♥♥ .. نسمة حزن ..ديوآن الشاعرّ (هزآع الهزآعّ ) ..♥♥

[شِيخةّ الغِيد |❥]

صبآح ..مسآء زاخِر بالخيراتّ
السسلآم عليكُم ورَحَمة الله وبركآته

مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ
نُهنىء شآعرناََ المَبدعّ والقدِيرْ هزآع الَهزآع

بأفتتآح ديوانَه الخاصّ ومَسكنّ ابداعهْ


..♥♥ ]الَهمـــــسّ ♥♥ ]

آلف مٌبارك لنآ ولهّ

[الشفق]

نسمة حزن..!

علامِك ياالسحابه غايمه ما تمطري الهتان
تعبت أتخيلِك وأتأملِك حتى أجدب الناظر

يقولون العرب زود النظر ما يروي العطشان
وأنا أقول النظر يروَاااك حيل ويشرح الخاطر

بدا وجهك على ضو القمر كـ الهايم الزعلان
عسى ما لامسِك شوفي وجرح فاهِك الماطر

يخاصمني العتب حتى انفجر من شدة الكتمان
عسى ما جفف مــــــــــــزونك كئَابة بوحي الساخر

أنا طفلٍ كئيب/ الصد (بيه) و(أمه) الحرمان
عسى ما بعثر غيومك أنيني وحظي العاثر

أنا الحلم الكفيف اللي انثروه بسكة الخذلان
عسى ما توهك حال الضرير بصبحك الباكر

أنا ذاك السراب أجرم بحق الضامي الولهان
عسى ما طاولِك جرم السراب بلونه الساحر

أنا من بُنيت أحلامه وهَم في ...عالم النسيان
عسى ما شدك الماضي ونسيتِ وقتك الحاضر

أنا كومة مشاعر من حزن شاعر بن السهمان
عسى ما صابتِك نسمة حزن غطت سما الشاعر

أنا شاعر زرع حرف القصيد .....وطلعه القيفان
عسى ما سببت بعض الجروح لطيفك السامر

(أنا وعسى) على هـــــ الحال لا. يومٍ ولا. يومان
تضاعف كثرة الأوجاع وأزرى....عدها الشاطر

كتبتك يا السحابه واتخذتك .......للهدف عنوان
جلدت الذات من شانه ليصبح ....حظه الوافر.!

[الشفق]

*وصية شاعر*

هِلً يا جزل القصيد وغنً قـــــــــافك
وأرو حرف الشـعر وجنِين القصيده
***
وإغرق أرض أفكارمن بالصًد عافك
يمكن إنـًــك لا سقيته تستعيــــــــــده
****
خذ صفاي أفراش وشموخي لحافك
فلًها وأتوسًد أحــلامي السعيـــــــده
***
تدري إن الكل لا طليًت خــــــــافك
فيك ظيً وفيـــك نظراتٍ بعيـــــده
***
الضرير اللي فقــد عيناه شافـــــك
قبل ما حضرت جنابك تلمس إيده
***
لو قطار الشوق من سرعته طافك
مــــا يروح أبعيد لـــو فكيًت قيده
***
أنس ليل الشّك وأرمه من خلافك
وإدفنه فـــي عتمته لا عاد عيده
***
وكان قيض الحب من لوعته لافك
اذبحه بسكات واقـــطع له وريده
***
الوصيًه كان وجــــه الصّد ضافك
لـــِم بــــــاقي ذكرياته لا وزيـده
***
من بحَرك اللي تساوت به ضِفافك
من بقــــــايا كل آحاسيسه البليده
***
وقلـــــــــــــــًه إنًه كلمةٍ تبدأ بكافك
ما يــخلًده الـــــزمن والكيد كيده
***
وقول سِيدك ما طمع في شّد هافك
ما يشـــوفك غير مُهرته العنـيده
***
لا تغرًك صـــــورته غطّت غلافك
وإن رفع رأسه؟ ستبقى سِيد سِيده!

[الشفق]

عيد ميلاد

ي اللي بعالم فكر بن هزاع من صغرك ....ربيت
بين الحقيقه .....والخيال أتصورك .....وأتعبتنا

من يوم عادك طفل/ بأوصافك عن أقرانك سميت
لك..صوت تعزف به مواويل الهوى ....ويشدنا

به نبرةٍ تنبع من أعماق الحيا منها...أستحيت
نام الكلام أبداخلك قصرٍ من اللول... أنبنا

وأنا بعد مثل الحكي من شدة إعجابي ..غفيت
أنا على سماعتى والحكي داخلك .......اهتنا

لوكان بيدي جيت كلي شوق .داخلك أرتميت
أرافق أنفاس الكلام اللي على ...اشفاهك دنا

لا مر زولك بالخيال.....اعيش فرحه .وأنتشيت
وان غاب طيفك عن عيوني/ الشوق لبسًني العنا

يا وجد حالي وجد ..يوم اثنين عيدك ما نسيت
ما ينسى يا عل عمرك زود .......وحياتك هَنا

أنا احتفيت بيوم عيدك ...وادري انك ما دريت
رسمت طيفك بالخيال إنسان.......شرف عندنا

جعلت لك دفتر قصيدي يا ملاك الطيف.بيت
بيت الشعر وأم القصيد أضحت معازيمك وأنا

أوقد حروفي شمع وأوراقي حلا.ليتك لفيت
وطفيت شمعاتك وذقت من الحلا ...وأفرحتنا

لكن حسافه بعد ما مديت ...بالورد ....أختفيت
وطاحت هدية عيد ميلادك .. سنه من عمرنا !!!

كبرت ياريم الفلا بعيون .......مغليك استويت
عودك رهيًف .....لوثنيته طيب ....بأيديني انثنا

وذيك العيون السود لو ناظرتها ..ضامي.. أرتويت
تحت الرموش اللي ....تظلل وجنها .....وتظلنا

قبل الختام نودعك وآقول .....ياعمري انتهيت
باقي طلب مثل الوعد ... طالبك توفي ....وعدنا

في عيدك المقبل تذكرني ....دخيلك ...لو بقيت
وان مت عزي بي الحروف اللي كتبتك وانسنا

[الشفق]

وقتي الغادر

إثر للوقت عينين ورموشٍ وموق
إن زعَل! دمع عينه من زعله أنثره

الثواني رعوده ، والدقايق بروق
والسنين السحايب ،والشهور أمطره!

من عنى الليل يتمنى بزوغ الشروق
كل مطلع فجر لا حلّ يستبشره

كل ما قلت ي وقتي على الله يروق
سود الأيام زادت في صفاه أكدره

نوب همٍ يجيه ونوب يلفيه عوق
ونوب زرعه خضر لكن دون أثمره

طعنة الغدر باقي وسمها في الخفوق
آه من وقتي الغادر ومن خنجره

طبعه الوقت لـــــ عيال السعاده سروق
يولد الطفل بين النعش والمقبره

ساقنا الوقت لـــ دروب المتاهات سوق
والكسول الغبي من لا يمّد أبصره

حظّه إن نام> نام < وينتظر له يفوق
ينتظر ي يجيه >الحظ وإلا >اقدره


ميّت الحّس عمره ما يناظر لـــ فوق
اخسره وش يهمّك عاد لو تخسره

خل همّك على الشخص السنافي الصدوق
رجل واحد بوقفاته يساوي أعشره

صادق الوعد لامنّه وعد ما يبوق
كيف ما قدّره لا بالله اقدره

الصديق الصدوق اللي بطيبه سبوق
والردي لا نخيته يطلب المعذره!!

[الشفق]

لعبة الأيام

يا رحلة أيام العمر من وين.؟ ودِك نبتدي.!
بكتبك ..قصه.. كل عين إتناظرك .ما ملتك

أنا ابتديت تولمي عاني القلم... صار .بيدي
وابغى على قدر السوال إليا سألت .إجابتك

امشي على هونك شوي شوي مابيك تعَدي
ونفس السوال ..اكرره ..من وين نبدأ قصتك

من ساعتك ؟ وإلا؟ نحول للزمان الجرهدي؟؟
اللي طوى أعوامك غدر من عقب ذبح آهلتِك

وإنتي على ما قيل ذباحة بشر. مير.. اهجدي
مالك لوى مابه دوى مأحدٍ عرف لك علتك

غير الشهور اللي محت وجهك بهجعة مرقدي
جزاك من جنس أعملك في هجعتك ..ما هنتك

لا تهربي باقي بخاطر ...سايلك ..... علمٍ مدي
إنتي إن مللتِ ..طلته.. هو حيل يعشق ..طلتك!

