..♥♥ ديوُان الشآعر ...سفير الشِعرْ ..♥♥

[شِيخةّ الغِيد |❥]

##








صبآح ..مسآء زاخِر بالخيراتّ

السسلآم عليكُم ورَحَمة الله وبركآته ..


مُحبيّ الشِعرّ ومتذوُقيّ طَعم الابدآعّ

شِعراً عذباً سلسبيلَآ
نُهنىء شآعرناََ المَبدعّ ..

سَفير الشِعرْ ..
بِ أَفتتآح ديوُانه الخاصّ ومٌتكأ قصآئِدةّ وابداعاتهّ




مُبارك لنآ ولَهْ
مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

ياهيه يا بنت
*
ياهيه يابنت وش هو اللي على بالك
قصدك تذلين شاعر عاش بالديرة ؟


هذا مجرد خيال وبيتهيا لك
ماضن تمشي ولكن دوري غيره0

صحيح حبك وياجي قبل مرسالك
لكن ماهو حلالك كل تفكيره 0


ان جا يكلمك قفلتيه جوالك
والحب ماينقبل منا معاذيره 0


ياما جلستي بجنبه وانثنى حالك
وياما بكيتي عليه وصابتك حيره

وياما سقيتيه من براد فنجالك
والله ياما صخا لك من كثر خيره 0

وياما بكفيه يلعب واسترق شالك
وانت على ساقته تبدين منهيره

واليوم بان الجفا يابنت وش جالك؟=
سرعه رحلتي بلا فيزه وتأشيره0

الله معك بس لحظه حطي في بالك
من خان عهد المحبه بعت تقديره

[الشفق]

الى الشاعر رمضان المنتشري
*

بلغوا بوفيصل أزكى تحية والسلام = قمة أهل الشعر من كم سنة محتلَها0
شاعر أهل التهم معروف مافيها كلام = وصل للقمة وغيره عجز يوصلَها0
شاعر ابن المنتشر عشت ياذرب السنام =الحمولة اللي ثقيله مثيلك شلَها0
ودي أشرح لك وانا خوك لو طال المقام= واشتكي من ظلم الانذال واوجاع ٍ لها0
يابو فيصل ذقت انا المر وانواع الغرام= والقضية عند مثلك بسيطٍ حلَها0
لي حبيبة يابن الاجواد من عشرين عام = افترقنا بس محتار كيف اصلَها0 ؟
باعدونا يابو فيصل خفافيش الظلام= شلةٍعاشت على الكذب ياويلٍ لها0
ماتميز يابو فيصل حرام ٍ من حلال = تنعرف في النطق ناخوك واشكال ٍ لها0
يابو فيصل مابطول عرفت وش هو المرام ؟= انتخيتك وانت مثل الشبا في سلها0
لاوصل مرسولنا والقصيدة والسلام = رد بابيات ٍ تزيل المشاكل كلَها0

[الشفق]

الحب ومعاناة سفير الشعر
*

حد علمي بالغلا يوم انا كنا صغار = يوم كنت احبها حيل وهي تحبني 0
يوم كانت بالشقاوة تشبعني غبار= وانا كنت اشد مجدولها وتشدني 0
كانت تطردني وانا مختفي خلف الجدار= ومن شقاوتها تلحق علي وتسبني0
يوم كانت تصحب ابوها لاجانا نهار= وانا كنت ارجي لها عل شوفي يهتني0
ثم كبرت لبسوها على الوجه الخمار= وافترقنا واكبر الهم صار يهمني0
زوجوها ولد رجال ياكثر الرجال= اي نعم واحتارت البنت كيف تهدني 0
دام صارت ملك رجال بالشرع الحلال= صار عيب اطرد وراها وهذا معدني 0
اشهد انها كامله بس لله الكمال= ابكي ياعيني على بعدها والا احزني0
الجبل يشهد لها عن شرفها والرمال= والليالي السود وكفوف شاعرها علي0
الله يهنيك يامن تزوجها حلال= وانا لي ربن على الخلق دومن معتني 0

[الشفق]

سلا يا هل المنتدى
*
ســلام يـاهـل المـنـتـدى والتـحـيـات
أهل الوفا والطيب واهل الكرامة 0

