..♥♥ ديوُان الشآعر .. نِمر العتيبيّ ..♥♥

[شِيخةّ الغِيد |❥]

##


صبآح ..مسآء زاخِر بالخيراتّ


السسلآم عليكُم ورَحَمة الله وبركآته ..



مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ

نُهنىء شآعرناََ المَبدعّ ..



نِمر العتيِبيّ ..

بِ أَفتتآح ديوُانه الخاصّ ومٌتكأ قصآئِدةّ وابداعاتهّ

مُبارك لنآ ولَهْ



مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

يا الهبوب الشماليه
*

من شمال المملكة هبت هبوب عاطفيه=لامست من قلبي أشغافه وهزة غصن ثاوي
قلت اقاوم بردها واصبر ولو كانت عتيه=واقدح أزناد القوافي تدفي القلب الشقاوي
جتني أبيات القصيدة رجز مدري سامريه=مدري أهيجن حروفي أو ارددها غناوي
والأكيد الشعر يفخر لاكتبته في اجوديه=وأعذبه الاصار ملهمته تجي فوق الهقاوي
عينها الزرقاء بحر ماله مواني ساحليه=اغرقتني في شواطيها وانا رجل هواوي
نظرتِ منها سهوم العشق فيها جاذبيه=والمحاجركحلها في رسمته سيل نحاوي
والأشم ألي مثل حدب السيوف اليعربيه=زادها حسن يحير راعي الفكر النداوي
الخجل فالمبسم الوردي نواني بألف نيه=يمكن أقاوم شذاه ويمكن أدور مداوي
لاوصفة الجيد تخذلني حروف الابجديه=والقوام المعتدل في رزته بالزين راوي
اختزل كل الجمال اليوسفي يابعد حيه =وكمله منطوقها العذب وشموخ اهل العزاوي
ان حكت ياسعد من يسمع سواليف ابدويه=جعلني فدوت عيون ألي نوت قلبٍ رجاوي
= نمرالعتيبي

[الشفق]

ضميان أنا لي سني (http://www.walah-m.com/vb)
*
ضميان أنا لي سنينً (http://www.walah-m.com/vb)والغدير بشفاك
--------ياحظ ضامي ورد هاك الغدير وشرب
وأهداك وردة غلا وإحساس نبضه معاك
--------- أنا أشهد إنه موفق من لِقلبك قرب
تكفين بلي عروق القلب من عذب ماك
---- فدوة عيونك هل الأرض العجم والعرب
يامهرة تجذب الخيال علمي نصاك
- --في بحرعينك غرق وف همهمتك الطرب
أعذب مواويل شعري قلتها من غلاك
------- وفي غيبتك مارد الإشعار مني هرب
لكن ابأقضي ترى باق العمر في حراك
----أدعي على من عذلني بالوهن والجرب
أقف بوجه الظروف وكل غالي فداك
--------- واللي يعادونك أعلنها عليهم حرب
من شان عينك لغامر لو فيها هلاك
------ ولاهتم بالكون بعد رضاك مهما خرب
ياجوهرة غالية في عين كفوا شراك
------- يحفظك ربي من عيون العجم والعرب

[الشفق]

http://sphotos-g.ak.fbcdn.net/hphotos-ak-ash3/c0.0.403.403/p403x403/541009_4819633774628_726757390_n.jpg





ياعيينها لو سلهمت جابت العيد=بالرمش تفتن من نظرها وتسبيه
فيها سحر يفتك بجيش ملا البيد=يعجز يقاومها من السيف بيديه
يرفع لها الرايه ويرفع لها الايد=ويسلم ألها الامر ويقول لبيه
تحتل حصن القلب من غير تهديد=وتنشر طلايع جيشها في مفاليه
ولاينفعك ياعين شجب وتنديد=لاكن حبل الوصل بالشوف مديه
ياخصرها متميز أبهاعن الغيد=ممشوقٍ اهيف والحلا ساكن فيه
جبينها له لمعة البرق ويزيد=يومٍ لمحته من ورى الشال تخفيه
وشلال اسود مثل ليل غشى الجيد=عطره شمطري يوم تجلس تثنيه
وفي ثغرها لون الجمر كنه يقيد=يشعل شموع الشوق والقلب تضويه
من حنجرته اصوت نغمه وتغريد=يجذب رهيف السمع لوحى تغنيه
واجهتها صدفه مثل ذاير الصيد=في خايعٍ وبل الحيا دوم يسقيه