في ليلته يرقبك بين ..أسهيل ....ونجوم الجدي
لأسدل عليك الليل غيمه من ظلام ....وظلتك

وين الوجيه ؟؟ اللي توارت بين يومك ..والغدي
يا كم بكتك أقلامهم ما تذكري ؟كم .عدتك

وين الطيور اللي بصباحاتك تطير ....وتنشدي
لا فج نورك بالضياء قامت .....تغرد ...غنتك

وين الورود اللي تبسم لك خجل ....تندى ندي
وش ذنبها ضحكاتها تُذبح مع ........فجريتك

يا هل ترى ؟ هم لعبتك وإلا ايش؟قولي يا بعَدي
ما بِك جميل ولا وفاء ؟ تخطي وندمح ... زلتك

وانتي بلا رحمه .....مقاديرك تحادينا .....حدي
هم وتعب حزن وسهر ضيق وقهر من جيتك

شاعرك يا الأيام منبع طيب ....ما صادق ردي
واكبر دليل /إنه قبل موته.... كتب.... مرثيتك

[الشفق]

وجه الغياب



الوقت وجهه مل من صدك ومن طول الغياب
................................ما لوم وقتي كل ما يبنيك ......حلم ن تهدمه
يا من يجمع لي غلاتك من .هشيم. ومن سراب
................................ويا من يجمع لي طيوفك ضيف لو.مر.أعزمه
يا من يجمع كل قطرة غيث طاحت من سحاب
................................طاحت بفصل ربيعها ..ضاعت بليله ...معتمه
يُم العيون اللي لمَحت ..بسودها ..شرهة عتاب
................................من يوم ما ..لد النظر ..صوًب خفوقي واقسمه
يا من يجمع لي ضياع أيام من عمر المصاب
................................اللي بعالمك الغريب .انساق . زلت به اقدمه
شاعرك لو تجمع حروفه ما وسعها إمية كتاب
................................وشلون تجمع ..كل.. نقطة حبر ..دوًنها..اقلمه
ليت الوله ذنب ٍ لكان العبد من فعلته ....تاب
................................وليت الصبر جرمٍ يحاكمه .. الخفوق ...ويندمه
هذا أنت يا وجه الغياب أزريت احصل لك عـقاب
................................اسمك .وهم.. يوم انطقه تسمع لصوتي.همهمه
ابشرك جرحك مع دوامــــــة الأيام طاب
................................والشوق مات وعالم النسيـان في شهر أهزمــه
يكفى هنا .. ونودعك ..وآقووول ..يا.وجه الغياب
................................حلم أنهدم.ما أبنيه ثاني خوف. ترجـــع.تهدمه

[الشفق]

ودي
كيبورديه


ودي تهدًين من روعك وضيقك شوي
يالشجره اللي أستظل الكون بظلالها

ودي اقسم الحين يمك بالشديدالقوي
لاني بشخصٍ زعول ولا اقرب أنذالها

ودي ألوي أعناقها كل القصايد لوي
وأهديك فيض المشاعر دق وإجلالها

ودي أرسم الكون بعيونك ومايحتوي
عالم من السعد من واحات لجبالها

ودي عيووني لثواني، شوفتك ترتوي
شوفي دموع الغلا ما جف همالها

ودي إن بعضك على بعضك كذا يستوي
يازين ضمت يمينك حيل لشمالها

ودي إني أسمع لنبضاتك خفوق ودوي
روحٍ دوواها شذى ريحتك عزا لها

ودي وودي وودي آصيح صيح بدوي
وآقول هذي البنيه آموت وأحيا لها!!

[الشفق]

قناديل الوفاء

قناديل الوفا شعَت تساقط نورها من فـــــوق
بدر ونجوم غطَت هامتـي وآنستها تختــــــال
*****
يداعبني الفرح يمًه وانا مدري خذاني الشوق
عشقته حيل لا والله عشق خالطه زود إهبـــال
*****
نثرت إله المشاعر والقصيد الجزل أسوقه سوق
ادقق في اختيار المفرده من قبل لا تنـــــــــــــــــــــــــقال
*****
آخاف الحرف يخذلني ولا يرقى لسمو الــــذوق
اعرفه شاعر وناقد فديته دوم ذوقـــــه عــــــــــــــــــــــــال
*****
ثقيل العقل ساحر فكر يعجبني قووي منطــــوق
أكيد ان الثريا وما بعدها لو بغاهــــــــــــــا طـــــــــــــــال
*****
تعبت اطرد خيــــــاله ولا بها لاحق ولا ملحوق
مثل ميًت ضُمى من لهفته يطرد سراب الـــلال
*****
سهرته ليل داعبني خياله فـــــــي سَحَر وشروق
حصل ما لا توقعته ولا يوم (ن) طرى في البال
*****
يغيًبه القدر قدام عيني أحَكَم عليه الطـــــــــوق
تلعثم فيني الكلمه جريح وصار حــــــالي حال
*****
طواني الحزن يا شينـه ونمت بعبرتي مخنوق
قضيت أسنين ألوم النفس وأندب حظي اللي مال
*****
آحاتي حظي المقرود آثاريني عليه مسبــــــــــــــــوق
عملها ولا توانى هــًد حيلي عقب هـًد آمــــــــــــــــــــال
*****
خذلني لا عدمته كنت أحَسَب إنًه علي أشــفوق
طعني بخنجر(ن) مسموم عسى تسلم يد القتًال
******
كتبت وصيتي ودعيت في حزة رعـــــــــــــد وبروق
يخلي دنيته جنًه ويرزقه الذرى والمـــــــــــــــــــــــــــــــــــال
*******
بقلمي/ الهزاع

[الشفق]

بقايا حلم!

منتي بقايا حلم ي وجه السرور
إنتي ضيا فرحه نعيشك نسعدك
****
من يوم طليًتي وزاد النــور نـــــور
لا من تغيبتي وكل (ن) يفقــــــدك
****
انتي القمر من يفقده عاد معـــذور
علم وذكى وفطينه الله يحـــــفظك
****
تواجدك تنساب من ريحه العطور
يكفي سعاده ما تخًطي بأقــــــــلمك
****
تسلم أنامل ما رقــــــــد فيها الفتور
ما تنثر إلا إبــــــــداع يا بنت الملك
****
لك هيبتك في الطرح وتميًز حضور
والطيب والحشمه مـــزايا منبعـــــك
****
إذا كتبتك شعر ما عــًد السطـــــــور
لأني أكتبك ماضي وحاضر ولغــدك
****
وان كان ما جيبه على السبع البحـور
لا قّص كفي لو تفُكر ترتبـــــــــــــك
****
أنا كتبتك صــدق وبليٌا شعــــــــور
كلك ذهب نجمـــعك .لا.ما ننثرك
****
لأجلِك زرعنا صرحنا وردٍ وجــور
وآلاف من ناسه تجي تستقـــــــبلك
****
ولها الشرف لأستقبلت بدر البـدور
والكل من فرحته يرقب طلًتــــــــك
****
وفي الختام أقول يا وجه السرور
يحفَظك ربي يا الغلا دوم إلــ هلك
بقلمي /الهزاع

[الشفق]

رفاة ذكريات !

شديًت غصن الشعر حيا خجل وأنــحنى
والله بسن أقلمي ترقص حروف القصيد
*
الشعرمخلوق فينـي لا بـــــــــــــــــرأسي أنبنى
قصرٍ من اللول والمرجان والماس شِيد
*
مايسكنه إلا أنت وحروف القصيده وأنا
زرعت عمري فرح وثواني الوقت عيد
*
عاندت وقتى دفنت الحزن وسط العنى
في سجن حبك من التنهات ذاب الحديد
*
عودك رهيًف ثنيته من القهر ما انثنى
أدري عنيدٍ تمًثل شخصكم يا العنيد
*
لكنيى أوعِد بترقاصك على عزفـــــنا
وآطيًحك وإن توسًد يًد وتـلًحف إيد
*
إلا علي الحرام أسقيك كأس ألهنا
واخلي أحروف شعري للقصيده تقيد
*
يعني القصيده أشجره وحروفها لك جنى
وإن كان ما أطرَبك هذا ابشر بسعدك نزيد
*
برسم خيالات فكري بحر وابحربنـا
خليك صياد فكر من الدرر صـيد صـيد
*
وإلا تخاف البحر؟ ياهوه يكفي اسمنا
حّده من السيف والقوه من أطراف حيد
*
حنا وسمنا القصيد وينعرف وسمنا
وان كان ناسي ؟ تذكر ما مضى واستعيد
*
أيام صيد الحباري والحجل والقنـى
يومك تناظر تبًسم لي خجل من بعيد
*
صحيح في وقتها ياكثر ما أعجبتنا
لبّستك التاج نصًبتك على الناس سيد
*
أعليت نجمك غلا حتى أعتلى نجمنا
زرعت دربك شعر وأخضًر لك كل بيد
*
رسمت زولك بنور الشمس واحرقتنا
حتى دفى الحرف من وهجه يذوب الجليد
*
عَسفَت لك كل شي! حتى اشتكى عسفنا
حتى جبل نيس من عِسًافنا نيد نيد
*
وجازيتني بالصدود وزود خاصمتنا
وحذفتني من جهاز الصوت ومن البريد
*
ودي اطلبك شي؟ لاحاتيتكم حاتنا
وذكرياتي معك افعل بها ما تريد
*
حملت ذكراك بيد وشلت بإيد أكفنا
ويمين ما تحفظ الذكرى تقَص الوريد!

