..♥♥ ديوُان الشآعر ...عبداللهّ العطافيّ ..♥♥

[شِيخةّ الغِيد |❥]

##









صبآح ..مسآء زاخِر بالخيراتّ

السسلآم عليكُم ورَحَمة الله وبركآته ..




مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ
نُهنىء شآعرناََ المَبدعّ ..

عبدالله العطافيّ..
بِ أَفتتآح ديوُانه الخاصّ ومٌتكأ قصآئِدةّ وابداعاتهّ
مُبارك لنآ ولَهْ

مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[عبدالله العطافي]

##
جَمع المحاصِيل


سبحان ربٍ نزّل الوحي تنزيل
على رسوله والشرائع شرعها


ربٍ حمى الكعبة ومكه من الفيل
اهلك هل الباطل ومكة منعها

ارسل على جيش ابرهة طير ابابيل
ترميه بحجارة وفيله صرعها

ونفس الفتى تأمر. ب بعض الدواليل
ان كان. ما عنها بنفسه ردعها

كم واحدٍ جرّت عليه الغرابيل
من طاعها في غيها ما رفعها

للصقر وكر وللحديا مداهيل
الصقر فوق وذيك مع مجتمعها

والناس كلٍ في طريقه عراقيل
احدٍ سلم. واحدٍ حياته دفعها

وان كان ماتقدر لبعض المواصيل
الكلمة اللي ما تجملك دعها

ترى السكوت افضل لبعض الرياجيل
من كلمةٍ عيبٍ على من بدعها

سقط الكلام وكثرة القول والقيل
كم جر شر وكم علاقة قطعها

اما كلامِ يرفع الراس لن قيل
والبعد عن شوك الكبود وجعها

حتى نقفّل باب عوجٍ مقابيل
ما عاد يرجى فايدة من سنعها

كلمة غشيمٍ من صنوف المهابيل
عيبٍ عليه وتوجع اللي سمعها

ليته تركها ما لحقها بتحليل
والا قبل تأصل لسانه بلعها

والأدمي نهار جمع المحاصيل
يندم على اللي فاتته ما زرعها

اما ندم على دراسة وتحصيل
والا على ثروة نسي ما جمعها

وأكبر ندم ساعة توفى المكاييل
على سجود وركعةٍ ماركعها

[الشفق]

##
الورد الخجول
*

قصيدة تتحدث عن نفسها
لعلها تنال اعجابكم

يانحلة أغصان الربيـع كبودنـا تبـي عسـل
ويا وردة الصبح البعيد شفاهنـا تبـي رحيـق

الغصن غصني كيف ماالاقي على اوراقه محل
وأنا زرعت العود لين اخضّر والساقي طليـق

لو يدري الورد الخجول إني تواريتـه خجـل
حتى رسمته حلم في صدري وأنا جرحي عميق

احارب اسراب الجراد اللي على زرعي نـزل
أقابله وحدي بـلا عـزوة وينصانـي فريـق

سنيـن سـد سنيـن مرتنـي ولا فيهـا أمـل
لو تملك القدرة على الاثبـات باعتنـي رقيـق

وأنا انتظر كل الفصول وجيتها علـى عجـل
أسابق الفرصة على الأغصان ودروبي تضيق

محتار مدري كيف تجفاني ولـي فيهـا جمـل
تصد عن عيني وغيري يمهـم تبـرق بريـق

كبّرت حلمي لين صار جبال والحلم اضمحـل
راح العسل كله وحتى الشمع في كف الرفيـق

لو ترجع الأيام وافتح للأمـل صفحـة عمـل
وأبـدل الأدوار ثـم ينـام حلمـي واستفيـق

البارحة صحيّت من نومي وحلمي مـا كمـل
وأنا ادري أن الحلم حين يطير يلقاني صديـق

ياسدرة أحلامي إذا جئنا علـى دربـك نحـل
ردي علينـا الظـل وإلا لا تسديـن الطريـق

أخوكم
عبدالله العطافي السلمي

[عبدالله العطافي]