اللي لهم في عالي المجـد وقفـات
أهــل الهـمـم العالـيـة والـزعـامـة 0

جينا لكم والشعر من منبع الـذات
مـانـاخــذه بـالـديــن والا عـمـامــه0

واذا سـألـتـم مـــن أنـــا والـعـلامـات
علامتي بالقرن ياحلـى علامـة 0

بالقـرن ربعـي فـي نهـار الملـمـات
حـزامـنــا لا قــــال كــلــن حــزامـــه0

والا القـبـايـل كـلـهـا نـعــم لـوجــات
وقفة وطن شرقه وغربه وشامـه0

جنـود بـو متـعـب نـهـار المهـمـات
نرفـع وطنـا فــوق راس الغمـامـة0

[الشفق]

أن كان قررت السفر والتنقال
*


روح عسى ربي يسهل طريقك0

وان جاك طيفي ينتشد عنك ويسال

عطه الحقيقه وماخفي في بريدك0


اشطب على اسمي دام ماني على البال
وش لك بماضي فات عش في جديدك0

الى متى اطرد فيك ياهيه واسال
خلاص رح واقتل علي باطول ايدك0

وانا بغني لك مع البعد موال
وافك من يدي حبالك وقيدك0

وارتاح من حب(ن)يجي منه غربال
يابيه ماني واحد(ن) من عبيدك0

خلاص لاتبخل على رفعة الشال
وان كان حركه الهوا غط بيدك0

أنا بسافر عنك مضعن ورحال
واما انت رح وصدتك ماتفيدك0

بكره تجي تبكي وتشكي لي الحال
واقول هذا قدرك الله يزيدك0

[الشفق]

راع سفير الشعر مع نفسه
*
هيه يانفسي من الذنب توبي واقلعـي
الله اعلم كم بقي لك في الدنيا سنين

كل ماجيت الفـراش اتلمـس مضجعـي
أتـذكــر رحـلــة الـعـمـر ويـزيــد الأنــيــن

راح نصف العمر واللي بقـي ماينـدري
لكـن المشكـى علـى الله رب العالميـن

قبـل هـذا اليـوم طعتـك ولكـن اسمـعـي
بعـد هـذا اليـوم معـاد لـك حـبـلٍ متـيـن

غيـر حبـل الله ليتـك الـى الله ترجـعـي
قيـل ماياجيـك سـهـم المنـايـا واليقـيـن

كم ستر ربي وكم مـن ذنـوب تجمعـي
والعمـر قفـى ولا عـاد بـه شـيٍ سميـن

اطمعي في جنة الخلد تكفين اطمعـي
وش تبيـن بدنيـةٍ شرهـا مالـه ضمـيـن

كان يانفسي على الخد سيـل مدمعـي
ارشـدي سـاقـي لجـنـات رب العالمـيـن

[الشفق]

هيمان فيك
*
ياشـفـق المـعـذره لوغـبـت عـنـك
والا انـا فـي ذمتـي هيمـان فيـك

لكـن الدنـيـا عـلـى خــط المـحـك
مابتـرحـم شـاعــر مـيــت عـلـيـك

والظـروف أمسـت وعيـت لاتفـك
مثل من يمسك بقـوه مـن يديـك

واهلك أهل الطيب مافيها مشك
دام هم حولـك فبسـم الله عليـك

الظـروف إن زانــت أعــود مـعـك
لين نرضـي بعضنـا نقـدٍ وشيـك

[الشفق]

في طبعك شحوح
*
ياحسين اللون في طبعك شحوح
شحك أتعبني وسـوى لـي قهـر 0

وانـا ذا سويـت فـي قلبـي صـروح
قصدي تسكنها ولك فيها مقر 0

لا لقـيـتـك قـمــت كـثــرت الـمــزوح
وانا ميـت وانـت ماعنـدك خبـر 0

أظهـر البسمـه وفـي قلبـي جـروح
أنـتـظـر مــبــداك لــكــن مـاتـمــر 0

المصـيـبـه مـــن يـحـبــك مـايـبــوح
وانت ذا قفيت فـي عـز الظهـر 0

لـكـن اسـمـع مابكـثـر لــك شــروح
دام منت انسان وقليبـك حجـر 0

روح سافـر ياحسيـن الـلـون روح
مابقـي لـك فـي فـؤادي منتـظـر 0

اعتبرني شخص ماعنـده وضـوح
واعتبرك انسـان ماعنـدك نظـر 0

[الشفق]