بقلمي .. الهزاع

[الشفق]

بحر عيني
ي الكتاب اللي كتبتك عيبــب نشرك
ما دريت؟ إنك لكلي ؟ محتـــــوينــي!
****
إن وصفت الحال حالي مايــــــسرك
وان تقمصت السعاده غصب عني
****
والله إني حافظ (ن) حبك وسرك
غير أحس إنك شوي بعــــــيد عني
****
إن طلبتي شي قلنا ســـــــم وأمرك
وان طلبتك بالمقابل تنـــــــــهريني
****
وإن منعتك شي يتماداه غـــــــدرك
ما توقعتك بيــــــــــــــــــــــــــــــــــــــومٍ تغدريني
****
لأني اسبح غارقٍ في وسط بحرك
ودي اسال كيف تقوي تتركيني؟
****
لو تعًذر ما قبلت اليوم عــــــذرك
طــــــــــا لما إنك ما قدرتي تفهميني
****
قلت لك 1000000مره أعليت قدرك
وأحفظه ما عشت حتى تئبريـــــــــني
****
افهميني يا الحشيمه فديت عمــــــــرك
لا طلبتك جا ملــيني واسمعــــــــــــيني
****
ما طلبتك تنثري لي طيب عـــــــطرك
أو من الفرحه تجين وتحضــــــــــــــنيني
****
المنى آشوفك تضًوي مثل بـــــــــــــــدرك
وافتخر لوهو شموخــــك معتـــــــــــــــليني
****
ليه تنًزل شخصك السامي وفكـــــــــــرك
للكلام اللي سمعته ليش؟ عيـــــــــــــــــــــني
****
شوف طيفي واسأله لاجا ومــــــــــــــــًرك
قلًه إنك ما تطيقه واعتقينــــــــــــــــــــــي
****
والله اني لأحمدك وآزيد شــــــــــــــكرك
وإن يزود أغلاك في باقي ســـــــــــنيني
****
وإني ابقى طول عمري الهث بذكــــرك
دون ما اطلب من جنابك تذكرينـــــــــي
****
اعترف ما نلت منًك غير خيـــــــــــرك
إن جنح بي اللفًظ ي بنت اعذريــــــــني
****
واعترف ما طالني في يوم شــــــــــرك
وإن جرحتك طالبك عينـــــي اسمحــــيني
****
بقلمي الشفق ( الهزاع)

[الشفق]

حلم
أجمل حلم مر بحياتي

أعيش لحظات عمري في وله وارتقاب
أرقى طموحي بليل ، بصبحي أحوّله

يمكن تكون آخر أيام الزعل والعتاب
ويمكن تكون أوسطه وإلا تكون أوّله

نوبٍ يفز الخفوق ونوبٍ أقول تاب
تعبت أحاتي سموو الصبر وتسوّله

يُمّ العيون الوساع اللي شكاها النقاب
ياللي رموشك سحاب ووجنتك جوّ له

من نون عينك تخيّلت المطر والضباب
اظلم بعيني الوله من نظرتك ضوّ له

اللحظه اللي بها زولك عن العين غاب
بحسرتي نمت واحلم والكلام أووووِّله

من شان دمعتك والله لأفتديها بــ رقاب
ي أجمل مافي الكون مثلك ما أضمِرالسوّله

يا فرحتي اللي مغرّقها الألم والسراب
الروح تاهت بعدك وماهي مطوووّله

طالبك ؟لا لامست خدي !جبين التراب!!
قتيل حبك طلبتك بالدعا مووووووووّله
بقلمي ( آنيه)

[الشفق]

غلا نااااااسي
:
تغني ياحـروف الشعر بألحانك لأعز إنسان
.....................وعزفك يطرب السامع عزفته من ذِرى إحساسي
سقيتك من مطر فكرٍ غزيرٍ يشبه الهتـان
...........................تغذيًتي بنبضاتي وتنفستي هوى أنفـاسي
كبرتي داخلي فرحه ويوم إنًه قطافك حـان
.........................طلعتي ثم تعليًتي وثمارك جرًحت راســي
سلم راسك بعد راسي وراس أمعزًبك لاهان
.........................شربت إمن الهوى كاسِك أبيِك تجًربي كاسي
سهرت وجعت وضميتك نزفتك لين سدي بان
........................رسمتك بالخيال أخيال حشا ماهو بقرطاسي
أبي فيك الغلا يثمر أبيك .. بوجِه مو وجهان
.......................أبيك بقلب مو قلبين فهمتي؟ ياغلا ناسي !!
الهزاع

[الشفق]

رميه عن بعد!
اليوم ضاقت فيني الارض ي ورد
يالله عسى من بعـد ضيقتـه تُفـرج

اسامـر نجـوم السـمـا اعـدهـا عــد
حتـى ظـلام اللـيـل بالصـبـح يُبـلـج

الرميه اللي جاتني جآت عـن بُعـد
ماصابـت المقتـل ، ولـكـن تُـحـرِج

صحيح كانت ساعة البرق والرعد
والليـل مظلـم خالطـه تـالـي الـعـج

مانـي بعـاجـز واقــدر اغـيـظ وارد
مير احترمت الشهر وإقبالة الحـج

ذبحتنـي بالحـيـل ي مـرهـف الـقـد
والدمع وسط العين مايوسعـه وج

اضحت حياتي كلهـا حـط فـي شـد
من ديرة المصياف للوجـه وأملـج

المشكله لاصار صاحبـك فـي صـد
تبيه يدخـل قصـر حبـه ويخـرج!!




بقلم/الهزااااااااااااااااع

[الشفق]

ذكرى


البارحه جتني مع النوم بشرى
بشرى وفزّ لها الخفوق وتحرّكت
*
مثل الرساله يوم عاينت وأقرا
أول عباره لا شعوري تبسمّت
*
وقامت عليّ أشياء وأشياء تطرا
ي ليل من زود الفرح بي تحمّست
*
ي آني سريت بليل ما فيه قمرا
لا ما أهتنيت بفرحتي إلا تكدّرت
*
من حظٍ أقشر طاح بأحلام قشرى
قالت لي الفرحه انتهيت وتحطّمت
*
تسأل وتسأل قلت أنا السائل أدرى
قالت أبرحل عن غرامك وعصّبت
*
قلت ارحلي بسكات ودروب خضرا
أوعدك ما اطلب رجعتك لو تألّمت
*
إن غرِّك إنِّك بنت عشرين عذرا
ف أنا كبير وميزتي حكمة الصمّت
*
آمنت بإنه من بعد عسر يسرى
كتمت غيظي ما لواحد تظلّمت
*
يكفي بحياتي تبقي اعزّ ذكرررررى
وإليا نسيت إن مّر طيفك تذكرّت!
*

[الشفق]

عيبه إنه!

لاح برّاق الشعر من فاه نوّه
والعيون المجدبه ترقب سحابه
*
تشتهيه وتستحي وتخاف ضوّه
الوجيه اللي أمطرت حزن وكآبه
*
ما يفيد بها الجميل ولا مروُّه!
ما فرح فيها صديق ولا قرآبه
*
مثل مابين السما والأرض هوُّه
بيني وبين الزعل سيف الحرابه
*
ابك ..! بن هزاع من طلّة سموُّه
ترتويه ..وجيه.. ووجيهٍ ..تهابه
*
كان مابه خير ما لامسك سوُّه
عيبه إنّه ؟؟مبتسم !!ويبان نابه
*
وعيبه الطيِّبه! ي هو طيِّب بقوّه
ما ألحق المخطي مشاريه وعتآبه
*
وعيبه إنّه؟ لا انتصر سامح عدوّه
ما قبل نصرٍ من كفوف الطلابه
*
وعيبه إنّه؟ حيل راقي في علوّه
نجم ناظره المضّيع واهتدى به
*
وعيبه إنّه؟ حافظ لقدر الأخوّه
الخوي لو غاب روّح دق بابه
*
وعيبه إنّه؟ لا ذكر عصر النبوُّه
وحُبّ سيِّدنا محمد للصّحابه
*
حَّب ربعه دون ما يكثر غلوُّه
عاش واقع ما طرد وهَم وسرابه!
***

[الشفق]

على شاطىء جفاك!

