وشلون قلبك ؟

[جابر السلمي]

http://shafaq-e.net/file/direct/t/31431352744409
محمد صلاح الحربي
"البحر"

كاتب 0000اديب0000 ناقد0000 وشاعر
يتميز بحس مرهف وخيال خصب وابداع لا حدود له
له دواوين شعريه مكتوبة ومسموعة منها (صبا)000 (شكرا لقلبك)
،
زاملته في منتديات عدّه له الأثر الكبير في استمراري الشعري
اقتبست منه الغيرة على الشعر وعدم المجاملة فيه.

لكم :


قصيدته العذبة
،،،
،،
،
تعبت من كيـف حالـك لا تنشّدنـي
بس أنت .. وشلون قلبك ؟ يابعـد حالـي




قل لي: وش علومك العذبـة وتسعدنـي
من خلْقت الحـب والغالـي مـن الغالـي



خذني لدنياك عني ليـن تبعدنـي
أبعد مـن اللـي تطـول يديـن غربالـي



دامك على اللي مثـل صبحـك معوّدنـي
أبتـرك اللـي يشابـه غربتـي خالـي



خذني .. أبرتاح منـي معـك وأفقدنـي
ما ودي أني معك وأطري علـى بالـي



زدني من النرجسـي والا بعـد زدنـي
من فتنتـة البابليـه وأزهـل قبالـي



بجيك كلي .. مثـل مـا كنـت عاهدنـي
وأنسى قديم الشقـا وأفديـك بالتالـي



هاللـي قبـل ماتجـي كنّـه مجـوِّدنـي
ماني معه عنك لو طـال النـوى سالـي



والا أنت لأبعـدت طيفـك للنظـر يدْنـي
وأكتبـك حلـم ٍ يحيّـر فيـك عـذالـي



وأقـراك وأشوفنـي بعيـون حاسدنـي
وأخفيك بالروح عنـه ومـا تهيَّالـي



أقرب وأصدّق عيونـي يـا مواعدنـي
صبح المطر .. والأغاني .. والمدى العالي




عاد أنت خذني هناك وعنـك أنشّدنـي

وأقول : أحبك معـك .. وآحبـك لحالـي





صح لسانك يا أبا صلاح

[الشفق]

صح لسان الشاعر الانيق
محمد الحربي
نص رائع
سلمت ذائقتك جابر
مودتي

[اوركيد]

زاملته في منتديات عدّه له الأثر الكبير في استمراري الشعري
اقتبست منه الغيرة على الشعر وعدم المجاملة فيه.




القرين بـ المقآرن يقتدي .. !!
لآ عجب ان تقتبس الجمآل من الجمآل ..



خذني .. أبرتاح منـي معـك وأفقدنـي
ما ودي أني معك وأطري علـى بالـي



عاد أنت خذني
هناك وعنـك أنشّدنـي
وأقول : أحبك معـك .. وأحبـك لحالـي



ذائقه تدل على رفيع ذوقك ..

تقبل تحيآتي

[جابر السلمي]

صح لسان الشاعر الانيق
محمد الحربي
نص رائع
سلمت ذائقتك جابر
مودتي
المطر
هزاع السهيمي
سيسعد محمد صلاح برؤيتك نصُّه
كما سعدت بإطلالتك على ما نقلته
يستاهل ثناءك ابو صلاح
وشكر ي وتقديري لمرورك
محبتي يا بهي

[جابر السلمي]

القرين بـ المقآرن يقتدي .. !!
لآ عجب ان تقتبس الجمآل من الجمآل ..


الشذيَّه أوركيد
شكرا لمقارنتي بعملاق شعر وأدب كـ محمد صلاح الحربي
كل الجمال حضورك وقراءتك نص المبدع ابو صلاح


ذائقه تدل على رفيع ذوقك ..

تقبل تحيآتي

كلك ذوق أختي الغالية
أسعدك الله
شكري الكبير لمرورك
نحيتي وتقديري