شيهانة لاحلقت جابةالعيد=ويلي جهلت الحر مسموح تشويه

[الشفق]

السلام عليكم ورحمة الله وبركاته
وللتواصل مع رقي افكاركم والاستفاده
اقبلوو هالمصااافحه البسيطه

أحن ألك وحنيني مثل طفل يالغلا مفطوم
*


أحن ألك وحنيني مثل طفل يالغلا مفطوم=تعود من صغرسنه على حضن امه الدافي
رضع من صدرهاالحب وجمال الفطره المقسوم=بعد سنتين من عمره تكدرجوه الصافي
غريرماعرف معنى الفراق ولوعة المغروم=ولاكنه فقد له حاجتن ولغـيرهاعافي
أبي منك دقيقه بس تعطين الخيال الزوم=وشوفي منظر الطفل الصغير في حضنهاغافي
بعد ماعيا جسده الطاهر صياحه غلبه النوم=ولامنه صحى ينده يايمه هاتي الخافي
تراني يابعدروحي مثل هاك الطفل محروم=أهومحروم بأمرأمه وانابأمرالهوى الجافي
لهيب الشوق مع قل الوصل يهزم عزيز القوم=ولايقوى على جمره صميدع فكر وسنافي
مقادير تغير في حياتي بين ليل ويوم= وحبك ثابت في وسط قلبي والعهد وافي
ربيع أيامي دنيايه بعد شفتك مطر وغيوم=وعمري قبل احبك ياغلاي سنينه عجافي
عرفت إن الحياه إلهاطعم يافرحةالمهموم= وتغنيت بحروف اسمك ورسمك زان به قافي
عيونك في بحرها يغرق العاشق ولو يعوم=وانا بمواجها طبيت كثر الشوق مجدافي
برد هاك الثغر لامن تبسم لولو منظوم=وتوت ياحلاته ماقطفه الغاوي الهاافي
وجيد من عيوب الشكل ورتوش الزمن محشوم=ومجدولٍ شبيه اليل الاسود فوق الاكتافي
وعطر ثيابك الممزوج باريسي مع اليشموم=بدون مجامله تعجز حروف الشعر ووصافي
لانك فوق كل الوصف ياغاية منى المحروم=تشوم العين عن غيرك وحبك يسكن شغافي
ومهما صارمن دونك صحاري واوديه وحزوم=عــلى شانك قطعت البيد لو ان القدم حافي

[الشفق]

جوع الورق
*]

اسـرجـت لـلـفـكـر الـجـزيـلـه مـن الـضـاد=اخــذت مـن عـــذب الـمعـــانـي وبـتــرك
وجـوع الـورق صغـت المشـاعـر لـه الـزاد=وارويـت ضـمـيـان الـقـلـم نـزف حـبـرك
جـاوبـة نبضـك مـن عـلى روس الاشهـاد =بالشـرع اخـذة اشـوي مـن عـذب خمرك
ومشـاهـدك عـنـدي تـرى ثـالـث اعـيـاد=وعـلاج روحـي بـسـمـة فـــوق ثـغــرك
يـلـي رسـمـتـي فـي خـيـالـي لـك امـجــاد=أبـطـالــهـــا زيـنـك وذوقـــك وعـطــرك
قـالـت يـا لباء الـقـلـب يـانمـر وش عــاد=وأقــول يـا فــدوت عـــيـونـك وعــمـرك
فـي مــكـــه اتـلـبـيـن يا بنــت الاجـــواد=ويـفـرج الـلـه ضـــيـقـة جــت بصــدرك
يبـعـد عـنـك أهـل الـضـغـيـنـة والأحـقاد=يحـفــظ عـن أعـيـون الـعــواذيـل ســرك
ويـصـون عـرضـك عـن خـسـيـس ونقـاد=وثـوب العـفـاف أيـصـيـر رمـزا لطـهـرك
انـــا عـلـى وضـح الـنـقـاء جـيـتـك انقـاد=تــقــودنـي مـشــــاعــرا طـاعــة أمـــرك
قـاومـتـهـا بـالحـيــل وأمسـيـت فـي جـهـاد=بـيـن الـعـقـل والــقـلـب فـي قـو سـحــرك
واصـبـحـت اسـيـر لـسـحـر مـاعـنه نشـاد=طـلاسـمـه مـن نـبـضـك ورمـش خــدرك

