الحزن غيمة غيبت نجمه الصيف*غاب الحبيب ولا بقى للهنا طيف(مرثية مها)!

[العميد]

شاركت مها السديري زوجة الراحل الأميرنايف بمشاعرها وهو أقل الواجب تجاه رجل بمكانة الراحل (نايف بن عبدالعزيز) رحمه الله ,


http://www.inv.moi.gov.sa/wps/wcm/connect/f992340f-baf3-4bf3-b261-1580829afc18/%D8%B3%D8%B9%D9%88%D8%AF+%D8%A8%D9%86+%D9%86%D8%A7 %D9%8A%D9%81.jpg?MOD=AJPERES&CACHEID=f992340f-baf3-4bf3-b261-1580829afc18

العام يا ام سعود كان الحزن ضيف
واليوم دق اوتاده الحزن فينا ..




الحزن غيمه غيبت نجمه الصيف
وبااسباب جوره ياجواهر شكينا ..




غاب الحبيب ولا بقى للهنا طيف
والله يانوره تهاوت علينا ..



كن الظهر ياسعود فيه انغمد سيف
والصدر صار لكل الاوجاع مينا ..


http://sabq.org/files/org-listed-updates-image/1047.jpg



اقول يا محمد متى فارق وكيف
واصيح ياسارة متى هو يجينا ..



يانوف من عقبه ترى بسمتي زيف
جف الفرح من حولنا وانطفينا ..



http://www.okaz.com.sa/new/Issues/20091225/Images/b22.jpg

أبوك يانواف ماله تواصيف
وانشد مشاعل كان مثله لقينا ..



والكون ياهيفا بلا ظله مخيف
واعذر بكانا يافهد لو بكينا ..



كان القمر كان البحر والمجاديف
كان الحنان اللي بحضنه دفينا ..



وكان الملاذ لشاكي الضيم والحيف
كم شال عنا كم خذا عن يدينا ..



عاش ورحل كله مهابه وتشريف
جار الحرم فوق الحكي وان حكينا ..



والله لو كان المقدر على الكيف
ماغبت يا نايف ولا احنا ظمينا ..



كل مارخيت الجفن جدت عواصيف
والشوق ثار وفارقتني السكينه ..



وشفتك مثل شمس بروس المشاريف
نورك يناديني وانا اقول وينه؟ ..



والقاك واصحى والمحك راقي النيف
حي ولو صلت عليك المدينه ..



أحسك بجنبي ماهي تخاريف
ياساكن عيون المهاة الحزينه ..



في ذا جلسنا بين صمت وسواليف
وفي ذا الممر اثنينا كم مشينا ..



وفي هالزوايا كم جمعنا مواليف
وياما على ذيك المرايا ضوينا ..



عشره عمر ماتنتهي بالصواديف
وذكرى تبي تحيا ولو مابقينا ..



الموت يانايف كتاب وتصاريف
وحنا بحكم اللي خلقنا رضينا ..??



مهـــــا السديري
إبنـــة الشاعر محمــــد الأحمــــد الســــديري(رحمه الله)

منقول

[رفيقة الغيمه]

رحم الله فقيدنا الراحل

وصح لسان سمو الاميره

رائعه ومعيره تلك الكلمات لابعد مدى

شكرا لك العميد

ودمت بحفظ المولى

[المغروره]

العميد
رائعه بروعة حضورك
ودي