الشوق الطاغي

[عبدالله الشمري]

عيني بعينك واحمر الموت دونك = احرجتني تنظر وانا بين ناسك

انا استحيت قلت لا يعاتبونك = وانت الهوى طاغي وحاضر براسك

ماشفت غيري؟ ليش جنّت جنونك؟ = ياحظّي البايس و يا قوّ باسك

ياعاصفة حبّي غشاني سكونك = من شفت زلفك ما سترها لباسك

سكران غيّ وشوّقتني فنونك = اعلّ كاسي شوق من فيض كاسك

ياليت ما تبرى بقلبي طعونك = لا للملام ان كان يجرح احساسك

ان سجّلوني من ضحايا عيونك = فداك ياقاتل بساحر نعاسك

قبل الفراق اخاف تقفي ضعونك = تقتل طموحاتك بثورة حماسك

[أبو رنيم]

صح لسانك واعتلى شانك اخى الكريم
مبدع واكثر
بارك الله فيك

[غرور النفس]

سلمت يداك وصح لسانك مــــليون ولايكـــفون
تقديري وفيض احترامي لبوحك
وشخصك الكريم

[ملكة نفسي]

صح لسانك واعتلى شانك
مبدع واكثر
بارك الله فيك

[السحاب]

صح لسانك
نص جزل من شاعر جزل
تحياتي

[الشفق]

صح لسانك عبدالله الشمري
ورائعه من روائعك التي لا تنتهي
امتاع لحد الارتواء من الشعر
دمت ودامت لنا اطلالتك
*****وتقييمي
ومودتي
،
الشفق

[شِيخةّ الغِيد |❥]

وهآ
قدْ عآدّتْ فخَآمَة الِشعر وجمَآل الـأبَجديهه
أهلآبِك شآعرنآ القدِير ..عَبد الله الششَمِري
قَدّ أَطلتْ الغيآبْ لِكنكْ عٌدتْ
بمآيروٌي ظَمأ الذائِقهه
لـ نصوٌصكك الشِعريه
تصوٌيرِ بآذخ ومٌدهِششْ
ترسٌم لنآ الوَجدّ والشَجنْ بريِشة فنآن
مٌتمكِنْ مِن الشِعرْ وَ أسآلِيبهه
أَبدعَتّ
صَح البنآن يآقدِير
موٌدتِي ..~