..♥♥ ديوُان الشآعر .. الاقحوانْ ..♥♥

[شِيخةّ الغِيد |❥]

##




صبآح ..مسآء زاخِر بالخيراتّ

السسلآم عليكُم ورَحَمة الله وبركآته ..




مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ
نُهنىء شآعرناََ المَبدعّ ..

الاقَحوانْ ..
بِ أَفتتآح ديوُانه الخاصّ ومٌتكأ قصآئِدةّ وابداعاتهّ
مُبارك لنآ ولَهْ

مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

اصل الحكايه
*



خلي يقول وش فيك تسرد حكايات= عن عالمٍ أصبح مهدد بثورات
خلك معي اسمع كلامي على الشات =ركز معي واترك كلام المجلات
انسى وخذ مني جديد ابتسامات = ريح دماغك واترك الناس بسكات
000000000
قلت أنت ما تدري ترى هالخواجات =يبغوا يغطوا عجزهم بالريالات
الغرب يشكي من ديونٍ وهزات = وعند العرب ثورات وحروب وأموات
أزمات يورو والسبب اتحادات= والراسمالي رأس مال العصابات
والاشتراكي من زمانٍ ترى مات = نظام فاشل وأنظمة ماركسيات
قالوا تعاون اقتصادي وفزعات = وجنيه يهوي ودولار أصبح بسنتات
وفرنك قائم عالعطور والموديلات = وبيوت أزياء شغلها عرض دميات
00000000000
المقصد استغلال ناسٍ وثروات =عند الخليج بترول ومعدن وخامات
دين السلام فيه الحلول الكثيرات = لو طبقوه صاروا بليا مجاعات
أصل الحكاية فيلم هندي ورقصات =حيلة ومكر والسرقة أصل الحكايات

[الشفق]

الربيع العربي!
*


يامداد الوقت سجل للملك تاريخ ناصع واشهد بالصلاح=واجمع الشعب السعودي على دينه وعدله وحبه والصفات
واشهدوا إن أبو متعب حبّ شعبه بعد عدله واستراح= وأحفظ الإسلام واحفظنا بلطفك في الحياة وفي الممات
القمر والشمس تشهد على حال العرب من طغى ولىّ وراح=والصدور العارية صامدة ما تهاب الموت كانت في سبات
الربيع العربي هوربيع اخضر وإلا يقظة شعب دمه مستباح=اعتصامات الشوارع وكل زنقة وكل شبر وما تحت النبات
ذاك حزب أحرار يهتف وذاك الشاب يزحف مثخن بالجراح=وذاك في الشرفة يلوح بسيف لعنترة يحسب إن الشعب مات
خاب قايدعقيد الثورة بالأمس 00صوته اليوم في حفرة نباح=في حياته غرور وجنون وفنون الكلام كانوا حراسه بنات
خاب ذاك الذي حكم فوق الثلاثين عام صار مكسور الجناح=جوّع الشعب في ارض الكنانة شعب مؤمن برب النازعات
خاب واحد سرق شعبه وولّى واختفى اختفى بحال انبطاح=وانتقم يأرب من طاغي وباغي استباح الدم في حمص وحماة
يا شعوب العٌرب هبوا واثبتوا هذا نور الفجر شعّشعّ وبشّر بالنجاح=واحذروا أحفاد كسرى وصهيون استباحوا نهر دجلة والفرات
إن فرحتوا بشئ فاحذروا وادعوا الخالق الواحد فالق الإصباح=وان كرهتوا شي فلعل الخير فيه واصبروا وادعوا الله بالثبات

[الشفق]

العيد عيدك .!
*
العيد عيدك عساه يعود أعوامي=باقة من الورد والريحان اهديها

وأهديك أجمل تحايا العيد وأيامي=وأحلى التهاني أعطرها وأزكيها

هذا حبيبي وهذي بصمة إبهامي=على المحبة وصافي الود يرويها

دار الفلك ودارات فيه أجرامي=ليالي العيد بانت من عصاريها

هامت بروحي وفيها سرألهامي=انسج قوافي الغزل فيها وأوفيها

يا سيّد الغيد يا حبي وأحلامي=يا سلوتي افرحي و الناس خليها

خليني افرح واروي قلبي الضامي=وأنسى همومي ونار الوجد اطفيها

ماهمني من يحاول يكسر أقلامي=خلي العواذل تموت بقوس باريها

بيني وبينك عهود وحب متنامي=على النقاء والوفاء والرب يحميها

والعيد تحديد هذا العيد! إلزامي=لابد نفرح وجزل الشعر يثريها

[الشفق]