على شاطىء جفاك اللي حضن ذكراك
وقفت أتأّمل الماضي من أوجاعك
***
تقول الله معنيِّني غصب ما أنساك
وأعيش بدنيتي كله على شانك
***
أمّد الشّوف والمح صورتك وقراك
أعاتب واستحي وآقدِّر أوضاعك
***
تجافيني وأنا اللي ما قدرت أجفاك
عتابي ترفضه ؟؟ وأتقبّل إعتابك !!
***
تخون ؟! تحسبني عمى ما راك
وأمشيّها مخافة تفقد أعصابك!
***
قبرت إلك الخيانه والكفن فرقاك
ورغم اللي حصل فيني من أسبابك!!
***
احبك كثر ما نبضي غلا حيّاك
احبك كثر ما وطيت ثرى أقدامك
***
احبك كثر!ما غلّبــــتني وأيّـــــــــاك !!
احبك كثر ما خانوا بك أصحابك
***
احبك كثر ما لامس كلام إشفاك
احبك كثر ما ضحكت لي أهدابك
***
احبك كثر ما أتمنى دفى يمناك
احبك كثر ما نالك من إعجابك
***
احبك كثر ما دوّر عجزت ألقاك
احبك كثر ما عنّاني إغيابك !!
***
احبك كثر ما روحي تروم إرضاك
احبك كثر ريح الطيّب بثيابك
***
تخيّل من كثر حبك وزود أغلاك ؟
بوّصي ينحفر قبري تحت بابك!!
***
بقلم (الهزاع)

[الشفق]

فرحتي!

يافرحة الكون الفسيح وفرحتي
يا نور وجدان القلوب المتعبه

جيتي على بال القصيد وتضحكي
توه غروب الشمس عانق مغربه

وقفت أناظر في سماي لغيمتي
يوم الشفق عانق محياك أغلبه

وأنا بدت تفقد شفاهي بسمتي
الود منك استمطره ودي اشربه

من دهشتي فكيت شوني من يدي
شبيت ناري فيه من عرض احطبه

يا فرحتي عقبك خذتني وحشتي
والشوق من فرقاك غرقني إعتبه

ليتك صبرتي لين تُكمل فكرتي
يمكن تعرفي شاعرك وش مطلبه

يا فرحتي ما ظن فيني تشمتي
أنا بنيتك حلم عايش وارقبه

ليه ؟؟ تطعنين بكبرياي وعزتي!
هذا جزاي أحب صوتك وأطربه

تصدقي يا قربك انه جنتي
كلك على بعضك رياضٍ معشبه

وتصدقي يا بُعدك انه قفرتي
ماعد بقى بي شوق من شد الهبه!

[الشفق]

الحسايف!
:
آه ياشين الحسايف والظليمه
ما تخلِّف غيرسوءَات الكآبه
/
والشموخ يطيح وتموت العزيمه
تَذبٌل أوراق السعاده والمهابه
/
من يجّمع لي شتاتي من هشيمه
ما بقى بي شي يطعن به حرابه
/
الوكاد اخطيت في حق الزعيمه
بعد صمت اشهور طاولني عتابه
/
الخطأ مني وصل حد الجريمه
شال همّه من سموه وارتقابه
/
إيه جرحته جعل يعدمني عديمه
استحق الموت كانه من عقابه
/
علّ بن هزاع فدوه للكريمه
أغرقتني بحبها تلك السحابه
/
تحتظني حب واهديها شتيمه
تعيشني واقع وعشتبها سرابه
/
عاشت انفاسي تغذى من نسيمه
وأشبَعه نظره وشربي من لعابه
/
اعذريني اعذريني يا الحشيمه
ارحمي شخصي تبعثر من عذابه
/
صارت العبرات في نفسي مقيمه
إن كتبت !الدمع! يمسح لي الكتابه
/
وان شكيت الهّم حسيّت الهزيمه
ما تعوّدنا الخصام ولا الطـــــــــــلاّبه
/
طول عمري منبع لطيبه وشيمه
واحصد الإبداع في فنّ الخطابه
/
فكري إكتابٍ توارث من قديمه
أغلب العشاق ياعمري قرابه !!

[الشفق]

أدمنت حسك!
ي ليلة البارحه .. ي اسعد ليالي العُمر
ليله أسعدتني ونستّني الوجع والتعب
##
ما بين واقع معاش وبين سجّة فكر
ومابين فيض المشاعر والغلا والعتب
##
أتخيّل أنى رقيت لفوق سطح القمر
معقول؟ صاحي ويحلم لا كياني انقلب
##
ي كوني اللي إبـ ..فضاءاتك أمِّد البصر
من وين ما لِّد ما غير النّهَر والعِشب
##
عيناك أخايل مطرها منهمر من عصر
يوم أمطرت بالوله سبّبت زحمه وصخب
##
قدرت ألّم الوله غيري ارتبك ما قدر
لأني احبك .. وربك .. خافقي ما كذب
##
ما غير زولك بطيفي ي بنيّه عبر
كلِّك كذيّا على بعضك بذاتي نشب
##
أدمنت حسِّك معه أدمنت الوله والسهر
يجرفني الشوق لشواطي حنانك غصب
##
في ذمتي يوم أشوفك ما يجيني كدر
وان غاب حسِّك فـ نجمي من سماءك غرب
##
ي حلم عشت له لحظات العمر منتظر
إما بزغ فجر تحقيقك فـ...موتي أقترب!
##

[الشفق]

كيبورديه ( الحلم البعيد)!

علمـوا زيـن البنـات الفـاتـن المزيـونـه
غيرهـا يبطـي سنيـن ومـا مــلا عينـيـه

علمـوا ذيــك الـمـلاك الــدرّه المكنـونـه
إن ذكـراهـا بـذاتـي وامـرحـت مخـفـيـه

علموهـا اوصافـهـا وبداخـلـي مدفـونـه
وان مـن عمـري لعينيهـا دفعـت الـديـه

واسألوها ليش سوّت بي كذا المجنونه
اكتـويـت بسـحـر عينيـهـا غــلا بـيـديـه

واسألوها عن مسافة رمشها عن نونه
وعن شعرها لا تلاعبّـه هـوى الغربيـه

وجنتـيـهـا جمـرتـيـهـا كـلـهــا مـفـتـونـه
لونهـا لــون الشـفـق ويمـيـل للـورديـه

وطمنوني اليوم كيفه ي ترى وشلونـه
لايكـون اصبحـت عنـده صـورةٍ منسيـه

مــا تبـقـى مــن حيـاتـي فــدوةٍ لعيـونـه
جـات وامــا جــات ربــك ماكتبـهـا لـيـه

آه ي الحلم البعيـد اللـي انتيهينـا دونـه
لعـنـبـو حـلــمٍ تـكــون نهـايـتـه مـرثـيـه

[الشفق]

عناقيد الوفا!

بيض الورق لوحة سما وانت برّاق
وهمّال مزنك يمطر إلا فرايـــد
**
هلّت دموعك يا قلم تغرق أوراق
زرعت من دمعك بيوت القصايد
**
للغالي اللي طلَّته شمس الإشراق
إلا! شبيه البدر وشوي!! زايد
**
يكفيني اسمه طال هامات الآفاق
حين ازهمه راحت همومي بدايد
**
جيوش فكري يالغلا يوم تنساق
حوض المنايا تارده دون قايد
**
تستاهل إن طاحت على شأنك أعناق
تتسابق الهامات دونك وكايــــد
**
قطفت من زهرة شبابي والأعماق
أغلى عناقيد الوفى لك قلايــــد
**
ولفيّت من شأنك مشاهير الأسواق
وشريت لك من غاليات المزايــد
**
وجمعت لك فيض المشاعر والأشواق
هديّتك للعيد يا أغلى معــــايد
**
عيني فراشك والهدب حولك أرواق
وقطّعت لك من لحم جسمي وسايد
**
عشتك وفيني حلم للوصل تـــوّاق
طويت من شأنك طوال البوايـــد
**
خليت قيض الشمس للنفس ترواق
وسود الليالي لا تعبنا سهايـــد
**
لأجلك تحمّلنا رديّين الأبواق
اللي كثـيرين السّفه والنّقايد
**
حمّلت حُبّك للجبل طاح ما طــاق
أضحت صخوره في عداد الهدايد
**
وأنا حملته في شعيرات الأمواق
واسقيتها من دم خفوقي مدايد
**
ابقى وفي لو لفّوا السّاق بالساق
أنا لها في لين وإلا شـــدايد
**
يا هل ترى ؟ للحين خاطرك ماراق ؟؟؟
وإلا المعاند !! والزعل لك عوايـد!!

