يعـلـن لتدشيـنـه
حتى الذي كان يستوحـش مـن ظلالـه=صار يتجراء يخوض اصعـب ميادينـه
لان اكثر اللي تقـول اليـوم حنّـا لـه=جونـا بشعـر الحداثـه فـي كراتينـه
اهونهم اللـي يجيـب الـدرع مشتالـه=كنّه مـزاور لـه اصــحابٍ وكاسينـه
يقول لو ان ابو الطيـب مـن اجيالـه=يمديـه فـاول خصومـه ومتحديـنـه
وطقس العبيله قريـب لطقـس شوالـه=وعسفان وقديد كل لاثنيـن مـن طينـه
ولـو احـد يْسـال سماسرتـه ودلالـه=من حضرت اللي عليه الـدرع مهدينـه
هل هو خدم له قبيلـه يـوم يهـدا لـه=او موقفـه يوفـي الديـان مـن دينـه
الشعـر قـل ياعنـاء قلبـه وغربالـه=من اللي على قول لافي حمود يالينـه
ويش عاد يوم اعطبوا يمنـاه وشمالـه=عساهـم العـوق نـاسٍ عاقـوا يدينـه
وما خوفـي الا خـوان بليـس تغتالـه=تزعـل ملائكتـه وترضـي شياطيـنـه
ويضيع دمه مـا يـدراء مـن تهيالـه=ويحداء على اسواء الخواتم تالي سنينه
من لا حسـب مخرجـه قـدّام مدخالـه=في امر من الحنظله واحزاء من التينـه
يقعد عن الماء محيـم وتقصـر حبالـه=من لا هـداه الله مـا بالنـاس هادينـه
والشعر ضلـعٍ منيـف وتزمـي اقذالـه=والـى اعتلـت هامتـه بانـوا معدينـه
على ضعاف الرابـع صعـب ميصالـه=ياصـل حراويـه مـن يرفـع نياشينـه
يغوص غبة بحوره لـو صفـق جالـه=يرسي لمعناه مرسـى السفـن بالمينـه
يقولـه اللـي الـى منّـه تقصـوالـه=ما هو بيهضم حقوقـه مـع موامينـه
مــا يـبـدي الا بـقـولٍ ينتعنـالـه=يحافظ علـى هيبتـه مـن نقـدٍ يْدينـه
بمجالٍ اصعب مـن استقبالـه ارسالـه=ولا تنحنـي هامتـه مـعْ مستخفيـنـه
يخص به من زحـول الشعـر ورجالـه=اللي مثـل دوخـي وظافـر وحامينـه
والا بنـي جهيـط نقـاضـه وفتـالـه=ونـاس فقدهـم تـراي اول معزيـنـه
وخير الخلف للسلف من صحّت اقوالـه=واجـب ردود الجمـيـل لمستحقيـنـه
مثل ابن نايف علـي والبيـض تبدالـه=شاعـر يمثـل قبيلـه عنـد داعيـنـه
والا ابن جمعان مسفـر راعـي الطالـه=بدوره بطل ملحمـه وانشـد مجارينـه
في غامد ابرز زحـول الشعـر وابطالـه=فاز بلقب شاعـر الهيـلا كـرم عينـه
اول هجـومٍ علـى ربـعـه تصـدالـه=وانشد وعلـم اليقيـن تجيبـه جهينـه
ياطيب عـرفٍ وشعـرٍ تسمـع اجزالـه=لمسفر وله موقفٍ مـا حنـا بناسينـه
العلـم مـا يعقـلـه يـكـود عقـالـه=وكـم موقـفٍ مـا حمـاه الا دنادينـه
وكم شاعرٍ مثلهـم يـارد علـى ازلالـه=لكـن حضـرة زحـول الشعـر كافينـه
مـن قـدّم الطيـب بالطيّـب يجازالـه=ومـا دام لـه ربـع كافينـه وشاقينـه
وعذراً عن اللي ما ذكر اسمه ولا اطراله= في القـاف ودوا خبرنـا يـا مودينـه
والختم صلوا علـى طـه النبـي والـه =رسـولٍ الله بعـثـه لتكمـلـة ديـنـه

