الطريق المظلم المهجور

[المغروره]

الطريق المظلم المهجور

تخوفني مشاوير الطريق المظلم المهجور
و اليا مني ذكرتك قلت طولي يا مشاويري

عزاي انك رجاي العذب لو كل الدروب عثور
وصلت او ما وصلت اعرفك ما انته منتظر غيري

حبيبي وكل الله لاتحسب إني بليد شعور
لو انت المستحيل الصعب ما ابدي لك معاذيري

احبك رغم تجريح الليال لقلبي المقهور
اشوف الجرح يكبر و انت تكبر وسط تفكيري

احبك لو يموت الحب و تصير القلوب قبور
احبك كلمة لو حرموها حل تفكيري

احبك من هنا حتى طلوع الفجر حد النور
صحيح انك قدر محتوم بس اجمل مقاديري


بعذر اللي يحبك لو يصير الشاعر المشهور
لأنك تنهمر حلو القصيده في تعابيري

احد ربي يحطك له حبيب و ما يجيه غرور؟
و انا مهما بغيت استوعبك يا قل تقديري

هلا بك من قدمك لغرتك لي شعرك المنثور
هلا في كل شيٍ فيك و انت اغلي مساييري

أثر صدق الغلا يجبر حطام الخاطر المكسور
و انا مهما منحتك من غلاي اشعر بتقصيري

و لو طالت مشاوير الطريق المظلم المهجور
انا لا من ذكرتك قلت احبك يا مشاويري


الشاعر / مساعد الرشيدي
من اختياري
ودي

[صاحبة الفخامه]

صح لسان شاعرها
وسلم ذوقك المغروره
تقبلي مرور اختك
صاحبة الفخامه

[اوركيد]

ذآئقه رآئعه ,,

يعطيك الف عآفيه ,,

تقبلي مروري

[شِيخةّ الغِيد |❥]

غآليَتي ..
ذائِقه مٌترفه بالجَمآل
يِسلم الاحساس العَذب
يعطيكك العافيَهه
وديّ ..~

[المغروره]

مشكورين على المرور
ودي