سعدمتعب
12-06-2012, 07:04 PM
هذه القصيدة للشاعر خلف بن هذال العتيبي اثناء حرب الخليج موجهها للرئيس العراقي صدام حسين حينما كان يتهدد عبر المذياع والتلفاز ولم تنشر خلال ذلك الوقت الا بعد فترة معينه (وعفا الله عما سلف) المهم هو قوة القصيدة وجزالتها ومعانيها
سوولي الكيف وأرهو لي من الدله
البن الاشقر يداوي الرأس فنجاله
كيفن لنا نحرقه بالنار ونزله
و أليا انقطع لو وراء صنعاء عنينا له
البارح النوم ماغمضت به كله
أراقب الصبح جالس واتحراله
ابحث شريطن مضى وأطويه وافله
وأقول من يحفظ التاريخ لأجياله
قل للعراقي يفتش جعبته قله
يلقى بها شي مايطري على باله
الهم والغم والطاعون والعله
حقه لحاله كفايه حقه لحاله
من صفعتن بانت بها الخله
يذكر هزيمة شهر شعبان و هلاله
قام الثعل يشتغل ويشاغل الشله
عزت وطارق وعد عدي وأمثاله
يذبح ويصلخ يده حمرا ومبتله
شي يخلي جبين الحر يندا له
ياناس ياويل من هذا زعيم له
الشعب في وضع يؤسف له ويرثاله
شعبن شرب كره وأكل كره كره(ن) له
يتفل على صورته ويدوس تمثاله
تبت يدى ابو لهب تب ٍ و تبله
واللي معه بالحطب للقوم حماله
مقبل على طبختن بالحيل تعمله
يو خذ بها الثار و الثورة تسواله
حتى نسيبه ولد خاله تحيل له
لغم له الهليو كبتر وأنشدوا خاله
الله مايهمل الظالم ويمهله
وأن طال به عمر اخس شوي وارداله
الحكم منهار والاحزاب منحله
ماخس من حالتن فيها ولا حاله
من ردى حظه في أهل بيته يزوله
صار الشجر قوم بعيونه يورا له
من كثر مايرتميه يخاف من ظله
و من يعلم الغيب لو عدي قتاله
صدام انا ابانشدك و ش انت حي له
مثلك بغبنه يموت وموته اشواله
ماعاد تملك من السلطه خبر لله
خارج عن السيطرة دولتك منزاله
جمع عظامك سوات مجمع الجله
واحرق بها مادرى بغداد برجاله
الجيش يرزح تحت ضل(ن) من الذله
والشعب مسكين تضحك به و تغتاله
وإذاعتك ياسويد الوجه منشله
ماعندك ألا يا لاله يا لالا لاله
أي بله اسمعك زين أي بله إي بله
و ليا تبين عدو إلنا وحنا له
ماتدري إنا نعقد الحبل ونحله
بالعسر واليسر حلاله وفتاله
نعسف الصعب ثم يجيك مزين(ن) دله
اديب مايشتكي عرقوب جماله
مانقتنع بالهجاد نصبح الحله
مع الغطاليس رجليه وخياله
و الدار ماهيب ياصدام محتله
ما استعمرت قبل حكم العود وعياله
و اليوم عنها نسن السيف ونسله
من شذ وأخطى الطريق نصلح احواله
و الفهد تخسى عنه منته بقبيل له
واطي(ن)برجله على غاربك بنعاله
منته بكفوه ولا شرواك كفو إله
فهد يكرم عن المشبوه واشكاله
الفهد عز العرب والعرب عز(ن) له
وكم دولة ٍ تستغيث المال من ماله
العادل العدل والاسلام شرع له
و لبيعة المسلمين البيعه أولى له
و لا انت مهزوم لا مذهب ولا مله
مقطع اربع تطيح بكل محباله
من مامظلك تخدع الشعب وتظله
مفسد ويدعى عليك وفهد يدعى له
وين انت يلي له العذرى تكحل له
يقوم لعيونها وتشوم لافعاله
من طيب ابوها تبي وصفه حلي إله
يقلط على شوبة البارود وظلاله
ابيك في لازم ٍ قدك وقد إله
قمر عربسات يبرى لك وتبرى له
أمر ٍ ضروري و خلك مستعدإله
منته مراسل تجي و تروح برساله
عندك مهمه و قلبك مابرد غله
جدول مسيرك تعرف العام مدهاله
اركب على اللي قنابلها ملا السله
بمكبرات الصور بالجو جواله
اخذ المدرج و تل بريكها تله
واخفقبها خفقت الكدري لمقياله
انحر بها خاين النهرين وافطن له
لاذكر بالخير في حله و ترحاله
حدد مكانه بتل سكوب و انزله
انزل رويدا رويدا واكبس الأله
حربيت(ن) عاديه سوداء تسلل له
تسللت من جهة عمان وجباله
جاته من الغرب عبر اجواء صديق له
تحمل على متنها حزنه وسلاله
ترسم هدفها على الليزر وترسله
اشارة الضبط وبالمضرب تهيا له
ماتحمله ترفعه مترين وتهله
مع ذرة الشمس في قصره تحما له
تعطيه ضربه تدك القبو بالفله
و الشر فاله وفال الله ولا فاله
من شدة الانفجار اقول باسم الله
تهتز الاهواز والبصرة بزلزاله
في سبع الارض تحفرله وتدفن له
من تحت الانقاض والانقاذ ما شاله
ياخذ سنه يلتهب قبره كما المله
ويذوب مع صنقل الساعه و سلساله