وينك غريب الدا
*
وينك غريب الدار أبطيت ماجيت
في الشفق تلقى الغلا والكرامه0

في لحظةٍ دشيت في لحظه أقفيت
الله يرجع حضرتك بالسلامه 0

مادمت شاعر تنظم البيت والبيت
وبينك وبين الشعر عشق وغرامه 0

ارجع لنا مثلك نعده رعي بيت
وتعيش ماتلقى العنا والندامه 0

قبلك مطاليقٍ تربو على الكيت
أهل الوفا والطيب وأهل الشهامه0

وبنات عزٍ ذكرهن عالي الصيت
من جد والا من خوال وعمامه 0

يامرحبا من أي دربٍ بها جيت
من نجد والا من ضواحي تهامه 0

[الشفق]

يــــا بـقـايــا حــلـــم يـاشـمـعــة شــفـــق
*
يــــا بـقـايــا حــلـــم يـاشـمـعــة شــفـــق
يــازهــور الــــورد يـابـاقــة عــطــور 0

اتــــــفــــــق ويــــــــــــاك أو مـــانـــتـــفـــق
قد نويت أشرح لكم بعض الأمـور 0

دارت الأيــــــــام والــمـــركـــب غــــــــرق
وانـدفـن بعـمـاق قـاعــات الـبـحـور 0

شبـت وانـا خـوك مــن طــول السـهـر
مابقي لي في هذي الدنيـا سـرور 0

كـــــل مــاقــلــت اتــصــبــر واحــتــســب
زادت الطعـنـات فــي قـلـبٍ صـبـور 0

الــقــرابـــه مــالــهـــم حـــــــس وخـــبــــر
اي نعـم طعناتهـم خـلـف الظـهـور 0

وبـاقــي الـعـالـم لــهــم وجــهــة نــظــر
الــعــلاقــه بـيـنــنــا فــيــهــا فـــتــــور 0

الــجـــروح اكـــبـــار والـــشـــق أتـــســـع
والـعــمــر ولـــــى ودنـيــانــا مـــــرور 0

يـــاخـــســـاره لــــيـــــه يـاهـالـمـجــتــمــع
تقتلون الشخص في عمر الزهور 0

دام أنـــــــا مـــانــــي بـــهــــذا مــقــتــنــع
قد نويت أرحل مع صوت الطيـور 0

واكـتـب ابخـطـي عـلــى بـــاب الـعـتـب
العشق في ذا الزمن مثل البخـور 0

ويـابـقـايــا حـــلـــم شــيــعــي بـالـخــبــر
واكتبـي عـنـي روايــه فــي سـطـور 0

ســطـــري عـنـوانــهــا بــحــلــى جـــمـــل
السفيـر أرتــاح مــن حــب الـبـدور 0

[الشفق]

بـكـيـت مـــن جـــور الـلـيـالـي والايــــام
*
بـكـيـت مـــن جـــور الـلـيـالـي والايــــام
كـنـي غـريـر يشتـكـي مــن فطـامـي 0

حـالـي بـــراه الـهــم مـــن عـــدة أعـــوام
كنـي سجينـن ينتـظـر لـمـر سـامـي 0

أصـبــر وفـــي قـلـبـي بـراكـيــن والــغــام
لوبـاح صبـري قـل عليـه السـلامـي 0

وجـدي علـى نفسـي كمـا وجـد صـدام
يــــوم الــروافـــض وردوه الـعــدامــي 0

الـصـبـر ياقـلـبـي تــــرى الــوعــد قــــدام
خذهـا نصيحـه وافتكـر فـي كـلامـي 0

اصبـر وفـي صبـرك تـمـوت لــك أقــزام
اقــــزام مـاتـعــرف حــــلال وحــرامــي 0

مصـيـرهـم يـفـنــون فــــي جــــرة أقــــلام
وتبقى مثيل اطويـق ذخـر وحزامـي 0

وتعيش مثـل الصقـر فـي مرقبـه حـام
وتقضي على فرخ القطا والحمامي 0

وتـنـقـل اخـبــارك صـفـحـاات الاعــــلام
وتبرى جروحك مابقـي جـرح دامـي 0

ودوس عـدوانـك تـحــت نـعــل الاقـــدام
وتقضي حياتـك بيـن أمـن وسلامـي0

[الشفق]