الهزاااع

[الشفق]

أحلم اسامحك!

ليلة البارحه ضيقه وغربة شعور
لازمتني من أول ليل لين أصبحت
/
وقفّي واسمعيني زين بدر البدور
شفت فرقاك بـــ إيدينك لنا لوّحت
/
قلت أسجّل بعالم قِصّتك لي حضور
دام ذكراك باقي توووها ما أمّحت
/
كنت عالم جميل من الفرح والسرور
لين ذاتي بــــــــ عالمك الجميل أمرحت
/
بعدها صابك الظاهر شوويّة غرور
نفسك السامية يّم الخطايا أجنحت
/
كيف طاوعك قلبك بالخطايا تجور
كيف؟ نفسك أمانه قول؟ كيف أسمحت
/
كيف تسمح لقطّاع الطرق بـــــــ ..العبور
عبر عالم حسبته كان ملكي بحت
/
قصر حبك بنيته غير كل القصور
كل ما شافته عين الكئيب أفرحت
/
أصبح القصر ظلمى ما بداخله نور
والعيون أن غفت في ظرف لحظه صحت
/
احلم أسامحك واجبر بقايا الكسور
وارجع اصحي وأشوفك من عيوني طحت
/
كان هذا بقايا قصتك في سطور
واسمح الكلمة اللي قاسيه وأجرحت
//
الهزااااع

[الشفق]

(الشرود!)
ضيّعت عمري وراي امطاردك يا الشرود
مدري علا مك متى ما شفت زولي تفِّل
/
فيني عجل للملاقى وأنت فيك البرود
إن جيت وان غبت دايم خاطرك مسفِهّل
/
خيّبت ضني وكنت أحسبك وافي عهو د
أعليت شأنك وقلت أحبيب راعي محل
/
وأسكنتك القلب ما أسكنتك بوسط النفـود
وإلا أنت نقّاض جرح عوايدك من قبل
/
نقضت لي هـّم اعاني منه منذ عقود
للحين جرحي من أسبابه بعد ما اند مل
/
أهديك فيض المشاعر وأنت تهدي الصدود
إن حل طيفي بحيّك ي الغضي تنتقل
/
بنيت حدر المحاجر عاليات السدود
لأن الدموع الغزيره من عيوني تهل
/
شقيًت صدري وزرعته لك من أحلى ورود
من ياسمينه إلى كاذيه وأكوام فُل
/
ومن عبر الأنفاس عبَدنا لك 2000رود
عدة مسارات حتى حضرتك ما تمّل
/
وأن كان تأمر بعد يا الله خذ العمر زود
كفَنت الأشواق يا الظالم ؟ توضأ وصّـل!!
الهزاااع

[الشفق]

سيرة ملاك!!
ما يعاندني القصيد ولا..... عصاني
كل ما قلت له يا الله؟ قال فــكره
***
ما دعيت الشعر لا والله دعاني
ما وصف غير الملاك وبان طهره
***
صار مثل الشهد ينقط من لساني
لا لفظت اسمه ولامن حل ذكره
***
إيه يا بهجة حياتي يــــــا حناني
ما اسكرالشاعر يكون نسيم عطره
***
من هو اللي غيرها يملى عياني
غيرها ما همني ما أعليت قدره
***
إن نسيته يوم ما عمره نساني
عايش(ن) هزاع في قلبه وفكره
***
يا بحر تسبح على متنه السواني
لا على موجه يطوف المد جزره
***
يا شروق الشمس يا بسمة زماني
يا قمر خمسة عشر لا زان بدره
***
يا رفيف الماي وقت السيسبانــــي
يا الغمام اللي تناثر غيث قطره
***
يا شبيه الصبح يا البرق اليماني
يا بساتين انبتت جورًي زهره
***
يا المليكه اللي جواريها حساني
يا العفاف اللي يباري الستر خدره
***
يا الشموخ المعتلي فوق المبـــاني
من رفع رأسه يناظر مات حسره
***
يا الطموح اللي كبر وسطه كياني
لان فكري نابع (ن) من طيب بذره
***
يا مرقًص كيهنوت المـــــوبذاني
يا مروًض من نوى بالكيد غدره
***
يا مجنًني وبالغ فـــــــــــــــــــــي جنانــي
يا مخلي الجن عقب اثنين عشره
***
يا مورًدني السعاده ما .....كفاني
كان قلبي ما تحًمل؟ زيد بُصره
***
أدري أدري يا حياتي العمر فاني
والرجا في خالقي واطلبه ستره
***
أنت بُعدك من سياط الصولجاني
عاد ما يرضيك لو ينساط ظهره
***
والله أني مثل ما شخصه هقاني
احفظ المعروف لا ما ذيع سره
***
ذاك من حبه تعلًق بالمحانـــــــي
ما يفك المبتلي به غير قبره!
بقلم (الهزاع)

[الشفق]

كيبورديه عآبره!

الـحـزن ظلـمـى والامـانـي قـنـاديـل
والــود روضــه والخـيـانـه خـيـانـه

والـيـوم يـومـك واللـيـالـي مقـابـيـل
وعمـرك وضعـه الله عـنـدك امـانـه

من يسمع اقـوال الوشـاة العواذيـل
يـنـزل مــن العلـيـا لسـافـل طـمـانـه

واللي يعذرب فـي مقفّـى الرجاجيـل
فــي ذمـتـي ي فعـلـه انـــه جـبـانـه

والحين هات الكيف سوق الفناجيل
والشعر يّقطـف مـن عذوقـه حيانـه

ودي قبـل لا اقـول دربـك تساهـيـل
قصر الغلا مُقفـل لداعـي الصيانـه!

ي كم عزفتك شعر باحلى المواويل
عزف الشعر ماهو ب ي ليـل دانـه

ارويت ذوقـك مـن مـزون الهماليـل
رفعـت لـك وحــدك حــدود الميـانـه

[الشفق]

http://www.youtube.com/watch?v=egbfXCvna7k&feature=youtu.be

يقولون فيك غرور زايد وشوفة حال
وأنا أقول عاجبني غرورك ويحلى لي

أعيشك حقيقة حال منت بـ سراب اللال
ولي معك قصه مالها أول ولا تالي

من أول لقا ما بيننا ماطرى عـ البال
يسيبوك عذالك بحالك وعذالي

تميل الغصون المثمره يوم عودك مال
وروحي معك قامت تمايل تميّالي

شواطي شِفاك آموت فيها بليّا خال
ليا من ضحكت إضحك لي الكون ي الغالي

تخيّلتها تنطق بحكيٍ صعب ينقاااااال
وانا اصارحك هالحكي ماجا على بالي

تذكرت ساعة جيييت لبّسستك السّلِسال
وأنا اقول ي حظظه وتضحك على حالي

أنا آغار والظاهر تعمّد عجبك الحال
تقول أنت من جابه تحمل وأنا مالي!




شكرا تليها اخرى آل مشرف

[الشفق]

تخيل هـ الطفوله!

على طاري زمان الاولين .. وفات
مشى الطرقي على درب الطويل وتاه

تذكرت ...الانين ...وكثرة الآهات
ربُى /طفل الامل م بين ..آه وآه

توقف بي هجوسي في بعض ساعات
وآطالع حيل في وجه الزمن ..واقراه

لمحت بوجهه الشاحب كذا ..مراات
بكاء /طفلٍ فقد له ..ميمته ..وآباه

تخيّل /هـ الطفوله ..كلها .عثرات
رضع هم /الزمان/ وضيقته/ وعناه

يسولف لي وتملى عينه ^-العبرات
عن الماضي الكئيب اللي اتعبه وابكاه

يقول اوصاني الوالد قبل ...مامات
لكن من وقتي الظالم نسيت اوصاه

لكن ان كان ماخانتني الهقوات
ذكرت آخر كلامٍ ناطقته شفاه

يقول امشي مع اهل الطيب والفزعات
ولا تخذل صديق ٍ مّد لك يمنااااه

علي شاطي بحر ماضيك ي الفجعات
يدور حظه ..العاثر ...عجز يلقاه!!

