..♥♥ ديوُان الشآعر .. ابراهيم عسِيريّ (العآزِفْ) ..♥♥

[شِيخةّ الغِيد |❥]

##


صبآح ..مسآء زاخِر بالخيراتّ


السسلآم عليكُم ورَحَمة الله وبركآته ..



مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ

نُهنىء شآعرناََ المَبدعّ ..



ابراهيِمْ عسيريّ ( العازِفْ) ..

بِ أَفتتآح ديوُانه الخاصّ ومٌتكأ قصآئِدةّ وابداعاتهّ

مُبارك لنآ ولَهْ



مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

سقط قدرك

عطيتك والعطا ذنبي عطيتك=ولا منك خذيت إلا جروحي
وليتك عشت عمر الحب ليتك =غلا ضمك لقا واشعلك ضوحي
حسافه ليت ما صدفه لقيتك=لفت بك جرح مدري جيت نوحي
مدري من ردا حظي غليتك =مدري الوقت ما عبر وضوحي
على كل(ن) ابنسى ون طريتك=لمحت اني رجعت اجرح طموحي
ولا همك رجا دمعي رجيتك=تلاعبه مثل ما خنت بوحي
وانا شاكر وابذكر لك جفيتك=خطاك اللي طفى شمعة صروحي
عشاني لك وفي لني وفيتك=كسرت الفرح في نظرة جموحي
يجيبك جرح ذاكرني شريتك =يجيبك والشقا ملته روحي
واقول ارحل ولا ترجع لغيتك=سقط قدرك خسر قمة سفوحي
=***
=ابراهيم عسيري القربي
=العااااازف

[الشفق]

كون عمري


علميني اكره ارجع لك واخون=وعلميني اهجرك وانسى ابيك
واكتبيني شخص في حالة جنون=راح ينسى رد ذاكر محتريك
وارحليني شط غفواته سكون=ليل غربه واسئلة كيف التقيك
عمر في لمحة تفاصيله شجون=صمت نظره حايره ليه ارتجيك
وانتي نصك بعد ساكني ظنون=ونص غربه لو رجعتي تنتفيك
وآنا خطوه بين اكون او لا اكون=ذكرى غلطه أو خطا لهفه تبيك
شفتي كيف ان الغلا قلبه حنون=كل ما غبتي رحل واله عليك
يعني بعدك كون عمري ماهو كون=إلا نظره صمتها مشغول فيك
=***
=ابراهيم عسيري القربي

[الشفق]

قلب ساهيني

تصدق ماخطر لي يوم تصد الشوق واحلامي=وتجرح خافق اللهفه تردد صرت ناسيني
وتنسى وانت لي عالم وعمر الحب واهيامي=وفرحه كنت ناطرها صداها شوق ماليني
ولكن رحت ناسيني نسيت الود وايامي=وكنت احسبك لي ذاكر تمر اشعور طاريني
ومدري البعد ذا خيره يردك للقا ضامي=مدري راسم اللحظه شقاوي قلب ساهيني
على كل(ن) ابترك لك شعور وحلم واحطامي=ناطر رجعتك خل ن شعوره صوت شاديني
ولو مريت انا راجي تلامس تربة اعظامي=مكان ارتحت له منفى سكونه صمت حاويني
وتلقى دنيتي مرسى حدوده غربة الامي=وبصمة حزن واحكايه تسولف صد جافيني

ابراهيم عسيري القربي
=العاااازف

[الشفق]

بكثير من الاسى وغزيرا من الدمع نعزي= انفسنا والامة الاسلامية والعربية
=في فقيد الامة
الامير الانسان/ نايف بن عبد العزيز= آل سعود رحمه الله
نسال الله له المغفرة وجنة عرضها= عرض السماوات والارض
=((انا لله وانا إليه راجعون))
=هذاك نايف