ياهيـه فـووق
*

ياهيـه فـووق مـانـي بـحـي الله إنـسـان
أنــا مــن أفـضـل قـطـر وأفـضـل قبـيـلـه

إن كــــان حـطـيـتـك قـصـيــدة وعــنـــوان
أمــســحــك مــــــن قــلــبــي بـــيـــوم ولــيــلـــه

قــابـــلـــت طـيـبــتــنــا بــــصــــدٍ وهــــجـــــران
اركــــض وراك وتــقـــول عــنـــي حـلـيـلــه

مـاتـدري انــي مـثـل ماصغـتـك الـحـان
امــســحــك لا لـــحـــنٍ ولا كــــــود شــيــلــه

حطـيـت نفـسـك مـثـل تـاجــر وبـطــران
وانـــــــا فــقــيـــر ومـــدتــــك لــــــــي بــخــيــلــه

اصـحـا تـــرى لـوطــرت مـثـيـل حـــوران
صـيـدتــه مــاتــت قــبــل مـاتـنـحـنـي لـــــه

إن جـيـت بالطـيـبـه عشـقـنـاك بـجـنـان
وإن جـيــتــنــا بــالــشـــر تــلـــقـــى مــثــيــلــه

تــذكـــر زمـــــان أول نـشــكــل بــالالـــوان
نرسـم بـطـل مــرزوز مــن فــوق خيـلـه

واذا زعــل واحــد تـراضـيـه الاحـضــان
أحـــضـــان مـاتـحــمــل قـــلــــوبٍ غـلــيــلــه

تـذكـر زمـــان أطـيــح واقـــول مـرضــان
وتمـشـي علـيـك السالـفـه والـــف حـيـلـه

تذكر يوم اني بالقصص كان ماكان
وتـســج فـــي حـضـنــي بـنـومــه طـويـلــه

والــيــوم شــخــت وصارلمـثـالـكـم شـــــان
الــــحــــب بــعـــتـــه وارتــضــيــتـــم بـــديـــلـــه

خـــذهـــا حـقـيــقــة والـحـقــايــق بــبــرهـــان
أبـخـتــصــرهــا فــــــــي حــــــــروفٍ قــلــيــلــه

إن جـيـت بالطـيـبـة عشـقـنـاك بـجـنـان
وإن جـيــتــنــا بــالــشـــر تــلـــقـــى مــثــيــلــه

[الشفق]

اعذرروني
*
اعذرروني لـو تأخـرت فـي نظـم القصيـد
والا يـاحــبــي لـبــيــت الـقـصـيــد وشـلــهــا 0

والله انـــي شـاعــرن حــــر مـايـرضــا بـقـيــد
يمتطي صهوة حصـان الشعـر ويفلهـا 0

آآصــل العلـيـا بخـيـلـي ولـــو كـانــت بـعـيـد
وان بدت لي مشكلـة بالبصيـره احلهـا 0

لكـن اظــروف الـزمـن مالـنـا حنـهـا محـيـد
اتـحـاشـاهـا واذا مــابــدت اصــبــر لــهـــا 0

ياوجودي وجد من كـان ساقـه فـي حديـد
والـعـدى حـولـه تغـنـي عـلـى لـحـنٍ لـهـا 0

إن شـكــى لـلـنـاس مـاعــاد ة الـعـالـم تـفـيـد
وان صبر طاحت عليه الدموع وهلها 0
بــــس دام الــــرب مــوجــود والـتـقــوى تــزيـــد
خـلـهــا يــابــن الاوادم عــلــى الله خـلـهــا 0

[الشفق]

الاطلال والدموع
*
جيـت للديـره وفينـي مـن الماضـي جـروح
كـل ماقلـت انتسـي شــئ شـوقـي جابـنـي

كــل مامـريـت الاطــلال ودمـوعـي سـفــوح
قـلـت ياعيـنـي عـلـى شــان خــدي هـونـي

قمت انادي وين الاصحاب يادار وسفوح
مارجع الا صـدى الصـوت محـدن جابنـي

الطيور فوق الشجر يوم شافتني صدوح
كــل غـصـن مــن فرحـهـا يمـيـل وينـحـنـي

ذكـرتـنـي يـــوم كـنــا نـكـثـر فـــي الــمــزوح
مـــــرة بـالــكــف نـصــفــق ومــــــره نـنـثــنــي

