..♥♥ ديوُان الشآعر ...مِصَلح السهيمي ( وَجه الغيآب) ..♥♥

[شِيخةّ الغِيد |❥]

##





صبآح ..مسآء زاخِر بالخيراتّ

السسلآم عليكُم ورَحَمة الله وبركآته ..




مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ
نُهنىء شآعرناََ المَبدعّ ..

مِصَلح السهيميّ ( وَجه الغيآبْ) ..
بِ أَفتتآح ديوُانه الخاصّ ومٌتكأ قصآئِدةّ وابداعاتهّ
مُبارك لنآ ولَهْ

مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

وجــــه وغياب


v
v
v
v


ياقلب .. لا تبكي فراق / الأحبه
اقفل على اوجاعك ورى سدة الباب


نبه .. مشاعر شخص مجروح نبه
قل للمشاعر خابت .. وضنها خاب

خب الوجع.. بالله.. ياقلب خبه
لا تنتظر يحسب لك المقفي احساب

احطب ضلوعي (واشهب اللال)/شبه
احرق بقايا احساس من حسرته شاب

من غير كيف / وليش /وبدون سبه
لا تنتظر بعد الجفا رجعة .. احباب

صب الغلا في ( شن مخروق) صبه
مايروي العطشان لو كانه.. ارضاب

غياب متواصل / وشوق ..ومحبه
لبست ثوبك يالعنا / وجه وغياب

ياقلب لا تشكي فراق .. الاحبه
الصمت في بعض المواقيف غلاب

لب الفراق وداعي البعد .. لبه
خل الموده خلها تاكل .. ترا.. !!





مصلح السهيمي
10/5/1434هـ

[الشفق]

قصيده سلة أوجاعي اضعها بين ايديكم واملي ان ترتقي لاذواقكم



على طاري الكلام اللي كسر غصن الغلا تكسيّر
وصورني لها خاين وهو من صحته عاري

ماهو ذنبي إذا كان العواذل دبرو تدبير
وخلوا عقدة النّجار تتصدى لمنشاري

بنوا عشقي لها سفاح في جنح الظلام يسير
وهو في واقعه يقطع مسافات الغلا ساري

انا ما جيت ابرر لك سوالف بترك التفسير
ولا جيت ارغم احساسك ولا جيتك بإصراري

انا شخص(ن) عشقتك صح وأنزلتك مكان كبير
ويبقى منزلك عالي ولو ما جبتلك طاري

انا ظامي عشق مره ولكن وين / جم البير
ولا باقي سوى ذكرى جميله داخل اسواري

انا سجن لمشاعر مهمله ما تبغي التهجير
وهذا اللي حصل كامل مع القصه وإقراري

انا شخص(ن) من الماضي وما فكرت بالتطوير
وها المركب رست من كم سنه وتكسّر الصاري

انا قصه جميله /اختفت لكن بلا تبرير
وخبّاها الزمن عنوه هنا في سلة اسراري

انا الماضي/انا الذكرى /انا قصه بلا تفسير
انا فعلاً احبك حيل لو ما جبتلك طاري





وسلامتكم


مصلح بن عبدالله السهيمي

[الشفق]