نمرالعتيبي

[الشفق]

قالت معي ورده وبيدينك السيف
*


قالت معي ورده وبيدينك السيف=لكن تجمعنا المشاعر والأحلام
انت الرجل ماهر وتبدع وحريف= وانا علي اكون لك مصدر الهام
ولابيننا يا مبدع القاف تكليف =خذ راحتك لالاتعذر بالأوهام
واحذر فديتك لا يجي بيننا الزيف = تراه مثل الموت للود هدام
قلت ابشري باقول قول على الكيف = فدوت عيونك كل من في السماء حام
والي مشى فوق البسيطة وفي الريف=وكل الجماد وكل هبات الانسام
من سوده أبها لين عمان وطريف= واهل العراق ومصر والفرس والشام
وبلاد سام وكل من يسكن جنيف =وغرب الجز يره لين سلوى ودمام
ولبا العيون الي بها رمش مخيف = لاسلهمت ترسل على القلب بسهام
وفي بحرها بعوم لين اصل السيف= واسمع صدى صوتك مع الموج نهام
يلي غلاك بوسط ذيك المهاديف= له في شغاف القلب حارس وخدام
وفي الفكر دايم مايفارقني الطيف = يهتز غصن الشوق والقلب بك هام
وصدق المشاعر منك فخراً وتشريف= ولجل الغلا رسمت صورتك بوشام
على ذراع كفها يمسك السيف= ويسجله على الورق حبر الاقلام

[الشفق]

اهـــاات قـلـب وعـنـا مع شــوق
*

اهـــاات قـلـب وعـنـا مع شــوق=والـفـكـــر يطــربـه مـــرواسـك
يـلـي مـلـكـت الحـــلا والــذوق=يـاهــنـي مــن يـرتـشـف كـاسـك
من زود مغـليــك اجـي مطـفـوق=وأفــرح إذا صـــرت هــوجــاسـك
يـرتـاح بـالــي معـــك ويــروق=والجـــو عـطــره شـذا انـفـــاســك
اقـلـط فــديتـك وأنـا بــن روق=يـازيـن فـي الصـــدر مجــلاسـك
بعـد عـرفـتـك وصـــرت الطـوق=لـلـي غــرق يــوم بـاحـســاســـك
هـيا خـذ أيـــدي وشــلـني فــوق =لا تضـرب أخـمــاسـك أســداسـك
خـلـك مـن العـــاذل الـمـحـروق=الـــي بـيــبعــدك عـــن نـــاســـــك
وانــا عـلـى الــعـهـد لامـابــوق=وانت الــوفـاء مـنـبـعـه سـاســك
جـذبـتـني بـأعــذب الـمنـطــوق =وفـــتـنــة عـيـنـي ابنعـــاســـك
هـزيت غـصـني وفـيه عـذوق=ما يحتـمـل ضـرب مــن فـاسـك
تعـال شـف صـورتك فـي الموق =ولايخـــدعــك كــثـر حــــراســك
وخـيـل سـحـــــابٍ نشـاء مصـدوق=فـي قــلــبـي ألــي فــدأ راســك
الــرعـد دايـم معـــاه ابـروق=ويرجــع مـعـه عـلـم عـسـاســك
=نمر العتيبي

[الشفق]

ياكـثـر شـوق العـيـن والـقـلـب والــروح
*

ياكـثـر شـوق العـيـن والـقـلـب والــروح= كـل الـثـلاثـة شـوقهــم يـا سـع الكـون
العـيـن تـرقـب نظـرت مـنـك وتشــوح=يـمــك عــسـاك أتحــن يـادر مـكــنــون
والقـلـب نبضـاتـه ســريعـة ومفـضـوح=فـي غـيبتك أصـبح مـن البعد محزون
والـروح يحـدوهـا الأمـل فـيـك وتـبـوح=بحـساسها الي داخـل الجـوف مـدفـون
روح وجـسـد يـاكـثـر مـافـيـهـم جـروح=وترى الـدواء عـندك واكـون ألك ممنون
يـا مـشـغـل فكــري ويـاسـامـع الـنـوح=صـوتي وصـلك وينتـظـر تعـزف لحـون
وعـلـى غـصن قـلـبي سجـع نايح الدوح=وردد صـداه احـسـاس مـارده احـصـون
ولو تعـتـذر بظــروف مـنـتـه مسـمــوح=ولاواللـه اغـفـرلك بعـد صـرت مفـتـون
فـي كـل شـئ مـرتـبـط فـيـك ممـلـوح=حـتـى عـيـوبـك شـلـتها داخــل الــنـون
واطـرب لصـوت فـيه نغـمه ومبحـوح=وطـيف مـلازمني تـرى ويـن ماكـون
وعطـر بقـى فـي كـف يمناي لـه فـوح =ولاهــتــم بـالـعـــذال مهـمـا يقـــولــون
يـلـي رسمـتـك حـلـم وابني لــه صروح=عـمـري فــدا رمشـك ولك صـار مرهـون
ارجــي مــن الله تـرجـع وتنعـش الـروح=ويفــرح بــك القـلـب وتهـناء بـك عيون

