لاضاقت الدنيا وعلى الكيف ماجت ,

[دعاني الشوق]

لاضاقت الدنيا وعلى الكيف ماجت
http://farm6.staticflickr.com/5284/5204730309_1caa0f6af2_z.jpg



يغنيك عن كثر الحكي مجمل ابيات
ومن ياخذ المضمون يلقى الادله
تدري وش اللي يقتل الح ب بسكات
لاصرت في بوحك تحس بمذله
وتدري وش اللي يكسر الظهر حزات
لامن عطيت احساس ماهو محله
وتدري متى تستاهل الطعن مرات
لا من خطيت الدرب وانته تدله
لا تتبع المقفي على كل حالات
بعض الوجيه اللي تقابلك عله
ولا تسال الغالي عن الجرح لا فات
نبش الحكي يزود الطين بله
طالع فمن حولك وتاخذ شهادات
مانلتها لو تدرس الدهر كله
ناس(ن) تجر من اسود الضيق ونات
وناس(ن) تقضّيها وناسه وفله
هذاك شال هموم غيره ولا بات
وهذاك مايدري عن احساس خله
احدن يهين اصله على كل زلات
واحدن ترومه شيمته ماتزله
لا تقول حظي من عنا الوقت قد مات
قل مات حظ اللي عناه استحله
ولا ضاقت الدنيا وعلى الكيف ما جات
اطلق احجاجك ثم توكل على الله


راقت لي

[الشفق]

مارق لك راق لنا
اخي دعاني الشوق
شكرا لك ولا تكفي
،
الشفق

[ابو عبدالله القرني]

دعاني الشوق

صح لسان القائل وسلمت يمين الناقل
اختيار مميز وحضور جميل
وذائقة رائعة جدا
دمت ودام هذا التواجد والعطاء السخي
تحياتي وتقديري لشخصكم الكريم

[ابو دماس]

صح الله لسان قائلها
وسلم لنا ذوق ناقلهاا
إنتقاء جميل اخوي دعاني الشوق
اشكرك على هذه الذائقة

[ترف]

ولا ضاقت الدنيا وعلى الكيف ما جات
اطلق احجاجك ثم توكل على الله


والنعم بالله

رائعة واكثر .. سلمت على النقل

[السيد]

فعلا قصيده رائعه للغايه

وذوق رفيع مشكور اخي