ذكرى عاطره



الحزن حاضر والوقائع بالمآسي عامره= الفرح عاندني وطول الوقت بالصف الاخير
في أول المشوار كم كفٍ تصفق حاضره= لكنّها ما طولت .. غابت في الظرف العسير
الحزن ما هز الكيان بس الظروف تواتره= تزيد في دفعه وتشجيعه على حث المسير
كل الاماني تبخرت .. والحلم حزني كاسره=تبددت وش عاد باقي غير تأنيب الضمير
استوطنت مني شعور الغيظ كله لاخره= لين اعمت عيوني ظلام وصيّرت قلبي كسير
ذيك السحابه طوّلت.. بالحيل كانت ماطره=جادت بماي الحزن واروتني بهمّاله كثير
ما خلت ارضه للجدب بالمزن دوم تبادره=لين ارتوى منها وشال الكف وأشر بالنذير
قال اكتفيت وعافها مل الحزن من خاطره=الحزن هايل والفرح جنبه لبس ثوبٍ قصير
يا غربة ايامي فرح لو كان لحظه عابره=خليني افل الجناح .. وبعالم الفرحه اطير
لا تبخلين ولا تزيدين الظروف القاهره=خليني احس الفرح ممكن يصير او ما يصير؟
مليت من كثر الرحيل والقلب حبك آسره=وحدك هناك تعيش مالك في مساحاته خشير
مكان ما اقبّل ألاقي فيك ذكرى عاطره=انا اشهد اني تهت من بعدك ومن غيرك ضرير
الحزن حاضر لكن الفرحه معاك تشاطره=لا تتركيني للزمن وحدي ولـ أحزاني اسير
يا روضة اليشموم يا ريح العبير الساحره=ضميني بحضنك دفا تعبت من برد الهجير
[/poem]


بقلمي / مصلح السهيمي

[الشفق]

مدخل

سما احساس القصيـد وهلت مزونه
وسالت من حروفـه غيمة احساسي





دخيلك يا بحر لا تنشـد احساس المواجع كيف
ولا تنشــد عن جروحٍ عميقه ما رضت تشفا

على وجهك رسم كف الوجع صوره بلون الطيف
ورسّاها شـعور الضيـق في نفسي على المرفا

دخيلك يابحر والحـزن صاخب والمواجع سيف
تجــرد من خباه وحر ناره ما نـــوت تطفا

دخيلك والمشاعر مرهقــه والجـو حر وصيف
تبرد قلب جرعــها وفــا عامين واستــكفا

دخيـلك يابحر جمّـع من اشـعاري جبال وريف
ولكـن خب في ســرك دمـوعي يابـحر تكفا

دخـيلك والنهار اقفى وموجـك يـعزف التاليف
من الحان القصيـد اللي كساها الحزن ما تصفا

دخيلك ما جنيت من الظروف الا خــداع وزيف
ويا كرهــي لطعنات الظـــهر من كثر ماتلفا

دخيلك يابحر لا تنشــد احساس المواجع كيف
ولا تنشد عن الضيـقه/عن الغربـه/عـن المنفا



مخرج

بكى جرح المشاعر كثرة طعونه
وخبّى دمعـة احزانه بقرطاسي


وسلامتكم
مصلح السهيمي

[الشفق]

تتملكنا احيانا مشاعر لا تحتاج للاستئذان
تاتي فجاه وبلا مقدمات
نصورها ونصيغها بطريقتنا
كيبورديه عابره اتمنى ان ترتقي لاذواقكم



يا قلب ما به من جديدن لا ونيس ولا حبيب
لملم جروحك في غياب الصدق واطويها طوي

لا تشتكي نزف الجروح ولا تدور لك طبيب
ما عاد ينفع فيك طب ولا علاج ولا كوي

السهم لا منه ترك جوف الرميه ما يصيب
الا اذا قداه من يرميه للدرب السوي

لا لا تقولي ما بغيت ولا نويت / انا لبيب
اللي يردد صوتها يسمع لترديده دوي

ما عاد ينفعني ندم ولا عاد ينفعني نحيب
عندي قناعه ما يفيد اصيح بالصوت القوي

راحت وكل انسان في دنياه / والواقع رهيب
في دنيتي وحدي ولا عندي حبيب ولاخوي


وسلامتكم
مصلح السهيمي

[الشفق]

