المساعد الشخصي الرقمي

مشاهدة النسخة كاملة : ..♥♥ ديوُانّ الششآعرّ ..رمضضآن المُنتشَريّ ..♥♥


شِيخةّ الغِيد |❥
03-15-2013, 09:28 AM
##

صبآح ..مسآء زاخِر بالخيراتّ
السسلآم عليكُم ورَحَمة الله وبركآته ..


مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ
نُهنىء شآعرناََ المَبدعّ والقدِيرْ

رمضآن الَمُنتشَريّ ..

بِ أفتتآح ديوانه الَخاصّ ومُتكأ قصآئِدة وابداعاتهّ

ـآلف مُبارك لنآ ولهّ
مُتابعهّ مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

شِيخةّ الغِيد |❥
03-18-2013, 08:52 AM
نسِيت انسسىّ ...

نسيت انساك والله العظيم اني نسيت انسا
اغمض وابصرك واصك سمعي واسمعه يوحي,,




قسا قلبي علي وطبع قلبي لن بغا يقسا
يعوضني عن الجرح القديم بعدة اجروحي,,




وروحي الي تبلل ريقها من دمعة الخنسا
انا ما ادري معاك اودعتها والا معي روحي,,




انا طبيت في غبة بحر ماحولها مرسا
على لوح وشراع ومن شراعي يشتكي لوحي,,




دخيل الجمرتين وخنجرك وعيونك الخرسا
وغره لسفهلت يبرق البراق ويلوحي,,




وميدان انطلاق وقبتين من الترف ملسا
وليل(ن) لنتثر ماعاد عقبه شي مفضوحي,,




خذيني من غياهب وحدتي المجنونه الشرسا
لعالم برزخك ياصمتي الي حركه بوحي,,




خذيني من جفاف العاطفه والخطر العمسا
انا حلمي غرام(ن) يجعل الممنوع مسموحي,,




احبك وان عذلني من عذلني قلت له ينسا
ياحب(ن) مثل حبي ياحياه بدون مصلوحي,,

هُنااَ .. (http://shafaq-e.com/vb/showthread.php?t=2409)

شِيخةّ الغِيد |❥
03-18-2013, 08:55 AM
مِبطي احبهه وببطي مانسسِيته ..

يـانظـر عـيني فـراقك ماقـويـته
والله اني من فراقك ضاق صدري

حِـن وتـرفـق عـلى قلـبٍ كـويته
ياعساي افداك ياعمري بعمري

لاتـحاسـبني بـذنبٍٍ ماجـنيـته
كل ماقلت السموحه قلت بدري

انت غيرك من سجلاتي طويته
كيف تتغلى وانا سلمتك امري

مابغيت الا انت غيرك مابغيته
منزلك عالي وحبك حب عذري

يارسولي قـل لخلي لـو لـقـيته
والله ان الحال من فرقاه مبري

مبطي احبه وببطي مانسيته
عارف قدره وهو يدري بقدري

ابـتـلاني بالمحـبه وابـتـليته
لين كلٍ صار بالثاني يهذري

احتواني بالغلا كلي فديته
صار حبه في خلايا الدم يجري

ثم جيته والمشاعر مستميته
لاعلي يدري ولا منصور يدري

هُنااَ .. (http://shafaq-e.com/vb/showthread.php?t=3045)

شِيخةّ الغِيد |❥
03-18-2013, 08:58 AM
انصآف الانصصآفّ ..

ياهاجسي واصل ومافات مخلوف
دامك بخير ودام انا مابي خلاف

علمتك اني فيك. لأسمع ولأشوف
وعلمتني هذا الزمن مابه إنصاف

من فاقدين العرف ماحتاج معروف
اللي شهايدهم. علاقات واسلاف

ناس على المكشوف والعالم تشوف
يغيبون أطراف في سِبة أطراف

الوضع مزري والعمل غير مالوف
والسالفه تنعاف .والشعر ينعاف

لكن سيوف الغدر وان عِدة سيوف
يبقى ثمنها بخص وسنينها عِجاف

تمحل ويتعدى بها الركب ويطوف
ويرمي بها في الزاويه كل سياف

ان حاربوك اغراب ماصابك الخوف
الخوف لاصاروا لهم ربعك أحلاف

ياهاجسي سطر ذهب وانقش حروف
علمهم ,,إن معزبك ...سيَد القاف

اللي خُلق شاعر وعملاق معروف
لايحتري من عند الانصاف الانصاف

هُنآآ .. (http://shafaq-e.com/vb/showthread.php?t=3306)

شِيخةّ الغِيد |❥
03-18-2013, 09:00 AM
طااَح مِنّ عيَنيّ ...

البحرعيا يوسع صدري الليله
وانا من اول اذا جيته يسليني

لي عاده اقلط على شاطيه واشكي له
من نار حب(ن) توقد في شراييني

يابحر جيتك وهمي يالله اشيله
اما تشيله معي والا تواسيني

ماجيت شاعر يغني لك مواويله
جيتك مفارق ونار البعد تكويني

ان كان به حل قلي وايش اسوي له
ليا متى وانت صامت ماتحاكيني

احيان اقول البحر في صحبته ميله
ماقلت لي يابحر واش بينك وبيني

ياشين فرقا الحبيب وقلة الحيله
حتا البحر يوم جيته طاح من عيني

هُنااَ ... (http://shafaq-e.com/vb/showthread.php?t=3386)

شِيخةّ الغِيد |❥
03-18-2013, 09:03 AM
الجِهاتّ الاربَعه ...



تـل قلبـي يابـن شـلـوان منـسـوع الجـديـل
كـل ماقلـت السعـه قـال لـي ويـن السـعـه

صـب فـي شريـان قلبـي غرامـه سلسبيـل
اتــنــفـــس واتـــلــــذذ غــــرامــــه وأجــــرعــــه

قبـل أشوفـه كـن مالـي فـي الدنـيـا خلـيـل
واحتـوانـي مــن جمـيـع الجـهـات الأربـعـه

أخذني عن جملـة النـاس فـي يـوم وليـل
كــــن مــآلــي غــيــره آسـتـقـبـلـه واودعـــــه

في حضوره يعتبر كل شي عندي جميـل
الـشــمــوع مـولــعــه والـهــجــوس مـولــعــه

عِدني اول من تظلل فـي أظـلال النخيـل
لاجـل عــذرا بـيـن عــوج الضـلـوع مربـعـه

إن تبسم يصبـح الكـون شكلـه مستطيـل
وإن غـمـز بالعـيـن زاد الطبـيـعـه تـوسـعـه

وان مشى كل الزوايا معه تصهل صهيل
وإن جلس ضمد جروح الزمـان الموجعـه

وان طلب مني طلب قلت مايخـدم بخيـل
أنـــت قـربــك جـــود والـبـعـد ربـــي يـقـلـعـه

الحـنـايـا والمعـالـيـق لـــك جـيــشٍ وخـيــل
تـتـجـه حـســب اتـجـاهـك وظــلــك تـتـبـعـه

ياعديل الروح شاعرك يهـوى المستحيـل
ماتواضـع لجـل غيـرك ولا ارخـى مسمعـه

المـحـبـه والـغــلا تـجـعـل الـعـاشـق ذلــيــل
آآآه مــن عـيـنٍ تـزيــد الـمـواجـع تـوسـعـه

راهنٍ عمري علـى كـف ابـو طـرفٍ كحيـل
كـل ماقلـت السعـه قـال لـي ويـن السـعـه

هُنااَ .. (http://shafaq-e.com/vb/showthread.php?t=3474)

شِيخةّ الغِيد |❥
03-18-2013, 09:06 AM
سَجل حضضوُر ورَحل ..