طابت النفس ..!
*
اطلب الروح تلقاهاعلى ما يرام=طالما غرس حبك وسط قلبي نمى
فرق بيني وبينك زاد عشرين عام= أنت اصغر وأنا عمري مقفـّي ورى
مرت أيام عمري وش بقي للخِصام= خذ من أيام عمري ما بقي وانقضى
بين يدك وانا كنت الشجاع الهُمام=ما بقي من سنيني جعلها لك فدى
أنت تأمر وأنا الممنون لك يالغرام =كان عندي أمل يروي عطش ما ارتوى
***
طابت النفس وطير اليأس غرد وحام=وأنت آخر همومك تفهم اللي جرى
كثرة الضرب في الميت تراها حرام= حسبك الله يا من باعني واختفى
احسب انك تقدّر شخص صلى وصام= يطلب الرب يهدي من عليه اقتوى
***
صاحبي ليه حتى ما ترد السلام = والا قلبك سلى عن صاحبه مادرى
كم مشينا بهاالدنيا وعز المرام = ماربح شخص فيها باع وإلا شرى
وش يفيدك وعمرك يوم يصبح عدام= سنة الله في خلقه 00نوارى الثرى

[الشفق]

ماغيرك اجررق مهجتي..!
*
يازهرة المشتاق كم باقي من أيامي حتى تكبرين
.............أخاف تكبر علتي والروح من حبه وشوقه يضمرن
يالوعة العشاق عندي لك سؤال إلى متى ما تبردين
............مرت سنين العمر والمعصم مكبّل مشدود الرسن
ياصاحب البيت المشيّد من حجر عبر السنين
............في داخله ريحة زمانٍ فات ذكراه تدمينا شجن
افتح لي الباب ودي ادخل أناظر السقف الحزين
............وأسال ترابه وجدرانه عن صاحبٍ يسكن بدن
هذي شبابيكه وأبوابه تشهد على العهد المتين
..............وهذي رفوفه ودولابه تشهد على دمعٍ جرن
واسأله عن حبٍ سرى بالروح وأنتي تذكرين
...............يوم التقينا وافترقنا والناس تشهد والزمن
ماغيرك أحرق مهجتي أنتي سبب هذا الحنين
............من سار في درب الهوى لابد من دفع الثمن
هذا القدر لابد يمضي مرسوم حتى عالجبين
...........وهذا الأمل مرّ وتعدى وان شافني غاب وأجفلن
حاولت أنسى لوعتي وأنسى زمان العاشقين
......... واكتب نهاية رحلتي وأحسب حساب يوم الكفن
سالت دموعي واختلط شعر اللحى بالدمع حين
............. وحينٍ أبيّت إلا احبس الغصة ودمعها لا يذ رفن
وأحيان اشكي علتي واشكي دموع التائهين
.............واشكي لربي نفس للمحبوب أبت إلا تحن
أطلبك يأرب العباد ألطف بحال الصابرين
................... وتعين عبدك لا مضى و تسكنه في جنات عدن

[الشفق]

ضحك البنات
كم تعبنايابوماجد والامل عندي ضعيف=فاتت احلام الشباب وانكسر سهم الرماه
كم سنين العمر! كم باقي من اوراق الخريف=كم ضحكنا كم بكينا كم تحملنا الوشاة
كم ضحك جنبي بنات همها هم الرغيف= وكم عيون سلهمت جرح قلبي هي دواه
كم تواعدنا وتقابلنا وحولنا كانو لفيف=كم رقصنا كم طربناوالفرح بالغ مداه
فيه كثير منهم يجامل وفيه كثير منهم لطيف= وفيه منهم ميت الاحساس ربي ما عطاه
ياخذك بالهرج مرة ومرةٍ كانه كفيف = مايشوف الاالتعالي والتواضع ما طراه
السعادة في حبيب صادقٍ طاهر عفيف= مايضيّق خاطرك ولانت لعبه في يداه
دور الحب الحقيقي دور الخل الوليف= مقصده في خل وافي كل همه في رضاه
تجربة ماهي خيال عشتها وانت الرديف= ما جنينا غير كذب واعذار من ناس جفاه
وانتهى حبي وحبك الله اكبر يالطيف= تدري ! حل المشكلة نطلب الله في رجاه

[الشفق]

نقضة الغزل..!
*


قالت تعال وقلت ياشين حالك=مثلك كثيرٍ يخلط الجد بالهزل
البارحة كنت أتمنى وصالك=واليوم انأ ناوي على نقضة الغزل
ياكثر ما أفكرت أدور بدالك=وإلا ابتعد واغوص في عالم العزل
ظليت تلعب بي على مابدالك=وكتبت لك أبيات من صافي الجزل
ياما ترجيتك و قبل انفصالك= وقبل الغلط أرجوك ما ودي أزل
خل التمادي وحط شئٍ ببالك = إني تركتك لأجل ذيك المهازل
الحب مو يمك ولاهو مجالك=الحب صدق وود ما يعرف الخزل
لاتحسب انك يوم غرك جمالك=تقدر تبدل فرشك الخشن بالزل
واليوم انأ قفيت والمال مالك=قفل على نفسك أحسن وعزل