ثم خل غيره يشوف و يعتبر خله
و اللي يبي مثلها بالحال تثناله
الضعف ما حطه الطيب سبيل إله
قد قيل من لايعيل تجيه عياله
سوولي الكيف وأرهو لي من الدله
البن الاشقر يداوي الرأس فنجاله
كيفن لنا نحرقه بالنار ونزله
و أليا انقطع لو وراء صنعاء عنينا له
البارح النوم ماغمضت به كله
أراقب الصبح جالس واتحراله
ابحث شريطن مضى وأطويه وافله
وأقول من يحفظ التاريخ لأجياله
قل للعراقي يفتش جعبته قله
يلقى بها شي مايطري على باله
الهم والغم والطاعون والعله
حقه لحاله كفايه حقه لحاله
من صفعتن بانت بها الخله
يذكر هزيمة شهر شعبان و هلاله
قام الثعل يشتغل ويشاغل الشله
عزت وطارق وعد عدي وأمثاله
يذبح ويصلخ يده حمرا ومبتله
شي يخلي جبين الحر يندا له
ياناس ياويل من هذا زعيم له
الشعب في وضع يؤسف له ويرثاله
شعبن شرب كره وأكل كره كره(ن) له
يتفل على صورته ويدوس تمثاله
تبت يدى ابو لهب تب ٍ و تبله
واللي معه بالحطب للقوم حماله
مقبل على طبختن بالحيل تعمله
يو خذ بها الثار و الثورة تسواله
حتى نسيبه ولد خاله تحيل له
لغم له الهليو كبتر وأنشدوا خاله
الله مايهمل الظالم ويمهله
وأن طال به عمر اخس شوي وارداله
الحكم منهار والاحزاب منحله
ماخس من حالتن فيها ولا حاله
من ردى حظه في أهل بيته يزوله
صار الشجر قوم بعيونه يورا له
من كثر مايرتميه يخاف من ظله
و من يعلم الغيب لو عدي قتاله
صدام انا ابانشدك و ش انت حي له
مثلك بغبنه يموت وموته اشواله
ماعاد تملك من السلطه خبر لله
خارج عن السيطرة دولتك منزاله
جمع عظامك سوات مجمع الجله
واحرق بها مادرى بغداد برجاله
الجيش يرزح تحت ضل(ن) من الذله
والشعب مسكين تضحك به و تغتاله
وإذاعتك ياسويد الوجه منشله
ماعندك ألا يا لاله يا لالا لاله
أي بله اسمعك زين أي بله إي بله
و ليا تبين عدو إلنا وحنا له
ماتدري إنا نعقد الحبل ونحله
بالعسر واليسر حلاله وفتاله
نعسف الصعب ثم يجيك مزين(ن) دله
اديب مايشتكي عرقوب جماله
مانقتنع بالهجاد نصبح الحله
مع الغطاليس رجليه وخياله
و الدار ماهيب ياصدام محتله
ما استعمرت قبل حكم العود وعياله
و اليوم عنها نسن السيف ونسله
من شذ وأخطى الطريق نصلح احواله
و الفهد تخسى عنه منته بقبيل له
واطي(ن)برجله على غاربك بنعاله
منته بكفوه ولا شرواك كفو إله
فهد يكرم عن المشبوه واشكاله
الفهد عز العرب والعرب عز(ن) له
وكم دولة ٍ تستغيث المال من ماله
العادل العدل والاسلام شرع له
و لبيعة المسلمين البيعه أولى له
و لا انت مهزوم لا مذهب ولا مله
مقطع اربع تطيح بكل محباله
من مامظلك تخدع الشعب وتظله
مفسد ويدعى عليك وفهد يدعى له
وين انت يلي له العذرى تكحل له
يقوم لعيونها وتشوم لافعاله
من طيب ابوها تبي وصفه حلي إله
يقلط على شوبة البارود وظلاله
ابيك في لازم ٍ قدك وقد إله
قمر عربسات يبرى لك وتبرى له
أمر ٍ ضروري و خلك مستعدإله
منته مراسل تجي و تروح برساله
عندك مهمه و قلبك مابرد غله
جدول مسيرك تعرف العام مدهاله
اركب على اللي قنابلها ملا السله
بمكبرات الصور بالجو جواله
اخذ المدرج و تل بريكها تله
واخفقبها خفقت الكدري لمقياله
انحر بها خاين النهرين وافطن له
لاذكر بالخير في حله و ترحاله
حدد مكانه بتل سكوب و انزله
انزل رويدا رويدا واكبس الأله
حربيت(ن) عاديه سوداء تسلل له
تسللت من جهة عمان وجباله
جاته من الغرب عبر اجواء صديق له
تحمل على متنها حزنه وسلاله
ترسم هدفها على الليزر وترسله
اشارة الضبط وبالمضرب تهيا له
ماتحمله ترفعه مترين وتهله
مع ذرة الشمس في قصره تحما له
تعطيه ضربه تدك القبو بالفله
و الشر فاله وفال الله ولا فاله
من شدة الانفجار اقول باسم الله
تهتز الاهواز والبصرة بزلزاله
في سبع الارض تحفرله وتدفن له
من تحت الانقاض والانقاذ ما شاله
ياخذ سنه يلتهب قبره كما المله
ويذوب مع صنقل الساعه و سلساله
ثم خل غيره يشوف و يعتبر خله
و اللي يبي مثلها بالحال تثناله
الضعف ما حطه الطيب سبيل إله
قد قيل من لايعيل تجيه عياله