أن رحت ياكثرهم

[فرحة زمن]

العذر مكتـوب لاصـار الخطـا مقـري
اسفه على ضحكتي اسفه على احزانـي

خطـاي معـذور والا غلطتـي عـذري
ومـرارة العـذر فـي قلبـي وبلسانـي

مدرى وش اللى ذكرته وضاق به صدري
مدرى وش اللـي نسيـت ولاتناسانـي

لبست انا ثـوب لا طولـي ولا قصـري
يا طيبة القلب .. وين القلـب ودانـي.؟

سنتين من عمره مرت ومـن عمـري
سنتيـن احـس الزمـن فيهـا تعدانـي

سنتين مرت حياتـي مـن ورا ظهـري
والحب سجنـي ومسجونـي وسجانـي

والشعر مطرود من قلبي ومـن فكـري
سنتين مانـي بأنـا مانـي بحـد ثانـي

غنيت للنـاس والدنيـا علـى خبـري
والشعر في دفتـري مغـرور وانسانـي

غنيـت للحـب يـوم عيونهـ تغـري
يـوم الوفـا والكـلام الطيـب ألحانـي

غنيـت للدمـع يـوم أن البكـا كبـري
واليوم أنا اكبر من دموعـي وحرمانـي

اليوم ماعاد يمدي اللـي جـرح يبـري
مليت مـن كثـرة خطاياهـم وغفرانـي

مليت أنا الشعر مل الشعر مـن شعـري
مليت انا الحـب مـل الحـب وجدانـي

ليه أنكسر بالعيون اللـي تبـي كسـري
ليـه اتغـرب ورا حزنـي وكتمـانـي

العيـن ماتستحـي والوجـه مـايـذري
ماعاد يجزي هل المعـروف بإحسانـي

لو هو عليّه عزيز النفس من صغـري
ما أشاور القلب فـي كرهـي لعدوانـي

إن رحت ياكثرهـم وإن جيـت ياكثـري
ضاقت بي عيونهم لـو كنـت وحدانـي

تعبت وازريت ما مليـت مـن صبـري
ليت الذي راح منـي كثـر مـا جانـي

أحيان ودي أطيح مـن التعـب وازري
وتشيلنـي عزتـي وسـلـوم جـدانـي

[الشفق]

اختيار جميل
من ذائقتك الاجمل فرحة زمن
لاغابت سمو اطلالتك
مودتي

[شِيخةّ الغِيد |❥]

تِسسَلم اياديكك الَجميله يافرَحه
ذائِقة مُترفه
يعطيكك العافيهه
وديّ ...

[صدى الملاعب]

فرحه زمن
صح الله لســـان شاعرها وسلم لنا حسك وفكرك
ودام حرفك في بوحك أختي الكريمه
دمتى وداااااااااام إبداعك

تقبلى مروري

[فرحة زمن]

أشكر مروركم الكريم
ودي

[فرحة زمن]

أشكر مروركم الكريم
ودي

[ملائكيه]

اختيار جميل
راقت لي شكرا فرحه
طابت اوقاتك