الله ولا الضيقه اللي كل مالليل حل
تبرك على الصدر فال الله ولا فالها

اضنها ماتفارقني لو اسكن زحل
من الميانه تقول القلب منزالها
\
ياصاحبي كل عرقٍ من عروقي محل
حتى خلايا دمي ضيق المساء طالها

مدري حياتي غلط والا دروبي وحل
والا الغرابيل حطتني على بالها

ان كان نجم السعد سجل حضور ورحل
الله يساعد على الايام واهوالها

لو كل نظره صواب وكل عقده تحل
ماكان جيتك هموم الناس مشتالها

واصحابي اللي تقول انهم خلية نحل
حولتهم في شريحه ضاع جوالها

راحو مثل مايروح من العيون الكحل
لكن هذا هي الدنيا وذا حالها

هُنآآ .. (http://shafaq-e.com/vb/showthread.php?t=3170)

شِيخةّ الغِيد |❥
03-18-2013, 09:10 AM
حسسآس يامنصوُر ..


الليل هود والقلوب جنود
على حياض الشوق وراده

ليل يقودك للصبابه قود
وقاد والاشواق وقاده

منصور يامنصور مال العود
على بلاد ماهي بلاده

ليلي سرى والصادرات ورود
ياشوق يانسرين ياغاده

هنا لقيت الغائب المفقود
اللي له الركبان شداده

يقفي وفود ويقبلون وفود
والقلب صافح كف من صاده

غرون سرابي والعباد رقود
لاتنشدوني ليه ياساده

اعود والا جعلني ماعود
القلب حصل غاية مراده

تمن يامنصور وارق سنود
والترف غن بعيد ميلاده

اطرب ترى عمر الفرح محدود
جاتك بيوت الشعر منقاده

على جبل طارق تهب النود
وانته على مرمى حجر ناده

وشفيك ماكنك معي موجود
حـســاس يـامنـصـور بـزيـاده

هُناا .. (http://shafaq-e.com/vb/showthread.php?t=2259)

شِيخةّ الغِيد |❥
03-18-2013, 09:14 AM
يِضضَحك الغيِمّ ..

زان نظـم القصـيـد وزان معـنـاه
يــاهـــواة الـلــحــون الـسـامـريــه

ابنـي البيـت ليـن يـزيـن مبـنـاه
خـــوف لا واحـــدٍ يـشــره عـلـيــه

ياسـلامـي عــدد نــوٍ نـثــر مـــاه
مـن حـقـوق الـمـزون العقربـيـه

يامصيف الملوك اللي عشقناه
عشـقـت الـجـود للـكـف الـنـديـه

أثـر حتـى المطـر والغيـم يهـواه
الله اعطـاه مــن جــزل العطـيـه

غيمـة الصيـف تتباهـا مبـاهـاه
مـن علـو الشفـاء ليـن الحويـه

كـــل مـاقــال وادي وج ويـــلااااه
يضـحـك الغـيـم وتـهـل إ بـرديـه

والهـدى لــو يـنـادي بالمـسـاواه
قالـت اسقيـك مـن هــذي وذيــه

يعـنـي اطـلـب مطاليـبـك مـلـبـاه
لك من الغيث مال ابها البهيه

موقعٍ مايضيق صدر مـن جـاه
كـــنـــه يــــــدق لــلــزائــر تــحــيــه

كــل ماضـاقـت الـخـطـر لفـيـنـاه
مــن شمـوخـه عطـانـا معـنـويـه

اتضايق و يضحـك لـي محيـاه
كــــن بـيـنــي وبـيــنــه جـاذبــيــه

هُنااَ .. (http://shafaq-e.com/vb/showthread.php?t=4116)

شِيخةّ الغِيد |❥
03-18-2013, 09:17 AM
تناقُضضآت الزِمنّ ..

مابيـن يمكـن نكـون ويمـكـن ان لانـكـون
الـرمـي كـثـر المـطـر والطـيـر عـيـا يـطـيـر

كـنـه يـقـول ارجـمـونـي قـــد مـــا تـقــدرون
انا ليـا ضقـت منكـم فـي سمـاي استديـر

ياطيـر ربـي وهــب لــك مخلبـيـن وعـيـون
واعطـاك جنحـان نفاثـه ولا انـت بضريـر

ابـيــك تــرحــل و(تـحـقـرهـم) ويسـتـاهـلـون
انته ما بين السما والارض نعـم السفيـر

يا عنك ما بيّـن الا بعـض مـا يضمـرون
والخافي اعظم لكـن الكـذب حبلـه قصيـر

شابت رموش السنه من كثـر مايكذبـون
من شان عين الفرزدق عذربوا في جرير

طول حديث المسا والسالفـه ذو شجـون
الـظـاهــر ان الـعـواقــب مـاتـبـشــر بـخــيــر

متناقـضـات الـزمـن لا توصـلـك للـجـنـون
إن نـامــت العـيـن/حـذرا لايـنــام الضـمـيـر

كم من وزيراستبد امسى رهيـن السجـون
وكم من سجينٍ طلع واصبح برتبة وزير

تـخــيــل انـــــك تــنـــام مـحــمــلٍ بـالــديــون
والصبـح وليـاك رجـل اعمـال ملـيـار ديــر

يـــارب عـفــوك وانـــا لله مــــن الـراجـعــون
ألـــوذ بـحـمـاك يـانـعـم الـسـنــد والـنـصـيـر

اللي من اول صغير اصبح علينا يمـون
واللـي مـن أول كبيـر اليـوم عـود صغـيـر

هُنآآ .. (http://shafaq-e.com/vb/showthread.php?t=4238)

شِيخةّ الغِيد |❥
03-18-2013, 09:20 AM
ماهوُ ضروُري تعرف الناس قيِمتكْ ..

ياراسي اللي ماتعذرك شيمتك
راسٍ بلى شيمه ترا ماهو براس


والي تعاملهم يهبط عزيمتك
علمهم ان الفرع يفرق عن الساس


والي من اصحابك تمنا هزيمتك
اوقف معه لامسه الضروالباس


من جا يدور له ذرا تحت خيمتك
ازرع له الامال في صحصح الياس


وان اكرمك ربك وزانت غنيمتك
اول ماتكرم متهمينك باافلاس


وان امطرت في شح الايام غيمتك


كم في الديار حلوق وديان يباس


وان جيت قوم وقصرو في وليمتك
اخلق لهم من ثغرة الفقر نوماس


ماهو ضروري تعرف الناس قيمتك
انت بقيمة نفسك ادرى من الناس

هُنآآ .. (http://shafaq-e.com/vb/showthread.php?t=2292)

شِيخةّ الغِيد |❥
03-18-2013, 09:22 AM
عِييِد الملَآيييييييييينّ ..

ياعيد والله ماغير اسمك العيد
والا انت من ساير الايام عادي

العيد عيد الذي يطلق من القيد
وانا مقيد متا اخلص من قيادي

اسمي سعودي لكن ماعندي رصيد
يامصغر اسمي مع ثروة بلادي

راحت سنه ف انتضار الراتب يزيد
والخاتمه ماسوا المصروف زادي

واهل الملايين تستن الزغاريد
الله يسامحك ياخير العيادي

انا من البارحه ضاقت بي البيد
تقول محبوس في سجن انفرادي

حاولت انوه وازيد العلم واعيد
ان كان به مستجيب لمن ينادي

وان كان صكت مسامع زيد وعبيد
والعلم ما وصل لطوال الايادي

لابله الا باعيد عكس ما اريد
اصلي الفجر واواصل رقادي

هُنآآ .. (http://shafaq-e.com/vb/showthread.php?t=4828)

شِيخةّ الغِيد |❥
03-18-2013, 09:25 AM
نَجوٌم السسَمآءّ ..

