لعنبو جدك .....

[فرحة زمن]

خسيت لعنبو جدك ؛ خسيت والغلط ينعاب
خسيت واقلب وجهك؛ ولا كلمه ؛ولاجابه

خسيت والتزم حدك ؛ تراها ضاعت الاداب
انا لاطاشت جنوني ؛ يعرف الجاهل ادابه

شوالمغزا من الكلمه بلا داعي بلا الاسباب
وكلام الكذبوالتجريح ؛ قول لي وش اسبابه

انا الشرهه علي اني فتحت لخافقي كم باب
ولكن مثل ماجيت !!! ترا كبر الجمل بابه

خذنفسك معك برا ؛ ثم انقلع بدون إياب
فمان الله ؛ والااقول :: فمان ابليس واصحابه

تحسب اني على فرقاك ابندم واغرق الاهداب
انا مبسوطهـ يوم اني ؛؛ طردت الشوم وغرابه

انا ما اعاشر الخاين ولا اسمع هرجة الكذاب
ومثلك قيمته عندي تحت الزيرو حسابه

وانا ماني بحرف الجر ؛؛ تجره على الاعراب
انا حرف(ن) جزم نفسه ؛ومثلي يصعب اعرابه

تشوم النفس عن زينك عقب ماطاح فيها ذباب
وانا حر(ه) وبنت الحر؛؛ تركت الزين وذبابه

انا شيخه وبنت الشيخ ؛ بذكره تنعم الانساب
اليا قام العرب كلاً ؛؛ يراجع دفتر انسابه

بنت شيخ(ن) وسط ربعه له بين الرجال حساب
اليا ضاقت به الارياء ؛ يهز الارض مشعابه

ترى بدري على مثلك تعيب وساسه معياب
ياليت اللي يعيبني ؛؛ يحاول يستر ثيابه

انا لاجتني الزله ؛ من الجاهل وهو كذاب
تركت القافله تمشي ؛؛ وراها تنبح كلابه

وانا ليامن كشف ان الخوي اصبح لسانه داب
نزعت السم من عرقه وكسرت بمخلبي نابه

خلاص اليوم يافلان؛ كرهتك والقلوب غراب
وترى كل طير(ن) بكبد السماء يشبع مخلابه

خساره مثلك بقلبي تضمه غرفة الاحباب
وخساره غلطة العاشق ؛ يحطك اول احبابه

خسيت لعنبو جدك ؛ خسيت والغلط ينعاب
بعد هذا تبيني ارجع لاجل عينك نصير اصحاب

:36_13_3:

[طيف]

شكرا لك يا فرحة زمن...
رائع وننتظر القادم
دمت بخير

[الشفق]

الله الله
قويه من جد
سلمت الذائقه فرحه
راقتني
مودتي

[السيد]

ماشاء الله عليك شي ولاكل شي
الله يحفظك قرحة زمن يسلموووووو

[صاحبة الفخامه]

تسلمين فرحة زمن
رائعه يعطيك العافيه
تقبلي مرور اختك
صاحبة الفخامه