خلقت في الدنيا وانا مامعي شي

[السيد]

مساء الخير


اطرح لكم قصيده للشاعر :



مبارك بن فايز البخيت السبيعي


وقصة هذه القصيدة:




كان الشاعر مبارك فايز البخيت السبيعي في منطقة بحرة محافظة جدة عام 1395هـ
وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا
ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما
يحط البهار في الدلة حطه في البراد فانتبه له بعضهم فقال وش بلاك يالبخيت عسى ما شر ؟ هل انت
هوجست ؟ قال : نعم . وقال القصيدة :




سجه مـع الهاجـوس طبيعـة ٍ لـي
طبيعـةٍ بامـوت ماجـزت عنـهـا


أشكي على الخلاق وارفع لـه إيـدي
لاكثـرت الأفـكـار يـفـك منـهـا



أما الكرم قد فـاز بـه حاتـم الطـي
حتى الفرس من شان ضيفه طعنهـا



خلوني أكرم في حياتـي وانـا حـي
ولامت مـدري جثتـي مـن دفنهـا



خلقت في الدنيا وانـا مامعـي شـي
وبروح منهـا مامعـي شـي منهـا



مسكين ياللي تحسب الواجـد شـوي
والعافيـه لـو تنشـري وش ثمنهـا



ياجاهـل الدنيـا تراهـا كمـا الفـي
يامخبل اللـي فـي حياتـه ومنهـا



إن ناحرت لك قامت تـروح وتجـي
مثل الذلـول اللـي طويـلٍ رسنهـا



وإن أدبـرت خلتـك طايـح ومرمـي
وكم واحـد ٍ لـه حاجـةٍ ماضمنهـا



لابد مانرحـل عـن المـزح والغـي
ونسكن بيـوتٍ قبلنـا مـن سكنهـا



النفس مثل الغصن عايش على الـري
ولولاه كـل النـاس عافـت وطنهـا



يالله عسى الحسنات تقضي على السي
لاقربـوا للنفـس ذرعــة كفنـهـا


منقول
---------

راقتلي واتمنى ابداء ماترون
[center]

[سعدمتعب]

صح لسان الشاعر وسلمت يد الناقل قصيدة جزلة المعاني

[الملتاع]

يالله عسى الحسنات تقضي على السي
لاقربـوا للنفـس ذرعــة كفنـهـا


راائعه هذه القصيدك وانا احفظ بعض الابيات منها
الله يعطيك العافيه على النقل والقصه الرائعه
لك كل الاحترام والتقدير
دمت بنقاء

[الشفق]

خلوني أكرم في حياتـي وانـا حـي
ولامت مـدري جثتـي مـن دفنهـا



خلقت في الدنيا وانـا مامعـي شـي
وبروح منهـا مامعـي شـي منهـا

لاهنت اخي شاعر عماره السيد العماري
انا احفظ البيتين اللي فوق وكنت اتمنى
اني اعرف اسم من قالها والحمد لله على
يداك سلمتا تحققت الامنيه ..

جدا رائعه وتستحق القراءه مرات
شكرا لك بلا نهايه على جمال الاختيار
ومودتي
،
الشفق

[السيد]

شكرا لكل من مـــــــــــــر من هنا

[شِيخةّ الغِيد |❥]

جداً جَميله شاعرنا ابوُفايِزّ
انتقاء رائِع مِن شخصك المُبدعّ
يعطيكك العافيههْ
لآهنتْ ..

[صاحبة الفخامه]

السيد لا هنت اختيار رائع
تقبل مرور اختك
صاحبة الفخامه

[صدى المشاعر]

كلماات راائعه ياخيي
ابدع شاعرها وذووق ناقلهاا
ربي يسلممك
وماننحرم منك