ياساكن القلب لا تكثر ضنونك
ليا سكنته ترا ما هي غبينه

اسكن وربع وسط قلب(ن) يصونك
تحرصك الاضلاع وجنوب(ن) متينه

تسرح وتمرح وتتمشى بهونك
الدار دارك وتغشاك السكينه

احاول اخفيك ما ودي يرونك
والشعر يعزمك والفرصه ثمينه

حن وترفق بشاعر ما يخونك
ما سمعك غير الابيات السمينه

ياورد ياطايفي مالة غصونك
وانا الزم الصمت واوجاعي دفينه


ما اتخيل اعيش فـ الدنيا بدونك
يا مشمش الشام يا تمر المدينه

يا لين العود لون البدر لونك
لكن جبينك تميز عن جبينه

وان قالو ان العذارى يشبهونك
في ذمتي ما دروا بالزين وينه

وجهة نظر من بشر ما يعرفونك
انتي نجوم السما عندك رهينه

وان كثرو الغيد من سدك ودونك
انا حياتي تحت رمشك سجينه

اموت واحيا بنظره من عيونك
العين بلحالها تسوا مدينه

هُنآآ .. (http://shafaq-e.com/vb/showthread.php?t=4833)

شِيخةّ الغِيد |❥
03-18-2013, 09:28 AM
ياحارِس البــــــــاابّ ..

ياحارس الباب شاب الليل كافي حصار
الى متى وانت قاسي حسبي الله عليك
****
ماتدري اني سجين ولابيدي قرار
كل القرارات وملفاتها في يديك
****
ارجوك فكر بعقلك بعد طول انتضار
يامفتري ماتخاف الي حصل لي يجيك
****
انا تحت سلطتك واليوم صعب الفرار
وسجنت مغليك واطلقت الذي مايبيك
****
لكن كم واحد(ن) قبلك تجبر وجار
اما في المعتقل والا اعتقاله وشيك
****
وان كنت للحين عايش نشوة الانتصار
السجن هذا ترا زنزانته تحتريك
****
جيتك مضحي وسرت من الضحايا الكبار
عزالله اني عليك احن من والديك
****
ماعاد ليلي بليل ولانهاري نهار
الله من الحب يشفيني ولا يبتليك
****

هُنآآ .. (http://shafaq-e.com/vb/showthread.php?t=4586)

شِيخةّ الغِيد |❥
03-18-2013, 09:32 AM
كيبوُرديةّ نصرةّ رسوٌل الله ..

ياسيدي يارسول الله عليك السلام
وازكى التحيات يانور الهدى والصلاه

ياصفوة الخلق واشرف من خلق ف الأنام
شفيع الأمه انا وامي وابوية فداه

ياخير من قال بسم الله وصلى وصام
وآخير من سيَّرة في طاعة الله خطاه

يارب جيتك وان كلي ذنوب واثام
في يوم الانسان ماتنظر له امه واباه

راجي جوار النبي واحلم بطيب المقام
اكون من ضمن سبعين الف تحشر معاه

مع رسول(ن)جعله الله مسك الختام
واللي على سنته ماخيب الله رجاه

حلمي ارى وجهه الطاهر ولو ف المنام
اسألك يارب لاتحرم عيوني لقاه

احيان حتى على شعري يشح الكلام
لكن كل(ن) ومجهودة وما الله عطاه

ياعابرين الطريق الممتلي بالزحام
الدرب له منتهى والموت عقب الحياه

عليكم الله واكبر يارماة السهام
ياميتين الضمائر بئسكم من رماه

الصح عكس الخطأ تبت يدين اللئام
من يجرحك يارسول الله تبت يداه

هُنآآ .. (http://shafaq-e.com/vb/showthread.php?t=5319)

شِيخةّ الغِيد |❥
03-18-2013, 09:35 AM
نَزعة الــروُحّ ..

وينك تعبت استن حضرة جنابك
صابر على فرقاك والقلب مجروح

ردي شبع مني السهر في غيابك
لاني بلى حي(ن) ولاني بمذبوح

اسهر من اجلك واتجرع عذابك
واسمع حمام الورق لاناحوانوح


ماكنت اقول انالقلوب اتشابك
تصبح كما لوح(ن) مشبك على لوح

الين قلبي هدني والتوا بك
ادخل على الله لاتروحين واروح

اموت في حرفك ولطفك و ادابك
واذوب في (طيب) وتامرومسموح

قلبي بدابك رحلته وانتها بك
مالي مع غيرك من الناس مصلوح

اشتاق لك واحب حتا عتابك
والقلب يطبخ لك من الشوق ويفوح

يعني ركابي وقفت عند بابك
لكن تكفين اتركي الباب مفتوح

ضامي وادور لك وادورشرابك
ماشد من بعدك سوا نزعة الروح

هُنااَ .. (http://shafaq-e.com/vb/showthread.php?t=5206)

شِيخةّ الغِيد |❥
03-18-2013, 09:37 AM
يِسسعد صباحاتّ ..

يسعد صباحاتك العطره يابنت العم
ابطيت اضمد جروح البعد والفرقا

لبيه يالعينتين الخرس والمبسم
ولبيه يا اعز من نفقد ومن نلقا

لبيه ياللي اذا ناديت قالت سم
في جيتك ودي اغني مية طرقا

من فرحي اشوف لون الفجر يتقسم
صباح جده رمادي والسما زرقا

هُنآآ .. (http://shafaq-e.com/vb/showthread.php?t=5367) ]

شِيخةّ الغِيد |❥
03-18-2013, 09:40 AM
غير كِل الصباحاتّ ..

الصبح يوم اني على صوتك اصحا
يعني صباحي غير كل الصباحات

يوم اني اسمع نبرتك واتوحا
ماكنك الا ذات في داخل الذات

اكيد مايحتاج للعلم شرحا
والله احبك كثر كل المساحات

صباح عيد الفطر مع عيد الاضحا
وصباحك (انتي) والبقيه سلامات

هُنآآ .. (http://shafaq-e.com/vb/showthread.php?t=5465)

شِيخةّ الغِيد |❥
03-18-2013, 09:43 AM
82 وردة للوُطن وَ الَمليِكْ ..

سلام والشعر مضمونه حديث الذات للذات
واليوم قررت من عقب الحصار اطلق عنانه


صحيح قدمي مهمه غير عن كل المهمات
هيبة ملك له مكانه مايعادلها مكانه

لافاض جوده مايبقا لابحور ولا محيطات
ملك بمدات جوده مابقا للفقر خانه

الفقر في عهد هالميمون لاقيل ولابات
الدر ماهي بداره والزمن ماهو زمانه

خارج وطنا محاصر من جميع الاتجاهات
الشعب عنده حصانه والفقر ماله حصانه

كسر مجاديفه اللي ماتوانا بالقرارات
القايد الي فتح للشعب بيبان الخزانه

ياجود ماله قيود ولاحدود ولامساحات
من قبلة المسلمين تفوح ريحة زعفرانه

أن الاوان اتحدث بالصريح من العبارات
والصدق ملح الكلام ولا اوان الا اوانه

واللي بسط سبع اراضي فوقهن سبع السموات
لو كل حاكم تعلم منك واش معنا الامانه

ماكان نسمع بحزب ولا انتخاب ولا انقلابات
ولاتشرد ولاهجرة فقير ولاخيانه

هنا هنا العدل والثقل السياسي والمساوات
هنا قيادي ترعرعنا وعشنا في حنانه

اصعب من الصعب وابعد من حدود المستحيلات
اوصف بشعري مكانة من رفع مولاه شانه

والشعب مايملكون الا دعاهم ف الصلوات
يارب تحفض ملكنا والوطن وامنه وامانه

والفرصه ان جات مره ماتكرر عشر مرات
والمبدع الي من انصاف الفرص يكسبرهانه

وانا رهاني على ماجاد به فكري من ابيات
ولا انتظر من وراها كود صح الله لسانه

هُنآآ .. (http://shafaq-e.com/vb/showthread.php?t=5445)

شِيخةّ الغِيد |❥
03-18-2013, 09:46 AM
علَموُهااَ ..