##
السَبحه المنثووُرة

امس والبرق يتلألأ والمطر همالي
في خيالي جات لي صورة وراحت صورة

صورةٍ مدري وش اللي جابها في بالي
هو سنا البراق والا جملةٍ مشهورة

جملةٍ صارت غريبة في الزمان التالي
بالكثير انّا نشاهدها على السبورة

يا مزون الغيث صبي ماك بأمر الوالي
خيلي على ديارٍ بالوفا مذكورة

الديار سنين جرد ووجهها ماسالي
اشبعيها سيل لين تقول لك مشكورة

ريضي في ديرتي شوف البرد يحلالي
فوق وجه الارض مثل السبحة المنثورة

والوطن عطشان يبغى من مطرك الغالي
سيل يقفى سيل وان ماتقدري معذورة

ادري انك يامزونٍ في سمانا العالي
بامر ربي كان هليتي مطر مامورة

وإن رحلتي في بلاد الله طويت حبالي
امطري من حيث شئتي واسقي المعمورة

نُوض يابرق الخيال وخلني في حالي
لا تذكرني وخل احلامنا مستورة

[شِيخةّ الغِيد |❥]

علىَ خَدهاَ
**

اقول مدري حروفي بالنيابة تقول
الطيّبة للرجال اهل الوفا بدها


جيت أطلق عنان فكري والقوافي خيول
ساعة تلافت على المضمار من قدها


هذي نحاول نطوّعها والأخرى جفول
إن ما تغانمت صهوتها رمت يدّها


وانا اذا شفْتها ما أحب أجيب الكسول
احرص على اللي تفك القيد وارْتدها


أختارها ثم ادنيها لشد الحمول
وأربط عليها حبالٍ. مأرتخى شدها

لو أنها في المحافل بنت ريحٍ عجول
ان كان ماشفت جودتها على خدها


اردّها حيد ثم أنسج عليها حلول
حتى تباها بحلتها على قــِدها


هذي حروفي بعد ترحيبكم والكمول
وانا ادري ان الوفا والطيب في سدها


وانا اشهد ان الوفا والطيب فعل الزحول
كلٍ يبها مثل حرصي على مدها

[شِيخةّ الغِيد |❥]

الرحِيل المُر
**
يامقفية والدمع ماخلى تحت رمشي سواد
ساعة رحلتي واغرق الثنتين واخفيته وبان

قلت امنعه بالصبر لكنه غلب صبري وزاد
صبري نفذ بعد تركتيني لقسوات الزمان

آمنت في رب العباد وماكتب رب العباد
واتآمل الموقف ولحظاته ودمعي والمكان

اذكر تركتيني صلاة العصر وثيابك جداد
بيديني اوراق السفر ثنتين واسمك فالبيان

وانا عرفت ان السفر مكتوب والرحلة وكاد
وان الحنان اقفى معك ماعاد باقي لي حنان

كانت حجاجينك سماي وكانت كفوفك بلاد
كنتي امان لغربتي وبغيبتك غاب الامان

كنتي لعبدالله سند كنتي بعد ربي عماد
كنتي لنا جنة بها الدنيا ودعواتك ضمان

ياباسط ارضك للانام وفوقها سبعٍ شداد
يالواحد المعبود يالرب الكريم المستعان

تكتب لها في جنة الفردوس مُتكأً *وزاد
يارافع السبع الشداد ومنزل السبع المثان

وارجوك تجمعنا بها في جنتك يوم المعاد
برحمتك *نطمع وفي بيبان جنتك الثمان

[شِيخةّ الغِيد |❥]

الِمشوار
**
اليوم انا ناوي على المشوار وابغالي خوي
ياصل معي حتى نهاية طرقتي ويردني

