ياما خذو مني ولاحدٍ عطاني...

[الملتاع]

البارحه مدري وش اللي خذاني
يوم اجنبو عني من الضيقه اشملت

جيت اتكلم بس عيا لساني
ماكني الا مرتكب ذنب واخملت

الله يسامح من ذكرت ونساني
وانا ادري اني لاذكرته تجملت

عانيت وادري كل طيب يعاني
وعلى حساب طعوني الخضر جاملت

ياما خذو مني ولاحدٍ عطاني
من طيبتي في حق نفسي تساهلت

عزاي لامنه تجهم زماني
يممت وجهي للكريم وتوسلت

واللي يبي قربي وبعدي لقاني
امشي على وضح النقا ماتختلت

مرات احس انك معي شخص ثاني
ومرات احس انك حبيبي ومازلت

لاتفرح انك دجت بين المحاني
لو ماتخون الذاكره ماتسللت

عشان ماضيك الجميل وعشاني
حاول تشيل من الوفاء ربع ماشلت

ماني على خبرك حبيبي تراني
حتى عن صغار الاماني تنازلت

مما راااق لي

[ابو دماس]

ما راق لك راق لي
اشكرك على هذه الذائقة الشعرية الرائعة
بارك الله في قولك ومنقولك

[غرور النفس]

ماني على خبرك حبيبي تراني
حتى عن صغار الاماني تنازلت


راقت لي جدآ
مميز في انتقائك سلمت يداك

دمت بود

[وجه الغياب]

صح لسان مبدعها وسلم ذوقك
منقول جميل
يعطيك العافيه

[ابو عبدالله القرني]

صح لسان مبدعها
وسلمت يمناك
نقل رائع واختيار مميز
شكرا لك الملتاع

[اوركيد]

ماني على خبرك حبيبي تراني
حتى عن صغار الاماني تنازلت




ذاىقه راىعه اختارت نص راقي ..

[الملتاع]

الاخوان
ابو دماس
غرور النفس
وجه الغياب
ابو عبدالله
اوركيد

اشكر لكم مروركم

وتنويركم هذا المكان
تحياتي للجميع