علموها والله اني ماخليها دام قلبي بالغلى تنبض عروقه


اتغلا زينها في تغليها

من تغليها التغلي نجح سوقه

الف بسم الله على من حواليها

لايجيها من عيون الحسد عوقه

اسعدتني يسعد الله لياليها

وان تفارقنا ف الايام ملحوقه

هُنآآ .. (http://shafaq-e.com/vb/showthread.php?t=5538)

شِيخةّ الغِيد |❥
03-18-2013, 09:49 AM
لابَقا ولاخلاَ ..

لي عدة ايام اعيش وجوي معكر
احاول اشري ابتسامة طفل واتسلى



ياحظ من عاش في الدنيا ولافكر من حين يصحى وهو يضحك ويتجلى

وانا وهمي نطبق مشية العسكر
ليا غفل واحد الطابور يختلى

بعض المحبه تجيب الضغط والسكر

(الله ولا (حب) لابقا ولاخلى )

هُنآآ .. (http://shafaq-e.com/vb/showthread.php?t=5550)

شِيخةّ الغِيد |❥
03-18-2013, 09:53 AM
صصَوُرتهاَ ..

انا البارحه بالحيل عانيت يالهزاع
ودارت بي الدنيا وياشين دورتها

خذتني الين اصبحت بين السما والقاع
هنوف(ن) ولاخلة معي كود صورتها

وقفت ولا ردة وانا الهايم الملتاع
وكبدي من الفرقا تزايد حرورتها

تثور الشعوب اللي طوال السنين جياع
وهي يوم ثارة ما اعرف اسباب ثورتها

هُنآآ .. (http://shafaq-e.com/vb/showthread.php?t=5571)

شِيخةّ الغِيد |❥
03-18-2013, 09:54 AM
اااهّ ماابيّ ...

يابعدهم كلهم وينك وويني
الليالي باعدت بيني وبينك

واصليني وذكريني وسليني
جعلها يامنيتي تبطي سنينك

من عرفتك طاحو الغيد من عيني
لجل عينك جعل روحي فدا عينك

اااه كم تنبض بحبك شراييني
واااه يامابي على ضمت ايدينك

هُنآآ .. (http://shafaq-e.com/vb/showthread.php?t=5628)

شِيخةّ الغِيد |❥
03-18-2013, 09:57 AM
ابوُريانّ لآتشرهوُنه ...

ياناس ابوريان لاتشرهونه
الحب سوا في حياته سوايا

يشكي من الفرقا وتسهر عيونه
الله ياكم للمحبه ضحايا

يحب وحده لونها مثل لونه
عليهم الاثنين مني التحايا

ياعاذلينه صدق لاتعذلونه
الحب نعمه كل ابوها مزايا

مادام شوفتها تداوي طعونه
يسري لها لاينسدح في الزوايا

وانا وابومدهش عزاه وحصونه
نمشي معه لو فوق روس الحايايا

يزوجونه يعني يزوجونه
اجمل فتا يضفر بزين الصبايا

مادام حتا لونها مثل لونه
اكيد تتمتع بنفس السجايا

حنا علينا جاهنا والمعونه
واللي عى بشوق يشري الهدايا

هُنآآآ .. (http://shafaq-e.com/vb/showthread.php?t=5720)

شِيخةّ الغِيد |❥
03-18-2013, 10:03 AM
علىّ حرفك أدمنتّ ..

ياهيـه ياللـي ماتقوليـن كيـف انـت
حسبـي علـى شيطانـك اللـي لعبـك

والله لـوان القلـب لــن قـلـت هـونـت
يطيـعـنـي لا اقـــول هـونــت احــبــك

واقــول ياقـلـبـي تـريــح كـمــا كـنــت
كـــب الـغــرام ويعـتـنـي فــيــك ربــــك

والا اقـدر احصـل بدالـك ميـة بـنـت
فـيــهــن حـركــاتــك ودلــــــك ولـــبـــك

واحـيــدك واقــــول دوبــــي تـطـمـنـت
واحرمك شعري لا امدحك لا اسبـك

لكـن مشكلتـي علـى حرفـك ادمنـت
ثــــم اشـتـبـكـنـا والـهـبـايــب تـهــبــك

مثل الحديد اللي مشبك بألاسمنت
ياصـعـب تفكـيـك الحـديـد المـشـبـك

كتبـت لـك جرحـي قصـيـده ودونــت
الجـرح مـنـك الـجـرح والـطـب طـبـك

هُنآآ .. (http://shafaq-e.com/vb/showthread.php?t=5731)

شِيخةّ الغِيد |❥
03-18-2013, 10:05 AM
فـِ الذآكِرةّ ...

في الذاكره مالقيت الا انت فـ الذاكره
الصادر الوراد الموجود بين الضلوع

والقلب لك دار وشرايني عساكره
وضلوعي اسياج وكريات دمي قدوع

سلمتك القلب بالكامل اذا فاكره
وانتي رحلتي بقلبي من نهار الربوع

ياماكره لايطول البعد ياماكره
الثانيه من حياتي في غيابك سبوع

هٌنآآ .. (http://shafaq-e.com/vb/showthread.php?t=5891)

شِيخةّ الغِيد |❥
03-18-2013, 10:09 AM
صصباحكُم خِيرّ ..

الفجر قالت لي صباح الخير قلت اجمل صباح
قالت عساك بخير قلت بخير لو كنت بخير

قالت تحب البحر قلت البحر ضمد لي جراح
رميت سري في بحر واسرار خلق الله ف بير

قالت صديقك قلت ذا مادون شطه مستراح
هذابحر جده وهذا انتي وانا الشخص الفقير

قالت علوم الشعر قلت الشعر وقف ثم طاح
سدد له الحظ الردي طعنه على الضلع القصير

هُنآآ .. (http://shafaq-e.com/vb/showthread.php?t=5913)

شِيخةّ الغِيد |❥
03-18-2013, 10:12 AM
صصَبآح مُمَطِرّ ..

الصبح ممطر والسما كانت تشاركني الدموع
ياصبح قل للي خذت قلبي تعود قلها


ابطيت ادورها وهي راحة مراح بلا رجوع
معقول بعد اللي حصل ترحل وتنسى خلها



ياقو قلبك ياملاك الحسن يازين الطبوع
لك في فؤادي منزله ماواحد(ن) ياصلها



اما تعالي نحتفل ونولع انواع الشموع
والا سلام الله على الدنيا مبيها كلها

هُنآآ .. (http://shafaq-e.com/vb/showthread.php?t=5927)

شِيخةّ الغِيد |❥
03-18-2013, 10:14 AM
بَعدّ الَحديدهّ ..