صبح الحزن خيم على وجه دوله =ينعي فقيد الارض نايف ولدها
انسان له في كل موقف بطوله=صوله خفت نار الفتن في رمدها
عزة عزيز الوقت برهن فعوله =حكمة أمير الامن شوره رعدها
نايف وتسقط دمعة الشعب حوله =تنعي غياب اللي وجوده سندها
تقراه في مسرى وتحضنه زوله=انسان ياما في عيونه رقدها
انسان فعله حلق اسراب قوله =برواح تعشق طهر تربة بلدها
انسان عاش الصعب واضفى سهوله =على وطن حبه معاني سردها
عشق الوطن مبدا وحفظه وصوله=لبر امن ارسى مواني رغدها
لين صار الدار عرضه وطوله =يزهى مكانه بيد فعله مهدها
هذاك نايف كل فعله رجوله =يرحمه رب المزن ناثر بردها


=////
=ابراهيم عسيري القربي

[الشفق]

حدود الصمت



خلف شباك المسـا خطـوة احبـاب
زوار مـرو صفحـة العمـر تذكـار


تمتمة غربه تناثـر زمـن غـاب
ساور شبابيك اللقا همـس واعـذار


حضور يرسم طلته همهمـة بـاب
حد ارتمى وجـه المسافـات سيـار


صفحة روايه صارت اشعور لكتاب
نقطة تحول سايرت سـرد الاقـدار


اقفت مسا راحـل يلملـم لقـا ذاب
عبرة سنينه صمت لحظات واسفـار


ترتيل ماضي يسري ازمانه اسراب
هذرات ذكرى سربت حلـم وافكـار


واسراب لحظه مررت همسة البـاب
صدى اماكن تحتري وعـد واخبـار


واشعور قرر قبل قفـوات الاهـداب
ينساب دمعه تحتضر شوق واشعـار


ذابت حكايا العمر جيـات واغيـاب
زوار مـرو هفهفـة ظـل واقـدار


وازمان غربه ترتسم صمت واسباب
ظلام سرب وحشته ليـل واخطـار


تغري مسار الوقت واحساس الاحباب
يعلن حدود الصمت وابعاد الاسفـار
//


ابراهيم عسيري القربي
العااااازف

[الشفق]

شبابيك اسئله


زمن راسم فضا جوه ضبابي =لباكر دنيتي نظره حزينه
عشاني كنت اجي وانسى عذابي=حقيقة هالزمن كذبة يقينه
وبعض الصدق في دربه سهابي=خطى عابر خطا قلبه حنينه
لمح في طرف ليل الصمت بابي=شبابيك اسئله ضمت مدينه
مسا وينه رحل لمعة شهابي=أمل كنت المحه في طرف عينه
وصرت اسهره في غربة ذهابي=أحد خانت خظى حلمه سفينه
أنا كنه.. وانا كنه غيابي=شبه واحد نسى حظه سنينه
هذاك آنا وانا حظي سرابي=أجي في صمت راحلني سجينه
دموعي كل ما املك صحابي=من الدنيا أمل واله سكينه

ابراهيم عسيري القربي
العااااازف

[الشفق]

الموجه ذهاب


صمت الزوايا يسولف احساس الغياب=عمرنا الماضي صدى والصوت وين
والرجاوي تحترق فينا عتاب=جمر غربه واسئلة ماضي دفين
وانتظار احلام والضفه غياب=رحيل والمينا مسا زحمة انين
والرسايل اخر ارواق انسحاب=بلها شاطي مطر جوه حزين
سهرة براويز امكنه واشعور غاب =كان بين الصمت والضجه سجين
واحنا بين اول وصرخة صوت باب=اثنين نصغر والزمن يكبر سنين
والزوايا صمتها ساحل سراب=نتكتب على شطه ويشطب كلمتين
ليه نرحل واحنا ساكنا اياب=صمت الاماكن واللقا ضمت يدين
لوحت لشط والموجه ذهاب=تحضن الغربه وتجرح حالمين


=ابراهيم عسيري القربي
العااااازف