تخيلت النهايه وأبتديت بخطوة التأصيل=وعايشت الفصول الاربعه باخر رواياتي
تصورت الحكايه مشهدين ومسرح وتمثيل=وشخصيه بعيد هناك تتقمص معاناتي
سنه مرت وانا غايب ولي قصه مع الترحيل=مابين الامنيات وواقعي يقتل طموحاتي
حكاية امنياتي والحقيقه تفرض التعديل=وتقتل فرحتي وتضيق في وجهي مساحاتي
انا والحزن . والليل الطويل . وشمعة القنديل=نسامر بعضنا والصبح طوّل ما نوى ياتي
اسامر نجم . اشكي هم . واكثّر من الترتيل=ولكن المسافه والزمن تنحر خيالاتي
تعبت ولا لقيت الا جحود وكثرة التاويل=وتبرير الغياب وسالفة بعض انفعالاتي
عيوني تكتحل بالحزن وافراق المكان الميل=وخز عيني الفراق ولا سمع حتى لصرخاتي
كتبت اخر مشاهدها على قطعه من المنديل=ولكني نسيت وذاب منديلي بدمعاتي
تخيلت النهايه واقتنعت بفكرة التعديل=مع ذلك عجزت اوصل لما يرضي قناعاتي
انا والحزن والليل الطويل وشمعة القنديل=نسامر بعضنا والصبح طوّل ما بغى ياتي
[/poem]


وسلامتكم

مصلح السهيمي

[الشفق]

السلام عليكم ورحمة الله وبركاته

مصافحه اولى لمنتديات شفق

..تدرين..





تدرين من شوقي لصوتك طول ليلي ما غفيت=حاربني الهاجس ودك حصون قلبي دكها
اي والله اني ياغلاة القلب في حبك سريت=ورسمت عشقك حصن وقصور الغلا بنّيتها
اصبحت لاشعاري وطن واتخيلك في كل بيت=وكل القصايد لاجل عينك يالغلا شليتها
ودي ليا منك ذكرتيني وفي بالك طريت=قولي بنى قافه وفي عشقي حروفه خطها
مجنون في حبك وحاضر في عيوني ماختفيت=حتى لياغمضت عيني عايشه في وسطها
القصه اللي ما عرفها عاذلي يومي شكيت=كانت من آلامي وكبدي ثقل بعدك فتها
انا اشهد انك ياحياة القلب في شعري رسيت=وعّيت عليك ابيات شعري ما تفارق نصها
[/poem]




وبإذن الله القاكم


بقلمي
مصلح بن عبدالله السهيمي

[الشفق]

آآآآآآآآسف





جيتك بحبي وشوقي فارد يديني=وصدّيت عني غرامك ماصعب الصدّه
قتلت حبي بمهده مات من حيني=وعيشتني في فراغ وحزن ماعتدّه
كانت أمانيك في غيري وناسيني=واللحين خابت وراجع تطلب الردّه؟
الجب ثوبٍ لبسته كان كاسيني=وما اهداني الحب غير أحزان ممتدّه
من كبر جرحك بصدري صار يدميني=يا مثقل الجرح من قلبٍ سطا ودّه
لا تعتذر صار عذرك ما يواسيني=ما يكفي العذر سيفك بالحشا حدّه
ماني بكيفك نسيتك كان توحيني=وحبل المحبه قطعته عهد ما اردّه
آسف رجوعك ترى ما عاد يعنيني=ودرب التسامح نسيته صار لي مدّه
يا.. هوه بسك ترى جرحي يكفيني=ماني بحاحه تعود تزيدني قدّه
غدرك خنقني وضاقت بي شراييني=لا جيت ادور مناسم للنفس سدّه
مخنوق والحمل مليته معنيني=ثقيل والجسم ناحل والجفا هدّه
حتى الورق مل حزني ما يواسيني=كم سالت دموع مرسومه على خدّه
ابيك تنسى الحكايه بينك وبيني=وعدّني ميتٍ في كارثة جده
فعلاً .. رجوعك ترى ماعاد يعنيني=ودرب التسامح نسيته صار لي مده




بقلمي/مصلح بن عبدالله السهيمي