أويُكتب شعراً بعد هذا !! ؟

[ابو عبدالله القرني]

نشف ريق السراب.. ولا ملت عين الطريق خطاه
قسـا طيـن الكـلام ولاقسـا..زاد البلـل طينـه


شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه


غرقت اكتب كلام مانجيـت الا ..عشـان اقـراه
ونجيت اقرا عـذاب ماغرقـت اكتـب عناوينـه


ترا هذا الصواب اللي خطاه ان الصواب اخطـاه
وانا هذا الصويـب اللـي خطـاك انـك تحبينـه


انا هذا الحضـور اللـي غيابـه ماعـرف يلقـاه
واناذاك الغياب ..اللي حضـوره ماعـرف وينـه


انا ذاك البعيد اللي يموووت..! ولايعيـش اقصـاه
واناهـذا القريـب اللـي مبعثـر بينـه وبيـنـه


انا (صوت السكون) اللي سمع غنج الصدى واغواه
بكى حتى. بكى حتى . بكى. من حسرتـه عينـه


عسى صبح الوضوح ليا سرى ليل الغموض وتـاه
يجي مثل الضرير اللي يمد الشوف.. بيدينـه..!!


ذكرت اني نسيت اذكر كـلام..! مانويـت انسـاه
ولكنـي ذكـرت انـك.. نسيـتـي ماتعرفيـنـه


انـا مـن معشـر الانـس الاوادم.. اوليـاء الله
واعيش بعالم:...(الجـن تعّـوذ مـن شياطينـه)


نشف ريق القصيد ولا نشف ريقه شـرب معنـاه
سقا طين الكلام.. ولا بعد هذا القسـا طينـه..!!!





خالد الردادي
:
:

أويُكتب شعراً بعد هذا !! ؟

[ابو دماس]

صح الله لسان قائلها
وسلم لن ذائقة ناقلهاا
بالفعل بليغة
اشكرك اخوي ابو عبدالله

[ترف]

انـا مـن معشـر الانـس الاوادم.. اوليـاء الله
واعيش بعالم:...(الجـن تعّـوذ مـن شياطينـه)

جزاالة حد الثمالة

رائعة واكثر

تسلم الذائقة بو عبدالله

[الشفق]

انتقاء جميل ابو عبدالله
سلمت الذائقه
وصحلسان الردادي
مودتي

[حبوب]

ابو عبدالله القرني

قصيدة متألقة وجميله حفظك الله

[اوركيد]

ترا هذا الصواب اللي خطاه ان الصواب اخطـاه
وانا هذا الصويـب اللـي خطـاك انـك تحبينـه






انتقاء من اعالي الافق ابو عبدالله القرني ..

شكري لـ ذآئقه متألقه كـ روعة حضورك ...