الـبـارحــه بـيـحــت كــــل الـخـفـايــا
الـي قبـل عاميـن والـي مـن الـعـام

والله وسـوة بــي هجـوسـي سـوايـا
كن البعض منها على البعض حكام

تزاحـمـة مـثــل ازدحـــام الـسـرايـا
اردهـــــا وتــقـــول قـــــدام قــــــدام

والضيقـه الـي ســد عــوج الحنـايـا
احكامـهـا بـيـن الـمـؤبـد والاعـــدام

احـرص عليهـا مـن جميـع النحـايـا
حرص الخبير اليا نزل حقل اللاغام

مــن التـعـب لشـمـس فيـنـي كـوايـا
عن الترف بعد الحديده عـن الشـام

مـانــي مـقــدم دم وجــهــي هــدايــا
غير العّمام الاصل ماعنـدي اعمـام

اصبـر كمـا صبـر الجمـال الضمايـا
الـلـي تــروح حـيـام وتـعــود حـيــام

مـن ماعطانـي الله قسمـت العطـايـا
بيني وبين اللـي مـن الوقـت منظـام

قـسـوة سنـيـنـي تسـتـحـق التـحـايـا
منها عرفت اش لون تحيق الاحلام

عرفـت كيـف احـل صعـب القضـايـا
وكيف الكريـم يعبـد البخـل الاصنـام

لـو هـو مـن الحاجـه جنوبـه عرايـا
ذرب اليميـن وللكـرم تــاج ووســام

والـلـي لدنيـاهـم ســـوات المـطـايـا
مـن الطمـع ماهمهـم غيـر الارقـام

تلـقـى المـخـابـي بـالـدراهـم مـلايــا
واطفالهـم فـي دورهـم مثـل الايتـام

الـلـي مـنـول فــي ركــون الـزوايــا
الـيـوم غـرتـهـم كـثـيـرات الـوهــام

عـلــى الاشـــده يـكـثـرون الـروايــا
وهروجهـم ماتخـدم الصالـح الـعـام

الله يـعـرضـهـم ســهـــوم الـمـنـايــا
تطاولـو فـي تـالـي الـوقـت الاقــزام

مـاهـم بـشـوق المتـرفـات الصبـايـا
والبخـل ماهـو مـن تعاليـم الاسـلام

يغنيـنـي الله عــن ضـعـاف الـنـوايـا
الرازق اللي في دجـاء الليـل مانـام

يالله عسـانـي مــن كــرام السجـايـا
وانـك تساعدنـي علـى جـور الايــام

فــي واجـبـي مـانـي مــدور وصـايـا
اقــوم لــون اقـشــر الـحــظ مـاقــام

وش ياخـذون مــن الحـيـاة البـرايـا
اغناهـم اللـي تستـره قطعـة الـخـام

هُنآآ .. (http://shafaq-e.com/vb/showthread.php?t=5939)

شِيخةّ الغِيد |❥
03-18-2013, 10:26 AM
صصبآحِك عسسَلّ ..

صبـاحـك عـسـل يالصـاحـب المـحـتـرم بـالــذات
صـبـاح(ن)عــلــى قــــــدك يــفــصـــل مـقــاســاتــه


صـبــاح الـوفـاءالـي صــارفــي عــالــم الامــــوات
بـعــدوصــلــت اعـــمــــاق الـشــرايــيــن طـعــنــاتــه


على طاري اصحابي وقفت اكشف الصفحات
وكــل(ن)وقــفــت عـــلـــى حـســنــاتــه وســيــاتـــه

لـقـيـت التـشـابـه بــيــن الاصــحــاب والـعـمــلات
تــشــابــه يـــشــــدك فـــــــي جــمــيـــع اتـجــاهــاتــه

يــقــولــون يـــاحـــظ الــــــذي يــــــوزن الابـــيـــات
واقــــول الـحـظـيـظ انــســـان يـــــوزن عـلاقــاتــه

عـــلـــى كـثـرهــفــوات اصـــدقـــاء كـثـروالـهـفــوات
ســـألـــت الـضــمــيــر ان كـــــــان غـيـرقـنـاعـاتــه


مــــدام الــنــدم مـايـجـلـب الـفـايــت الــلــي فـــــات
هــنــاءيــوقــف الــعـــاقـــل عــــلــــى غـيـرمشهاته

صـديـقـي تعـلـمـت افـعــل الـــي افـعـلـه بـسـكـات
انـا الــــــــــي اذاقــــــــــــــرر يــنـــفـــذقـــرراتـــه


انـالاوضــعــت الــحـــي فـــــي عـــالـــم الأمــــــوات
نـجـوم السـمـاء اقــرب لــه ولــي مــن علاقـاتـه

هُنآآ .. (http://shafaq-e.com/vb/showthread.php?t=6026)

شِيخةّ الغِيد |❥
03-18-2013, 10:49 AM
طااَح مِن عينيّ ...

الـبـحـر عـيــا يــوســع صــــدري الـلـيـلـه
وانـــا مـــن اول الـيــا جـيـتــه يسـلـيـنـي


لي عاده اقلط على شاطيه واشكي له
مـن نـار حـب(ن) تـوقـد فــي شراييـنـي

يابـحــر جـيـتــك وهــمــي يالله اشـيــلــه
امـــــا تـشـيـلــه مـــعـــي والا تـواسـيــن


ماجـيـت شـاعـر يغـنـي لـــك موايـويـلـه
جيـتـك مـفــارق ونـــار الـبـعـد تكـويـنـي

ان كـان بـه حـل قـلـي وايــش اسويـلـه
اليـا متـا وانــت صـامـت مــا تحاكيـنـي

احيان اقول البحـر فـي صحبتـه ميلـه
ماقلـت لـي يابحـر واش بيـنـك وبيـنـي

ياشـيـن فـرقــا الحـبـيـب وقـلــة الحـيـلـه
حتا البحر يوم جيته طـاح مـن عينـي


هُنآآ .. (http://shafaq-e.com/vb/showthread.php?t=6148)

شِيخةّ الغِيد |❥
03-18-2013, 10:52 AM
البلآ سسآهِرّ ...

ياهوا الـشرق لاترهق شـرايـين دمي
كل ماطالت الـسهره يقل اكسجينك

انتهى الصيف وانـته ماتوجهت يمي
وانت ماقلتلي وش مشغلك عن ضنينك

انـت همي وغـمي وانت طـبي وسـمي
وانت شوقي وذوقي فـي قساتك ولينك

انت ماغير صوّت لي واجيك امتحمي
لين ما اوقف الا بين راحت يدينك

اشري بصبعك واقول حاضر وسمي
كل فكري وقـلـبي والـغلا محترينك

شوق ياشوق وان كان الخطر مدلهمي
والله أني نذرت العمر فـدوه لعينك

امري ...والامور الـكايده ماتهمي
مانذرت الحياه الا لطلت جبينك

بعثريني ولميني بالاحضان لـمـي
جيتك اسابق النسمه وادورك وينك

ساهر اللي يجازي الناس ماهو بهمي
البلا ساهر اللي حال بيني وبينك

هُنآآ .. (http://shafaq-e.com/vb/showthread.php?t=6483)

اوركيد
06-06-2013, 11:16 PM
ودّي


صباحكم شعر


ودي اني كل ما قلت ابا انساها نسيت

البلا ماودي انسا وهي ماودها

افترت فيني وانا في مشاعرها افتريت

هي تمدحني وانا اقول ما احد قدها

...
بس تبغون الحقيقه حكيت او ماحكيت

الوكاد انه يغار القمر من خدها

اسمها شيخت قصيدي رضيت او مارضيت

يكفي انها بنت شيخ ومعرب جدها


رباعيات

رمضان المنتشري

اوركيد
06-06-2013, 11:38 PM
يسعد صبا ح الجميع برباعيه لا ادري

ان كانت الاخيره تعرفون علاقتي بالشبكه

ربما اخذ اجازه من ابونايف

ودآع الاكآبر

ياطير حان الوداع ان كان ودك تطير

الارض ياوسعها والي في القلب فيه


حريتك مطلقه ياطير منت ابسير

الغصن لن كان مايهتز لك ماتبيه


احفض كرامتك لو تعيش عيشة فقير

الي رضا بأنتقاص القدر تبت يديه


وادع وداع الاكابر واشهد انك كبير

الي يبيعك براس المال لاتشتريه



كنت

هنا


رمضان المنتشري

اوركيد
06-06-2013, 11:41 PM
الطفل اليتيم ..