ابغى خوي(ن) يعرف الخوه وفالطرقه قوي
ماهو ضعيف إذا وصل نص الطريق يهدني

يصير لي مثل الاخو ويطيعني ماهو لوي
وانا خويه في اللزوم ومثل اخوه يعدني

ترى لزومي كايده من دونها ذيب يعوي
ابغى الخوي صامل وبالراي السديد يمدني

ان رحت قدامه يراقبلي طريقي ويحوي
وان راح قدامي يجيب الكايده ويسدني

وإن طالت الطرقة ذراع البعد يلويها لوي
ويشد حيله لو على الدرب الصعيب يحدني

وليا وردنا الماء نبي نارد على عد(ن) روي
سليم هم ربعي وانا جزل الكلام يشدني

[شِيخةّ الغِيد |❥]

شششِمووووُخ
**


مليت منه وصاحبي ما بعد مل
وانا مع الوافين ابيها سهالة

واليوم جيناكم ندوّر على حل
من عندكم وانتم محل العدالة

اما اقنعوه ويبتعد مثل ما حل
والا اقنعوني واعتبرها جمالة

واثق بحكمتكم وابي رايكم هل
اقفي وانا بيني وبينه زمالة .؟

بيني وببنه صحبةٍ كلها دل
حب وغرام وعشق حتى الثمالة

ياما علينا وارتقينا على تل
وياماتعاندنا شموخ وشكالة

وياما مشينا روضةٍ كنها زل
نعطي لمن يهوى الصداقة رسالة

وياما اعتزيته في لزومي ولا ذل
وياما عطاني في لزومه وكالة

كنه اذا جاني من الفكر منهل
غيثٍ عليه من ابيض المزن هالة

واحتلني وانا مقاوُم ومحْتل
كل الجهات وفي جنودي بسالة

ثم اعذروا هفوة لساني اذا زل
وأتحمّلوني في الخطاء والجهالة

واتقبّلوا ما دل وافين وإن قل
من شاعرٍ يملأ بيوته جزالة

[شِيخةّ الغِيد |❥]

حَلمي ومشوٌاريّ
**

أطــرَاء عـلَــى خَـافـقـي مـــره وانـــا سَـــارِي
يَــا حــي فـيـه المـجـاَل وحـــي هـالـطَـارِي
و يَــا زينـهَـا لــنْ تـهـيّـت شـوُفـتـه صِـدفــة
وغَـابــت عـيــوُن الـحَـسـد والـلِـيـل قـمّــاَرِي
نـســري عـلَــى ذكـريَــات الـلِـيـل والـقـمــرَاء
واطرَاف عذْب الكلَام وصَادق اشْعَارِي
عـــــلَــــــى طـــــرِيــــــقٍ يـــقـــربـــنَـــا ويـــبـــعـــدنَـــا
نـشـكِــي سـنــيْــن الــفـــرَاق لـربــنــا الــبَـــارِي
اهــديــه عــمــري بــعــد شــعــري وقـيـفـانــي
وأمــــجـــــده واتــــحـــــدا الــــنـــــاس وأمـــــــــارِي
يـقــول ويـنــك قـبــل مـــا اقـــول انـــا ويـنــك
ويـقــول هـــل بعـتـنـي واقـــول انـــا شــــاري
ويقول لـك وقـت غبـت وغابـت اخبـارك
عـســاك طـيــب ولا جـــاري لـكــم جــــاري
وأقـــوُل يـــا زيــــن ويــنــك طَــالــت الـغـيـبـة
ويـقــوُل لآجـلــك عـــن الأنْـظَــار مـتــوارِي
والـنــاس مـــا يتـركـونـي يـــوم فـــي حـالــي
الـلــي مـــا يـــدري يـــروح ويـنـشـد الـــداري
يـعـطــيــه كــلــمــة ومــــــن عـــنـــده يـكـبــرهــا
وأنا ما حب البشر تـدري عـن اسـراري
وراك مـــــــا رحــــــــت لــلــشــايــب وكــلــمــتــه
قــبُـــل يـجـئـنــا ويـخـطـفـنـي ولــــــد جــــــاري
حـلْـم وســرَا بِــي وجــاءٍ غـيـره يصحـيـنـي
(أْحْلَىَ )كلَامْه صبَاحْ الخْيِرْ يَا سَـارِي
كُـنْــت أتـمـنَـى يــطــوُل الـحـلــم والـمـسْــرَى
يَــــــا لِـيـتــهــم طــــــوّلا حــلــمـــي ومـــشْــــوَارِي

