التميمي حياك الله

[عبدالله الازوري]

التميمي كيف حالك عساك طيب ؟!
سجل حضورك !

[عبدالله الازوري]

اسعد الله مساء الاصحاب من قلب غـالـي
بـعـدهـا يـا جـمـاهـيـر الـشـعـر والـمثايل
مـن ضـرا بـالـجـزالـه يـرفع الراس عالي
والـجـزايـل نـقـابـلـهـا بـعـلـم الـجـزايــل

[ترف]

صح لسانك

والـجـزايـل نـقـابـلـهـا بـعـلـم الـجـزايــل


كفوووو

متاابعه

[عبدالله الازوري]

حياك يالغاليه / ترف مرورك بلا شك تشريف ... لا هنتِ

[التميمي]

هلا بالازوري


اسعد الله مساء الاصحاب في كل حالي=وهات كل الذي تبغاه والشك زايل
حاتم الطائي اللي حاز كل المعالي=انت ماانته من اقرابه وهو وسط حايل

[الشفق]

الازوري
التميمي
صحت السنتكم
متابع لا هنتم

[عبدالله الازوري]

حاتم الطائي رجل ومع بو زيد الهلالي
من رجل{ن} تجود عـلـمـهـا بـالفعايل
حـامـي الـسـوق من ديـنار ولا ريـالي
نعرف الدبش ما يشبه للركب الاصايل

[عبدالله الازوري]

الشفق / حياك الله ومتابعتك اكبر شرف يالقرم

[ابو دماس]

عبدالله الازوري والتميمي
صحت الألسن شعراءنا الكرام
متااابع

[الشفق]

صح لسانك عبدالله
وننتظر التميمي
لا زلت متابع

[عبدالله الازوري]

ابو دماس حياك الله مليون
تشريف بلا تكليف ... لاهنت

[التميمي]

صحت ابدانكم يامن شرفتونا

[التميمي]

من به السكر ادري مايبي كل حالي=والبلا فيه ماهو في حلاة السوايل
لاحتما السوق بعنا واشترينا الجزالي=وان برد عن محل الهزل سقت الرحايل

[التميمي]

الاخ العزيز عبدالله نزل ردك و اعتذر منك ونكمل غدا لانشغالي الحين وماقصرت يالغالي

[الشفق]

صحت السنتكم
الازوري
التميمي
امتعتونا لا هنتم
مودتي

[عبدالله الازوري]

صدق اللي يقول ان الفضاء له مجالي
وانت اظنك محنك من حليب الحوايل
لو تزيح الحصا من روس ذيك الجبالي
مـا بـهـا يـالتـميمي كود حر القوايل

[عبدالله الازوري]

الاخ العزيز عبدالله نزل ردك و اعتذر منك ونكمل غدا لانشغالي الحين وماقصرت يالغالي



مسموح يالتميمي !
انشاالله ان يكون بيننا لقاء القابله من بدري يالغالي