[الشفق]

ذكرته عيد ميلادك..!
//
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw
علامه غيمي الماطر
وش اللي كدّر الخاطر
من البارح كذا ساهر
عسى ما شّري ي الغالي
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw

تذكر ليلة البارح
مبيّن كل شي واضح
قريت بـ فكرك السارح
حقايق ما تهياااالي
WIDTH=1 HEIGHT=1
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw دخيلك ي نظر عيِني
تتتصارح لا تعنيّني
ترى ما في مكفيّني
وقدِّر كثر ترحااالي
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw تراني اقدّر ظروفك
مثل ما اقدّر حروفك
و لا أنسى كثر معروفك
من الأول ليا التالي
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw وترى بعض الظروف أحيان
تسبّبّ فرقة الأخوان
برغم التيه والنسيان
يمين الله على باااالي
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw ذكرته عيد ميلادك
يصادف ثالث أعيادك
عسى يحيوونه أحفادك
طموحي وآخر آمالي
https://encrypted-tbn1.gstatic.com/images?q=tbn:ANd9GcRQhtplGwiwyBvxzuEGApO4WVN120rEl 5FJdNPr_x_sXCQ-BjsmCw
//

[الشفق]

غلاة الروح!

كل ماجيت اكتبك في قصةٍ واقراها
ارتبك واحس رعشه بـ القلم وايديا

واكتب الجمله وبعد شوي امحاها
وارجع اكتبها على مهلي شوي شويا

هابتك كل الحروف من الفها لـ باها
كل حرفٍ من حروف الضاد جاك وحيا

ي غلاة الروح ي عمري وكل مناها
انتِ الفرحه لـ عمري ي ضياء عينيا


من جبينك فرحتي تشرق غلا واحياها
وتحت رمشين الهدب ليا ظلال وفيا


اوف من زرقة عيونك كـ البحر ما اقواها
اسبح بعينيك واغرق ..ابلا ميا؟

والذي موجد كواكب ف الفضاء واجراها
اني ارقب كل لحظه شوفتك والجيا

كل لحظه عشتها واياك ابد ما انساها
انتِ الحاضر وغيرك يُعتبر منسيا..!!

[الشفق]

نهج الاجاويد!

واللي منزل غيث مزنه من سماه
مهما كتبت الشعر ما ابغا كفايه

حنا على نهج الاجاويد نبراه
وانا على ماقيل صاحب درايه

اقرا الكلام بفطنتي ماتهجاه
واليا قرينا ما نعيد القرايه

والا كلامك لـ انكتب ما تعداه
نزفك لما في داخلك لك مرايه

بطن احملك ي جعل جنات مثواه
وانتِ عسى دربك دروب الهدايه

الحر يبدي ما بداخله ما اخفاه
ي الحرّره اللي ما تخلي العبايه
الهزاع

[الشفق]

يكفي تجارب!

أغمض على الجرح جفنك واحلم انك بخير
وانفض غبار السنين ولوعة أيامها

نقول باكر يصير أحلى لعلّه يصير
لعل روحي تشوف السعد قدامها

يا ما تجارب جمعنا من عناها الكثير
في حاضر الوقت والا سالف أعوامها

شفت العجايب وميّزت العمى والبصير
والروح طالت خطاها واحفت اقدامها

ي صاحبي ما على الدنيا الدنيّه امير
بكره تساوى ملوك الأرض وأيتامها

ف المقبره يستوي بيت الغني والفقير
على أيش تنغّر بعض الناس ب أجسامها

ماهو ب عيب إن رحم فينا الكبير الصغير
ولا هو بعيبٍ صغار القوم خدامها

العيب لو ما احترم فينا الصغير الكبير
يطيح قدر الكبير وتفرح اقزامها!!

[الشفق]

25 ش م ع هـ
ي ليلة البرد مدري ي لهيب الهجير
ي عنفوان المشاعر بين هذي وذيك


سيّرت لك في حنايا القلب مالا يصير
ماجيتك الا وانا في ذمتي مشتريك


ي منوة الروح ي رقّة نسيم العبير
ي دوحة الطهر سابقني قصيدي يبيك

احتاج لك كثر مايحتاج نور الضرير!
واحن لك زود عن حنيّة امك وابيك

خمسه وعشرين شمعه واتجاه ومصير
وابداع شاعر يحنّي بالقصايد يديك

اقسمت باللي قسم رزق الغني والفقير
مافي حنايا ضلوعي الا غلا يحتريك

متى نسيتك عشان اقول جعلك بخير
ومتى تهنيّت في قربك وانا آموت فيك

حتى الهدايا جمعت من الهدايا الكثير
واحترت في عيد ميلادك وش اهدي عليك

[الشفق]

نهر الغلا!

ي شروق الصباح اليا لمحته قرب
ي نسيم العليل اللي بريحة ورد

ي ملاك الحسن ذات الحسب والنسب
جيت حسب الاماني وماخلفت الوعد

بين عينيك ومحياك زحمة صخب
صابني منك مدري مسّ والا سهد

اخلعي عنك جلباب الحيا والعتب
قومي استقبلي ايام الهنا والسعد

منوتي ماضي الاحزان لو ينشطب
وابشري بالسعاده وإلك مني عهد

اني اسقيك من نهر الغلا مانضب
ما تشوفي بـ حياتك يوم مني نكد

جعل مافيك من ضيقه وهم وتعب
في عيون الحسود اللي نواك ب حسد

قبل يومين والحكي بشفاهك سحب
لا لمحنا بروق ولا سمعنا رعد

من حنانك هميل الوجد يوم انسكب
ما تساقط مطر؟ لا والله الا شهد!

[الشفق]

يمكن نعديها لـ عينه ولكن ؟

بنيت من كثر المواجع مدن حزن
حمّلـت نفسـي فـوق مــالا تطيـقـه

اقبّـل الـزلًـه وزود احـسـن الـظـن
ماهو بـ لأجله لاجـل رب الخليقـه

يمـكـن نعـديـهـا لعـيـنـه ولـكــن !
دامـه نهرنـي مقـدر آشيـل ضيقـه

اعامـل العالـم علـى اصـول وبفـن
ماغرنـي لمـع الحكـي مـن بريقـه

واذكر محاسن من ضلمني ولامِّن
حقـه علـي ان طالبونـي الحقيـقـه

لـو خافقـي لايامـه الماضيـه حــن
مـاهـي غريـيـه فـالـمـوده عميـقـه

مـن اوليـه يضحـك الكـون لاجــن
وافرح فرح صايم ليـا ابتّـل ريقـه

اواه من ماضـي سنينـي وغلاهـن
ي وجـد حالـي والمشاعـر رقيقـه

تغيـرت حتـى سنينـي اش بـلاهـن
تلعب؟ بـلا عبهـا بنفـس الطريقـه

اليـا بغتـهـا حـكـم لا شلـهـا صــن
واليا خسرنا جعلها في حريقـه!!

[الشفق]

آخر مطاف الحلم!

غفيت البارحه وحلمت فيك
حلمٍ يغّث البال ورّثني العنا

حلمت واني طفل ترفعني إبـ يديك
الطفل طاح وما دريت انّه أنا

عاتبت حظٍ طاحني من راحتيك
حظٍ ردي عقب استقامته انحنى

والا انت لست مِعاتبك الله يهديك
انت المحب اللي يراعي حبنا

تدري احبك حيل ما اشفق عليك
شوفك ترى ي بعدهم يوم المنى

ابيع من ف الكون كله واشتريك
انت الوحيد وعنك ابد مالي غنى

انا كذا والا كذا منّننننك وليك
فرحك فرحنا وإن زعلت ازعلتنا

والله احبك كثر حب امك وابيك
وحب العقيم اللي يدوّر للضنى

آخر مطاف الحلم يوم العهد بيك
يومك تمّد ايديك وشموخك دنا

صحيت من حلمي وانا مشغول فيك
ادوّرك ؟محتاج لك ! منت إبـ هنا!!

[الشفق]

وجه المرايا!

الملاك اللي أخجلت من حسنها وجه المرايا
مو غريبه ..لا اخجلتني واعحبتني وافرحتني

مو غريب..تكون ذاك الحلم بعيون الصبايا
وموغريبه.. كل ما ازعلها تسامت واسمحتني

لا غرابه ؟كيف سوت داخلي ذيك السوايا
في ثواني جابت آخر عرق ينبض واسكنتني


جيتها فارس وجات استوطنت كل الزوايا
بعثرتني واجمعتني واذهلتني واصدمتني


غيرها ما عد بقى له داخلي أية بقايا!!!
وش بوصف من حلاها من عقب ماجننتني


العيون النرجسيه شفت داخلها هنايا
والرموش إليا أرفعتها من حلاها ظللتني

والشفاه إن حركتها تنطق الاف الحكايا
وابتسامتها العريضه يوم ترسمها أسكرتني

قالت اسكن يابعدهم داخلي بين الحنايا
وأمطرت مثل السحابه بالمشاعر وأغرقتني

كان يكفي شوفها من لهفتي يروي ضمايا
يرتوي جدب الخفوق من العيون إليا المحتني

عشت لحظات السعاده بين أراضين وسمايا
شافت اللهفه بعيني تشتهيها ..واحضنتني!