[شِيخةّ الغِيد |❥]

عااتيّ الَموُج
**

إذا لقيت لـ مدخل الحظ مفتاح
اما التوى والا انكسر به وسده

وإذا صفالي ؛؛بعض الايام ذباح
الخوف منه اذا وقف عند حده

ماعاد باقي بالزمن قد ماراح
يا نقطعه والا قطعنا بحده

ما كل يوم يمر صاحب ومزاح
ولا كل من واجهت يعطيك سده

متى يزين الحال والبال يرتاح
والحال مثل البحر جزره ومده

أقفى زماني بين مسرى ومسراح
وقارب نجاتي عاتي الموج هده

المد يقبل به وهو باقي الواح\|\
لليابسه والجزر لـ البحر رده >~

وانا اتحرى بارقٍ ما بعد لاح
نواض برقٍ يقبل الخير سده

[شِيخةّ الغِيد |❥]

عيوُن السلسبيل
**

روحي لها روحي لها هذي عيون السلسبيل
ردي لها جميلها وانتِ يدينك دافئة

يا بنت انا خابرك سباقة على فعل الجميل
ما تآخذين الا نعم بين الحروف النافيهة

عند اللوازم يظهر الباسل ويندس الذليل
وانا اعرف ان الوقت وقتك والنوايا صافيه

ثم اعتزيني في سما النخوة واسوي المستحيل
تكرم عيونك لورمتني في دروب المافيه

بس ارسلي يمي مراسيلك وانا اسبقها دليل
على نوايا تسبق الهقوة وخيلٍ كافية
اطلق رسنها في نحور القوم يسبقها صهيل

واطرد سراب القيظ عن ظل الرموش الضافية

لكن مري لن حداك الوقت انا ماني بخيل
عندي كرم حاتم ومدات اليدين الوافية

من سلسبيل الماء اذاجئتك وفي كتفي صميل
اروي عطش كل الضوامي واشربي بالعافية

وإذا شربتيها من الفنجال هيل وزنجبيل
خليني اكتبها على الاوراق شعر وقافية

[شِيخةّ الغِيد |❥]

الله يَخليكك لآمٌكْ ..
صوٌتيَهه



http://www.youtube.com/watch?v=pQkUYAyp0QM

[شِيخةّ الغِيد |❥]

جييِت اسَمعككْ
**

http://www.youtube.com/watch?v=xCT12VTSBvk

اداء المنشد / عبدالاله الحجيري

هب النسيم وغــردالقمــري على الغصن وبديت
صوته جميل وقلت زيد الصوت انا جيت اسمعك

يازيــنها كل البــــيوت اللي تـغـنـي بيــًت بيــت
استوقفتني كل مطـلــع بيـت يشـــــبه مـطــلعــك

ذكرتني بغـنــاك هـــذـيك الـــــبيوت اللي نســيت
امـــانــة الله كـــــل ماغـنيــت غنيها معـــــك

ويحق لك تختال من قدك على الغصن استويت
يميل بـك ســاعة على مهله وسـاعة يــرفـعك

على ضفاف الساقي اللي كـــل مامنه أرتويت
رفيت بجناحك بعد ما لان عودك واشبـــعــك

وإذا بها السرعة نويت تروح ليتك ما لفيت
مع السلامة روح والشرهة على من يتبعك


كنت اتمنى اسمع صدى صوتك وعمرك ماوفيت
في داخلك تفــكير يبــعد بــك وتفكـــير أرجعـــك