تعب لاصارت الدنيا مخالب وأنت ساكنها
وهي دِنيا على ما قِيل في ألامثال ماتسوا

وتعب لو قل قدرك عند ناس انته مثمنها
الا يالله عليك المشتكى والبوح والنجوا

وهم. وغم. لأشفت اوفياء ترخص معادنها
كأن الناس من قل الوفاء حاصل لها عدوا

تعب لو هِد بير(ن) وانت بانيها وضامنها
على عد الروأ واليوم ياعطشان ماتروا

والاصعب والامر إذا كِلتك الناس بلسنها
وقالو عنك منته مثل غيرك وانته الاقوا

تشظا في خفوقي ضيقة(ن) عييت آبينها
أنا عاداتي أظهر مبتسم غصبا عن البلوا

تحاصرني مئات الاسئله وأصبر وادونها
وأخَلَي كُل مفتي يجتهد وأنا اعرف الفتوا

تعلمت أسمع اللزلآت وأحفر قبر وأدفنها
لِيا قالولي اشوا ماسمعت العلم قلت اشوا

اناشاعر لِياجيت أقهر العذال وأطحنها
أنا يآمترفه ماني بمِتعود على الشكوا

أنا يوم أنحت ابياتي وارتبها وادوزنها
اخلي حاسدي يغوا الطريق ان كان مايغوا

أنا الطفل اليتيم اللي ملوك الجن جننها
لو إني فصل خامس قادر اتأقلم مع الاجوا

ذكرتك والطعون يسيل شلال الدما منها
لك الخافق وطن والروح مرهونه بماتهو
نعم قلبي وطنها تستريح الله يطمنها
انا اقول الحياه ابدونها من جد ماتسوا

رمضان المنتشري

10-1-1434@

اوركيد
06-06-2013, 11:44 PM
خآفي الله فيّه



لملم شتاتي تراني من شتاتي تعبت

مشدوه متبعثر الاوراق مالي مزاج

تعبت اعاني من الايام همٍ وكبت

اصوم وافطر على علقم وملحٍ اوجاج

ياما وياما على ظلم الحبيب احتسبت

واقول ماضيقه الا من بعدها انفراج

وياما من الشعر في دفتر غرامه سكبت

ابيات تصنع لمن لايعرف التاج تاج

تقرا القصيده وتحلف قبلها ماطربت

لولى قصيدك تساوا الشعر عذب وهماج

توغلت في عروقي لين ذابت وذبت

واسكنتها القلب وجعلت المحاني سياج

الفيلسوفه ليا مني عن الوعي غبت

تبسمت وابتسامتها لقلبي علاج

على يديها رحلت عن الغواني وتبت

وتربعت فوق في قلبي في اعلى الدراج

البارحه شدت اوتار الغرام وقربت

ياليل كم لي وانا ماعشت فلت حجاج

قالت عروس امنياتي طاب ليلك وطبت

حتا القمر يوم طلت قال يالله الخراج

اوركيد
06-06-2013, 11:48 PM
تقصر دواويني :

تؤمي وصديقي الاوفاء من الاشقاء

الذي مهما اقول تضلي قصايدي دون مستواه فهذا

0
(علي عبدالرحمن شلوان الصميدي المنتشري)

سقا الله يازمان ايام كنت وكنت

شباب ازعل الدنيا وترضيني

اسوي الصعب واشر قود يعني احسنت

... وكأن الي عملته ماملا عيني

خذيت الي خذيت وسدني واعلنت

كفايه طيش ماجاني يكفيني

انا هلحين لاشفت الخطاء هونت

لعل الله يبعد بينه وبيني

ولاياعزوتي يامسندي لاهنت

حزامي ياعلي ف العسر والليني

علي لاقال زهزه واسترح وزبنت

لو ان الدين دم احمر قضا ديني

ابن شلوان لادورت له عينت

صديق(ن) واحد يسوى ملاييني

انا فاكرك يوم احتجت لك برهنت

بوقفه ماتسويها السلاطيني

صديقي ماذخرت من اصدقاي الا انت

لعثرات الزمان وميلة سنيني

على قول المثل دينت وتدينت

ورافقت النشاما والردييني

ومهما قلت او سطرت او دونت

علي تقصر عن افعاله دواويني



من اغادير من المغرب 20/2/ 1434@

اوركيد
06-06-2013, 11:52 PM
مازادهآ الا غلا ,,


ياغربت الذات ما ادري عيشت الاغتراب

ثنتين عانيت ماعانيت بأسبابها

عرضت وضعي على الدنيا سؤال وجواب
وابطا وهو بين فكيها ومخلابها
واحضي الي رمابي بين ضرس(ن) وناب
لاضرس الايام وفرني ولانابها
ليا اضلم الليل جاني الهم مع كل باب
وااامن لقلب حياته ماتهنا بها
والبارحه والطعون الخضر باقي شباب
والروح تمر وله واشواااق ممابها
ماغير انا والنوارس والبحر والضباب
والصوره الي رسمت وحرقت غيابها
اقوم واقعد جسد تضفي عليه الثياب
واغفا على وانتي واقوم واصحا بها
الملهمه صوبتني واستبد الصواب
مازادها الا غلا يازينه صوابها
بعض المحبه تسبب للخلايا التهاب
والروح ماعاد تقدر تضبط اعصابها
يافيلسوفت زماني والله القلب ذاب
والعين من كثر ما اسهر شابت اهدابها
والخاتمه ودي اسمع منك فصل الخطاب
ماعاد الاعذار تقنعني ولا ارضااا بها
تكرمي واحتويني وانهي الاغتراب
احيا عيونك وطن وان مت بأسبابها
محبكم رمضان المنتشري
25/2/1434@

اوركيد
06-06-2013, 11:54 PM
الحب اجمل عذااااب يبحث عنه العاشق بلهفه ؟

والبشر فصايل واجمل الفصايل من البشر تلك الفصايل التي تشبه

النحل الذي لايقع الا على الازهار فلا ينتج الاعسل ؟

اما الفصايل المتبقيه فلاتعنيني ؟

تغريده /

ياشجرة الدر جيت من الوله طير

غادر دياره وزارك في ديارك

قلبه تقسم على شانك جماهير

نصفه يمينك ونصفه في يسارك

تكرمي واحتويني وافعلي خير

طاير وحلمه من الدنيا جوارك

لاتستهينين بأحلام العصافير

لولى العصافير واش قيمت ثمارك

اوركيد
06-06-2013, 11:57 PM
اغرد هنا عشانكم احبتي فأقبلوني كما انا

نسخه من الموت


هي نجمها العقرب ونا نجمي الحوت

تحبني لكن تسوي عبيطه

تغيب واضلي على طووووول مكبوت

ماكن لي موطا قدم بالخريطه

... لبا العيون وخنجر العشق والتوت

مهما رحلت ابقا معه في محيطه

اخاف لاياخذني الوقت وافوت

واغفا وحبل الوصل ينقص خيطه

احيان بعض الهجر نسخه من الموت

بينه وبين الموت حاجه بسيطه



وسلامتكم رمضان المنتشري

اوركيد
06-07-2013, 12:00 AM
مدخل
على الله توكلت وعزمت الرحيل وسقت
ركابي على كف القدر حيث وداني
***


حلالاه يالطير الذي بالفضا حلقت
لياضاق صدرك من بلد تزبن الثاني
***
وانا البارحه في ذمتي ذمه اني ضقت
ولكن ماعندي كما الطير جنحاني
..................

