المساعد الشخصي الرقمي

مشاهدة النسخة كاملة : مًآبِقتَ فينيً سنآبلً تنًحنيً عنِدْ المَغِيبُ


الحنين
11-02-2011, 03:50 AM
http://www.aljsad.net/imgupload/uploads//089cc10d112b0fbe6a1677fda8a61c12jpg


لا تغيب


لا تغيب


لا تغيب




ما بقت فيني < سنابل >
تنحني عند المغيب ..
مزقتني هالمناجل
وصوت زاجل
والسواقي ..
وحزن طفلٍ فيني باقي ..
من تنفسها هالصباح
إلين طاح ..؟!
في حضن عمره ونام
29 عام
مو حرام .!!!
تطعن الصبح / وتلوح للحمام
مو حرام ..!!
كل ليلة بي تغيب
]] لا تغيب ] ]
ما بقت فيني سنابل


تنحني عند المغيب
لا تغيب ..
البحر ما عاد يقوى ( إختلاجي )

و إحتجاجي وضيق صدري
لنه يدري ..
من هو فينا كان يغرق .!!
يا حزنهم وين ابغرق ؟
من هو فينا كان يغرق
وكل ما أغرق
أغرق .. , , .. أغرق
يخفت الفانوس نوره في فتيل
وكنت أميل كل ما مال الفتيل ..
كنت أركز به حضوره ..
والمشاهد ذايبه من أمامه
وخلف " بلورة " تسيل
تمتزج ألوانها وما أشوف إلا فتيل


حسبي الله الوكيل
حسبي الله الوكيل
حسبي الله الوكيل



وينبثق بي هالبكا
كانوا هنا
كانوا أنا .!!!
كانوا يغنون العنا
ثم غادروا يا موطني !!
محدن بكاهم كثرهم الا أنا



محدن بكاهم كثرهم الا أنا
محدن بكاهم كثرهم الا أنا
محدن بكاهم كثرهم الا أنا




والمدرسة وحفنة تراب ..
عمرها عشرين آب ..
وهي تغني حلمهم
يا صغار
يا صغار
التربة غربة
يا حزن والغربة تربة
تهدي ضلوعي شتاء
وتختزل بي ( لي متى .؟! )
وتنبت عيوني نوارس ..
يا حزن / هالبرد قارص
يحتسي بي وحدتي..
يرتشفها
يلتحفها
ورغم ذلك ما يعرفها ..!!
يا لحزني
البحر / ما عاد يقوى إختلاجي
وإحتجاجي وضيق صدري
لنه يدري



من هو فينا كان يغرق
يا حزنهم وين ابغرق ؟
أنت ماكنك حزن او مجرد تسمية
الحزن ماهو حزن
أو مجرد تسمية
الحزن /
لما تشوف
دمعتينك داخل عيونك تطوف
وما تبلل وجنيتك
الحزن /
ماهو بإيدي يا قصيدي أو بيديك
الحزن /
آلة وتعزف
داخل ضلوعك شتاء
وتحطب عيونك ( متى ) ؟
وينتشر بك شي قارص
يشبه الهجرة من الشاطئ لمجموعة نوارس
الحزن ماهو حزن
أو مجرد تسمية
الحزن /
لما تكون
تقرأ بعيون أصدقائك ..
وتدري باللي يكتمون ..!
وقبل لا هم ينطقون
تنطقه لو بإحتضارك ..
ولما ترمي حزنك ابمرأة دارك
و أنت ما تدري وش تبي ؟
الحزن /
ما هو حزن
الحزن ذا لولبي
لعنبوه ليا ألتوى ..
كنه آخر جرات عزوم الكمان
بآخر أوتار التوحد ..
لا توجٌد بالبكاء "فنان"
يزفر بأوصال روحك وبجروحك
( كل شيءٍ فان )
( كل شي فان )




الحزن ماهو حزن
الحزن/
سجّان
يشهق ألوان الصباح ,, وكل نور لك مباح
ويزفر العتمة بعيونك
ولما تشكي ,, أو تحاول مرة تبكي ..
الحزن ذا يخذلك
وربي إنه يخذلك
جوى صوتك
جوى نظرات يبعثرها ((( سكوت ))) مثل موتك ..
لما تسمع هالسؤال
ليه حزنك دايم مستمكنك ؟؟
ليه حزنك دايم مستمكنك


ليه حزنك دايم مستمكنك ؟؟


حينها ودك تسولف
وتصرخ في كل إتجاهات المكان
وتنبت لسانك [ مأآآذن ]
وترفع أحزانك [ أذان ]
وما تسولف له عشان :
داخلك من يمنعك ..
يمسك لسانك عليك ..
وكل إيحاء بإيديك
ما ترك لحظتها فيك
إلا : [ رعشة ] و [ دمعتين ]

تعكس ابداخل عيونك كل مصابيح المكان ..
أي وربي هالحزن هذا جبان
يملئ شباكك غرق
ولما ترخي جفن شباكك عليك
سيّلك ها.... منّه
لا تكنّه ..
أسحب أهدابك عليك
من ذبح لك هالسؤال وينتظر هذي الإجابة .!!
تكفى يا جفني دخيلك لا يطق الدمع بابه
أرمني في كل الزوايا
أرمني في اللامكان
بس في هذا المكان
تكفى دمعي ما هو جاري







بدر الفرحـآن

شِيخةّ الغِيد |❥
11-02-2011, 04:37 AM
سهميه خجووله
رائعه كما أنتِ...
للـأبداع يارائعه وقفه بين يديككِ
شكرا كبيرا لهذاالتألق
دمتِ رائعه دائما ً...ودمتِ بــ خيروهناء
ولي عوده لروعة الكلمات هنا
بنتظآرجديدك القآدم
ودي ووردي ....

لحن الحياه
11-02-2011, 04:37 AM
غردت اقلامك وعزفت تلك الكلمات
التي ينتحر على اعتابها الجمال والحسن
والابداع
توهج من شوق مفعم بالعطاء ...
اغرمت في اصل الوفاء
حروف ... تناغمت وتناثرت عطراً ملئ بجمالها
وحسها ذوق المســاء
لا اقدر ان اوصف لذه اختيارك للكلمات الرائعه
فاشكرك على انتقائك الرائع

عَروس السَمَاء
11-02-2011, 04:58 AM
لكِ ولطرحكِ كل إجلآآل
سلمتي وسلم ذوقكِ

الحنين
11-02-2011, 10:48 PM
عواافي ياالغوالي
لكم ودـآًإ " غيرمنتهي ولكم ـاحترـامآً "و ـاكثر
منورين