كـان ياهـل العشـق مـاودي اكـثـر شــروح
ودنــي يالعـشـق مـــن حـيــث ودك ودنـــي

الــعــواذل ودهـــــا عـــــن خـوافـيـنــا نــبـــوح
هـمـهـا تـفـريـق الاحـبــاب لـــو ماتـهـتـنـي

بعدهـا غـادرت فـي جـيـب مافيـهـا جـنـوح
واتكـلـت عـلـى الــذي فــي عـبـاده يعـتـنـي

واتجهـت الـى شـمـال الـبـلاد الـلـي تـفـوح
بالـروائـح واحـمـر الــورد وافـضـل معـدنـي

يالجنوب ارضي وربعي ولك دمـي وروح
مابسـامـح غيبـتـي عـنـك لــو سامحـتـنـي

[الشفق]

فـي خـاطـري لــك كــلام
*
فـي خـاطـري لــك كــلام ودي اقـولـه
مـدري تقبـل نصيحتـنـا اذا جتـكـم ,

ان كان قصـدك تـذل اخـوك وطولـه
هـذي بعيـده وخلـك فـي جهالتكـم .

ماشفـت بومتعـب رفـع علـم الـدولـه
انــا مثيـلـه اذا ماجـيـت ساحتـكـم .

وإن كـان باقـي بـك الامـال مأمـولـه
ارجـع وجـدد معانـا فــي علاقتـكـم .

نعطـي معاكـم ونفهـم كـل مجهـولـه
ترى الصراحة تـزود مـن محبتكـم .

وان كان باقي على غيك وماتقولـه
أخاف تجري على ايديه نهايتكم 0

[الشفق]

لعيون الوطن
*
الوطن حبه في القلب مسكنه العروق
علموا أهل التفاهات واهل البلبة





والله انا دون حده نسوق الروح سوق
من يبي له كيد نرمي عليه القنبلة



الوطن منبع رسالات سكت كل بوق
فيه قبر المصطفى ياعسانا فدو له



دام يحكمنا بو متعب يعيش الرأس فوق
حنا جندك يابو متعب جيوشن مقبلة




ننتظر منك الاشارة بليل أو شروق
نحرق اهل الظلم واللي يجيب المشكلة

[الشفق]

وفاء شاعر
*
الله لــــو تــــدري وش الــلـــي جـــــرى لـــــي
بعدك وش اللي صار ياقصى المعاليق .

احــــن لــــك وابـكـيــك واســهــر لــحــا لـــــي
كــنــي مـقــيــد يـــــوم غــيـــري مـطـالـيــق .

فـــي كــــل وقــــت اشــــوف زولــــك قـبـالــي
يـاخـي حــرام ارفــق تــرى مـاعـد آطـيـق .

ادري مـثـيــلــي مـنـيــتــك فـــــــي وصـــالــــي
حسبـي علـى مــن حــط دونــك مواثـيـق .

ان جـيـت والا رحـــت فـــي الـقـلـب غـالــي
أبـقــى عــلــى ذكــــراك لــحــن وطــواريــق .

[الشفق]

شيـبـتـنـي ســـــود الايـــــام
*
كيـف انــا شيـبـت وانــا بـعـد تــوي شـبـاب ؟
شيـبـتـنـي ســـــود الايـــــام فـــــي غـربـالـهــا0

لاقـريـب يـرحـم الـحـال ولا بـعـض الصـحـاب
حـتـى بـنـت الـنــاس مـاطـرشـت مرسـالـهـا0

والله انــــي وافــــي الـكـيــل ســيــف مـايـهــاب
ارتــكـــي لـلـكـايــده والــحــمــول اشـتـالــهــا 0

وانــا لــي هـامـه تعـلـت يلامسـهـا الـسـحـاب
هـامـتــي ماتـنـحـنـي غــيــر لــلـــي جـابــهــا0

والله مابيـنـي وبـيـن المـراجـل شــي حـجــاب
والـلـي عـنـده شــك ينـشـد قـــروم ارجـالـهـا0

بـس دام ان الزمـن شـان كشـر بالـف نــاب
ودي انــــــي فــــــي ديــارتــطــول اجـبــالــهــا0

واني اسرح مع حلالي على روس الهضاب
واشـرب الدلـه عـلـى الكـيـف فــي فنجالـهـا0

واترك اهـل القيـل والقـال واصحـاب السبـاب
والحـضـارة الـلــي بلـتـنـا يـاشـيـن اجيـالـهـا0