لكم النص

حزين ياليل لاتبحث خفا رجال حساس
ياليل واش عاد باقي ماخذيته من سنيني
***
البارحه كان ليلي غير ليل بقية الناس
اقوم واجلس وعيا لايطب النوم عيني
***
كلي مكهرب وانا معزول لاكهرب ولاماس
كيف اتوازن وجسمي تفضحه رعشة يديني
***
ابطيت ياليل تحشد لي حشود وتقرع اجراس
ادخل على الله كفايه ضلم واش بينك وبيني
***
ياليل لو كان غيري ماصبر للضر والباس
ولاصمد والعواصف من شمال ومن يمييني
***
ياليل عندي عصامية شجاع وعندي احساس
ان السعد بعد ضلمك واضطهادك محتريني
***
واني مثل ماتجرعت الفراق امرار بالكاس
باكر يذوب الجليد ومبعد اليمه يجيني
***
واغسل غبار السنين وكل ضيقة صدر واتعاس
واضمد اوجاع وقتي واتريح من أنيني
***
واقول طاح الحطب يتريح الحطاب والفاس
من حقي اكذب احقر ليل واصدق يقيني
***
ياباسقه والنخيل من السعوديه لمكناس
وانتي بطولك وبثمارك قدرتي تحتويني
***
تساقطي لي رطب من قمتك لاهب نسناس
وانا امطرك شعر حتى للثماله ترتويني
***
جيتك بعد كان ليلي مختلف بأحساس حساس
ماغيرك انتي يعوضني معانات السنيني
***

مخرج

اغيب من الضيقه واقوم ابتهل لافقت
وعن ضيقتي ما اخبر الناس داني
***
اخبر صديقي واعرف اختار لاصادقت
صديق(ن) يشد به الظهر طول الازماني
***
وانا كان ماجمعت الاصحاب ما فرقت
هذا الشي حتا شايبي فيه وصاني

وسلامتكم

اوركيد
06-07-2013, 12:01 AM
السلام عليكم رباعيات



لاتنشدوني علامي خاطري شين

جوي معكر ومليت الكتابه

يومين قد لي على ذا الحال يومين

يامن لقب(ن) تضايق من ثيابه

اصحابي اهديهم اشعاري دواوين

وكأني اضيق عنهم بالنيابه

باقي من العلم كلمه نبين (قوسين)

ما للطفش باب حتا اصك بابه؟؟

اوركيد
06-07-2013, 12:04 AM
السلام عليكم احد اصدقائي

طلب مني ان اجسد معاناته ولكم

ان تقبلوها ؟

( فقدنآه )

لابله الا حصل مالا اتمناه

الموج غير تجاهات السفينه

والغالي الي في الرحله فقدناه

كل الاماكن على شانه حزينه

ياليل مطولك ياليل المعاناه

... ابطيت جاثم على صدر المدينه

ماشفت جده وشط البحر واش جاه

والشاعر الي كحل بالحزن عينه

شاعر حفظ ااه وتأقلم مع الآاآآه

ماغير تصفق يدينه في يدينه

بشرني الحظ واعطاني مقفاه

والي بلى حظ جعل الله يعينه

واليوم ياخل ماضينا طويناه

وانا ادري العيش من دونك غبينه

ودك اذا حدك الغالي لقرقاه

والروح ضلت مع الذكرا سجينه

اما يحين القدر وتموت واياه

والا مايحصل جفا بينك وبينه

وسلامتكم

اوركيد
06-07-2013, 12:07 AM
( من كل حاجة نقص شي )

عن الغلط يامن بغا يحجب الضي
ليتك على ماقيل وفرت مجهود

تبا تصل لي منت رايح تصل لي
لوتجتهد وتحاول عقود وعقود

العالمي ماهو سواة المحلي
والناس مايخفاهم النقص والزود

ياطير ياللي هيه ياطير ياللي

الزم حدودك كان به عندك حدود

ما كل متجلي يجيد التجلي
وماكل مايعرض من الطيب كمبود

لكن من باب المرح والتسلي
طامر مع الشله مساعد ومسعود

تدرون خلوها غزل لجل خلي

اللي غيابه يجرح قلوب وكبود

واااابري حالي لن ضحك واسفهلي

تمطر سما شعري بلى برق ورعود

ياغايبه ماني على بعض كلي

موجود ف الدنيا ولاني بموجود

قولو لها يختال فيك التغلي

رغم اشتياقي كل ماهبت النود

في غيبتك من كل حاجه نقص شي

بالضبط ما ادري بس في شي مفقود

شي(ن) عظيم اثر على الكاين الحي

من البشر للطير لين اخضر العود

ياخي والفرقا لها وقع ياخيي

يسهر بها العاشق وخلق الله رقود

ياسيدي ماقلت حاجتك واش هي

اطلب لبن عصفور واقول موجود

اهم شي خذني من الشمس للفي

ماعاد لي في غربة الذات مقعود


من كثر ماعانيت من وضعنا السي

سار اكبر اخواني يناديني العود

وش هالفراق الي كوا خافقي كي

وجدي وجود الي فقد خيرة الذود

دنياي ماسارت معي مثل ماهي

محسود لكني على وايش محسود


مع تحيات

رمضان المنتشري

23/3/1434@

اوركيد
06-07-2013, 12:12 AM
( جنحآن العفاريت )


السلام عليكم ولكم بعض مني


عقارب الساعه الي بين جنحان العفاريت

مافز قلبي لها لكن بشاعتها بشاعه

ياليتها مثل بقبن صوتها يقرع بتوقيت

والياقرع صوتها نسمع مذيعين الاذاعه

ايام كانت هنا لندن هنا صوت الطواغيت

هتلر تشرشل ثرا واسراف في عز المجاعه

لكن انا ساعتي تقرع متى ما اطفي الليت

لي جيت ابا انام قام القلب يبحث عن متاعه

عن الملاك الهلاك الي بقلبي عمرت بيت

قناعة العشق لايمكن يعادلها قناعه

انا على نيتي سلمتها قلبي ترنزيت

واااابري حالي اذا كانه شرا قلبي وباعه

ياموجع القلب يالي في غيابك ريت ماريت

ياليتها ماتصل بيني وبينك للقطاعه

تخطي عليه وانا في ذمتي ماعمري اخطيت

وتضيق مني وانا من شانك اضيق جماعه

ان كان تبغا الكلام الي مثل وقع الدناميت

بعض المحبه تذكرني مرض نقص المناعه

اصارع النفس لجل انسى غراااامك لكن ازريت

شوقي غلبني وقلبي قال له سمعا وطاعه

ان جيتني مرحبا وان كان في غيك تماديت

امسح رقومي وبح مني وخذ قلبي وداعه

رمضان المنتشري

2/4/1343/@

اوركيد
06-07-2013, 12:15 AM
( فكة الريق )

