أنا طبعي كذى دايم / كافي شرّي وخيري

[ترف]

شلتكْ منْ وسط نارْ الهموم وعالم الجمره

وسقيتك من غلاي وما نفَعْ طيبي وتقديري

مثل زهره قطفْها الوقت وقلبي شالَها حسره

لأني شفْتَها تَحْتي وأخافْ يدوسها غيري

رسمتك لينْ ما شفتك مثل صوره بلا فكره

ألوّنها ولا يبيّنْ بعينْ الصفحه تصويري

أكلّمْ صفحتك / عيّتْ تدور ونهتني بكره

وعاف القلب هالصفحه وأيّدْني بتدويري

وغلاتك / مو أنا اللي تهزّه غلطة البذره

صعب اتأثر بغيري و غيري فيه تأثيري

وإذا راحوا جميع الناس عنّي وهانتْ العشره

أظل الشامخ بدمعي وأقول لضحكتي صيري

أنا مثل الذي يمشي بغابه كلّها خطره

أكمّل خطوة دروبي ولا توقَفْ خُطا سيري

أنا ما همني حكي الجهال / أعوذْ منْ شره

ولي غيره على ديني ولا أسْمَحْ بتكفيري

أجي للحاقد مواجه ويجيني من ورى وكره

يقول: وما صدقْ قوله وهمّه بس تصغيري

كثر ما كنت أنا أسولف عليك وبحة النبره

كثر ما رحت ناكرني ولا تفكّر بتفكيري

أنا شمسك / وإذا إنتَ لقيت بغيبتي قمره

مردّكْ لي وإنْ طالت بكْ الدنيا مع غيري

تبشّرني بأفراحك ولا لك بالحزن ذره

عساها دوم ضحكاتك وتحراها تباشيري

بلا منّه عطيت وما أبي من هالعطا نظره

أنا طبعي كذى دايم / كافي شرّي وخيري

وخلْها قصةٍ عندك وإخذها لدنيتك عبره

أزيدك خير بأفعالي وينقص كفْ تقصيري

شفتك طايح ودامي وجبرته ساقك وكسره

نطرته لينْ ما ورّدْ وسقيته من تعابيري

مدامك طبتْ منْ جرحك وصارتْ صحرتك خضره

أمانه لا تردّه يوم / إذا جا وردتك / طيري








مما راق لي

[بقايا حلم]

رائعه واكثر
سلمت ذائقتك تروف
ما راق لك راق لي

[شِيخةّ الغِيد |❥]

رووُعه ياترفّ
دائماَ تُجيدين اختيار الاجَمل
صَح الذووُق والنبضّ الجَميلْ
تِسسَلم الايآديّ
وديّ ..~

[السيد]

راقلي مانقلتي ياترف رغم مايحتويه

من ندم وعتب وحسره ولكن هاهي الدنيا

واحد يبني وواحد يهدم والعاقبه للمتقين

اصبري واحتسبي سيدتي

[الشفق]

رائعه ترررف
وروعتها من روعة ذائقتك المميزه
شكرا كبيره ولا تكفي
مودتي
،
الشفق

[عبد الرحمن الحازمي]

رائعة ترف شكراً لك ورعاك الله

[الثلج الساخن]

اختيار لا يأتي إلا من ذائقة مترفة جمالا

تقدير ومودة ترف

[ابو دماس]

راق لي كذلك اختي ترف
اشكر لك حُسن الإنتقاء

[ترف]

شكرا لمروركم الطاهر

لاعدمتكم