هزاع الهزاع

[الشفق]

قصر السمو!


ياحرفـي ارعـد وإنـتـه أمـطـر ياقـلـم
وأجـري علـى الله لأرتـوى ضميانهـا

إن كـــان مـاسـلــم جـنـابــه مـاسـلــم
والله ليسـقـى مـــن كـــدر صفيـانـهـا

هــذي رسـالـه واستـلـم يــا مسـتـلـم
مضمونـهـا مـعـروف مــن عنوانـهـا

بنثر قوافي الشعر بأرضك وإنـت لِـم
عـنـوان شـاعـر مـــدرك ن تبيـانـهـا

ما أرضى بظلم الناس تبغاني إنظلم؟
شـيـنـه الظلـيـمـه لعـنـبـو شيـطـانـهـا

قصـر السمـو فينـي تشيًـد مـا انهـدم
وخيمتـك طاحـت مـن ردى عمدانهـا

سيـفـي بـريـعٍ مــا انكـسـر وإلا ثـلـم
وسكيـن غـدرك مـا لهـا إلا احزانهـا

لا يـا بقايـا إنـسـان بعيـونـي أرتـسـم
كــفــي ظـنـونــك ســكــري بيـبـانـهـا

لايـا حمـامـة دار مــن حـولـي حــرم
خلـيـك بـإرضـك واتـركـي شيهـانـهـا

لايــا خطيـئـة عـمـر زل ابـهـا الـقـدم
مـا البستـك إلا الفخـر مــن تيجانـهـا

لا يـا سحـابـة صـيـف تاليـهـا الـعـدم
لا هــلً مـاهـا ولا أرتــوت وديـانـهـا

لا يــا ســـراب افـــراح تالـيـهـا ألـــم
حتـى الحـروف اتطيـح مـن قيفانـهـا

اذكــر بنيـتـك مملـكـه وإسـمـي عـلـم
أيــــام عــمــري شــيـــدت بـنـيـانـهـا

أذكــر لقـانـا! تذكريـنـه كـيـف تــم ؟
ثــورة مشـاعـر مــا انقـطـع هتانـهـا

مديـت يــدي طـيـب يسبقـهـا العـشـم
وتقـصـر يمـيـنـك ياقـصـيـر أيمـانـهـا

مديت كاس الشهد /تجزينـي بسـم!
كـلـك غبيـنـه مــن صـنـوف ألوانـهـا

ذكراك تتعلـق علـى غصـن الوهـم!!
وإن كـان وقتـي مـا قــدر نسيانـهـا؟

مــنــي يـمـيــن الله وأيـمـانــي تــتـــم
وإن كـان مـا تــدري هنـيـا إعلانـهـا

يميـن لأذبـح نبـضـي إن جــر الـنـدم
والا المـشـاعـر مـعـلـنـه عصـيـانـهـا

ودك تعـرفـي لـيـش يـاتـرف الـقـدم؟
فـيـمـا يـلــي يغـنـيـك عـــن ديـوانـهـا

كنـت ابعيونـك حلـم وابقـى لـك حـلـم
عـيـنـاك شـاحــت يـاغـثـى توهـانـهـا

حـتـى البـطـل لا مــات بنهـايـة فـلــم
تمـوت جناتـه بـمـوت أغصانـهـا!!!

[الشفق]

الثريا!
ي ا الهنوف اللي لفارسها تهيًا
ضاع عمره ما تجمًع له مهرها

يا مطاول في جماله للثريَا
يوم ضوًى نورها غيًب قمرها

يا الزهور اللي نمت من غير ريًا
تبهج الخاطر وتسعد من نظرها

يا القوام اللي بظِــــلًه ننتفيا
يا شروق الشمس يا باقي سحرها

خافي الله في القلوب اللي ضميا
يا سحابة صيف نترًجى مطرها

يا مسَلهِم لي بعينه يوم حيًا
تهت ساعة طالني شاذي عطرها


وارتبكت و قالت امشي من هنيًا
ما وعيت إلا وأنا ماسك خدرها

وتنتفض من فرحتي راحة يديًا
ثم شًدتها وضمًتها إبصدرها

وطاحت البسمه ويازين المحيًا
شِفت مثل الشَهد يَنقِط من ثغرها

لابسه سلسال وخذتني الحِميًا
غِرت منه ،وخِفت لا يجرح نحرها

ما قدرت أوصف حلا ذيك البنيَا
كامله من رجلها لأعلى شعرها

[الشفق]

الهمس!

مادام يخجِلك السحر من ضيا الشمس
اصيـر شمسـك فـي الضحـى تخجلينـي

ومـادام نبضـك فـي المخاليـق ماحـس
يـكـفـيـنـي انـــــي داخــلـــه تـئـبـريـنـي

ومـا دام طيفـك محتوينـي غـلا وانـس
يصعـب علـى وجـه الـحـزن يعتريـنـي

ومـادام معـتـاده عـلـى كلـمـة الهـمـس
ابنحـنـي لــك حــب وانـتـي اهمسيـنـي

ومـادام ماتقـوي عـلـى كـثـرة اللـمـس
يكفـي مـن اطـراف الحـكـي تلمسيـنـي

غـيـرك بعيـنـي مــا يـسـاوي ولافـلـس
تكفـيـن مــري كـــل لـيـلـه اسهـريـنـي

تصـدقـي ذكــراك مــرت عـلـي أمـــس
وهـلـت سحـابـة دمـعـةٍ وســط عيـنـي

حسيـت رعشـة خافقـي صابنـي مــس
صحـيـت مــن حـولـي بكـثـرة ونـيـنـي

اثـــار حـبــك داخـــل الـقـلـب مــنــدس
مـعـقـول ادور حـــب مـخـلـوق فـيـنـي

مهما شربتـك شـوف ماقلـت لـك بـس
مـاضـي ومستقـبـل وحـاضـر سنـيـنـي

[الشفق]

على هونك !!

على هونك علـى هونـك علـى هونـك
عـلام اعبايتـك طاحـت علـى الكتفيـن

عــلام الـدمـع ينـزف؟جـرًح ازيـونــك
من اللي طيًح الدمعه قليلـي ميـن ؟!

تعالـي وامسـح الدمعـه عـن عيـونـك
عيـونـك ماخلقـهـا الله لأجــل تبـكـيـن

غـلاتـي يابـعـدهـم كلللـلـلـي ابـعـونـك
خذي من حسي المرهف رضا تكفين

خـذي بـاقـي بقـايـا عـشـق مجنـونـك
خذي عمـرٍ لعـب فيـه الزمـان سنيـن

خـذي مــن لهفـتـي جلـبـاب لمتـونـك
خذي نبضي فدا نبضـك لأجـل تدفيـن

خذي من شوقي الثاير غطـا جفونـك
خـذي نـوري فدتـك اعيونـي الثنتيـن

خـذي فرحـه قبـل لتمـوت مـن دونـك
خذيـهـا وازرعيـهـا بـراحــة الكـفـيـن

خذيها ولا ازهرت فـاللون من لونـك
تغشاهـا البيـاض بـلـون مــو لونـيـن

خـذي خوفـي عـلاك البـاس لمتـونـك
خذي حلمي يشيلـك مـا ابـي تمشيـن

حياتـي اشتقـت كلمـة منـك وشلـونـك
فـديـتـك ماسمـعـهـا خـافـقـي يـومـيـن

ابـصـبـر مـيــر تـكـفــي لا يـغـشـونـك
بقـالـي كلـمـةٍ وانـتـي تعيييـهـا زيــن

عسـى هالكـون واللـي بـه فـدا نونـك
احـسـك ياغـلاتـي قـبــل لا تشـكـيـن!

[الشفق]

مالك لوى : بقلمي
يا قُبلة أنفاس الصباح المُتعب الولهان حيل
يا نزوة الحرف الجريح اللي يدور للدوى
******
يا نسمةٍ يختال بك ويحق له /صبح العليل
وان غار ما ينلام ،لامن لامسك زود الهوى
******
يا طلعة أخلاص الحسا لا طاول أعناق النخيل
يا فرحة الزراع في وقت الجنى حين استوى
******
يـا وردةٍ راقت لناظرها ولو عابر سبيل
يا راحة المُتعب من الأيام مهدود القوى
******
يا ألذ من شهد العسل ياشربةٍ من سلسبيل
يوم القلوب اللي ظمي يكفي لناظرها أرتوى
******
لمي لي أشواق العتب لاطاح بيدينك دخيل!
صحي لي الحظ الردي لا نام ملعون الثوى
******
قومِ اجبري الصوت انكسر من شيلة البحر الثقيل
ردي صدى صوتٍ تلعثم به لساني والتوووووووى
******
عزي هَل المغدور لا فارق حياته بغدر ليل
واسي الجريح اللي بنار الصد من يدِك أنكوى
******
بعثر مشاعر ثروته لأجلك إلين أصبح بخيل
وأضحى على شاطي الأماني تيه حاله وأنزوي
******
حلمه دفا من جمرتيك أما الهدب تحته المقيل
يتخيل إبعادك جمر والليل وسهادك شِووووووى
******
هذاك من سامر طيوفك لا ونيس ولا دليل
ثم امتطى صهوة جواد الشعر ولبُعدِك طووووى
******
وإلا المفيد انه قنوع ومِنك يرضيه القليل
حتى أكرَهَك !راضي بها ما طِمْع في مالَك لوى!
******

[الشفق]

الغبينه!


