الليل ياسنجار

[علي حاسن]

ابشرك ياسنجار مادمك رميت ابوك
بياجيك من يرميك والدرب كله شوك
تحرا الجزا والوضع لاتقول فيه شكوك
يموت الشجر واقف وضل الشجر مامات

الله يعينك على الدين=وكلن على حسب دينه
اللي عرف قدر الاثنين=تغلب شماله يمينه

[الشفق]

ابشرك ياسنجار مادمك رميت ابوك

بياجيك من يرميك والدرب كله شوك
تحرا الجزا والوضع لاتقول فيه شكوك
يموت الشجر واقف وضل الشجر مامات

الله يعينك على الدين=وكلن على حسب دينه

اللي عرف قدر الاثنين=تغلب شماله يمينه

الله الله
يبو عقاب
صح لسانك ولسان سنجار
مقدما
اتعشا واجيكم
هههههههههههههههههه
متابع

[سنجار المري]

الله الله دقايق وجيك الرد والله يخرجنا منك

[سنجار المري]

تشوف العرب بطبع عينك وفيك اعيوب
علامك تشوف الناس بالعكس والمقلوب
ياليت اليهود اللي منكم ياعلي التوب

يموت الشجر واقف وضل الشجر مامات

ماني فقيرن ومسكين ** والفقر ضيع سنينه
الخشم ماينكر العين **وترا الزمن صر عينه

[سنجار المري]

مرحبا شفق وصح بدنك يالغالي

[علي حاسن]

انا علمي ياسنجار مافيه زيف وكذب
ولا فيه غيرك ياقبيلي عميل الغرب
سواياك ياسنجار ماهي سوايا عرب
يموت الشجر واقف وضل والشجر مامات
الفقر ياللي بوجهين=زينه ترى فاق شينه
والناقص بوازع الدين=مابر في والدينه

[سنجار المري]

انا صادق الوقفه ولعبك ترا من تحت
وانا خابرك من هم ولو قمت ولا صحت
تصلح ولاكنك توهم ولا صلحت
يموت الشجر واقف وضل الشجر مامات
وحهك ترا وجه سكين** ياللي حفظت الغبينه
الحمد لله غنيين** وبحره عليه السفينه

[سنجار المري]

تصبح علي خير بابو عقاب لعب بدون جمهور مايصلح

[الصييفي]

بدري يا هوه

كملوا المحاوره توها ما بانت معالمها

على حاسن و سنجار

صحت السنتكم

[ترف]

افا ليييه كملووو

بس ليه ما زهمتووووني !! :(

[الشفق]

صحت السنتكم
سنجار وابو عقاب
على شان كذا خصصنا ايام
للمحاوره عشان يكون عند الجمهور علم
وزعل من كثييير ولا نبي نحجر على احد اذا
بغوا طاروق خارج الايام المخصصه
لا تزعل اخوي سنجار والثلاثاء ستكون تجربه ناجحه
سواء للحضور او الشعر ..
ابو وليد حيا هالاطلاله المفرحه
سجل اسمك ونشواف من يجي يسجل معك
عاد انا المره الاوله والله كنت مسافر وما كان فيه اتصال
والسهره راح تكون طاروقين مثل ما قلنا
مودتي للجميع

[سنجار المري]

مرحبا يالصيفي تراحيب المطر

ترف مشكوره علي هذا التواجد

الجايات اكثر انشاء الله

[التميمي]

صحت السنتكم