[الشفق]

عشنا وشفنا ..!
*

جيتك حبيبي اليوم من دون تفكير= جيتك وأنا روحي عليكم وجيعة
اغيب عنك والقصد راحة وتصبير = نشفت ريقي والصبر ماستطيعه
والرحلة اللي كانت أول تباشير = صارت كما ظنيت شروة وبيعة
عشنا وشفنا في شواطئ أغادير = وحدة تهز الخصر ووحده تبيعه
مهما تسلينا سويعات ونطير = مسرَع ونرجع والردي ما نطيعه
ذكرت وحدة خبزها دخن وفطير = بنات ديرة حكمها بالشريعة
كانت تمشى والغطاء زاد تقدير = في مشيها غصنٌ تمايل بريعه
محلى سواد العين والكحل تبذير = برق لمع بين السماء والنقيعة
من بدو ربعي جمعها جمع تكسير = حازت جمال الكون وحسن الطبيعة
000000000000
ياصاحبي ما عاد تنفع معاذير = خذني لها واحذر خويك تبيعه
ليتك تشوف الحال من دون تفسير =أرجوك تسمع لاتدور ذريعة
تكفى ترجّعني من دون تبرير =خذني وأنا عندي تذاكر فزيعة
جاني الخبر! فزيت والقلب بيطير = من فرحتي هميت أنادي رفيعة

[الشفق]

الجاااااذبيه.!
*


باسالك واحد سوال عن نظام الجاذبية= قالوا التفاح يسقط لاستوى والغصن مال
أنا عكس المغنطيس في نظام الجاذبية = تتجه يم الشمال اتجه صوب الشمال
وان عكست الوضع اجيك عندي النيه مطيه= وان تزاعلنا تصالحنا والقطيعة شئ محال
شئ طبيعي ياحبيبي أنت شمسي السرمدية= و أنت نور البدريزهي فوق ربوات التلال
والعيون اللي كساها الكحل من رب البرية = وان مشيت في مشيتك شئ من السحر الحلال
كل من شافك تعجب قام يضرب لك تحية = وانصرف عنّك وحاله يكفي عن حال السؤال
أنت وبس اللي احبك والبشر ماهي سويه= مختلف في كل طبعك مين مثلك بالجمال
مين مثلك بالحلى والأمور العاطفية= صار يضرب بك مثل والوفاء اقرب مثال
مين مثلك بالوفا غير ليلى العامرية= صانت الحب الجميل في زمان ولى وزال
أنت تأمرني وتحكم كل من حولك رعية= اطلب النفس الرضية فدوتك اكبر منال

[الشفق]

الرسايل..!
*

أمسحي كل الرسائل وألغي الرقم العتيق= وأمسحي من ذاكرتك أسمي وصندوق البريد
واكتبي كلمة وداع حبرها جرحٍ عميق=جرح غائر في فوادي ينتظر جرحٍ جديد
صاحبي وش جاك مني يوم تتركني غريق= ما دريت ! اني بشر ! والا تحسبني حديد
يكفي تعذيبك ويكفي لوعة الصوت الرقيق= أنت زهرة صعب نسقيها وأغصاني جريد
ما بقي فيني دموع مابقي فيني رحيق = المشاعر تنتحر والنار في جوفي تقيد
ذكرياتك والاماني شبت بقلبي حريق= صورتك والوان طيفك ساكنه بحبل الوريد
اعترف اني احبك منهو غيرك لي رفيق= وأعترف انك تعذبني وهجرك لي أكيد
انماارجوك تسمحني وتتركني طليق= واكتبي قصة هوانا صفحة في العقد الفريد

[الشفق]

خذني لــ ارضك ..!
*

يمر نصف الليل ما رف جفني= واقوم تالي الليل اشكي لرفه
وأنت الذي بالعمد تسعى لحتفي = يا زين طاح القلب ونسيت نزفه
اضحك وأداري الناس والجرح مخفي=ادميت قلبٍ صابته منك رجفة
حسنك يفوق الوصف واحتار وصفي= زهر الخزامى منك ريحه ونحفه
من يشبهك بالزين والزين يظفي= على حلاك الوان طيفه وترفه
يفداك عمري وأنت أسباب ضعفي= وانته بقلبٍ تسكنه ما تعرفه
ربي يساعدني عسى العين تغفي= لو بس لحظة يغمض الجفن صدفة
خذني لأرضك قبل ما العمر يقفي=ارفق بقلبٍ اتعب الطب وصفه
ماهمني لو كان جرحي ونزفي= يرضيك ! اصبر وانتظر منك رشفه

[الشفق]

