نصحتك لاتهز الكتوف لدقة العود=وتمايل كل جسمك طرب وابتلشنابك

[التميمي]

توكلنا ع الله



نصحتك لاتهز الكتوف لدقة العود=وتمايل كل جسمك طرب وابتلشنابك
ولو مافيه غيرك معه شعله وبارود=تركتك على هذا وذا تفتل اشنابك

[هيبة ملك]

صح لسانك يالنجم الساطع ومتلألأ بين نجوم شفق ...

دمت ودامت شاعريتك...

[التميمي]

هيبة ملك لك شكري واحترامي ع كلامك الطيب ياطيب

[عقاب]

توكلنا ع الله



نصحتك لاتهز الكتوف لدقة العود=وتمايل كل جسمك طرب وابتلشنابك
ولو مافيه غيرك معه شعله وبارود=تركتك على هذا وذا تفتل اشنابك



وانا معك بنصح مثل نصحك لذا المقرود=حذاري حذاري لاتردا ونشنابك
ترى لو فيه غيرك للسلمك لال سعود=وقلك تقهوى من دلالك وشنابك

[شِيخةّ الغِيد |❥]

حيآكم الله
نَجمْ ..عقآب

صصَحت الالسسَنْ والقلوٌب
نتمنىآلكم ليِله شعريهْ جَميله
:)
آحترامِي ..~

[عقاب]

حيآكم الله
نَجمْ ..عقآب

صصَحت الالسسَنْ والقلوٌب
نتمنىآلكم ليِله شعريهْ جَميله
:)
آحترامِي ..~


يامرحبا مليون

سبيع وقحطان اخوان

مافيها كلام والداخل بينهم خصران

[التميمي]

ترى ماانت مع سكان هاك البلد معدود=ولالك ذكر واضح سوى داخل اكتابك

[التميمي]

الا وديتني حاكم الديره المحمود=يبي يشكر جنابي يبي يكعم جنابك

[التميمي]

مرحبا بالاخت ساره وشكرا لك

[عقاب]

طردتك من اديارك طرد فالليالي السود=وذوقتك العلقم لكن هدي اعصابك
انا ما حسبنك انت ابو كتاف يامطرود=لكن اعترافك للشرك يالغبي جابك

[التميمي]

ترى اللي سواتك مايناطح صخور الطود=يابو قرن ضعيف ترى مااحد هابك

[التميمي]

لقيتك قبل مده مبلغ عنك مفقود=وقالوا سبب فقدتك عله من اسبابك

[عقاب]

صحيح انت من ينطح صخورن وسبعه حيود=ولك يوقف الرجال وقفه وهلابك
مادام انت لاقيني فانا يانجم موجود=اجل كيف انا مفقود يانجم وش صابك

[التميمي]

تبي تاكل اللقمه وحلقك صار مسدود=وفقدت السيطره وانتهينا من احسابك

[التميمي]

لقيتك وسط جيب يسوقه سليل زيود=ونساك القرابه ووداك لااصحابك

[عقاب]

وش اللي وصلك للجيب يالغاوي النمرود=عسى مايكون السايق اللي كسر نابك
مادام ان فيه ازيود ماهو بنا يالفود=لكن روحله وانشده ودخله بثيابك

[التميمي]

لفينا سياحه في ديارك عساها اتزود=وشفتك مع الزيدي يعبي لك اجرابك

[التميمي]

ترى الحوثي اللي من جنود الوطن مصيود=ماغير الذبح حكمه ولو هو من احبابك

[عقاب]

مادام انت شفت الزيدي وسيفه المجرود=تراك انت كفو لصدت السيف ونخابك
سياحتك للحوثي ماهي يم ولد العود=ولا هو من اقرابي ولا هو من اقرابك


بيض الله وجهك يانجم على هذا الطاروق اللي ماعقبت به شي ههههههههههههه

[شِيخةّ الغِيد |❥]

مآششآلله ابدعتوٌ
:)
صَح النبضضَ يآ عقآب وَ نَجم
آسسعدتوٌنآ بآطلآلتككمْ
طآبت آوقاتكمْ بِكٌل خير
ودي ..~

[عقاب]

مآششآلله ابدعتوٌ
:)
صَح النبضضَ يآ عقآب وَ نَجم
آسسعدتوٌنآ بآطلآلتككمْ
طآبت آوقاتكمْ بِكٌل خير
ودي ..~


هلا بالغلا

مشكوره على تواجدك الراقي

وماقصرتي وبيض الله وجهك

مليار

لالالا

ثلاثه مليار

تستاهلين الطيب يانسل الاخيار

[الهواوي]

صح لسانك وعلي شانك

سلمت ..ننتظر القادم