مسفرجمعان الصفا
06-07-2012, 05:59 PM
وهذا هو رد الشاعر / خليوي بن عايض بن نصيب الغامدي


يالله ياللي جميع الخلق تلجاله = ياهادي المسلم لْتقواك ومعينه
ياواحدٍ ما حدٍ غيره رجيناله = نخشى عذابه ومنه العفو باغينه
باسمك تنقيت جزل الشعر وامثاله = ردٍ على شاعرٍ معناه يازينه
الشاعر اللي وصل خطه ومرساله = متمكنٍ فالقصيد وبان تمكينه
ارسل عليّه محباً خيرة عْياله = من فوق حرٍ ما له فالمملكه عينه
حرٍ ندر في بلد عُمان وجماله = في السلطنه قدلهم عامين رابينه
وشراه من لا يحسّب قيمة رْياله = رجلٍ بنا فعله يْهول مْتهقوينه
وارسل به اللي لزومه لا تنوّاله =ياصله لو وقّفوا دونه معادينه
ورحبّت به صادقٍ لين انشرح باله = وقدّمت له واجب الضيفان في حينه
ثم قلت خل البعير وجوّد عْقاله = وخذ موترٍ كل ماناوشت بنزينه
يفز فزّت قريص الداب من حاله = يفزّ والسم يجري في شرايينه
كنّه قريصٍ على بلواه يصلاله = على حطب سمر وحزوبه مصالينه
لا فزّ يومي بيد لازمه وجْلاله = وقد له عن الماء ثلاث اوجاب مضمينه
يزوع يبغى المقام ولا تساواله = ردّوه خوفٍ على حاله موالينه
جيبٍ جديدٍ ما حين إظهر من الصاله = من صالة العرض جوبه مستحبينه
توّه جديد الموديل وشدّ ووكاله = ماغيّروا فيه حتى لو بويبينه
يلفّ طول المسافه لفّ محّاله = وزنة بلوفه على وزنة بليتينه
لا ناش سواقه ابنصه يوراله = ان فيه ما يجذبه قدّام قافينه
كن الخطوط الطويله تنتطوّاله =من سرعته لا تساوت تحت شاصينه
وجّه وحقٍ عليك الجيب تدراله = ما يلحقك لوم لا قمّت لْه بالصينه
الجيب ما احدٍ ياخالد يجحد افضاله = كم ضمّ قبلك غلامٍ بين بابينه
وسرّاه في ليلةٍ من شافه اواله = من عاقبتها ومن قسوة طليبينه
متهوم واقرب قريبٍ له تعدّواله = وصاروا جميع العرب بالظلم جافينه
كلٍ يقل جعلني خصمه وقتّاله = وفي صفهم وقّفوا حتى قريبينه
انجدّه يوم ان ربي طوّل امهاله = وانجاه منهم وهم بالقتل ناوينه
هذا هو الجيب ياللي تجهل افعاله = نعلن بمدحه ولا حنا مخفّينه
يستاهل المدح في حلّه وترحاله = اللي ينجي خويّه من مضيمينه
لاون ما فالعرب حاسد وعذّاله = مدحته وزدت في مدحه وتقنينه
الله ياقاك ياخالد وياقاله = ابتل وخلّه يابن مانع على هوينه
ولا شفت حي العقيق وشفت نزاله = اعدل لليسار قبل تْجي دكاكينه
والوصف واضح ما يبغى بوصله واله = امرق لبيتٍ هله بنوه معلينه
وملفاك ابوك الذي يفرح بمن جاله = سعْد اهل هجنٍ من اقصى الارض جايينه
قرمٍ الى جاه ضيفه كرّم سْباله =ومجلسه ما صكّ عن ضيفه كوالينه
إمشرعٍ بابه ومن جاه حياله = عساه يبطي بخير وربي يْعينه