يا شايلن غيظه علــى رأس مشعاب
الله ولا الحـــظ الــــــردي والغبينه


ابشتكي حـــزني على رب الأربــــاب
ماغير لله شكوتــي وأستعينــــــــه

ياليت ظني فيك (ي.س) ماخــــاب
والله كبيره مثل شخــصي تهينــــه

ما تدري إنه لأزعلي طـاحت إرقــاب
منتي ابغبيه خــابرينك ذهيــــــنه

اسمي عن الأذهان ما ثانيــه غـــــاب
وشلون تبغي بالحيـــا تدفنيــــنــه

نفسي كريمه مااعــرف أسب وأغتاب
ما نحمل إلا الحب مــا أحمل ضغينــه

اسكنتك ابقصر الأمــاني ورى البـاب
من شأن لا نا ديتــها تفتحيـــــــــنـه

أنتي تعرفين الخفايا والأسبــــــــاب
أعليت شأنك كلها لأجــــل عيـــــــنه

ماشلت فاس وللحـكي صرت حــطاب
والا قطفت الزهرررر والياسمينــــــه

والله ولا وقًفت لأجلِك على أعتـَــــــاب
ولا رهنت امشاعري لِك رهيـــــنــــــه

اللي احترمِك وطاربِك فوق مرقــــاب
هذي جزاته بالحكي تذبحِينــــــــــه

أنا أعتبي كله على زين الأهــــــــداب
(اللي أشرقت شمس الضحى من جبينه)

زودٍ على صده ملاني تعِتـــــــــًـــــاب
خلا حروووف الشعر فيني حزينـــــــه

جرحه عميق ابداخلي تو ما طـــــــاب
ما قوول غير الله يسلًم يمينــــــــــــه

[الشفق]

.نهر السراب .


على طاري السنين ودورة الأيام
وماضِ الأمس وقفنا على أطلاله
***
مقابر ذكريات من العتب وأحلام
مثل نهر السراب ....ونبع شلاله
***
أحاسيس البشر ماتت وهي ضيام
تطارد في سرابٍ مالها ....إلا له
***
ذبح وجه الزمن فرحة بريٍ صام
قبل يفطر ذبحه .....ويتم إعياله
***
من إعياله طموح وشوق بنت هيام
وصابر عاش حلم ولا..... تهيا له
***
شكى حاله لحضيًض ولد بن عزام
حضيًض نام !! ليته ما شكى حاله
***
ليا منه رسِم وجه الفرح ...بأوهام
قبرنا فرحته في عَتم ........ لِيًاله
***
تصير أيام بعيون السنين أقززززام
مثل بعض الوجيه إن جتك حياله
***
وجيهٍ غايبه عن عالمي ..من عام
عساها ما تعوود ...وجيه نشاله
***
وكاد إن السعد من فوقها ماحام
تجاهلها السعد ماجت ..على باله
***
هُنا نقطه. وماضيها انتهى بظلام
بقفًل صفحة الماضي . وغِرباله.!!
***
وبفتح صفحة الحاضر ..بدون آلام
على باب الأمل واحيا على آماله.
***

[الشفق]

( امي الفلسطينيه)

http://im23.gulfup.com/Eo2i1.gif

[الشفق]

بلا عوان !

بليا مقدمات وشرح للأسباب
أبسأل من كواني وانضجوا كيي

كلوني حكي بين ناب وناب
ومن مِن نعتبره إنه مثل خيي

حقيقه احترت ولا من عادتي نرتاب
أسلي النفس لا ترتاب وتعيي

لكن سولف وعذرب وانتقد واغتاب
تراها اربع كبيره يا بعد حيي

تكفي واحده منها تهز أعتاب
علامك تستميت لينطفي ظيي؟

انا ماالبس من الحوم البشر جلباب
أنا الظل الظليل ولا انقطع فيي

انا للحكي كله ما حسبت احساب
أنا شامخ شموخي ورث من بيي

انا ماهمني شهره وزود القاب
انا نهر وتعيش الناس من ريي

انا ما اسكن سوى في عالي المرقاب
انا تاريخ تسكن احداث البشر طيي

انا من طلتي تروى الوجيه إعجاب
تسابق تحتظني حب وتحيي

انا ماني غريب يعيش بأرض أغراب
أنا للحين تووووه ما خلِق زيي

[الشفق]

المملكه

يا كلمة التوحيد والسيفين وأعناق النخيل
هذا علمها مـا يطال ولا ينًكس نرفعــــــه

يا سارعي للمجد والعلياء ما يبغى دليل
هذا النشيد إبلا شعور اردًده يوم أسمعه

المملكه عزي وعزك ماسكن فيها الذليل
واللي طمع في طهرها عهدٍ يكفًن مطمعه

حكامها آل سعود رمزالطيب مزبان الدخيل
بيبانهم ما سكًـرت للشعب دومٍ مشرعـــــه

من عهد باني مجدها بو تركي الشيخ الجليل
عبدالعزيز اللي الشجاعه من صفاته ومنبعه

بنى وطن وأغلى وطن يومه عزم وبعَتم ليل
وثبًت حدوده بالعدل وأمًن جهاته الأربعـــــه

من بحر جده غربها ولشرقها لأقصى الجبيل
ومن الموسًم للحديثه في شماله واجمــعـــــه

لملم شتات أمه ولا سًلم لقولة مستحــــــــــيل
الخوف بدًله أمن وايضا حُبًها فينا أزرعــــــه

أضحت هوانا ننتنفًس من نسايمها العـــــــليل
يكفي نسيمك يالهجير ومن غلاتك نشبـــــــعه

بأزرع رمالِك بالولاء وأرقى بهاماتك ســـهيل
وأكسِر سرابك بالغلا لو سمً لجِلك نــــــجرعه

ببنيك حلمٍ فوق حلمٍ للسعودي جـــيل جـــــــيل
بأعطيك يانبضي دفا لو من شراييني اشــــلعه

ما انتي خيال آتصورك إنتي نقا شمس الأصيل
إنتي وطن إنتي شموخ الصعب لأجلِك نطــــلعه

من لا يحبًك يابلادي نحرق إحساسه البـــــخيل
إلين مانروي رمالك مــن غزاير مدمـــــــــــعه

واللي نوابك شًر والله نورده ميراد ويـــــــــــل
ونفضح نواياه الخبيثه لو تلبًس بـــ أقنــــــــعه

ياكلمة التوحيد والسيفين وأعنــــــــــاق النخيل
ياعهد ابو متعب ومن حوله رجال تتـــــــــــبعه

هنا نجدد بالولاء في يوم فرحتنا الجمــــــــــــيل
عهد وولاء ياسيدي اليا مقامك نـــــــــــــــرفعه

[الشفق]

الله حباك الجمال

الله حباك الجمال ومنطقك من ذهب
لكن مذهبك خالف للاسف مذهبي

حاشاك ي بنت من نقص العقل والنسب
لو اني أطعن نسبك كني طعنت نسبي

لكن مزاجك شويه فيك ثورة عصب
كم مرةٍ تشتكي لي من برود عصبي

انا تخيّلت دربك سهل وأثره صعب
أضحى غدي من نهاري ي بنيه صعبي

كنت احسب ان السعاده في بعيدٍ قرب
حتى اكتفشت السعاده ف البعيد قربي

المشكله انك على ما قيل راعي طرب
في بعض الاحيان رأسِك للشعر يطربي

والحرُّه الفاتنه تحيا على ما تحب
عاشت كبيرة عقل من يوم ماهي تحبي

وانا من الصغر نجمي للثريا ركب
يقلون ما لامست رجلي الثرى وركبي

نفسيتي متعبه واخر ضلوعي تعب
بـ أول مشاويرك افراحي وآخرها تعبي

لو قلت هذا عتب مافاد كثر العتب
من لا يهمه ازعلي صعبٍ يهمه عتبي!

[منى زكريا]

شكرا جزيلا لكم