..♥♥ ديوُان الشآعر .. راع الوفااا ..♥♥

[شِيخةّ الغِيد |❥]

##

صبآح ..مسآء زاخِر بالخيراتّ





السسلآم عليكُم ورَحَمة الله وبركآته ..






مُحبيّ الشِعرّ ومتذوُقيّ طَعم الابدآعّ



شِعراً عذباً سلسبيلَآ




نُهنىء شآعرناََ المَبدعّ ..


















راعّ الوفااَ ..




بِ أَفتتآح ديوُانه الخاصّ ومٌتكأ قصآئِدةّ وابداعاتهّ



مُبارك لنآ ولَهْ




















مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

قصيده صوتيه (عطر الشمال )
*

http://www.falsafh.net/files/13217.mp3



مع نسيم الليل جاء عطر الشمال الشوق جابه = وارتوت منه المعاليق وتروتبه عروقي
ساقه الله لي مثل ماساق هتان السحابه = فوق دار مجدبه واحيّت معاطيش العذوقي
كنت اعد نجوم وارقا رجم في ساعة غيابه = واستخيل المزنه الغراء ونايضة البروقي
كنت اعبره حلم مجداف الهوى ياكم سرابه = لاخطر لي في منامي اشعر بفزة خفوقي
همت فيه وصار مرسى العشق في حضرة جنابه = والقصائد فيه اسامرها على كل الطروقي
الهوى ياهل الهوى مزموم ماكلٍ رقابه = تحكمه صدق المشاعر بين عاشق ومعشوقي
الهوى لحن القصيده والشقا عزف الربابه = واسر ياساري مادام القلب لاشواقه يتوقي

[الشفق]

هواه من ريح النفل والخزامي


محتار مدري كيف وابدأ المعاناه
بالشعر والا ابدأ بنثر الكلامي

الشعر له بشعور روحي محاكاه
والنثر في وقعه بلوغ المرامي

واحساس ماله ترجمه وش مسماه
لاصار مايشفي جروح الهيامي

احترت بامري والهدف صعب مرقاه
مرقاه صعب وجرح الايام دامي

واصبحت مثل اللي نقل داه برداه
ساكن خلا يخشى الملا والملامي

يضرب بكفه كف من قلة ارياه
وقته غدى ضده بفرقا الليامي


فارقت من ظني قليله مزاياه
بعد ماصار بعاطفتنا انسجامي



عوده مثل ريحاتة جنب مسقاه
وعينه لناظرها تسبب عسامي


ورموش حد سيوف وقت الملاقاه
يرخي لها من له بربعه مقامي

مربوع قامه والجدايل تمثناه
والموت كامن تحت طرق اللثامي

مادوج ولا دج سوق المناداه
بارض قفار يعيش عيشة عصامي

في نجد مسكانه وفي نجد مرباه
وفي نجد خاله والاهل والعمامي

موطن ولا كل المواطن بحلياه
هواه من ريح النفل والخزامي

وجدي على شوفه وشفي بلاماه
شف الطفل للدر عقب الفطامي

الغالي اللي ما اعرف كيف ابنساه
لا طايل السلوى ولا طلة لامي

[الشفق]

اخواني واخواتي في منتديات شفق الادبيه
بكل الاعتزاز ان انضم الى قافلة ركابكم مع الشفق بعد ان تلقيت دعوة الاخت القديره ساره السبيعي
متمنيا ان اكون عند حسن ظن الجميع وان اقدم مايحوز على رضاكم
**
يقولون العواذل طردك لبارق محاجرها
عليك ابعد من الجوزاء ولو لك نفس طماحه
*
وانا اقول البروق اللي مدى شوفي بظاهرها
لزوم أوصل لها مادام لها العين مرتاحه
*
اجس النبض ما اتبع ومض والجابات أحررها
وأميّز راس مالي من خراجي واعرف ارباحه
*
تجاريب الحياه تحد من زايد مخاطرها
وانا لي تجربه بأهل الغلا والحب وجراحه
*
ليامني عشقت الغاليه لابد اسايرها
ترى طرد الهوى مايعشقه عاشق يبي راحه
*
وانا لاشك فيها همت واحلامي تسامرها
لآجل كل الغلا فيها .. ادللها على الراحه
*
عليها آغار من نفسي ليا ناظرت ضامرها
واغار ليامشت من ظلها والطيف واشباحه
*
وآغار من الهوى الغربي ليا حرك ظفايرها
واغار من الخزامى والنفل لاشمت ارياحه
*
واغار من العيون اللي على الغِرّه تناظرها
أخاف تصيبها عين الحسد والعين ذباحه
**