لا جيته انشد لي الطيب عن احواله = ثم حب خشمه وحب ايديه وجْبينه
وسلّمه رد الجواب اللي تحراله =و قله ترى وقتنا يتعب ممادينه
وقتن قصاره تساوت فيه واطواله = وياقلّ عقّاله ويامكثر مجانينه
وشرواك يعرف خْفاف الوقت وثْقاله = ويشير شوره ولا يخلف مشيرينه
فاهم ولا غيّر طْبوعه ومنواله = ويمشي على منهجٍ لاجداد ماشينه
منهج رجوله وطيب وعلم واصاله = وفعلٍ بالامداح والقاله مرسّينه
شاعر تميز فنون الشعر واشكاله = ومعناك لاهل الشعر بانت براهينه
وان قلت وضع الشعر يوسِف ويرثاله = واهل الحداثه معدينٍ ضلاعينه
وكثروا بسوقه شريطيه ودلاله = ومن قد لهم كم سنه بالسوء مشقينه
ما انته بكاذب وما شفته فطنّاله = تولّجه عالمٍ يالظفر معمينه
ناسٍ الى جاءْ المجال وكبرت الظاله = كلٍ نكت ما يشلّه في مواعينه
الشعر باسبابهم ما عاد يشفاله = ما عاد يشفون له حتى محبينه
في تالي الوقت فال الله ولا فاله = صقرٍ صادوه الخبول وجوك شاوينه
عسى لسان الذي منهم تجرّاله = بالقطع والا بلاً يعجز مداوينه
لاعاد حبّه ما يملا شطر مكياله = يرتاح هو والضعوف اللي مغوّينه
عساه يفدا الذي شعره الى قاله = تطرب له وتستلذ نْفوس موحينه
الشاعر اللي بيوت الشعر تزهاله = ولا اخلف سلومه ولا غيّر قوانينه
واهل الشعر ماحدٍ يرضى تهزّاله = وعليه زود الغلط ما هم براضينه
ذكرت منهم مطاليقٍ تراكاله = في حزّة الشده وبنوه معلّينه
معهم مفاتيح باب الشعر واقفاله = ومن غرسه احلى طلاع التمر جانينه
وكم مثلهم شاعرٍ وافي سمعناله = مْن الشّعر ما يجب حفظه وتدوينه
إلا وياكم وكم غيره قريناله = قافٍ يهول وْيهيض صْدور قارينه
والشعر عدٍّ قراحٍ لا وردناله = من غبّته كل ظميانٍ مرويّنه
وموروثنا لو تعاونّا حفظناله = وصرنا بعون الله المعبود راعينه
ماظنّتي واحدٍ عاد يْتهقواله = لا شاف ناسٍ بهيبتهم محاظينه
لو كان كثروا عليميه وجهاله = ما غيّروا شي في حفظه وتامينه
يبقى مقيمٍ وضلعه يْنتعدّاله = ويحمل بصامات لا امواته وحيينه
من ناسه اللي بخافيهم لقيناله =حبٍ تعنّوا على بنيه وتوطينه
وحنا في انفوسنا معهم زرعناله = زرعٍ بفيض المشاعر دوم مسقينه
هذاه ردّ الجواب اللي وصلناله = ولا بقى ياعمير شيءٍ عنك كانينه
من يوم ما وصلنا خطك بذلناله = الجهد لين اكتمل رده وتحسينه
وصلاة ربي عداد النو وخياله = وعْداد فرضٍ لوجه الله مصلينه
على نبيٍ بوحي الله موحاله = محمد رسول الله وخاتم نبيينه

مسفرجمعان الصفا
06-07-2012, 06:01 PM
وهذي هي مجاراتي لقصيدة الشاعر / عمير بن حزام الغامدي