طاح قلبي في يديه ..!
*

الغزال اللي نهب روحي وراح = يوم شفته طاح قلبي في يديه
برق شامي نور الدنيا ولاح = راكبٍ موتره وقت المغربية
قلت اصبر ما تشوف القلب طاح = وإلا ناوي تذبح النفس البرية
أعطني فرصة ترى كلي جراح = لاتلمّ الناس و تكشف لي هوية
قلبي الأخضر والدمع استباح = رمش عيني والسبب ماهو شويه
0000000
قلت يالله لا يجي هذا الصباح = حتى اعرف سرها ذيك البنيّه
اقتربت وقال يالله في الصلاح = حمت حوله وقال لي وش هالبليه
واحسب انه كان يتكلم مزاح = قال يا مجنون! أنا بنتٍ ثرية
ابتعد وإلا رميتك بالسلاح = أنت ما تدري ترى النية مطية
أنت غلبان وش لك بالملاح = وأنت وش لك والهموم العاطفية
0000000
احسب انه نظر لي بارتياح = اثر بنت الناس تضمر لي ردية
هز قلبي مثل هزات الرياح = واختفى بسرعة رياح العارضية
اختفى والقلب يخفق ما استراح = نظرته فيها كثير من عنجهية
عدت أدراجي مكسور الجناح = ما دريت إن الهوى اكبر خطية
0000000
ناس دايم شربها صافي قراح = وناس تحلم بالحياة النرجسية
ليه ياقلبي حبيبك جاء وراح = عادتك ياقلب فرحة عابريه
ما بقي للجرح ياقلبي براح = داخلك والدمع من عيني همية
أوعدك ياقلب لأترك هالمراح = أوعدك لأغيب غيبه سرمدية

[الشفق]

أدمنت يا قلبي الهوى..!
*

ابطيت عن محبوبتي والشوق في الخافق عوى=وطاوعت قلبي المسكين وبالعودة نويت
هو غاب عني وإلا غاب طيفه وقلبي مادرى= إن الوله في غيبته يسري بدمي ما دريت
رغم التعب رغم الشقاء أدمنت ياقلب الهوى= وش غيرك ياقلب وإلا في هواها ما اكتفيت!
هذا الهوى دربه عنى من غاص في بحره هوى=كم حيّر العشاق قبلي وأنا احسب إني له عصيت
لكن صوته زارني والدمع من عيني همى= وذكرت صافي بسمته وكلامه اللي ما نسيت
قررت أغادر ديرتي وارتاح من نار الجوى = وركبت أول رحلتي قالوا تراها ترانزيت
قلت المهم اركب ! لو تعرفون اللي جرى= قلبي أبى ! في ذمتي إني بغرامه ما ارتويت
لأنه حبيبي طول عمره وهو لغيرى ما بغى= ياجعلني فدوه لعينه وأنا لغيره ما رضيت
كانت زيارة للأسف صحتني من حلمٍ مضى= وعرفت إن الزين جنبي معهم تعلمت وربيت
من راح عن ديرة هله لابد له رجعه ورى= بعد الندم ما تنفعه أخوات كان وأخوات ليت
في ديرتي اللي عطاها الله أجمل ما عطى=ديرة افتخر في حبها ! ربحان بعت وإلا شريت

[الشفق]

وين درب السعاده ..
*

ياخسارة أنت ماتدري عن اللي ذاب في حبك وانكسر
ياخسارة أنت ما تدري عن اللي سال دمعه وانهمر
الحياة لعبة خطيرة فيها من يربح وفيها من خسر
وفيها ناس همهم زايد وحظهم عاثر ولا مرة ظفر
وجرحهم ينزف بلا أسباب إلا أحباب أهدوهم جمر
صاحبي أهديك مني دمعتين وبس أغزر من بحر
لاتلمني فانا مذبوح في قلبي وفي وسط النحر
إن حصل إن مت أرجوك لاتزعل ولا تبكي هذا للقدر
وان بقيت أبقى متيّم بحبك ارسم اللوعة شعر
واكتب اسمي في جدارك وباب الدار يشهد بالأمر
كل ساعة أشوفك ياحبيبي وطيفك من عبر
كل ساعة أشوف الكذب طاغي على عين البشر
كل ساعة أشوف إنسان يضحك وفي عينه شرر
كل ساعةأشوف الدم وطفل يبكي وغيره ينتحر
مثل أطفال غزة والعراق وأطفال ما وراء النهر
يمسي الطفل منهم بين أحضان أمه ويرحل بالفجر
ذنبهم بس واحد لقمة العيش وإلا في يديهم حجر
وين درب السعادة عند ذيك المآسي وإلا خل ٍ غدر
الزمن مو زماني والظروف المحيطة كانت أدهى وأمرّ
والأماني أصبحت أحلام يقظة وما فاد الصبر
والحقيقة مجرد وهم وأطفال تلعب في خطر