روح في دربك واقول الله معاك

[صدى الملاعب]

روح في دربك واقول الله معاك
صعب تفهني وأنا صعــــب أسمعك

أللتقينا بكل شي الا هــــــــواك
وأتخذت أصعب قــــرار آودعــــك

الغرور اللي سكن قلبك عمــــاك
تحسب أن الحب خاتم بالصبعــــك

حبي الخايف رغم خوفه حمــــاك
وصدقي نزلنــــي ولكن طلعـــــــك

كنت أحسب أن الهوى كله وفاك
مطمعي حبك وحبي مطمعــــــــك

كنت اشوف الغيم يركض في سماك
وكنت أشوف الورد يتلاعــــب معك

كنت أشوف الشمس شمعه في ضياك
ومطلع أبيات القصايد مطلعــــــــك

كنت في عيني هوى روحي ملاك
صــــوّرك رب الخلايق وأبدعـــــــك

دوم تجرحني ومشيها معــــــــاك
دوم تنثرني وانا دوم أجمعــــــــك

لان حبي كان أصــــدق من خطاك
كنت انا أكبر من مجرد أخــــدعك

كنت أفكر كيف أنا أوصل رضاك
كنت أحاول في هوايه أقنعــــــــك

لكــــــــن الأيام ورتنــــي قســــاك
ماقدرت آقول كلمـــــــه تمنعــــك

أنتهى حبك وقلبــــي قد نســـــاك
ياخســــــــارة عمــــري اللي دلعك

لانت من ثوبي ولاني مســــتــــواك
خل هــــــذا الكون كله ينفــــــــعك

[غرور النفس]

ابيات راااائعه جدآ


سلمت يداااك

[صدى الملاعب]

مشكوره اختى
يعطيك الف عافيه

[سعدمتعب]

قصيدة اكثر من رائعة نتمنى المزيد

[ابو دماس]

صح الله لسان قائلها
وسلم لنا فكر وذائقة ناقلهاا
اخوي صدى الملاعب لك بساتيين من الشكر

[صدى الملاعب]

متعب بن سعد
ابو دماس

اشكركم على مروركم وتوواجدكم
ويعطيكم الف عاااااافيه
ودمتم بخير ...

[اوركيد]

تسلم ذآئقتك الرفيعه ,,

لك كل التقدير والشكر ..

اوركيد

[سهم المحبه]

ذائقة رائعة وجميله صدى الملاعب

تسلم الايادي والفكر .. قولا .. أو نقلا .

يعطيك العافيه اخي الكريم

[صدى الملاعب]

اوركيد
سهم المحبه
اشكركم على مروركم وتوواجدكم
ويعطيكم الف عاااااافيه
ودمتم بخير ...