يالله يامنـشـي الــودان وخيـالـه=وبامره تسبّح رعـوده فـي غياشينـه
وقامت بروقـه تلاعـج فـي تنزالـه=واسقى بـه اديـار قـومٍ مستغيثينـه
ياخذ له اسبوع ما اجهى ماطر اثعالـه=وزاعوا له البـدوا بالادبـاش ناحينـه
تشوف نبت الشقارى يكسـي ارمالـه=وتبهر نبوته عيـون اللـي مراعينـه
تغفر لعبدك الى مـن وزنـة اعمالـه=بيـومٍ تشيّـب بهاذيـلـه وراعيـنـه
في ساعةٍ تذهل الشايب عـن اطفالـه=وينسى بهـا الطفـل شيبـانٍ مربينـه
وخلاف ذا راكـب اللـي كـن تبتالـه=صقرٍ علـى صيدتـه فكّـوا قناعينـه
توّه جديدٍ يشـوّق عيـن مـن خالـه=في معرضه مـا بعـد كمـل تمارينـه
على احدث الانظمه سرعتـه باميالـه=وموزنـيـنٍ بساتـمـه وبليتـيـنـه
من شركة الجمس جاين فـوق نقالـه=فريد عصره وفـارع عـن صوالينـه
ما يفيده الا الذي يرخص لـه رْيالـه=موديله اثنا عشر مـن بعـد لا لفينـه
ولا طلّعه سايقه مـن داخـل الصالـه=وتفقـد اوضاعـه وزيتـه وبنزيـنـه
ومن بعد ما اسند علـى ربـه توكالـه=نحر طريـق مـع الهجعـه مسرينـه
لا شل عزمـه تقـول الارض تطوالـه=وبعد السفر ما كـرب همّـة مريدينـه
من سرعته فالطريـق يميـل تمثالـه=وكن المشاهيب تطلق مـن شكامينـه
يرهب على دربه اللي ياقـف اقبالـه=ويتعّب اللـي علـى الخـط مْتقفينـه
لا قـرّ خطـه تقـول الريـح تشتالـه=ومع الملفات يرسي فـوق شاصينـه
ولا بان وجه الصباح وقـرب معدالـه=وسمعـت الاذان تجهـر بـه مواذينـه
نصه لمن يكسب الترحيب مـن جالـه=كساب الامداح في عسره وفـي لينـه
بو خالد اللـي تجمّـل قومـه افعالـه=تشوف معنى الشهامه فـي حجاجينـه
تطْـرب تراحيبـه ويعجـب تولوالـه=في خدمة ضيوفه الى جـوه عانينـه
في مجلسٍ فيه لاهل المعرفـه ظالـه=ضيـوفٍ مكرّمـه وضيـوف لافيـنـه
راع الكـرم بالكرامـه يكـرم سْبـالـه=في نيـل الامجـاد طاليلـةٍ ذراعينـه
اقلط وسلمـه خـطٍ جـوف مرسالـه=معطر بريح الخزامـى مـعْ رياحينـه
مبـداه باسـم الله وسـلام يثنـى لـه=ورد الثناء والجمايـل مـن فتامينـه
على قصيـدٍ سمعتـه تطـرب انفالـه=ويروي قراح القصيد قْلوب ضامينـه
قصيدة مـن جـزال الشعـر وجلالـه=عادة لشعـر النبـط هيبتـة محبينـه
بالمطروي ناشني في روعـة امثالـه=وملـزوم اجاريـه والاحـي ملاحينـه
وأصل الخبر مرسله معْ خيرة عْيالـه=لاعظم فحول الشعر واعظم محامينـه
موجهـه للـذي مـا مـال مكيـالـه=الشاعـر اللـي تجملـنـا براهيـنـه
شاعر علـى قمّـة الامجـاد مدهاله=شعر النظـم ابـرز فْحولـه وراوينـه
والشعر سيفٍ على ضْعاف البُصر ساله=مـن دون هيبتـه يردعهـم بحديـنـه
خليوي اللي عسى وجه السعـد فالـه=شاعر قبيلـه يـدل الـدرب مخطينـه
