قصـايـد والقصـايـد مــا نسـاومـهـا بـجــاه وْمـــال نـعــبّ بـحـورهـا وان هـــاج مزمـلـهـا

[فالي البيرق]

تقزمي في عين حسادي وأنا عملاق فرض
لأن علوي عن وطاهم شي ربي ملزمه

ما تشوف حجم الشمس متقزم على أصحاب الأرض
متقزمين ويحسبون الشمس جات مقزمة

يا رب و أنا عبدك إلي ما بعد هتكت عرض
و إذا لقيت الضايق المحتاج وقفت أعزمة

إن ما علي أشبهك وإذا غضبت أقول إرض
رزنامة أفضالك مداهة ما تشابه الأرزمة

زد مشبري في الطول طول ومن قوي العرض عرض
أو اعطني النصر المبين إلي ما غيرك يهزمه

لو المراجل تنشرى سحبت لي مليون قرض
حتى أثبت محزمي يوم تراخى الأحزمة

شفت الحياة بدنيتي سنه وشفت الموت فرض
يوم أتقزم في عيون العالم المتقزمة

[فالي البيرق]

يا ابن آدم كل ماكنـت انظـر الجـرح العظيـم مالقيت اعظم من جروح الندم بين الجروح
ويـا ابـن آدم كـل ماقلـت الزعامـه للزعـيـم ينتشي بي كبريائـي فـوق شاهقـة الصـروح
والـدروب يقودهـا درب الصـراط المستقـيـم واستقامات البشر بين الصراحه والوضوح
والغصون اللي فرحها غيـر لا هـب النسيـم ماتسـأل عـن معـانـاة الحـمـام الـلـي يـنـوح
ياهل الزور ان حلفتو زوركـم وجـه الكريـم فاح ريحاً من الكذب والكذب له ريحاً يفـوح
يارحيم الصـدر ضايـق حيـل ستـرك يارحيـم والدروب طوال واقدامي من اللهفه جمـوح
اعطنـي مـن لدنـك التوفيـق والعقـل الحكيـم والعزيمـه والمـعـزه والمـراجـل والطـمـوح
والقمـر يغرينـي اغنـي علـى اللحـن القديـم ويجـذب البـراق عينـي كـل ماشفـتـه يـلـوح
والقـسـاوه للـرجـولـه والنـعـومـه للـحـريـم ياكثـر ناسـا تجـي فـي عينـي وناسـا تــروح
اكثـر اهـل الارض خلانـي وانـا مالـي نـديـم يشتكون جروحهم عنـدي وانـا كلـي جـروح

[فالي البيرق]

لعـب الزمـن مـا هـو مثـل باقـي العـاب إلعـب علـى كيفـك واذا تــروم لا تْـتـوب
بَيْـجـيـك يـــوم وْتـنـدفـن تـحــت لِـتْــراب عقـب الدفـن بَتْعَـرْف وش يعنـي لْعـوب
لـو نـك فَتحـت أبـواب لــك غَـالـقٍ بــاب ولـو نـك تعـرف العيـب العيـب عَـذروب
بـديـت أكـتــب واجـلــب كْـتــاب بـكْـتـاب آخـــذ معَـانـيـهـن واخـلّـيـهـن بْــصــوب
إذا الشِّعـر يـا نـاس قِـدْ جـاب مـا جــاب وان جاك شِعـري بالفعِـل جَـاك مَكْتـوب
هــذا وانــا أرقــى عـلـى كـــل مـرقــاب أسـري بليـل الضـدّ مـن فـوق عَـرقـوب
هـذا وانــا أشّــر وهــي تطـيـر أســراب بيـض الحَمـام تطيـر مــا تحـمـل ذْنــوب
هــذا وانــا تـايــب وإبـلـيـس مـــا تـــاب هــذا وانــا أنـعَـت وهـــو ضَـيّــع دْروب
هـذا وانـا أضحَـك وهـو يضـحـك بْـنـاب ثوبـي ستيـر وصاحـبـي عَــاري الـثـوب
هــذا وانــا اعــدّ الـخَـطـا عَـــد لِـتْــراب ينعـد كيـف انعـد وهــو كــان محـسـوب
بعض البشر تحسب على كيف الاسباب وبعض البشر من دون سِبّـه ومطلـوب
كلٍّ يحَسْب احساب وآنا احسب احسـاب وْكـلٍّ يجـي باسلـوب وآنـا لــي اسـلـوب
بَــابٍ فـتـح مــن بَــاب والـبــاب كَـــذّاب بَــابٍ إذا يفـتـح تــرى الـبــاب مَـكْــذوب
هــذا وانــا اغـنّـي وانــا اقــول سَـحّـاب سَحّاب يَمطر صوب وانا أمطـر بْصـوب
مثـل العـروق تجيـس وتـدق الاعصَـاب أو مثـل سَاحِـر طـار فـي الجـو مجلـوب
مـن هـو يأمِّـن يمشـي بْليـل فــي غَــاب بعض العَسَل يـا صاحبـي سَـمّ مَشْـروب
هــذا هَدفـيـه صبـتـه وْصَــاب بـصــواب صوب الذي صَـوَّب ولا صـاب مَصيـوب
بـحـرٍ غـزيـر وْطـامــي الـبـحـر عَـبّــاب ونَــارٍ تطَـفّـي نَــار مـــن حَـــرّ لاهـــوب
حَـــدٍّ عـلـيـه عـيــون والـنــاس رقّـــاب وْحَـدّ اختفـى لـو كـان بالحـيـل مَـرقـوب
حَــدٍّ يـشـلّ ســلاح وْحَــد شـايـل حْــراب حَدّ يعشق شْـروقٍ وْحَـد يعشـق غـروب
حَـدٍّ يشيـل الهَـم فـي ضَــرب الاصـحـاب كل من ضَرب في يوم له يوم مَضـروب
أنـــا مــعَــادِل آخــــذ الــحُــب لاحــبــاب وْكـلٍّ يحـب الطـيـب .. الطـيـب محـبـوب
قـالـوا سَـهَـل إنّــي أنـــا أفـتــح الـبــاب وانـا هويـت الصعـب لـو دارت حْــروب
لعـبَـه وانــا ألـعَـب عـلـى كــل الالـعـاب طبـعـي أنــا غَـالـب ولا آكــون مَغْـلـوب

