ابيــاتنـــا اليتيمــــة

[الــجــامــحــة]

السلام عليكم ورحمه الله وبركاته

حياكم الله وياهلا بكل
من شرفني بدخوله لمتصفحـي المتواضع



هنا حبيت ارحب بجميع الأبيات الغير مكتمله ,,

من اصحاب الاحساس و القلم المميز والأبداع الأكيد

*
*

احيان نكتب ابيات ولكن لانكملها
بقصيده ويذهب ابداعنا معها

ولكن هنا وودت ان اعطي هذه الحروف حقها


*
*

اليكم من ابياتي اليتيمــة


ماجيت انا لنت لاجل التعارف***جيت انثر حروفي بفخر وتقدير
اكتب بحبر وقاف طيب يوارف***على مسار السطر اخط تعبير

[شِيخةّ الغِيد |❥]

وَعلييِكمّ السلَآمْ
حيآك أَختي الجآمِحهْ
فكرهْ جَميلهّ
وَ سيَكتمل عَقدّ جمآلهااَ بـ الَمٌشاركآتّ
حتمآ سيكوٌن لِي تواّجد هٌنااَ
تِسلم اَنآملكّ الَمٌبدِعهْ
لِروٌحك الوِدّ والتقَدِيرْ ..~

[صاحبة الفخامه]

سلمين الجامحه
فكره روعه انا مو شاعره
بس بكون صاحبة مرور
يسلم فكرك
اختك
صاحبة الفخامه

[ابو دماس]

عليك وعلى والديك السلام ورحمة الله وبركاته
حياك الله ومرحبا تراحيب المطر موضوع راقي ورائع
واجزم انه سوف يلقى القبول من شعراءنا الافاضل
شكرا لك اختي الجامحة بحجم السماء ولا يسدونك

[الشفق]

حياك اديبتنا الجامحه
فكره رائده وتستححق التفاعل
وفعلا ياكثر الابيات اليتيمه والقصائد
التي لم تكتمل عند كثير من الشعراء


(؟؟!!) تعالي مادام اليوم حان الفراق
من قبل لاتحرق أشواقي شظا مبرقه

ادري فراقك جريمه يابعدي ما يطاق
وادري إن شمس الغلا من حرها محرقه

أنا ووجه الفراق بوقتنا في سباق
خليني اغنم ثوان العمر حتى اسبقه

أحس فيني الفضا من بُعدك اليوم ضاق
من شدة الضيق لامس مغربه مشرقه

[الــجــامــحــة]

سلام مني عد ماهلت بالسماء مزون***من لاعج المشرق وصلني بديمه
على اللذي يبغي وصالي على هون***تعال ريح في ذرى الطيب سيمه
تبرق غصون القلب دايم لك تمون***مايهون ابعد من غلا الروح ضيمه

[الشفق]

رحلة بحر من فكر شاعر لا ينام ....ولاسرح
.................سفينته بيض الورق ربانها.... سن أقلمـــــه

ركابها زين الحروف اللي تراقص له... فرح
............... اليا حضر تختال به وإن غاب عاشت تحلمه

[الــجــامــحــة]

ياللي غلاك بداخلي طيرٍٍوسرب
محد وصل بالذاكره من اوقاتي

ليتك قريب وموقعك مفرق الدرب
اجيك عاني واوصلك ياغلاتي

هذا قـــدر ربي بالبعـــــد نتعب
واللي يعرف الحب بصبر وثباتي

قلبي وقلبك مالهم لوم وذنب
نمضي بحكم الله مقدر وياتي

مالوم قلبي لوطلب شوفتك قرب
مشتاق لعيونك بوصلك مقاتي

[ابو عبدالله القرني]

يسلمو الجامحة
فكرة رائعة وجميله وابشري بعزك
افردو لي صفحات
هههههههه
اكسل واحد انا في هذا الشيء

يا سهام الوجد وجروح الليالي والسنين
يابعد كل الخلايق مــــــــــدبره او مقبله


يامليكة عرش حرفي ياوله سري الدفين
يابدر حراق ضيه كل ماهــــــــــــل اكحله


بين رمش العين احطه والله الواحد يعين
مايلام العاشق الي بـــــــــــه سهام بمقتله

لو يلف الكون كون له هنا نبـــــــــع ومعين
ننطــر لحـــــــزة ظماه ومستحيل أنزعـلــه

[الــجــامــحــة]