مشهور بالطيب فـي حلـه وترحالـه=وياسعْـد قـومٍ نهـار الضـد نابينـه
الله يـطـوّل مهـلـه ويكثْرامثـالـه=هو مزبـن الشعـر لا حـدّوه حادينـه
من لابـةٍ فـي نهـار الحـرب قتّالـه=عدوهم من ورى الحـدان ثانينـه
رْفاعه اللي لاجـاء للجيـش زرفالـه=كم شيـخ قـومٍ علـى ربعـه مبكينـه
يشهد لهم في نهـار الـزرب شعلالـه=موقـف جميلـه ولا حنـا بكانيـنـه
خصيمهـم مـا يحصـل كـود جندالـه=في ساحة المعركـه تكسـر ضلاعينـه
اهل حميّـا واهـل تاريـخ واصالـه=والحق ما احنا عن اهل الحق غاطينه
وقت الكرم مثـل مـزن هـل همّالـه=المـال للظيـف والمحتـاج مفنيـنـه
واعـود بالقـاف اللـي واق بقْلالـه=ورقى بمبـداه واعجـز معـه راقينـه
سمحان لامن ركى لحمل الشقا شالـه=اعضـوده مْفتلـه وجنوبـه مْتيـنـه
بو خالد اللـي بـدع شعـره وغنالـه=طاروق يطْـرب بحـر قافـه مغنينـه
يندب خليـوي بشـعره ويتشكوالـه=من عالمٍ باسم شعـر النظـم موذينـه
من بعض شعاره اللي بتـت اوصالـه=وقامـت تحـدى مراشيـده بزاريـنـه
تمزج في القافيـه ميمـه مـع دالـه=وجيمه تقدمه فالمعنـى علـى سينـه
علـى جـزال القصيـد تقـدم هزالـه=وتخلط على ساحته حبه مـع طحينـه
كلٍ علـى حسـب معرفتـه ومنوالـه=ومعجبه تصريـف قيفانـه وتلحينـه
وغيـره بعـد فيـه نهابـه ونشالـه=تسلب مغاريـر تمـره مـن عراجينـه
وكم تاجرٍ صار يتجـر فيـه باموالـه=يسعى ورى الشهره وْيدفـع ملايينـه
قصايـدٍ جاهـزه تشـرى وتهـدالـه=وعبـر القنـوات يتحـدى مباريـنـه
لامن تسمّعت فـي صوتـه وجلجالـه=تدرك ما هو من هل الشعر وعريبينـه
حتى ولو له بجمهـور الشعْـر هالـه=جميعهـم مـن حواشيـه ومواليـنـه
يجاملونـه علـى خفـتـه وهبـالـه=وعن جزل الافكار والاشعـار معمينـه
هـذا يصفـق وهـذا يرمـي عْقالـه=ولا عاد تعرف صحاحه مـن مجانينـه
والشعر حالـه جبيـن الحُـر يندالـه=اللـي غرامـه يشلّـه فـي شرايينـه
ومن لا شرب من زلاله يشرب حْثالـه=ولا طاب حظه ولـو يمـلا جوالينـه
وبعض السلع تنوجد في اطرف بْقالـه=والا الذهـب ميزتـه نـدرة دكاكيـنـه
لكـن ابشـرك بـان الشعـر شـلالـه=ينبـع مـن افكـار عـرافٍ مصفينـه
في ساحـة العـرف فتالـه وحلالـه=وعن مـا يعيّـب مضامينـه منقينـه
ولوكان ما عندهـم تصريـح ووكالـه=لكن من بـار بـه مـا هـم بحانينـه
و لا يفيد من حاد عن منهجه مجفالـه= لابد تفرض عليـه اصعـب قوانينـه
بنقـدٍ يبرهـن مقاساتـه وتفصـالـه=حتـى تعقّـل زحولـه روس غاوينـه
واختـام الاعـلام تكبـيـره وهلاّلـه=وتسبيحةٍ خير من شعـري و تدوينـه
وصلاة ربي عـدد مـا تطبـع الالـه=على خليـل الولـي وافضـل نبيينـه