واتــذكــر عــهــد الاجــــداد بـظـهــور الــركــاب
يــوم تنقلـهـا مـــن الـفــوت دهـــم اجمـالـهـا0

وانـشــد الـمــوال مـــن دون راشـــد او ربــــاب
واشـعــل الـنـيـران واسـعــد بـكـثـر اشـعـالـهـا0

واحـمــل الـبـنــدق بـجـنـبـي وزادي والــشــراب
واقنـص الصـيـد المعـلـق بــروس اجبالـهـا0

ايـــه عـــارف يـابــو هــــذال كــثــرت الـعـتــاب
لاتـــلـــوم الـــلــــي بــدنــيـــاه ذاق اهــوالــهـــا0

أي نعـم اصبحـت مـثـل الــذي يـطـرد ســراب
تعبـت اقـدامـه وهــو مـاوصـف لــك حالـهـا0

بس عاد انت ارحم الحال لو جـاك الجـواب
واكـتــب انـــي قـــد تـجـرعـت مـــر اشكـالـهـا0

وان رحمـت اخـوك هـون عليـه مـن الـعـذاب
لالقـيـتـه فــــي لاكـوسـتــا وفــــي شـلالـهــا 0

[الشفق]

سلام لاهل الشفق
*
سلام لاهل الشفق لاهل الشفق وحشة
وحشـة محـبٍ ومانـي بـس انــا لحـالـي

لـلـعـيـد فــرحــة وعــيـــدي يـــــوم لـمـتـكــم
حـتـى ولــو غـبـت عنـكـم فانـتـم افبـالـي

الـعــيــد مــحـــلاه زادت فــيـــه شـوفـتــكــم
الشـوفـه الـلــي علـيـهـا مـانــي ابـسـالـي

[الشفق]

غيبة شاعر
*

اعذرونـي لـو تـأخـرت عــن بــدع القصـيـد
إي نعم والا الشفق في عيون شعارها 0

اشهدي لـي يالشفـق وانـت وصـل يابريـد
غـيـبـة المـشـتـاق محـفـوفـةٍ بـاسـرارهــا 0

لو أغيب عن الشفق كني بالدنيـا وحيـد
بـامـهــرج لا تــوخــر وجــيــب اخـبـارهــا 0

واخـبـرو هــزاع والله عـلــى قـولــي شـهـيـد
إنـا نبنـي فـي الشفـق مانـهـد اجـدارهـا 0

والحقيقة ودي اضيـف فـي المعنـى وازيـد
لاتفـسـر غيبـتـي خــوف مــن شـعـارهـا

[الشفق]

يابـخـت مــن طـــاح حـظــه فـــي جنـوبـيـه
*
ويـنــك يـاذيـبـان غـبــت وطــــول اغـيـابــك
والا اهــل جـــده خـــذو مـنــا الخصـوصـيـه

مـاعــاد تـســأل ولا تـنـشـد عـــن احـبـابــك
رغــــم ان لـــــك عـنــدهــم قـــــدر ومـحـبـيــه

مــــــره نـــعـــذرك ومــــــره نــكــثــر اعــتــابــك
اخـــــــاف لاتــســرقـــك بــــنــــت اتــحـــاديـــه

وبــعـــدهـــا تــنــكــشــف قــــــــدام طــــلابـــــك
وتــــعــــود نــــاخــــوك لأيــــــــام الــهـــواويـــه

هيـا ارجـع ارجـع لصاحـب ينـشـد وجـابـك
والا يـــبـــارك لـــــــك الله فـــــــي الـكـرنـتــيــه

الـحــب نـاخــوك فـــي بـابــي وفـــي بــابــك
مـاريـح القـلـب فــي الـروحـه وفــي الجـيـه

يامـا شكيـت وشكـيـت انـتـم مــن احبـابـك
مخـلـص وتخـلـص ولا لــك ذنـبـن وسـيــه

لـــكــــن تــــــــدري اذا مــاشـــلـــت شــــرابــــك
كـلــمــه تـزعــلــك هـبــهــا تــحـــت مـوطــيــه

وادعـس علـى اهـل الغـرام وصـدر اكتابـك
وارســــم فــــي الـواجـهــه بـيـتــن جـنـوبـيــه

واذا لـقـيـت اهـــل جـــده اضــحــك ابـنـابــك
وقــلـــهـــم مـاعــشــقــنــا غــــيـــــر قـــرنـــيـــه

