الام

[فرحة زمن]

اقرءوا معي ما كتبه هذا الشاب الذي في لحظة تهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذه... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

------------------------------- مؤثره جدا :patch_pleur:
جعلنا الله واياكم ممن كسب رضا الام
تقلبوا خالص تحيااااتي

[اوركيد]

سلم ذوقك وسلمت الانآمل ,,

ذائقه رآقيه والله يرزقنآ بر والدينا احياء و اموات ,,

[عاشق طيبه]

قسوة زمن ---رائع بل غايه فالروعه


يسلموووووووووووووووو

وننتظر الجديد

تحياتي وجل تقديري

[حبوب]

قسوة زمن

قصة حزينة ومؤلمة حتى اني بكيت وبغيت اطفي الجهاز

أعاننا الله على بر الوالدين احياء أو أموات

بارك الله فيك وحفظك الله من كل شر

[فرحة زمن]

الرائع مروركم

حفكم الله من كل شر
تحياااتي واحترامي ،،،،،،قسوة زمن