لا جيت ابنسى واتراجـع واسامحـك

[الشفق]

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
(مير) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي) واصافحـك
مثلك غلط عمري وابحيـا .. بدونـك


لعبـت دورك شاهـداتٍ مسـارحـك
خدعتنـي واظهـرت خافـي فنونـك


كنت اعتقد .. قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب .. شوفت عيونـك


لكن خسارة صرت غايـة مصالحـك
ياليتنـي ماجيـت .. لحظـه بكونـك


بالامس كنت بنشوة الحب .. امازحك
اخيـل برقـك واتحـرى امـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا طعونـك

مماراق لي

[اوركيد]

الله الله ..

يآ هيك الذائقه يآ بلاها ..

رآئعه يآ استاذ شفق ..


وان جيت تطلب .. ترتجيني اسامحك
بهديك طعنه .. مـن بقايـا طعونـك

[الهواوي]

لله درك ياالشفق

والله لو ماكتبت الا البيت الاول والاخير لتكفي لكل منهو يعني بهذا الكلام

دون تخير في هذه القصيده الوافيه ..سلمت كلك وصح نبضك الا مالا نهايه