في الصميم

[هيبة ملك]

يا زين وقتن فات ما هوب هااللحين
يوم النوايا كلهن صافياتي

والحقد ما يوجد ودايم سعيدين
ونفوسنا سمحه وسكر نباتي

وبيوتنا وانسه ولا به شياطين
ما يدخله صورة ولا منكراتي

ويطرد ظلام الليل عنا سراجينَ
وأحيان يقضي قازهن طافياتي

مشروبنا صافي من الزير ولبينَ
ما هو بـ مستورد سريع الفواتي

ما صنعوه الغرب يافالهم شين
ما به مواد الحفظ ومسرطناتي

وعشانا مرقوق بين العشاوين
تحطه أمي قبل وقت الصلاتي

لقمة هنية طيبة طعهما زين
تحوفها بيدينها الطاهراتي

ثمن ننام أليا قضينا مصلين
بعد العشا كلن يريد المباتي

وأمي تنومنا بزين السباحين
سوالفن من عندها طيباتي

ننام من بدري ونصحي نشيطين
بعد الشروق أشغالنا جاهزاتي

ما به كسل لاشغالنا مستعدين
ماعندنا سايق ولا خادماتي

نلبس بيوم العيد ثوب السباهين
وأمي تحنينا نماري البناتي

نشب نارن بالشتا ومتدفين
ما فيه دفايات ومكيفاتي

يجي المطر وثيابنا تمتلي طين
ونلّعب جميع عيالنا والبناتي

يصب مثعبنا ونملأ المواعين
ياحلو ذاك الما وذيك الحياتي

ماهي حياة الحين يا شين ها الحين
كله غثا وهمومنا كاثراتي

كل شي يجي لك لو بكلمةٍ تنادين
كل شي توفر بس ما به حلات

[ابو دماس]

صح الله سان قائلهاا
وسلم لنا ذوق وفكر وبنان ناقلها
من القلب اشكرك ابا محمد

[الحنين]

،


نص شعري عميق وفي الصميم فعلا ..
سلم مدادك على ماجلبت ..
دمت بصفاء

[غرور]

اختيار القصيدةفي غـــاية الــــــروعه والجمالــــــ
وجـــــــــدت الـــــــــــــذوووق والــــتميـــــز في مـــتـــصفـــحــك
سلمت يمــــنـــاك على النقل الأكــثــر من رائع
لك ~ إكليل ~ الـــــــــــــــورد