اللي سئل عني فيا مرحبابه //ومن صد عني جعل دربه تساهيل
ياللي على بعده مطول غيابه// جعلك بخير ياشذى العود والهيل
يروح ثم تبعد بقلبي غلابه//ياللي فراقـــــك متعب القلب والحيل
فكري وقلـــبي سالي مادرابه//حتـــــى مـــــع التوديع قفا مقابيل

[الشفق]

ابو عبدالله
الجامحه
ي خوي كل المنتدى تحت امرك
امطر بس انت والجامحه
بروح افتح موضوع بميدان المحاوره
بطلب الجامحه هههههههههههههههههههههههه
ليت الظروف اليا اسمحت ما اتعبتني
مدري علام اظروفنا صاحبتنا

انا اتبسم .... مير هيا اكرهتني
ياليتها بالصمت ما عاقبتنا

انا تناثر طيبتي ما اجمعتني
ما كنها تذكر ليال اجمعتنا

هذي وداعية بصمتك تهني
انا مسامح زلتك سامحينا

[الــجــامــحــة]

لالالالالالا
لاتورطني ياخوي هزاااااااااااااااااع
تراني ماني قدك قصايدي غزل واخااااااااااااف
منكم ابتلش في نساوينكم
هههههههههههههههه

[الــجــامــحــة]

ضروفي ماتساعدني ولاودي اساعدها
انا مقدر على حرفي بيجبرني على المنفى
اساير كل حرف جا على الاوتار اساندها
حروفي لو اصرحها اكون اعطيتها المرفى

[ابو عبدالله القرني]

اتحسف عليها كثيرا لانها لم تكتمل رغم قدمها

قالت ســــلام ..قـــلت وشلـــــون..
قالت وجعع..قــــــــــــلت صدوووو..


قالت مــريض ..قلـــــت أيهــــــون ..
قالت خــــــــــــباال..قلت هــدوووو..

ساعة ذبــــول .. ورد يا غــــصـون..
لحـــظــــة وداع...مـــــــــــــــير ردو..



عدو بهـــــدوء..ارحلــــو بهــــــون..
مــــــرو بسكات.. ثـــــم عـــــــــــدو..


لمو الحـــــروف ..وأمـــطرو عــيون..
وشلــــو الـزهاب...ثــــــــم شـــــــــدو..

[الــجــامــحــة]

ياطارشي بلغ الغالي سلامي
الصاحب اللي مانسيته ولايوم

رد الخبر وارجوك قله كلامي
غلاه عندي ماله خشير ولايزوم

حبه بقلبي باني قصور وخيامي
بلغه ياطير وبجناحك علوم

[الــجــامــحــة]

جيت لتوديع وابي منكم عذر
السموحة كان زليت باللساني

حرفي المجنون يطلب بكل فخر
تذكرونه لو بخربشته اماني

بينكم حسيت بكل طيب وعطر
برجع الكم كان ساعدني زماني


المخوة مكسب وتثمر شجر
انزع ودكم باغصانه سقاني

[الحر الشقر]

الا الفراق وبعدنا عن بعضنا=بالله لاتقلين تصبح على خير

[الــجــامــحــة]

ياعيون الشعر همي بكل فخر
وانثري حبرك على سطر الاوراق

صابني في مقتل الطيبه خطر
من اثق بالناس جرحي باحتراق

ياخسارة قلبي الوافي انكسر
وله عهد ماينكسر بعد الفراق

[شلمار]

موضوع جميل جدا

تسلم الايادي والافكار الرائعه

سأعود باذن الله للمشاركه

تحيتي

شلمار

[الشفق]

احووه صوتي من كثر ما اناديك
تصدقي؟ ....حسيت بالحلق بحه

يرثى لحالي والدوى بين اياديك
انتي عذااابي والدوى والمصحه

ردي النظر فيني عسى الله يخليك
الحب مايعرف يدين المشححححه

ارضي عيونك وازعل الكون واغليك
هذا ندا قلبي فديتك توووووووحه

اتخيلك جمره واضمك واصاليك
من عشقي اغني على الطار دحه

[الشفق]

مابين ود وشوق وآمال وأمل
كن الفراق اراه لوح لي بيده

الصاحب اللي بان بـ عيونه خجل
ي خافقي من داخلك لا تبعده

وان مر لحظات الجنووون ع عجل
الكلمه اللي حبها منها زددده

ولادة آنية يُتم!!!