لحدن ٍ يحاكيني ترى الخاطر اقصاهـ

[ملكة نفسي]

http://forum-ksa.com/up//uploads/images/forum-ksafa5840ecf0.jpg
لحدن ٍ يحاكيني ترى الخاطر اقصاهـ
والدمع ..يا قلب العنا مايطيبكـ


حتى لو ابكي وش ورى دمعي و ماهـ ؟؟
ويلي علي ادري ويش قلبي يبي بكـ


تطري علي والقلب ماجاه كفاهـ
غايب... لكن غيبتك ما تغيبك


خذيت تلفوني القديم أتِقراهـ
الين فاحت شاشته ريح طيبكـ


رقم ك.. مسجاتك.. وصوتك و طرياكـ
كن الطيوف اقبال عيني ...تجيبكـ


لابوك ي التلفون ماتسمع الأأأأهـ
في ذمتي انك صدق ضيعتني بكـ


متعومسْ الخاطر وياقلب ويلاهـ
ماقد ذبحني الا سكوتك و طيبكـ


ولا انت...!! يا لاهي ولا ادري ويش الهاهـ؟؟؟
طف ِ بوصالك مابقى من لهيبكـ


ياحبك لقطع المواصيل حباهـ
قطعت قلبي منك .. لا قطع صيبكـ


وسويت في الي سواتك ماسواهـ
واتحملك مهما جرى و ارتضي بكـ


يا ذابحي ياصبر ذا القلب صبراهـ
ذبحته أبكفك وهو ملتجي بكـ


اتروح ..؟ روح و دربك الله يرعاهـ...
لو ابغي اجيبك اعرف أشلون اجيبكـ


در في ثرى الدنيا و مثلي ما تلقاهـ،،،
تبــــــــطي عظم ماشفت زولن يذيبكـ


حظ الهوا الي اتعيش به بس حظاهـ
لانه الوحيد الي قدر يختلي بكـ


ادرى عليك من الهوا و اتحاشاهـ
واورف بك وأهيم بك و اعتني بكـ


لانك سحاوي و السحى يكسر اجباهـ،،،،
وشلون ماتبغي الهوا يستحي بكـ


عيبي احبك لو غرامك معاناهـ
وانت الغياب الي بلا عذر عيبكـ


اضيق من جفواك و اجرها اااهـ
اخاف من غدر الزمان يغدي بكـ


لو انك تدري خاطري عقبك ايش جاهـ؟؟؟
يمكن تنوح الليل و اتطر جيبكـ..!


اشره على الحب الي عطيتك اياهـ
ملعون حظ ٍ حط ْحبي نصيبكـ،


هملتني بين الامل و المحاتاهـ
مدري عدوك صرت ولا حبيبكـ..؟؟؟!!!!


لامس احساسي
تحياتي




http://store2.up-00.com/Oct11/Dm482088.gif

[الشفق]

كذلك انا
لامست احساسي بشده
سلمت الذائقه ملكة نفسي
وتقديري ومودتي
،
الشفق

[ابو دماس]

صح الله لسان قائلها وسلم لنا ذائقة ناقلها
من القلب اشكرك اختي ملكة نفسي

[أبو رنيم]

ذائقه فريده مميزه
بارك الله فيك

[عبدالله الازوري]

الله الله
على الذائقه النابعه
من عذب المشاعر وجياشة الخاطر !
ابدع الشاعر وصح الله السانه وتسلمين اختي على منقولها .