[الشفق]

رحيل نايف
*


رحل كريم اليد نبيل الوصايف=ومرسوم نعيه في الصحف والاذاعه
ابوسعود اللي رقاء للنوايف =شوير ابو متعب ودايم ذراعه
ياعين هلي دمعة أفراق نايف=أسد هل ألسنه وسيف الجماعه
رجل الأمن والفزعة الكل خايف=وملجم فمي اهل الفتن والاشاعه
وقاهر عصابات البدع والطوايف=والي لهم في مملكتنا طماعه
التابعين الفكر الاصلاح زايف=الحاسدين الهالبلد في اجتماعه
العابثين بأمن دار الولايف=أللي نزل فيها الوحي والشفاعه
وفديتها باغلا الدماء والكلايف=يارمز للرحمه ورمز الشجاعه
يالله عساه ألجنة الخلد نايف=ويغسله بالماء والبرد كل ساعه
ياسامع دعوة عبيدك وشايف=بأمرك رضينا والك سمع وطاعه

إلى جنة الخلد بإذن الله يا بو سعود

[الشفق]

ذنبي ترى برقبتك
*

ان غبت في غيابك عليه تجني=لامنك ابطيت وذبل وردي عصير
ذنبي ترى برقبتك ان غبت عني=ارحم ولا تشعـل بصدري دوافير
ماحيلتي غير الصبر والتمني =واحاول ادور لك الفين تبرير
واقـول تكفي لا تخيبه ظـني= تراي اشـوفك حـلم محتاج تفسير
في واقعي عشتك وحبك فتني=جابتك في دربي حظوظ ومقادير
بعد عشقـت اعيونك وصرت منـي=شف قلبي اتعبني ويكفخ كما الطير
والفكرمـقلـقني ولا يـرجهـنـي=والروح ولهانه ومن جسمي اتطير
يمـك تبي وصلـك وحبك سكـني=عجل واسوق الك الغـلا والتباشير
زرني وانا افرح بك وبالشعر اغني=واطرب مسامعك بجميل التعابير
اشيل هم ٍ عنك وانت احتضنـي=واشوف في عينك غلا لي وتقديـر
أسمع صدى نبضات قلبٍ يحنـي=فيه انت تسكن وألك ميزه عن الغير
متربـعٍ وسطـه عسـاك متهنـي=والعذر منك ان صار ياشوق تقصير

[الشفق]

يا اللي بدعت القوافـي غنهـا هـات هـات
*

يا اللي بدعت القوافـي غنهـا هـات هـات=عرضه ومسحوب وهجيني ورجز وطويل
وألا صخري مع مديد وهزج عذبٍ ثبـات=وعلى الحداء والبسيط الشعرهاته جزيل
من غيض ولا من الفيظ انقشة بالصفاة=خله ينومسك وافطن لا تجيب الهزيل
والفكر دايم خيوله للطلب مسرجات=في الصدر لادق هاجوسه يجيله صهيل
اطرب مسامع هل الذوق الرفيع الهواة=والناقد الي درس علم اللغه فالخليل
وارق بسمو الفكر في قمة النايفات=وغرس ورود المعاني واسقها سلسبيل
اقطف ثمار الادب مادام اهي يانعات=وانثر عبير المشاعر في زمنها الجميل
عالج قضايا تهم المجتمع مبهمات=واشرح برؤيتك يالشهم الكريم النبيل
عن واقع فيه ياكثر الفتن والشتات=وفيه المبادي تغير بين جيل وجيل
واهل القلوب الخضرعطهم دروس وعضات = واعزف لهم لحن يشفي كل قلبٍ عليل
ارسم على صفحة التاريخ بالمفردات=اجمل معاني حروف الشعر قبل الرحيل