[فالي البيرق]

لا تجزع من أمر الولـي ولا تضيـق وتعتـرض يكفـيـك فـخـر إن المشـاعـر خلـتـك محبـوبـهـا
لا والذي بعـث محمـد و أرسـل الحـق وفـرض ديـنـه عـلـى أرض وبـسـط هدايـتـه لشعـوبـهـا
ما غبت عنـا يـا حزامـي ولـو يغيبـك المـرض غـلاك يسكـن فـي عيـون أهـل الوفـا وقلوبهـا
يــا جـعـل أمثـالـك يـزيــد وعـكـسـك يـنـقـرض لـجـل بــلاد جابـتـك تخـضـر فــي كــل دروبـهـا
ويعرض التاريخ نبـذة عـن حياتـك مـا عـرض إلا مـواقـف تلـفـت أنـظـار المـواقـف صوبـهـا
علـم مؤكـد لـيـس بمتـوقـع ولـيـس بمفـتـرض لأن نفـسـك تـجـذب العـالـم بحـسـن أسلـوبـهـا
نشمي ولا حصلت لك محتاج تقضي له غرض وأعـدائـك تــدور منافسـتـك لـكـن يـــا دوبـهــا
يمناك تعطـي ومـا تحسـب بالعطـا لـو تقتـرض مـيــزة الـنـفـس الـعـزيـزة عـزهــا مطـلـوبـهـا
دخـيـل الله لا تـطــول مـعــه تـكـفـه يـالـمـرض مــا تــدري إنــه المـشـاعـر خـلـتـه محبـوبـهـا

[فالي البيرق]

أنا فـي الشعـر ابـن هـذاك إذا إنتـه تعَـرْف الشعـر أهيـجْ فـي البحـور أمـواج، أمشّيـهـا عـلـى كيـفـي
واقـول لـك لا تجارينـي تـرى أمشـي بــدربٍ وعــر واذا تبـغـي تجاريـنـي تـــرى لـــك صـامــدٍ سـيـفـي
ولا تضمـن تحـوز النصـر وانـا بـحـرٍ وانـتـه نـهـر واذا عـارضـت تـيّــاري تـبــرّى مـوجــي وْسِـيْـفـي
وكـم مـن واحـدٍ غيـرك تعـرّض لـي وجــاه الـكـس رودارت بـه هبـوب رْيَـاح فــي أقــوى عواصيـفـي
تهـاجـم سـايـل الأقــلام وسـطـرٍ مــا يـهـزّه سـطــر وإنـتـه ويـنـهـا افـكــارك عـــن بْـيـوتـي وْتهـديـفـي
تبـا روس العـلا وانـتـه تـحـوّل فــي طريـقـك حــدر تـحـاول بــس مــا تِـقْـدَرْ بــأن تـوصــل مشـاريـفـي
نـجــوم الـلـيـل مـاتـنـوِرْ إذا بـيّــن شـعــاع الــبــدر وش اللي يجمع الوسمي على سحب ورْعد صيفي
تـشـوف الجاذبـيّـه لــي فــي هالدنـيـا تـجـرّك جـــر أنــا عكـسـه أفــرّك ويــن مــا أبـغـي عـلـى كيـفـي