وحالك يقول انك من الماضي على الحاضر شكيت
الصـــد والهــجران والفـــرقــا وصوتــك ينفعك

صحيح يطربني الهديل اذا علشاني شديت
اترك غناء غيرك واجي ناديك واسمع مقطعك

لكــن ورب البيت ماعمري على بعدك بكيت
ولا تحسب اني جيت لأجل أستقبلك وأودعك


ماهمني عادي تجي وتروح كني مادريت
قطعتني مــرّه وانا ميتين مليــون أقطــعك

تــرى ماهو منّي إذا تبي تكحّل وانعــــميت
كـحـلك وتدبيرك وتفكيرك وعينــك واصبعــك

[شِيخةّ الغِيد |❥]

حروٌف الَهِجاءّ
**

أن كتبنا نبيها شامخة مثل أجا
تفتح الباب للقارئ وتستقطبه

إيه أحب المديح ولانحب الهجاء
والغزل يوم يطلبنا ولا نطلبه

وإن بقى فيه صبح يلم ليل الدجاء
ودي أنا قبل ما نخسره نكسبه

اسعد الله صباحك ياحروف الهجاء
كل واحد يشرفنا على مكتبه

بينكم حرف مايقطع حبال الرجاء
والعرب كل ماتستخدمه تتعبهة

كان قبل الاخير وشد حيله وجاء
يسبق الصوت وانا اللي فتلّْت شنبه

كل ماجات في دربه ومنها نجاء
احرق اكبر نجوم اللعب في ملعبه

ينتظرهم بعين وعين يم الحجاء
ماترى غير نيرانه وصرم حطبه

ماسلم منه غير اللي لربه لجاء
واكثر الناس مشغوله بدونه وبه

[شِيخةّ الغِيد |❥]

عطني يمينكك
**

الخمس بالخمس

خلك بقربي تالي اليوم ثُم أمس
عندي - عسى وردك تلاقى بِصِدري



غالي علينا واستوى البن للحمس

وزان المساء من زود قدرك وقدري


عطني يمينك نلزم الخمس بالخمس

الجو هادي والهواء هب حدري


وإن كان ممنوعة كفوفك من اللمس

وش حيلتي هذي مفاتيح صدري



ما كان قصدي لا توقف عن الهمس

اسمح لنا والليل تاليه غدري



وهذا الصباح وتوها غابت الشمس

شف كيف مر الوقت من غير مدري



مدريبها هل غابت اليوم والا امس

انظر لعينك واحسب الوقت بدري

[شِيخةّ الغِيد |❥]

مَحل الاششَتباهّ
**
إن نظرنا ( كل كلمة تثير الانتباه )
وان كتبت صدورالاوراق مافيها سعه

والقلم من سوء حظه محل الاشتباه
متهم عند اكثر الناس لو جاب اربعة

حين يكتب جدول الضرب قالوا وشبلاه
وان بدا بالطرح قالوا ورا ما يجمعه

ويوم تمشي بعض الاقلام حسب الأتجاه
يمنع المأجور والحُر محدن يمنعه

ومن يطيع اهل الغوايات وافكار الطُغاه
ودك انك من مكانك تقوم وتصفعه

وانت اللي من ذنوبك تبي طوق النجاة
ما يفيدك غير طاعة وطيبٍ تزرعه

زيّن اخلاقك مع الخلق في هذي الحياة
سيرة ابن أدم تؤطيه والا ترفعه

لا تكبّر وين ما رحت يا مال الغناه
اعرف الانسان من طين واصله مرجعه

ان عرفنا ذلك اليوم من يمشي وراه
الحقيقة في رجوعه ثلاثة تتبعه

نعرف ان ثنين ترجع ومن يبقى معاه
يا يضره في مخاواه والا ينفعه

يوم يطلع زين يفرح وكثّر له نباه
وده انه زاد مرات يوم ان صنعه

ويوم يطلع شين بالحال لو يقدر شناه
وده انه ما يعرفه ولا يجلس معه