جابر السلمي
06-07-2012, 08:23 PM
معجزات ثلاث حقيقة وليست خيال
إسهاب في الشعر الأصيل من شعراء لهم قاماتهم وقِيَمهم
العالية المتأصلة في الشعر والحكمة والرقي.
عمير بن حزام بن مانع الغامدي
خليوي بن عايض بن نصيب الغامدي
مسفر بن جمعان الصفا الغامدي
عمالقة في قصائد عملاقة
صحت الألسن ، وأدام الله عليكم الصحة والعافية
ممتعون ومبدعون بحق ،
شكرا المضيء دوما مسفر الصفا
بهكذا شعر نرتقي ونتعلم
مودتي وتقديري

رفيقة الغيمه
06-07-2012, 08:49 PM
مسفر جمعان الصفا
صحت السنتكم جميع

شعراء كبار ماشاء الله
ثلاثة قصائد اشبه بالمعلقات حوت الحكمه

والنصيحه وكان الشعر ممتع قراءته بها
صحت القلوب والالسن^

نالت استحساني لذلك اقيمها^

دمت بحفظ الرحمن

ابو دماس
06-07-2012, 10:41 PM
صح الله لسان الشعراء
عمير بن حزام بن مانع الغامدي
خليوي بن عايض بن نصيب الغامدي
مسفر بن جمعان الصفا الغامدي
المعجزات الثلاث بالفعل هذا الاسم
الذي يليق بها في معجزات

وفقك الله يابو هلال لكل خير وبارك فيك

هيبة ملك
06-08-2012, 12:39 AM
ماشاء الله تبارك الله...

الله يعطيك ألف ألف عافية على هذه القصائد الجميلة في البدع وفي الردود...

السيد
06-08-2012, 04:48 AM
قصائد رائعه جدا حقيقه استمتعت بقراءتها
وفقكم الله جميعا وبالفعل استحقت التسميه

حسن مدهش السهيمي
06-08-2012, 07:54 AM
جمعان بن مسفر الصفا

أكرمت الشعر وأهله

بهذه المعجزات

الحرف يشهق

فتعجز الكلمات

وتعنز الجمل قصورها بكرمكم

عمير بن حزام بن مانع الغامدي

خليوي بن عايض بن نصيب الغامدي

مسفر بن جمعان الصفا الغامدي

صحت الألسن وسلم المداد

حفظكم الله جميعا

وفي أمان الله

جدار الصمت
06-08-2012, 11:35 AM
مسفر الصفا
صحت السنتكم جميعا
نصوص بالفعل تستحق المشاهده
تقبل مع مروري شكري واعجابي
جدار الصمت

الشفق
06-08-2012, 01:52 PM
صح لسانك شاعر غامد الهيلا
مسفر جمعان الصفا
وصح لسان من جاريتهم شاعرين كبيرين
نصوص ثلاثه في قمة النضج الفكري
والشاعريه الجمه
لاشك يفرحنا ان تكون بجزل قصيد الشفق بل يشرفنا
شكرا لحضورك الجميل
تقييمي وشكري
وخالص مودتي
،
الهزاع

الصقر الذهبي
06-24-2012, 05:49 AM
بسم الله الرحمن الرحيم
شكرا لكم على هذا المنتدى الرائع وسأشارككم يوميا على على المنتدى.

الله يعطيكم العافيه. عبدالعزيز حسين عويضان.