حـتـى ولــو هــم مــن اول نـالـوا اعـجـابـك
خـلــك مـــع الـديــره الـلــي شمـسـهـا حـيــه

لــك فيـهـم اصـلـن ولا ينـهـان مــن جـابـك
اهــــــل الـــكـــرم والـنــبــاهــه والـحـمـاســيــه

وان كـان خالفـت أخـوك وشلـت مشعابـك
لا والله الا عــصــاتــك لا تـــجـــي فـــيــــه0

لكـن لـو جـيـت تشـكـي بـحـرق أعصـابـك
واقــــول صـحـيــت يــابــو احــــلام ورديـــــه

بنت الجنوب اصل لا لا بل هي اولى بك
يابـخـت مــن طـــاح حـظــه فـــي جنـوبـيـه

[الشفق]

وان مات نايف بعد نايف رجالات
*
روحت يانايف يارجل المهمات
ياصقر حام على الحمى والعقيدة

حزني عليك أكبر من الموت مرات
لكن هذي حكمته في عبيده

يامطوع الارهاب واهل العصابات
بالفكر وسيوف العداله جريده

ياحمي السنه وراعي الشهامات
يامقضي الحاجة وماتنفق ايده

لوكان يابوسعود تفدى بهامات
هاماتنا تفداك لوهي عديده

لو مات نايف حي ذكراه مامات
معقول ينسى من تعلق بسيده

ولاهان بومتعب زبون الثقيلات
اللي وضع سلمان جنبه عضيده

بالقرن ربعي من جبال السروات
نرفع ولانا والخلايق شهيده

وان مات نايف بعد نايف رجالات
لاتفرحوا ياهل العقول البليده

[الشفق]

أنا وفتاة الشمال
*
يافهد بسألك لوجاز السوال
هو بقي لك في هوى العالم حضور0

وإلا شاب الرأس ماعد لك مجال
وانحنى ظهرك وفي جسمك فتور 0

علم اللي ماعرف في الظلال
صار يومه اسبوع واسبوعه شهور0

يوم شاف اغزيلن باهي الدلال
مرتن ياقف ومرات امعثور 0

الله أكبر لا لبس رميه وشال
صرت في همي ومن حولي سرور 0

لاتمايل باليمين وبالشمال
ملت يمه والدواير بي تدور 0

المهم اشرت له تكفى تعال
لاتوديني الى ذيك القبور0

اشر ابكفه يقل يابن الحلال
ماتشوف الناس من حولك حضور ؟0

بيني وبينك على الخط اتصال
بس تكفى لاتخربط بالنمور 0

صحت تكفى انت من أهل الشمال ؟
قال لي منها ولي فيها جذور 0

قلت ونعم مانويت الا الوصال
مالحق جارك ولا ربعك قصور 0

ثم ودعني وفي نفسي سوال
انتقابل والا تبعدنا الدهور 0

[الشفق]

يا تبوك المعذره لـو فـوادي بالجنـوب
*
من تبوك الورد برسل سلامـي للجنـوب
ديرتي قد عشت فيها عظيم(ن) شانهـا.

ارض جدي وارض ابويه عريبين الجد ود،
مانسيناهـا ولا افكـر ابنسيـا نـهـا.

أي نعم ياطير غادر تبوك وحـوم حـوم
أي نعـم قبـل ثراهـا ومـر وديانهـا.

أي نعم وقف على اشجارها والا الغصون
ثم خذ جوله ولفلـف علـى عمرانهـا.

ثم طل من النوافذ وهل مـن الـد مـوع
قبل أسطـوح المنـازل مـع جدرانهـا.

وان بدا لك شخص سلم عليه وقول قول
ماحلـى بيـت الاصالـه مـع بيبانهـا.

ثم خص اللي نحبه مـع مـر العصـور
علمه بالهم والعيـن تشكـي احزانهـا.

وان سمح لك قبل الكف بالحنا امخضوب
كرر النظـره وركـز علـى تيجانها .

وان سمح لك احظنه شم منه أحلى عطور
واشـك لـه ان السفينـه بـلا ربانهـا.

ثم طر واقبـل اليـه وسمعنـي العلـوم
أعطني التفصيل واحذر علـى كتمانهـا.

يا تبوك المعذره لـو فـوادي بالجنـوب
والا فيك الظبي مقهـور مـن غزلانهـا