تعبت ادور على فكره تشابه فكة الريق
يطرب لها كل واحد لاسمعها واستلمها

والفكره ان كان ماتفتح لك ايواب(ن) مغاليق
هذا مجرد هروج وجودها يشبه عدمها

اروض الشارده وارقى لها روس الشواهيق
واجيبها من عروض النايفات ومن قممها

لاشك مالت بي الايام والدنيا توافيق
لا واهني الذي لآجات فرصه يغتنمها

صابر وماغير صدري يمتلي بالغيض والضيق
والروح من بعد ماقفا وليفي ياندمها

قفا وانا بيني وبينه مواعيد ومواثيق
حتى المواثيق وعهود الصداقه مالزمها

لاجاتني حلم فز القلب من بين المعاليق
في عز الاحلام صورتها ليا جات احترمها

معسولة الكل شي ماهي فقط معسولة الريق
الله عطاها الحلى من راسها حتى قدمها

اوركيد
06-07-2013, 12:19 AM
(صبآح مغربي بحت )

هنا ابتســــــــــــــامــات وتحــــــايا وفلة حجاج
هنا بحر يســــــــــــحرك قبل البشــــر تســــــــــحرك


هنا تشـــــــــــــــوف الخليـــــــــقه كلها ف اندماج
اللي على ميــــــــمنك واللي على ميســـــــــــــــــــــــــــرك

ياصــــــــبح اغادير شـــــــــــــمســك تكسي البحر تاج
ناضر سماء تبهـــــــــــــرك ناضر حدر تبهـــــــــــــــــــــــــــــــــرك

اليا ذكرت المــــــوداع قلت يالله الخـــــــــــراااااااج
مابعــــد هذا الجمــــــــــــال الا سفر يقهـــــــــــــــــــــــرك


وســــــــــــــــــــــــــــــــــــــــــــــلا متـــــــــــــــــكم
محبكم / رمضان المنتشري

اوركيد
06-07-2013, 12:22 AM
( زآوية تسعين )

وجـــه الصــــــباح اللي غمــــــــر بحــــر جـــــده
يغــــــــار من طلــــــــتك لن جـيـــتي انــــتي

القـــــــلب لعــــــيونك طرق مــــــــــجرهــــــده
لابله الا في خـــــــفــــــوقي زبـــــــــــــــنتي

حبــــــــك مــــــــــقدر والقــــــــــــدر من يـــرده
يـــــاللي ورى عــــــــوج المحاني ســـــــــــكنتي

هـــــــــــزي شــــــــــــباك القلب يا مســـــــــــتبده
في زاويــــــــة تســـــــــــــــعين شــــوتي بلنتي

اوركيد
06-07-2013, 12:23 AM
تأخرت عليكم فأقبلوني كما انا
http://www.gulfup.com/G.png (http://www.gulfup.com/?AlxTeQ)
::
اكســـــر الصــمت دام تشـــوف عـــينك ضـــريحــك
لاتمـــــــوت الكرااامـــه وانـت لازلــت بـــاقــي
//
منــت تمـثـال حتى مـــــن يطـــيحك يطــــــــيحـــــك
مـــثل مــاطــــاح تمـــــــثال المهــــيب العــراقي
//
كنــت تخـــطي وكنــت اســـــامحــــك واســــتميحــك
كــل ما اطــفيـت شــــمــــــمعه قلت لازال بــــاقي
//
اســــــهرك عشــــق واغـــفا واتعــبك واســــتريحك
اكــســـجيـني وســـــــبّة ضـــيقتي واخـــتنــاقي
//
والجـــــفاء برد يقـــــــتل زعـــفرانك وشــــيحـك
يالهــــــــا من ولادة حــــــب يخـــلق مــعـــاقي
//
ينــــتحر شـــــــوووق في ذاااتي ويفرزملـــيحـــك
بعـــد قــامت فنـــاجــــيل المـــــوادع تسـاقي
//
ســـامحــيني وبيـــحــيني عســـــــالله يبــيحــك
واتـــــركيني لــحـــرقة لوعـــتي واشــتياقــي
//
جــــــيت وانا بخــــــــير ورحت وانا جــريحــك
كســــــــر قلبي علي اشـّد من كســر ســـاقي
//
اذكــريني بخـــــــير اذا المفــــــارق يريحـــــــك
وابشــــــري بالفراااق اللي مــابعده فـــرااااقي
//
وســـــــــــــــــــــــــلامتكم
رمضان المنتشـــــــــــري
1434/5/9@

اوركيد
06-07-2013, 12:26 AM
مقصــــــــــــريابحــــــر؟

1- يابحـــــــــر جـــــــده معاناتي معاناتي
اجيــــــك واروح واتعابي مثل مـــــــاهي

2-كم لي وانا ابعــث لمـوجــاتك مسـجاتي
وانته ولا رد كلــمه موجــــــــــك الراهي

3-يابحــــــر لن كان ماتغـــــــريك جـزلاتي
ولامقـــامي ولا صــــيتي ولا جـــــاهي

4-عز الله انك مقصــــــرعشـــــــر مراااتي
الي متى وانت متغـــطرس ومتبـــــاهــي

5-مــوجاتك المــدلهمه بـــــــعض الاوقـــاتي
تخــــتال وتخــــرب الطبخه على الطاهي

6-لو تخــفض الصــــوت موجــــاتك لموجاتي
ذوقــــــتك الشــــهد يامشغووول ياســــاهي

,7-وان كان منته حــــــــريص على علاقاتي
مصــــــيري انســــــاك منت الآمر الناهــــي

8-آكب صحــبتك لاراحــــــت ولاجــــــــاتي
انفض فرآشـــي وآطش بيــــالة الشـــــاهي

رمضـــــــــــــان المنتشـــــــــــري

1434/5/@

الشفق
08-31-2013, 02:09 AM
##
الجرح
*
الجرح من غالي مكانه يختلف عن ماسواه
ياعاذلي بعض الجروح الله يكثر خيرها

جرحك من اللي طول عمرك وانت عايش في رجاه
ماهو مثل باقي الجروح ولامثل تأثيرها

الجرح من غالي لما قبله ومابعده زكاه
يقدر يهجدها ليا قام الزمان يثيرها

واللي من اول قلت اخوتهم مثل فرض الصلاه
ماعاد انا محتاج وقفة عودها وصغيرها


كل(ن) على ماقيل يختار الطريق اللي يباه
ليه؟ اتحمل لي بشر عايش بها وبغيرها

تسدني وقفة هنوف(ن) مايعادلها فتاه
بنت الشيوخ اللي طرآة الصدق في تعبيرها

تقبل غلا واحساس ممشاها يشد الانتباه
وانا من الشوووق اتمناها تواصل سيرها

حي الله اللي يوم طلت بيدها طوووق النجاه
ياحظ جده والبحر والشعر وجماهيرها

طلت وطلتها تحالي البدر في عالي سماه
الاصل رآقي وابدع الرحمن في تصويرها

تمتمت قالك كيف حالك واش مسوي قلت هآآآه
قالت من اللي كنت شاعرها وكنت اميرها

رفعت رآسي ثم قلت انتي دوا قلبي ودآآآه
لك المشأأأعر من ثلاث سنين يقرع زيرها

والله احبك كثر حبي للتشبث بالحياه
يالملهمه حتي جروحك كثر الله خيرها