..♥♥ ديوُان الشآعر .. غازيّ الحارثيّ ..♥♥

[شِيخةّ الغِيد |❥]

##











صبآح ..مسآء زاخِر بالخيراتّ


السسلآم عليكُم ورَحَمة الله وبركآته ..






مُحبيّ الشِعرّ ومتذوُقيّ طَعم الابدآعّ

شِعراً عذباً سلسبيلَآ
نُهنىء شآعرناََ المَبدعّ ..




غازي الحارثيّ ..
بِ أَفتتآح ديوُانه الخاصّ ومٌتكأ قصآئِدةّ وابداعاتهّ
مُبارك لنآ ولَهْ

مُتابعه مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[الشفق]

##



راع الطيب
*

البارحه يا محزمي راعي الطيب
ضاقت بي فجوج الوسيعه وغنيت


ارسلت للمزيون جزل المكاتيب
بيتٍ وراء بيتٍ وبيتٍ وراء بيت

علمتها بن الهواء حيل تعذيب
سهران ليلي ماعرفت عيني تبيت

واعطيتها ما تطلبه من مطاليب
وأهديتها قلب ٍ على حبها ميت

وأسرجت خيل الشعر طوعاً بترتيب
ومن نبض قلبي صوت موال جريت

موال لحنه يشبه عواك يا ذيب
شقيت صدري بأعذب اللحن شقيت

ردت وقالت لي ب(همسه) وتأديب
ياشاعري مجبور تنسى وعييت

غازي الحارثي

[الشفق]

##






بنك المحبه
الاوله / سلام من كف حلحيل
حسب العوايد والذي فالعقيده

تسليمتن تنصى زحول الرياجيل
تأخذ حقوق وتختصر ما نريده

والثانيه / صب اشقر البن والهيل
فنجال يكفيني لنظم القصيده

وذلول شعري لا سرى يقطع السيل
واركيت في حمله وفكيت قيده

والثالثه / جيت أعتذر واوفي الكيل
واقص راس العلم واقطع وريده

ياللي عليك اخطيت أسف وتقبيل
في جبهتك يكفيك والا نزيده
والرابعه / لو مالت الناس ما ميل
بنك المحبه ما نقصنا رصيده

لو زالت الدنيا فلا يمكن تزيل
لوحة غلاك اللي لروحي طريده

والخامسه / لو يختلف جيل عن جيل
يبقى قصيدي فالثياب الجديده

شاعر واعد الصدق من دون تضليل
والشعر صافحني وصافحت إيده

غازي الحارثي

[الشفق]

بسم الله الرحمن الرحيم


السلام عليكم ورحمة الله وبركاته




تبغي الصراحه ؟مابقي شي ينقـال=لاشـك حبـك يالغـلا سـم حالـي
أسهرت عيني لجلك شهور وليـال=تكفين روفي فـي خفوقـي تعالـي
يا بنت حتى لو غيابك علـي طـال=أ بنتظـر لقيـاك فـي كـل حالـي
عز الله إن النوم مـا عـاد ينطـال=عيني جفاهـا النـوم وا عزتالـي
عندي سؤال ؟وجاوبيني على جـال=هو هجـر ولا بُعـد ولا إنشغالـي
والله أحبك حب يصدع لـه جبـال=وتفداك كل الناس 00 عمي وخالي
ويفداك شخص ٍ حبك وصابه هبـال=ومن زود حبك مرخص ٍ كل غالـي
أبيع كل الناس لو كـان بـر يـال=وأشريك لو إنـك بكامـل حلالـي
وأشرب مرار الكأس في كل الاحوال=واظفر بشوفك يـا غناتـي قبالـي
ياللي هدب عينـك يظللنـي ظـلال=وفي وسط عينك حلتـي وإرتحالـي
وياللي جبينك مثـل قنديـل شغـال=والعنق عنق الريم ذيـك الغزالـي
والخشم سلة سيف تفـداه الأمـوال=ومن دون زينك سـال دم الرجالـي
غنيت في وصفك من الشعر مـوال=لكـن مـا وفيـت وا هـم ألالـي
أبختصر؟ وصفك ترى شي ٍ محـال=قد فقت يالمجمـول كـل الخيالـي
تبغي الصراحه؟ لا طريتي على البال=تأتيني الأشعـار مـن كـل جالـي



وسلامتكم


ابو راكان غازي الحارثي

[الشفق]

بسم الله الرحمن الرحيم


السلام عليكم ورحمة الله وبركاته




إسمحيلي بسافر مابقي لي محل=دام قلبك غناتي أصبح اليوم غير
دام حبي حبيبي من خفوقك رحل=ليه ؟ ابقاء اتحرى في عذاب الضمير
صرت انا في حياتك منبع ٍ للمل=مات حبك فقلبي والمقدر يصير
قلتها والمدامع فوق خدي تهل=هي جزاتي عذابك يالهنوف الصغير
آآآآآآآآه يا جرحي اللي فالضماير نزل=من يداوي جروح ٍ جبتها يا العشير
كنت احسبك وليف الروح قل وش حصل=ليه تترك حبيبك مثل ذاك الضرير
قلبي اليوم عافك لا تحري الامل= عقب ما كان قلبي يوم أشوفك يطير
برجع اليوم للماضي واشوف الخلل=واحتمل كل ذكرى تشتعل كالسعير
ياطريق المحبه مابقي لك محل=قلتها واتحمل بردها والهجير




بقلمي / غازي الحارثي

[الشفق]

بسم الله الرحمن الرحيم


السلام عليكم ورحمة الله وبركاته


رجعت لك يا بحر

رجعت لك يا بحر من بعد غيبه=لعلي ألقاء بعد صمتك إجابه
لا تاخذك عزه .. ولا تجيك هيبه=وانا وموجك في غضبنا إنتشابه
في عيني ... بحور .. وجحيم .. بلهيبه=وفي نونها مركب نجاه .. وسحابه
ولي هامتن ما تنحني من غليبه= حتى ولو جاء لزمان إنقلابه
ولي قلب وافي ما يخون بصحيبه=حاضر وغايب يحتمي في جنابه
لكن في ذا الوقت ماهي غريبه=لا جاك من بعض الحبايب حرابه
اصبحت من صرف المقادير شيبه=وعزي لمن شيب وهو في شبابه
واللي على بال البحر لي يجيبه=لو اني أدري (ماش) عنده إجابه

غازي الحارثي